شي جينپيڭ جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىن باسقاردى ءارى ارقاۋ ءسوز سويلەدى
جۇڭگو مەن افريكانىڭ ىندەتتىڭ قاتاڭ سىنىنان ءوتىپ، دوستىق، ءوزارا سەنىمدىلىگىنىڭ اناعۇرلىم نىعايعاندىعىن اتاپ كورسەتتى، جۇڭگو مەن افريكا تاباندىلىقپەن قول ۇستاسا ىندەتكە قارسى اتتانىپ، جۇڭگو - افريكا سەلبەستىگىن ىلگەرىلەتىپ، كوپ جاقتىلىقتى امالياتتا ايگىلەپ، جۇڭگو مەن افريكانىڭ دوستىعىن ىلگەرىلەتىپ، جۇڭگو - افريكا دەنساۋلىق ساقتاۋ، سالاماتتىق ورتاق تۇلعاسىن بىرگە قۇرىپ، جۇڭگو مەن افريكانىڭ جان − جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ جوعارى دەڭگەيدە دامۋىن ىلگەرىلەتۋ كەرەكتىگىن باسا دارىپتەدى
ۋاڭ حۋنيڭ قاتىناستى
2020.06.19 14:33 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 17 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 17 - كۇنى كەشتە بەيجيڭدە جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىن باسقاردى ءارى «ىندەتكە ىنتىماقتاسا قارسى اتتانىپ، ۋاقىتتىق قيىندىقتاردى بىرگە جەڭەيىك» دەگەن تاقىرىپتا ارقاۋ ءسوز سويلەدى. شي جينپيڭ بىلاي دەپ باسا دارىپتەدى: ىندەت الدىندا جۇڭگو مەن افريكا ءوزارا قولداۋ كورسەتىپ، تىزە قوسا شايقاس جاسادى، جۇڭگو مەن افريكا ونان ارى ىنتىماقتاسىپ، دوستىق ءوزارا سەنىمدىلىگى اناعۇرلىم نىعايا ءتۇستى. جۇڭگو جاق جۇڭگو مەن افريكانىڭ ءداستۇرلى دوستىعىن قاستەرلەيدى، حالىقارالىق جاعداي قالاي قۇبىلسا دا جۇڭگو جاقتىڭ جۇڭگو مەن افريكانىڭ ىنتىماعىن، سەلبەستىگىن كۇشەيتۋ بەكىمى استە اۋىتقىمايدى. جۇڭگو جاق افريكا جاقتىڭ ىندەتكە قارسى اتتانۋ ارەكەتىن ۇزدىكسىز بار كۇشىمەن قولدايدى. ەكى جاق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ەڭ زور قۇلشىنىس ارقىلى حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاپ، تاباندىلىقپەن قول ۇستاسا ىندەتكە قارسى اتتانىپ، جۇڭگو - افريكا سەلبەستىگىن تاباندىلىقپەن ىلگەرىلەتىپ، كوپ جاقتىلىقتى تاباندىلىقپەن امالياتتا ايگىلەپ، جۇڭگو مەن افريكانىڭ دوستىعىن تاباندىلىقپەن ىلگەرىلەتىپ، جۇڭگو - افريكا دەنساۋلىق ساقتاۋ، سالاماتتىق ورتاق تۇلعاسىن جانە اناعۇرلىم تىعىز جۇڭگو - افريكا تاعدىرلاس ورتاق تۇلعاسىن بىرگە قۇرۋ كەرەك. كەڭەستە «جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىنىڭ بىرلەسكەن مالىمدەمەسى» جاريالانىپ، حالىقارالىق قوعامعا جۇڭگو مەن افريكانىڭ ىنتىماعىنىڭ، سەلبەستىگىنىڭ داۋىرلىك قۋاتتى ءۇنى تاراتىلدى.
وسى رەتكى ەلباسىلار كەڭەسىن جۇڭگو مەن افريكا وداعىنىڭ كەزەكتى ءتوراعا ەلى وڭتۇستىك افريكا، جۇڭگو - افريكا سەلبەستىك تالقى مىنبەرىنىڭ تەڭ ءتوراعا ەلى سەنەگال بىرگە باستاما كوتەرىپ، بەينەەكران تاسىلىندە وتكىزدى. وڭتۇستىك افريكانىڭ زۇڭتۇڭى رامافوسا، سەنەگالدىڭ زۇڭتۇڭى سالل جانە ەگيپەتتىڭ زۇڭتۇڭى سيسي، گونگونىڭ (كينشاسا) زۇڭتۇڭى چيسەكەدي، الجيريانىڭ زۇڭتۇڭى تەبوۋىن، گابوننىڭ زۇڭتۇڭى بونگو، كەنيانىڭ زۇڭتۇڭى كەنياتتا، ماليدىڭ زۇڭتۇڭى كەيتا، نيگەردىڭ زۇڭتۇڭى يسسوۇفوۋ، نيگەريانىڭ زۇڭتۇڭى بۇحاري، رۋاندانىڭ زۇڭتۇڭى كاگامە، زيمبابۆەنىڭ زۇڭتۇڭى منانگاگۋا، ەفيوپيانىڭ زۇڭليى الي، سونداي - اق افريكا وداعى كوميتەتىنىڭ ءتوراعاسى فاكي قاتىناستى. بىرلەسكەن مەملەكەتتەر ۇيىمىنىڭ باس حاتشىسى گۋتەرەس، دۇنيە جۇزىلىك دەنساۋلىق ساقتاۋ ۇيىمىنىڭ باسالقاسى تان دىساي ەرەكشە ۇسىنىس ەتىلگەن سيلى قوناق رەتىندە كەڭەسكە قاتىناستى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ قاتىناستى.
شي جينپيڭ سوزىندە بىلاي دەپ اتاپ كورسەتتى: بۇكىل الەم بولىپ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانىپ جاتقان ماڭىزدى ساتتە، ءبىز وسى رەتكى جۇڭگو - افريكا ەلباسىلارى ەرەكشە كەڭەسىن وتكىزىپ، جاڭا، كونە دوستارمەن بەينەەكران ارقىلى باس قوسىپ، ىندەتكە ىنتىماقتاسا قارسى اتتانۋ ۇلى جوسپارىن بىرگە اقىلداسىپ، جۇڭگو مەن افريكانىڭ باۋىرلاستىق سۇيىسپەنشىلىگىن بىرگە اڭگىمەلەپ وتىرمىز. وسى رەتكى ىندەت توسىن تۋىلىپ، دۇنيە جۇزىندەگى ەلدەرگە اۋىر سوققى اكەلىپ، ءجۇز مىڭداعان ادامنىڭ قىمباتتى ءومىرىن جالمادى. مەن ىندەتتە باقىتقا قارسى قازا بولعاندارعا ءۇنسىز ازا ءبىلدىرۋدى ۇسىنامىن، ولاردىڭ تۋىس - تۋعاندارىنان حال سۇرايمىن.
شي جينپيڭ بىلاي دەپ باسا دارىپتەدى: ىندەت الدىندا، جۇڭگو مەن افريكا ءوزارا قولداۋ كورسەتىپ، تىزە قوسا شايقاس جاسادى، ەكى جاق ونان ارى ىنتىماقتاسىپ، دوستىق ءوزارا سەنىمدىلىگى اناعۇرلىم نىعايا ءتۇستى. جۇڭگو جاق جۇڭگو مەن افريكانىڭ ءداستۇرلى دوستىعىن قاستەرلەيدى، مەيلى حالىقارالىق جاعداي قالاي قۇبىلسا دا جۇڭگو جاقتىڭ جۇڭگو مەن افريكانىڭ ىنتىماعىن، سەلبەستىگىن كۇشەيتۋ بەكىمى استە اۋىتقىمايدى.
شي جينپيڭ بىلاي دەپ اتاپ كورسەتتى: قازىرگى تاڭدا ىندەت الەمدە ءالى دە ورشۋدە، جۇڭگو مەن افريكا ىندەتكە قارسى اتتانۋدىڭ، ەكونوميكانى ورنىقتىرۋدىڭ، حالىق تۇرمىسىن قامتاماسىز ەتۋدىڭ جاپالى مىندەتىنە ءدوپ كەلىپ وتىر. ءبىز حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بايلىقتى ءبىر تۇتاس جوسپارلاپ، ىنتىماقتاسا سەلبەسىپ، ەڭ زور قۇلشىنىس ارقىلى حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاپ، ىندەتتىڭ كەرى ىقپالىن ەڭ جوعارى شەكتە تومەندەتۋىمىز كەرەك.
ءبىرىنشى، ءبىز تاباندىلىقپەن قول ۇستاسا ىندەتكە قارسى اتتانۋىمىز كەرەك. جۇڭگو جاق افريكا جاقتىڭ ىندەتكە قارسى اتتانۋ ارەكەتىن ۇزدىكسىز بار كۇشىمەن قولداپ، ۇزدىكسىز تۇردە افريكا ەلدەرىنە زاتتىق ماتەريالمەن كومەكتەسەدى، ەمدەۋ ماماندارى گرۋپپاسىن جىبەرەدى، افريكا جاقتىڭ جۇڭگوعا كەلىپ ىندەتكە قارسى زاتتىق ماتەريالداردى ساتىپ الۋىنا سايكەسەدى، كومەكتەسەدى. جۇڭگو جاق افريكانىڭ اۋرۋدى تىزگىندەۋ ورتالىعى باس شتابى قۇرىلىسىن وسى جىل ىشىندە مەزگىلىنەن بۇرىن باستاپ، افريكا جاقپەن بىرگە جۇڭگو - افريكا سەلبەستىگى تالقى مىنبەرى اياسىنداعى ”سالاماتتىق، دەنساۋلىق ساقتاۋ ارەكەتىن“ ويداعىداي اتقارىپ، جۇڭگو - افريكا دوستىق شيپاحاناسى قۇرىلىسىن جانە جۇڭگو مەن افريكانىڭ باعىتتامالى شيپاحانا سەلبەستىگىن جەدەلدەتىپ، جۇڭگو مەن افريكانىڭ دەنساۋلىق ساقتاۋ سالاماتتىق ورتاق تۇلعاسىن بىرگە قۇرادى. جۇڭگو جاق جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن زەرتتەپ جاساپ ءارى ىسكە قوسىپ پايدالانۋعا بەرگەن سوڭ، الدىمەن افريكا ەلدەرىن يگىلىككە كەنەلدىرۋگە ۋادە بەرەدى.
ەكىنشى، ءبىز جۇڭگو - افريكا سەلبەستىگىن تاباندىلىقپەن ىلگەرىلەتۋىمىز كەرەك. جۇڭگو جاق جۇڭگو - افريكا سەلبەستىگى تالقى مىنبەرى اياسىندا قاتىستى افريكا ەلدەرىنىڭ 2020 - جىلدىڭ اياعىندا ۋاقىتى تولاتىن جۇڭگودان العان ءوسىمسىز قارىز اقشاسىن كەشىرىم ەتەدى، حالىقارالىق قوعاممەن بىرگە، ىندەت توتەنشە اۋىر، قىسىم توتەنشە زور بولعان افريكا ەلدەرىنە قارىز قايتارۋدى كەشەۋىلدەتۋدىڭ ۋاقىتىن ونان ارى ۇزارتۋدى قامتىعان قولداۋ سەرپىنىن كۇشەيتەدى. جۇڭگو جاق جۇڭگونىڭ قاتىستى فينانس قۇرىلىمدارىن 20 ەل توبىنىڭ قارىز قايتارۋدى كەشەۋىلدەتۋ باستاماسى بويىنشا، بازار پرينسيبىنە ساي افريكا ەلدەرىمەن ساۋدا يەلىك ۇقىعى بويىنشا قارىز اقشا ورنالاستىرۋ جونىندە دوستىق كەڭەس وتكىزۋگە شابىتتاندىرادى. جۇڭگو جاق 20 ەل توبىنىڭ مۇشەلەرىمەن بىرگە 20 ەل توبىنىڭ قارىز قايتارۋدى كەشەۋىلدەتۋ باستاماسىن تياناقتاندىرادى ءارى 20 ەل توبىن قازىرگى قارىز قايتارۋدى كەشەۋىلدەتۋ باستاماسىن تياناقتاندىرۋ نەگىزىندە، افريكا ەلدەرىن قامتىعان قاتىستى مەملەكەتتەردىڭ قارىز قايتارۋدى كەشەۋىلدەتۋ شەكتى مەرزىمىن ونان ارى ۇزارتۋعا ۇندەيدى. حالىقارالىق قوعامنىڭ، اسىرەسە، دامىعان ەلدەر مەن كوپ جاقتى فينانس قۇرىلىمدارىنىڭ افريكانىڭ قارىزىن جەڭىلدەتۋ، قارىز قايتارۋىن كەشەۋىلدەتۋ ماسەلەسىندە اناعۇرلىم پارمەندى ارەكەت قولدانۋىن ءۇمىت ەتەمىز. جۇڭگو جاق افريكا جاقتىڭ تىلەگىنە قۇرمەت ەتۋ نەگىزىندە بىرلەسكەن مەملەكەتتەر ۇيىمىمەن، دۇنيە جۇزىلىك دەنساۋلىق ساقتاۋ ۇيىمىمەن، سونداي - اق باسقا دا سەرىكتەرمەن افريكانىڭ ىندەتكە قارسى اتتانۋىنا كومەكتەسۋ سەلبەستىگىن ورىستەتۋدى قالايدى. جۇڭگو جاق افريكا قۇرلىعىنىڭ ەركىن ساۋدا رايونى قۇرىلىسىن قولدايدى، افريكانىڭ ۇلاستىرۋ، تۇتاستىرۋ جانە كاسىپ سالاسى تىزبەگىن، قامداۋ تىزبەگىن قامتاماسىز ەتۋ قۇرىلىسىن كۇشەيتۋدى قولدايدى، افريكا جاقپەن بىرگە سيفرلى ەكونوميكا، زەردەلى قالا، تازا ەنەرگيا، 5G قاتارلى جاڭا كاسىپ كۇيى سەلبەستىگىن بىرگە ورىستەتۋدى قالايدى.
ءۇشىنشى، ءبىز كوپ جاقتىلىقتى تاباندىلىقپەن امالياتتا ايگىلەۋىمىز كەرەك. جۇڭگو جاق افريكا جاقپەن بىرگە بىرلەسكەن مەملەكەتتەر ۇيىمىن وزەك ەتكەن الەمدىك جونگە سالۋ جۇيەسىن قورعاپ، دۇنيە جۇزىلىك دەنساۋلىق ساقتاۋ ۇيىمىنىڭ الەمدىك ىندەتكە قارسى اتتانۋعا اناعۇرلىم زور ۇلەس قوسۋىن قولداۋدى قالايدى. ءبىز ىندەتتى ساياسيلاندىرۋعا، ۆيرۋستى بىرەۋگە تاۋەلدەۋگە قارسى تۇرامىز، ناسىلدىك كەمسىتۋگە جانە يدەولوگيالىق سىڭار جاقتىلىققا قارسى تۇرامىز، حالىقارالىق ادىلدىك پەن تۋراشىلدىقتى تاباندىلىقپەن قورعايمىز.
ءتورتىنشى، ءبىز جۇڭگو - افريكا دوستىعىن تاباندىلىقپەن ىلگەرىلەتۋىمىز كەرەك. مەن ارىپتەستەرمەن تىعىز بايلانىستى ساقتاپ، دوستىق ءوزارا سەنىمدىلىكتى نىعايتىپ، ءبىر - ءبىرىنىڭ وزەكتى مۇددەسىنە ساياتىن ماسەلەدە ءبىرىن - ءبىرى قولداپ، جۇڭگو مەن افريكانىڭ جانە وركەندەپ كەلە جاتقان ەلدەردىڭ ءتۇبىرلى مۇددەسىن بىرگە قورعاپ، جۇڭگو مەن افريكانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ جوعارى دەڭگەيدە دامۋىن ىلگەرىلەتۋدى قالايمىن.
شي جينپيڭ ەڭ سوڭىندا بىلاي دەپ باسا دارىپتەدى: ءبىز جۇڭگو - افريكا سەلبەستىگى تالقى مىنبەرى بەيجيڭ باسشىلار كەڭەسىندە جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن قۇرۋدى ءبىر اۋىزدان ۇيعاردىق. بۇگىن ءبىزدىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىن اشۋداعى ماقساتىمىز بەيجيڭ باسشىلار كەڭەسىندەگى ۋادەنى ءىس جۇزىندىك ارەكەت ارقىلى ورىنداۋ ءارى حالىقارالىق قوعامنىڭ ىندەتكە قارسى اتتانۋ سەلبەستىگىنە ەسە قوسۋ. مەن ادامزاتتىڭ ىندەتتى، ءسوزسىز، جەڭەتىندىگىنە، جۇڭگو، افريكا حالىقتارىنىڭ دا، ءسوزسىز، اناعۇرلىم كوركەم تۇرمىس كەشىرەتىندىگىنە سەنەمىن.
شەتەل جاقتىڭ باسشىلارى سوزدەرىندە جابال مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدە، افريكادا تارالعان، ورشىگەن شەشۋشى ساتتە جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىن اشۋ ەرەكشە ماڭىزدى مانگە يە، ول افريكا مەن جۇڭگونىڭ دوستىعىنىڭ بەكەمدىگىن جانە افريكا - جۇڭگو قارىم - قاتىناسىنىڭ بەرىكتىگىن تاعى ءبىر رەت ايگىلەدى. جۇڭگو افريكا ەلدەرىمەن ءوزارا قولداۋ كورسەتىپ، ءوزارا قارايلاسىپ، قيىن - قىستاۋدى بىرگە وتكەرىپ، افريكا جاقتىڭ ىندەتكە قارسى اتتانۋىنا زاتتىق ماتەريال، تەحنيكا، تاجىريبە سياقتى ءار جاقتاردان قىمباتتى كومەك بەردى جانە قولداۋ كورسەتتى، افريكا ەلدەرى بۇعان ەرەكشە العىس ايتادى. ىندەت بۇرىن بولىپ كورمەگەن دارەجەدەگى قاتاڭ بۇكىل الەمدىك داعدارىس، حالىقارالىق قوعامداعى ءار جاق ىنتىماقتى كۇشەيتىپ، كوپ جاقتىلىققا تاباندى بولىپ، دۇنيە جۇزىلىك دەنساۋلىق ساقتاۋ ۇيىمى قاتارلى حالىقارالىق قۇرىلىمداردىڭ رولىن ساۋلەلەندىرۋىنە قولداۋ كورسەتكەندە عانا شايقاستا اقىرىندا جەڭىسكە جەتە الادى. افريكا جاق قاتىستى الاشاق ەلدەردى جانە حالىقارالىق فينانس قۇرىلىمدارىن افريكا ەلدەرىنىڭ قارىزىن جەڭىلدەتۋ، قارىز قايتارۋىن ونان ارى ۇزارتىپ، دياگنوز قويۋ - ەمدەۋ، ءدارى - دارمەك، ۆاكسينانى زەرتتەپ جاساۋ سياقتى جاقتاردا سەلبەستىكتى كۇشەيتىپ، افريكا ەلدەرىنىڭ ىندەتكە قارسى اتتانۋ قابىلەتىن كۇشەيتۋىنە، ەكونوميكاسىن قالپىنا كەلتىرۋىنە، ءوزىن - ءوزى باسقارۋدى، باياندى دامۋدى جۇزەگە اسىرۋىنا دەم بەرۋگە ۇندەيدى. بۇل جاعىندا، جۇڭگو ۇلگى ورناتىپ، ءىس جۇزىندىك ارەكەتى ارقىلى جۇڭگونىڭ افريكانىڭ بارلىق جاعدايدا بىردەي جاقسى دوسى، جاقسى سەرىگى ەكەندىگىن تاعى ءبىر رەت دالەلدەدى. افريكا جاق افريكا - جۇڭگو جان - جاقتى ستراتەگيالىق سەلبەستىك سەرىكتەستىك قارىم - قاتىناسىن دامىتۋعا باتىل كۇش سالادى، افريكا - جۇڭگو دەنساۋلىق ساقتاۋ، سالاماتتىق ورتاق تۇلعاسىن بىرگە قۇرىپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەدى. افريكا مەن جۇڭگونىڭ ءداستۇرلى دوستىعى ماڭگى جالعاسادى.
وسى رەتكى كەڭەس ناقتى، جوعارى ءونىمدى بولىپ، بەلسەندى، بەرەكەلى رايدا ماڭىزدى ورتاق تانىمعا قول جەتكىزدى. ەلباسىلار كەڭەسىندە «جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىنىڭ بىرلەسكەن مالىمدەمەسى» جاريالاندى. جۇڭگو - افريكا ەكى جاق جۇڭگو مەن افريكانىڭ دوستىعىن تەرەڭدەتىپ، ءوزارا قولداۋدى كۇشەيتىپ، اناعۇرلىم تىعىز جۇڭگو - افريكا تاعدىرلاس ورتاق تۇلعاسىن قۇرۋعا قۇلشىنۋعا؛ ىنتىماقتى، سەلبەستىكتى كۇشەيتىپ، بىرلەسكەن مەملەكەتتەر ۇيىمىنىڭ، سونداي - اق دۇنيە جۇزىلىك دەنساۋلىق ساقتاۋ ۇيىمىنىڭ جەتەكشىلىك جانە سايكەستىرۋ رولىن ساۋلەلەندىرۋىنە قولداۋ كورسەتىپ، ىندەتتى قول ۇستاسىپ جەڭۋگە؛ جۇڭگو - افريكا سەلبەستىگى تالقى مىنبەرى بەيجيڭ باسشىلار كەڭەسىنىڭ تابىستارىن جەدەل تياناقتاندىرىپ، دەنساۋلىق ساقتاۋ، سالاماتتىق، جۇمىستى، ءوندىرىستى قالپىنا كەلتىرۋ، حالىق تۇرمىسىن جاقسارتۋ سالالارىنا اناعۇرلىم كوپ بەيىمدەلۋگە؛ كوپ جاقتىلىقتى قورعاپ، ىندەتتى ساياسيلاندىرۋعا قارسى تۇرىپ، حالىقارالىق ادىلدىك پەن تۋراشىلدىقتى قورعاۋعا بەل بايلادى.
ديڭ شۋەشياڭ، سۇن چۇنلان، ۋاڭ ي، حى ليفىڭ قاتارلىلار قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
