بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

حالىق تۇرمىسىنىڭ ىرىس - قۇتى جۇرتتى مەيىرگە بولەدى

شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا

2020.06.22 16:18     كەلۋ قاينارى : شينجياڭ گازەتى

  ”وسى بىرنەشە جىلدا قىستاقتا وتە زور وزگەرىس بولدى، بارلىق وتباسى بەيقۇت ۇيگە كىردى، بارلىق ادامنىڭ ىستەيتىن جۇمىسى بار، ەمدەلسەك ۇكىمەت ەسەبىنەن كوتەرىلەدى، قارتتار اي سايىن زەينەتاقى الادى، پارتيانىڭ ابزال ساياساتى تۇرمىسىمىزدى بارعان سايىن جاقسارتتى!“، - دەدى 6 - ايدىڭ 19 - كۇنى كۇشار قالاسى الاقارعا قالاشىعى باعۋان قىستاعىنداعى قارت پارتيا مۇشەسى جامالي مامەت شاتتانا.

  جاماليدىڭ قاراپايىم سوزدەرىندە تەرەڭ العىس سەزىمى مەن شاتتىققا تولى ىقىلاسى جاتىر. پارتيا 18 - قۇرىلتايىنان بەرى، وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اۆتونوميالى رايوندىق پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا باستان - اياق تاباندى بولىپ، ءار جىلى قازىنالىق مەجە ەسەپتىڭ %70تەن استامىن حالىق تۇرمىسىن قامتاماسىز ەتۋگە جانە جاقسارتۋعا پايدالانىپ، حالىقتىڭ ىرىس - قۇتىن ۇزدىكسىز ارتتىرىپ، حالىقتىڭ تاماشا تۇرمىسقا دەگەن تالپىنىسىن ءبىر - بىرلەپ رەالدىققا اينالدىردى، تيانشاننىڭ وڭتۇستىگى مەن سولتۇستىگىنىڭ بارلىق جەرىنەن ءار ۇلت حالقى تىنىش ءومىر، شات - شادىمان تىرشىلىك كەشىرگەن، جاراسىمدى، باقىتتى تىڭ كارتينا جارىققا شىقتى.

  ورنىقتى جۇمىستانۋ حالىق تۇرمىسىنىڭ نەگىزىن بەكەمدەدى

  جۋىق جىلداردان بەرى رايونىمىز جۇمىستاندىرۋدى الدىڭعى ورىنعا قويۋعا باستان - اياق تاباندى بولىپ، اۋىل - قىستاقتارداعى ارتىق ەڭبەككۇشتەر، جوعارى مەكتەپتەردەن وقۋ تاۋىسقان وقۋشىلار، جۇمىستانۋى قيىن بولعان ادامدار سياقتى ءتۇيىندى قاۋىمنىڭ جۇمىستانۋىن ايرىقشا مىقتى ۇستادى. 2019 - جىلى رايونىمىزعا قاراستى جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋ سالىستىرماسى %90تەن استى، وڭتۇستىك شينجياڭداعى كەدەي وتباسىلارىنداعى ەڭبەككۇشتەردەن 3 جىلدا 100 مىڭ ادامدى باسقا سالاعا ويىستىرىپ جۇمىستاندىرۋ جوسپارى بويىنشا ءىس جۇزىندە 144 مىڭ ادام جۇمىستاندىرىلىپ، مىندەت ءبىر جىل بۇرىن ارتىعىمەن ورىندالىپ، بىردە - ءبىر ادامى جۇمىستانباعان وتباسىلارى ءبىر تاۋلىكتە يكەمدى جۇمىستاندى.

  بيىل جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا قاراتا، رايونىمىز ىلگەرىندى - كەيىندى اۋىرتپالىقتى جەڭىلدەتۋ، جۇمىستانۋدى ورنىقتىرۋ، جۇمىستانۋدى كەڭەيتۋ، جوعارى مەكتەپتەردەن وقۋ تاۋىسقان وقۋشىلاردىڭ جۇمىستانۋىن جەبەۋ سياقتى ءبىر قىدىرۋ ساياساتتاردى شىعارىپ، الۋان ءتۇرلى شارالار ارقىلى جۇمىستانۋدى ورنىقتىردى، حالىق تۇرمىسىن قامتاماسىزداندىردى.

  ءتىپتى دە كوپ جوعارى مەكتەپ بىتىرگەن وقۋشىلاردىڭ ەرتەرەك جۇمىستانۋى ءۇشىن، اۆتونوميالى رايوندىق قوعامدىق قامتاماسىزداندىرۋ تاراۋلارى قاتىستى تاراۋلارمەن سەلبەسىپ، ءتۇرلى جۇمىستاندىرۋ ورنىنان جيىنى 85 مىڭ 600ىن تالداپ جيناقتادى ءارى ءىسورىندارىنىڭ جوعارى مەكتەپ بىتىرگەن وقۋشىلاردى قىزمەتكە جاريا قابىلداۋ تەبىنىن ارتتىرىپ، بيىل جانە كەلەر 2 جىلداعى تۇتاس رايونىمىزداعى ءار دارەجەلى ءار ءتۇرلى ءىسورىندارىنداعى بوس قىزمەت ورىندارىنا %80تەن تومەن بولماۋ سالىستىرماسى بويىنشا جوعارى مەكتەپتەردەن وقۋ تاۋىسقان وقۋشىلاردى ارناۋلى قابىلداۋعا جۇمساۋدى ايقىندادى (قىزمەت تاڭداۋ مەزگىلىندەگى قىزمەت ورنى تياناقتانباعان جوعارى مەكتەپ بىتىرگەن وقۋشىلاردى قامتيدى).

  جۋىقتا سانجى كاسىپتىك - تەحنيكالىق شۋەيۋانى ەرەكشە ترانسفورماتور شينجياڭ كەرنەۋ وزگەرتكىش زاۆودىنا بيىل وقۋ بىتىرەتىن 104 وقۋشىنى جونەلتتى، وسى شۋەيۋاننىڭ ەلەكتر اۆتوماتتاندىرۋ ماماندىعىنىڭ وقۋشىسى ما فىڭمەي وسىلاردىڭ ءبىرى، ول زاۆودتىڭ ايىرۋ سەحىنا جۇمىسقا ءبولىندى. ”مەكتەپ پەن كاسىپورىن قول قويعان باعىتتامالى باۋلۋ - جۇمىستاندىرۋ كەلىسىمى ارقىلى مەن وتە ءساتتى تۇردە قىزمەت تاۋىپ الدىم، ايلىق كىرىسىم 5000 يۋاننان اسادى“، - دەدى ما فىڭمەي.

  ”ءبىز ساياساتتى تياناقتاندىرۋدى ءتۇيىندى مىقتى ۇستاپ، مەكتەپ ءبىتىرىپ جۇمىستانباعان جوعارى مەكتەپ بىتىرگەن وقۋشىلاردىڭ كوپ ءتۇرلى ارنا ارقىلى ەرتەرەك جۇمىستانۋىن، تەزىرەك جۇمىستانۋىن جۇزەگە اسىرامىز“، - دەدى 6 - ايدىڭ 19 - كۇنى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ جۇمىستاندىرۋدى جەبەۋ باسقارماسىنىڭ ورىنباسار باستىعى ما جاۋفىڭ.

  ولقىلىقتاردى تولىقتاپ، حالىق تۇرمىسىنىڭ تومەنگى شەگىن مىقتى يگەردى

  ”الدىڭعى جولى مەن ناۋقاستانىپ شيپاحاناعا جاتىپ، 8000 نەشە يۋان جۇمسادىم، قالا، اۋىل تۇرعىندارىنىڭ نەگىزگى ەمدەۋ قامسىزداندىرۋى، ەمدەۋ، قۇتقارۋ - كومەكتەسۋ، ت. ب بويىنشا ەسەپتەن كوتەرگەننەن كەيىن، ءوزىم از عانا بولىگىن تولەدىم. پارتيانىڭ ابزال ساياساتى ءبىزدىڭ ەمدەلە الۋىمىزعا، ويداعىداي ەمدەلە الۋىمىزعا مۇمكىندىك جاسادى“، - دەدى 6 - ايدىڭ 18 - كۇنى ياركەن اۋدانى بەسكەنت قالاشىعى جوعارى باقتۇرعىراق قىستاعىنىڭ تۇرعىنى نۇحان مامۇت اسەرلەنە.

  كەدەيلىكتەن ارىلتۋدان قامال الۋ شايقاسى جەڭىسكە جەتۋدىڭ شەشۋشى ساتىسىنا ءوتتى، اۋرۋدان كەدەيلەسكەن، اۋرۋدان قايتالاي كەدەيلەسكەن حالىققا كومەكتەسۋدى، سۇيەمەلدەۋدى ويداعىداي ىستەۋدە كەدەيلەردى سۇيەمەلدەۋدىڭ ماشاقاتتى تۇيىندەرىن شەشۋ كەرەك. سوندىقتان رايونىمىز سالاماتتىق جاعىنان كەدەيلەردى سۇيەمەلدەۋدى تىڭعىلىقتى ىلگەرىلەتىپ، ەمدەۋ - قامتاماسىزداندىرۋ ورەسىن جوعارىلاتىپ، ۇلكەن اۋرۋلاردى تومەنگى شەكتە قامتاماسىز ەتۋ ءتۇزىمىن كەمەلدەندىردى، بىلتىر كەدەي حالىقتى ۇلكەن اۋرۋلار بويىنشا ارناۋلى قۇتقارۋ - ەمدەۋدىڭ ناۋقاس تۇرلەرى 32گە كەڭەيىپ، 164 ارناۋلى ەمدەۋ شيپاحاناسى بەلگىلەنىپ، ارحيۆ تۇرعىزىلىپ، كارتچكالاندىرىلعان كەدەي ناۋقاستاردى سالماقتى ناۋقاستاردان قۇتقارۋ - ەمدەۋدى قامتۋ مولشەرى %98تەن استامعا جوعارىلاپ، ”ەسكىلىكتى ناۋقاستاردىڭ“ ”كەدەيلىكتىڭ توركىنى“ بولۋىن تەجەپ، كەدەي بۇقارا ءۇشىن ”سالاماتتىق قورعانىس شەبىن“ تۇرعىزدى.

  حالىق تۇرمىسىن قامتاماسىز ەتۋ جانە جاقسارتۋ بارىسىندا، اۆتونوميالى رايوندىق پارتكوم مەن ۇكىمەت جالپىعا ءتيىمدى، نەگىزدىك سيپاتتى، تۇبەگەيلى سيپاتتى حالىق تۇرمىسى قۇرىلىسىن دەن قويا كۇشەيتىپ، حالىق تۇرمىسىنداعى ولقىلىقتاردى تولىقتاپ، حالىق تۇرمىسىنىڭ نەگىزىن بەكەمدەدى، قيىنشىلىعى بار بۇقارانىڭ حال - جايىن كوڭىل تورىنە ساقتاپ، قيىنشىلىعى بار بۇقارانىڭ نەگىزگى تۇرمىسىنىڭ ءونىمدى قامتاماسىز ەتىلۋىنە شىنايى كەپىلدىك ەتتى.

  وقۋ - اعارتۋ جاعىنان كەدەيلەردى سۇيەمەلدەۋ − كەدەيلىكتىڭ ۇرپاقتار بويى جالعاسۋىن ءۇزىپ تاستاۋدىڭ ءتۇبىرلى شاراسى. رايونىمىز وقۋ - اعارتۋ ارقىلى كەدەيلەردى سۇيەمەلدەۋدى تىڭعىلىقتى ورىستەتىپ، ”كەشىرىم ەتۋ، سيلىق بەرۋ، كومەك بەرۋ، قارىز بەرۋ، قوسىمشا قاراجات بەرۋ“ سىندى كوپ جاق ءبىر تۇلعالانعان وقۋشىلارعا قارجىلاي كومەك بەرۋ ساياساتتىق جۇيەسىن شوعىرلى قالىپتاستىرىپ، وتباسىندا ەكونوميكالىق قيىنشىلىعى بار وقۋشىلاردىڭ ”كومەك بەرۋگە تيىستىلەرىنە مۇمكىندىگىنشە كومەك بەرۋدى“ جۇزەگە اسىردى. بيىل 1 - توقساندا وقۋشىلارعا قارجىلاي كومەك بەرۋ قارجىسىنان جيىنى 6 ميلليارد 511 ميلليون يۋان بوساتىلىپ، 5 ميلليون 559 مىڭ 100 ادام - رەت وقۋشىعا تيىمدىلىك جاسالدى. ”مەملەكەتتىڭ قارجىلاي كومەك ساياساتىنا راقىمەت، مەنى ۋايىمنان ارىلتىپ، ارمانىم ءۇشىن قۇلشىنۋىما مۇمكىندىك تۋدىردى“، - دەدى قاشقار داشۋەسىنىڭ 2 - جىلدىق وقۋشىسى گۇلميرا ابىلاجان اسەرلەنە.

  نەگىزگى حالىق تۇرمىسىن قامتاماسىز ەتۋدەگى شەشۋشى ءتۇيىن − حالىق تۇرمىسىنىڭ ”تاعانىن“ ورنىقتىرۋدا. بيىلعى ىندەت الدىندا رايونىمىز ەڭ تومەنگى تۇرمىستى قامتاماسىزداندىرۋدى قامتۋ كولەمىن لايىقتى كەڭەيتىپ، باعا ۋاقىتشا قوسىمشا قاراجاتى سياقتى ”قاتاڭ ساراپتالعان“ قيىنشىلىقتان قۇتىلدىرۋ شاراسىن اتقارىپ، حاۋىپ - قاتەرگە قارسى تۇرۋ قۋاتى ءبىرشاما ءالسىز ەرەكشە قاۋىم مەن قيىنشىلىعى بار بۇقارانىڭ نەگىزگى تۇرمىسىن شىنايى قامتاماسىز ەتتى. ساناققا نەگىزدەلگەندە، بيىل رايونىمىز قيىنشىلىعى بار بۇقاراعا قۇتقارۋ - كومەكتەسۋ جاردەماقىسىنان 8 ميلليارد 510 ميلليون يۋان تاراتىپ، قالا، اۋىلداعى ەڭ تومەنگى تۇرمىستى قامتاماسىز ەتۋگە، جەتىم بالالاردىڭ نەگىزگى تۇرمىسىن قامتاماسىز ەتۋگە، ەرەكشە قيىنشىلىعى بار ادامداردى قۇتقارىپ - كومەكتەسىپ اسىراپ باعۋعا، ۋاقىتشا قۇتقارۋ - كومەكتەسۋگە، سەرگەلدەڭدەردى، قايىرشىلاردى كومەكتەسۋ - قۇتقارۋعا ءبىر تۇتاس پايدالانعان.

  ىرىس - قۇت ارتىپ، حالىق تۇرمىسى ينجەنەرياسىنىڭ پايداسى يگىلىككە كەنەلتتى

  ”زەينەتاقى ءۇرتىس 15 جىل ءوستى، مەنىڭ زەينەتاقىم اي سايىنعى بىرنەشە ءجۇز يۋاننان قازىرگى 4000 نەشە يۋانعا ءوستى، ەستۋگە قاراعاندا، بيىل تاعى دا وسەدى ەكەن“، - دەدى ءۇرىمجى قالاسىنداعى كاسىپورىننان زەينەتكە شىققان جاڭ جيڭ قۋانىشپەن.

  قارتتار قارتايعاندا كۇتىمدەلە الۋ، كۇتىمدەلەتىن ورنى بولۋ، قارتتىق شاقتى بەيعام دا باقىتتى وتكىزۋ − حالىق تۇرمىسىن قامتاماسىز ەتۋ مەن جاقسارتۋدىڭ ماڭىزدى مازمۇنى. رايونىمىز زەينەتكەرلەردىڭ زەينەتاقىسىن ۇزدىكسىز رەتتەۋمەن بىرگە، ارحيۆ تۇرعىزىلىپ، كارتچكالاندىرىلعان كەدەيلەردىڭ قالا، اۋىل تۇرعىندارىنىڭ زەينەتاقى قامسىزداندىرۋىن ۇكىمەت تاپسىرۋ ساياساتى مەن مامىلەدەن يگىلىكتەنۋ ساياساتىن جاپپاي تياناقتاندىرىپ، 60 جاستان اسقان كەدەي جان سانىنىڭ زەينەتاقى قامسىزداندىرۋ مامىلەسىنىڭ تاراتۋعا تيىستىلەرىن مۇمكىندىگىنشە تاراتتى.

  ”مەن بۇرىن وتباسىم كەدەي بولعاندىقتان زەينەتاقى قامسىزداندىرۋ اقىسىن ۋاقىتىندا تاپسىرا الماعان ەدىم، باعىما جاراي پارتيانىڭ ابزال ساياساتىندا بىلتىر 9 - ايدان بەرى مەن اي سايىن زەينەتاقى الىپ كەلەمىن“، - دەدى كەلپىن اۋدانى گەزىلىك قالاشىعى گەزىلىك قىستاعىنىڭ تۇرعىنى توحتى قۇربان.

  كوركەم حالىق تۇرمىسى كارتيناسى ءدال قازىر كوز الدىمىزدا. 6 - ايدىڭ 15 - كۇنى قاراقاش اۋدانى كۇيا قالاشىعى اۋىل - قىستاق باقىت ۇلكەن اۋلاسى نىسانى قۇرىلىسى جۇمىس باسى قاتتى قاربالاستانىپ جاتتى. بيىل كەدەيلىكتەن ارىلتۋدان قامال الۋ تابىسىن اناعۇرلىم بەكەمدەۋ، اۋىل - قىستاقتاعى قيىنشىلىعى بار قارتتاردىڭ تۇرمىسىنا قارايلاسۋ ماسەلەسىن شەشۋ ءۇشىن، اۆتونوميالى رايون وڭتۇستىك شينجياڭنىڭ 4 ايماق - وبلىسىندا 207 اۋىل - قىستاق باقىت ۇلكەن اۋلاسىن سالىپ، شوعىرلاندىرىپ قارايلاسۋ ءتاسىلى ارقىلى قارتتاردىڭ ىشەر اس، كيەر كيىم، جاتار ورىن ماسەلەسىن شەشۋدى ۇيعاردى.

  ”وزەندە سۋ بولسا بۇلاق بۇلقىنىپ اعىپ، اتىزدار مەن باۋ - باقشالاردى سۋساتادى؛ وتاننىڭ مەيىرىمى تەڭىزدەن تەرەڭ، مىڭداعان وتباسىلارىنىڭ كوڭىلى مەيىرگە بولەندى...“ بۇل ءبىر قاراپايىم بولعانىمەن سۇيىسپەنشىلىككە تولى ءاندى قاراقاش اۋدانى قاراساي قالاشىعى باعچي قىستاعىنداعى قارتتار كۇتىمحاناسىنداعى توحتىحان ابدوللا جازعان. قارتتار كۇتىمحاناسىنىڭ ماڭىنان ءبىر باقىت ۇلكەن اۋلاسى قازىر جەدەل قۇرىلىس جۇرگىزۋدە. ”ەندى ءبىراز كۇن وتكەننەن كەيىن ءبىز باقىت ۇلكەن اۋلاسىنا كوشىپ بارامىز“، - دەدى توحتىحان قۋانىشپەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار