يوپۇرعى اۋدانى
جازعى جيىن - تەرىن، جازعى ەگىس جۇمىسى قاۋىرت جۇرىلۋدە
2020.06.18 13:58 كەلۋ قاينارى : شينجياڭ گازەتى
□ گازەتىمىزدىڭ جالپىلىق اقپارات قۇرالدارى ءتىلشىسى حان چينيان، ەرىكتى ءتىلشى رىن لييىڭ
6 - ايدىڭ ورتا شەنىندە يوپۇرعى اۋدانى جازعى استىقتى جيناپ قامباعا ەنگىزدى، جازعى ەگىس جۇمىسى اياقتاۋعا تاياپ، جازعى ءۇش جۇمىس تارتىپپەن جۇرىلۋدە. بيىل جازدا يوپۇرعىنىڭ بايتاق دالاسىندا وزگەشە كەلبەت جارىققا شىقتى.
”قازىر ەگۋدەن جيناپ الۋعا دەيىن تۇگەلدەي ماشينالاسقان، ەڭكەيمەي - اق ءبيدايدى ورىپ الامىز“، - دەدى التىن سارى ءتۇستى ءبيداي اتىزىندا يوپۇرعى اۋدانى باياۋات اۋىلى جاڭابازار قىستاعىنىڭ تۇرعىنى ءسامار نيازاحمەت ءوزىن كەڭگە سالىپ.
ونىڭ اتىزىندا ماشينالار گۇرىلدەپ، ءىرى تۇرپاتتى كومباين ءبيدايدى تاپ - تازا وردى، اتىز باسىندا كۇتىپ تۇرعان تراكتورلار جاڭا عانا ورىلعان ءبيدايدى تاسىپ اكەتىپ تۇر.
”اتىز باسىنا ەكى بۇيىمتايمەن كەلدىم، ءبىرى، اۋىل شارۋاشىلىق ماشيناسىن جۇرگىزۋشىگە قايسى جەر بىزدىكى ەكەندىگىن ايتۋ، ەندى ءبىرى، جاقسى ورىلعان - ورىلماعاندىعىن كورۋ“. ءسامار: ”قىستاققا ءىرى تۇرپاتتى 3 كومباين كەلگەن، بۇكىل قىستاقتىڭ ءبيدايىن بىرنەشە كۇندە - اق ورىپ بولادى“، - دەدى.
”ورۋ جاعدايىنان قاراعاندا، ءبيدايدىڭ مۋ باسىندىق ءتۇسىمى تۇگەلدەي 500 كيلوگرامنان جوعارى بولادى“. باياۋات اۋىلدىق پارتكومنىڭ ورىنباسار شۋجيى، اۋىل باستىعى الىمجان تەبىرەنە: ”كوكتەم ماۋسىمىنداعى اتىزدى باپتاۋ - باسقارۋ مەزگىلىندە ءار قىستاقتا قىزمەت وتەۋ اترەتى قۇرىلىپ، مول ونىمگە قول جەتكىزدىك“، - دەدى.
بيىل يوپۇرعى اۋدانى 190 مىڭ مۋدان استام جەرگە دۇمبە ءبيداي ەكتى، بۇل بىلتىرعى ەگىلگەن جەر اۋماعىنان 20 مىڭ مۋ ارتقان. يوپورعى اۋدانى اۋىل شارۋاشىلىعىن وركەندەتۋ بانكەسى كۇن ىلگەرى سايلانىپ، 40 ميلليون يۋان قارجى دايىندادى، سونداي - اق 5 - ايدىڭ 28 - كۇنى العاشقى توپتا ءبىر ميلليون يۋان قارجى شىعارىپ، نەگىزدىك قارجى رەتىندە جازعى استىقتى ساتىپ الۋعا ىستەتىپ، ”اقشانىڭ استىقتى كۇتۋىن“ ورىنداپ، ەگىنشى قاۋىمنىڭ ”كوڭىلىن ورنىقتىردى“.
مىنا جاقتا ءبيدايدان مول ءونىم الىنسا، انا جاقتاعى 420 مىڭ مۋ جەردەگى بادەننەن شىققان ەرەكشە حوش ءيىس مول ءونىمنىڭ اياق الىسىنا ىلەسىپ بارا جاتقانداي.
”بيىل بادەننىڭ كوكتەۋى ەرەكشە جاقسى، مۋ باسىندىق كىرىس 1900 يۋاننان 2000 يۋانعا دەيىن بولادى“، - دەدى تەرىم قالاشىعى كوتەكىلىك قىستاعىنىڭ تۇرعىنى احات توحتى قۋانىشپەن.
جاقىنعى جىلداردان بەرى، يوپۇرعى اۋدانى ”سەلبەستىك كووپەراتيۆى + بازا + شارۋا وتباسى“ سىندى ەگىمشىلىك جۇمىس ۇلگىسىن كۇش سالا ىلگەرىلەتىپ، بادەن اتىزىن باپتاپ - باسقارۋدى جانە تەحنيكالىق جەتەكشىلىكتى اناعۇرلىم كۇشەيتىپ، بادەن ساپاسىنا كەپىلدىك ەتتى. سەلبەستىك كووپەراتيۆى شارۋالاردىڭ قولىنان بادەن ساتىپ الىپ، ساتۋ ارناسىنا كەپىلدىك ەتىپ، ەگىنشىلەردىڭ كىرىستەرىن ارتتىرۋعا باستادى.
كاسىپ سالاسى تىزبەگىن ۇزارتۋ ءۇشىن، يوپۇرعى اۋدانى شينجياڭ يۋاندا جاسىل اۋىل شارۋاشىلىعىن دامىتۋ شەكتى سەرىكتەستىگىن ەنگىزىپ، بادەندى ىشكەرىلەي مانەرلەپ، اۋىل شارۋاشىلىعى ونىمدەرىنىڭ ۇستەمە قۇنىن ۇزدىكسىز ارتتىرىپ، ەگىنشى بۇقارانىڭ كىرىسىن مولايتتى.
جازعى جيىن - تەرىن كەشەۋىلدەمەسە، قايتالاي ەگۋ كىدىرمەيدى.
تەرىم قالاشىعى يىلتىزلىق قىستاعىندا قۇلاق تۇندىرارلىق ماشينا داۋىسىمەن بىرگە، ەگىن ورىلىپ بولعان ءبيداي اتىزىندا، بادەن اتىزىندا اينالمالى ەگۋ، تۇقىم ءسىڭىرۋ، باتتاۋ سياقتى كۇردەلى جۇمىس جۇرگىزەتىن تراكتورلار جۇگەرى تۇقىمىن قايتالاي سەۋىپ كەلەدى. ”بىرنەشە ساعاتتىق جالعامالى جۇمىس ارقىلى بۇرىن 3 تە 5 كۇندە ورىندالاتىن جازعى جيىن - تەرىن، جازعى ەگىس جۇمىسىن ورىنداپ بولدىق“، - دەدى يىلتىزلىق قىستاعىنىڭ تۇرعىنى وسمان جۇمساق، تەگىس ”بورپىلداق تاقتادا“ قۋانا سويلەپ.
وسماننىڭ ءۇيى 2 سيىر، 8 قوي باعىپ وتىر. ”وسى 3 مۋ جەرگە جۇگەرىنى قايتالاي ەگىپ، سۇرلەم جاساساق، ۇيدەگى سيىر - قويلاردىڭ جەمىنەن تارىقپايمىز“. وسمان: ”اسىپ قالعانىن ساتىپ، كىرىسىمدى ارتتىرامىن“، - دەدى.
بيىل يوپۇرعى اۋدانىنىڭ اۋىل - قالاشىقتارى كەڭ كولەمدە ءىرى تۇرپاتتى اۋىل شارۋاشىلىق ماشينالارىن ىسكە قوسىپ، جۇگەرىنى قايتالاي ەگۋ جۇمىسىن ورىستەتتى، سونداي - اق جاساندى سەرىك ارقىلى جول نۇسقاۋ جۇيەسىنەن پايدالانىپ تۇقىم ءسىڭىرۋ ساپاسىن جوعارىلاتتى. مۇنان سىرت، تۇقىم ءسىڭىرۋ ساپاسىن جوعارىلاتۋ ءۇشىن، يوپۇرعى اۋدانى تەحنيكتەردى اتىز باسىنا بارىپ ەگىنشىلەردىڭ جۇگەرى ەگۋىنە جەتەكشىلىك جاساۋعا ورنالاستىردى، بۇكىل اۋدانداعى 108 مىڭ مۋ جەردە جۇگەرىنى قايتالاي ەگۋ جۇمىسى شامامەن 6 - ايدىڭ ورتا شەنىندە جالپى بەتتىك اياقتالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
