اقسۋ ايماعى 1000نان استام كومباين ءوڭىر اتتاپ جۇمىس ىستەدى
2020.06.18 14:01 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ جىلي، اقسۋ تىلشىلەر پۋنكتىنەن ليۋ حۇڭۋىن 6 - ايدىڭ 15 - كۇنى اقسۋدان حابارلايدى. 6 - ايدىڭ 11 - كۇنى ونسۋ اۋدانى تۇقۋلا اۋىلى داۋيۋان قىستاعىنداعى بوس جەردە ابدۇللا امەتتىڭ نۇسقاۋىمەن كران شوفەرى ءىرى تۇرپاتتى كومباينداردى ءبىر - بىرلەپ ءىرى تۇرپاتتى جايداق تاسىمالداۋ اۆتوموبيلىنە تيەۋدە، ولار قاشقار، حوتانعا بىرگە بارىپ ءوڭىر اتتاپ جازعى جيىن - تەرىن جۇمىسىن ىستەيدى.
قاشقار، حوتاننىڭ ءبيدايىنىڭ پىسۋ مەزگىلى اقسۋدان 10 نەشە كۇن بۇرىن بولادى. بيىل كەدەيلىكتەن ارىلتۋدان قامال الۋعا دەم بەرۋ ءۇشىن، اقسۋ ايماعى 1000نان استام ءىرى تۇرپاتتى كومبايندى قاشقار، حوتان سياقتى جەرلەرگە بارىپ ءوڭىر اتتاپ جۇمىس ىستەۋگە ۇيىمداستىردى.
ابدۇللا تۇقۋلا اۋىلى جوعارعى قۇرباق قىستاعىنىڭ ەگىنشىسى، 3 جىلدىڭ الدىندا ءىرى تۇرپاتتى كومباين ساتىپ العان سوڭ، ءار جىلدىڭ 6 - ايىنىڭ باس شەنىندە قاشقار، حوتانعا بارىپ ءوڭىر اتتاپ جازعى جيىن - تەرىن جۇمىسىن ىستەيدى. قايتىپ كەلە سالا جەرگىلىكتى ورىننىڭ جازعى جيىن - تەرىنىنە ات سالىسادى، وسىلايشا ول ءار جىلى كىرىسىن 20 نەشە مىڭ يۋان ارتتىرادى.
1000 شارشى مەتر جەرگە جەتپەيتىن بوس جەرگە 50دەن استام ءتۇرلى تۇرپاتتاعى كومباين توقتاتىلىپتى. ”بۇرىنعى جىلدارى ءبىز كومبايندى ءوزىمىز جۇرگىزىپ قاشقار، حوتانعا باراتىنبىز، قارقىنى باياۋ بولىپ قانا قالماستان، جول ءجۇرۋ دە قاتەرلى ەدى. سوندىقتان ءبىز ءبىر تۇتاس ءىرى تۇرپاتتى جايداق تاسىمالداۋ اۆتوموبيلىن جالداپ، كومبايندى تيەپ اپارامىز، بۇل ۋاقىتتى ۇنەمدەپ قانا قالماي، حاۋىپسىزدىك كوەففيتسەنتىن دە جوعارىلاتادى“. ەگىنشى احىمەت امەت ءوزىنىڭ 4 ءىرى تۇرپاتتى كومباينى بار ەكەندىگىن، جىل سايىن سىرتقا شىعىپ جازعى جيىن - تەرىن جۇمىسىن ىستەپ، 100 مىڭ يۋاننان استام كىرىس كىرگىزەتىندىگىن ايتتى.
اقسۋ ايماقتىق اۋىل شارۋاشىلىعى، اۋىل - قىستاق مەكەمەسى اۋىل شارۋاشىلىعى ماشينالارىن باسقارۋ ءبولىمىنىڭ باستىعى جۋ شياۋفاڭ بىلاي دەپ تانىستىردى: 6 - ايدىڭ باس شەنىنەن باستاپ، اقسۋ ايماعىنىڭ جەر - جەرىندەگى ءىرى تۇرپاتتى كومبايندار قاشقار، حوتان سياقتى جەرلەرگە ىركەس - تىركەس بارىپ ءوڭىر اتتاپ جازعى جيىن - تەرىن جۇمىسىن ىستەيدى. بيىلعى اۋىل شارۋاشىلىق ماشينالارىنىڭ ءوڭىر اتتاپ جۇمىس جۇرگىزۋىن ويداعىداي ۇيىمداستىرۋ ءۇشىن، ءار دارەجەلى اۋىل شارۋاشىلىق ماشينا تاراۋلارى دەر كەزىندە ”ءوڭىر اتتاپ جۇمىس ىستەۋ كۋالىگىن“ تاراتتى ءارى ءوڭىر اتتاپ جازعى جيىن - تەرىن قىزمەت وتەۋ اترەتىن قۇرىپ، ءوڭىر اتتاپ جۇمىس ىستەيتىن اۋىل شارۋاشىلىق ماشينا - جابدىقتارى مەن اۋىل شارۋاشىلىق ماشينالارىن جۇرگىزۋشىلەردى ءتارتىپتى ورنالاستىرىپ، حاۋىپسىز ءوندىرىس جۇرگىزۋگە شىنايى كەپىلدىك ەتتى.
جۋىق جىلداردان بەرى، اۋىل شارۋاشىلىق ماشينا - جابدىقتارىن ساتىپ الۋعا قوسىمشا قاراجات بەرۋدەي حالىققا تيىمدىلىك جەتكىزۋ ساياساتىنىڭ پايداسىن كورگەندىكتەن، اقسۋ ايماعىنداعى اۋىل شارۋاشىلىق ماشينا - جابدىقتارىنىڭ سانى جىلدان - جىلعا ارتتى. قازىرگە دەيىن تۇتاس ايماقتا ءتۇرلى اۋىل شارۋاشىلىق ماشينا - جابدىقتاردان 60 مىڭنان استامى بار، مۇنىڭ ىشىندە ءوڭىر اتتاپ جۇمىس ىستەۋ قابىلەتىن ازىرلەگەن ءىرى تۇرپاتتى كومباين 1925. اۋىل شارۋاشىلىق ماشينالارىنىڭ سانى ارتىپ، جەرگىلىكتى ورىننىڭ جازعى جيىن - تەرىن جۇمىسىن ىستەۋىن قامتاماسىز ەتۋدەن تىس، اناعۇرلىم كوپ ەگىنشى ءبيداي ورۋ كولەمىن بىرتىندەپ قاشقار، حوتان سياقتى جەرلەرگە كەڭەيتتى.
ءوڭىر اتتاپ جازعى جيىن - تەرىن جۇمىسىن ىستەۋگە ساياتىن اۆتوموبيل، ادام كوپ بولعاندىقتان، اقسۋ ايماعى اۋىل شارۋاشىلىق ماشينا - جابدىقتارىن تەكسەرۋ تولىمدىلىق كۋالىگى ءتۇزىمىن قاتاڭ تياناقتاندىرىپ، اۋىل شارۋاشىلىق ماشينا - جابدىقتارىنىڭ تاماشا كۇيمەن وندىرىسكە ات سالىسۋىنا شىنايى كەپىلدىك ەتتى. سونىمەن بىرگە، كومباين، ورۋ - كەپتىرۋ ماشيناسى، ءدان ايىرۋ ماشيناسى، جەر جىرتۋ ماشيناسى سياقتى اۋىل شارۋاشىلىق ماشينا - جابدىقتارىن تەكسەرۋ - جوندەۋدى، سىناۋدى ءتۇيىندى تۇردە كۇشەيتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
