انكار 11 قىستاق تۇرعىنىن باستاپ شارۋاشىلىق قۇردى
شينجياڭ گازەتىنىڭ جالپىلىق اقپارات قۇرالدارى تىلشىلەرى سۇي يۇنيان، لي شيڭ
2020.06.22 16:21 كەلۋ قاينارى : شينجياڭ گازەتى
تاياۋدا ونسۋ اۋدانى توقۇلا اۋىلى كورۇل قىستاعىنىڭ تۇرعىنى انكار مامەت اۆتونوميالى رايوندىق گەولوگيا كەن بايلىعىن بارلاۋ - اشۋ مەكەمەسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ اترەت باستىعى، ءبىرىنشى شۋجيى شۋە حۇڭۋيدى ىزدەپ كەلىپ، پارتياعا كىرۋ ءوتىنىشىن سالماقتىلىقپەن تاپسىرىپ بەردى. رۋحى كوتەرىڭكى جاس جىگىتتى كورگەن شۋە حۇڭۋي سۇيىنە كۇلدى.
بىلتىر جىل باسىندا انكار ونسۋ اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسقاننان كەيىن، قىزمەت اترەتى ونىڭ جەكە باسىنىڭ دامۋىنا ايرىقشا كوڭىل ءبولدى. قىزمەت اترەتىنىڭ كومەگىىندە جانە سۇيەمەلدەۋىندە، انكار شەشەسىمەن شاعىن كيىم - كەشەك وڭدەۋ زاۆودىن قۇرىپ، 11 قىستاق تۇرعىنىن باستاپ بىرگە شارۋاشىلىق قۇردى.
قىزمەت اترەتى كۇتۋشى ۇلگىسىندە قىزمەت كورسەتتى
”قىزمەت اترەتىنىڭ مەنىڭ شارۋاشىلىق قۇرۋ جولىنا تۇسۋىمە كومەكتەسكەنىنە راقىمەت، مەن ۇزدىكسىز تالپىنىپ، العا باسىپ، بارعان سايىن جاقسى تۇرمىس كەشىرەمىن“، - دەدى بيىل 24 جاستاعى انكار.
شۋە حۇڭۋي تىلشىگە بىلاي دەدى: كورۇل قىستاعى تۇتاس قونىس جاڭالاعان قىستاق، قونىس جاڭالاعاننان كەيىن جەردى قايتادان بولىسكە سالىپ، جەمىس ورمانى شارۋاشىلىعىن دامىتىپ، جاڭعاق ەكتىك، ءوسۋى جاقسى، جەمىستەۋ مەزگىلىنە تاياپ قالدى.
انكاردىڭ شەشەسى ورگۇل ساۋۇت 2016 - جىلى كيىم - كەشەك دۇكەنىن اشقان بولاتىن، الايدا تيجارات جۇرگىزۋدى بىلمەگەندىكتەن ساۋداسى جاقسى بولماي، تىگىن ماشيناسى دا ۇيدە بوس قالعان ەدى. انكار باۋلۋ ورتالىعىنان وقۋ تاۋىسقاننان كەيىن، شۋە حۇڭۋي ونى ىزدەپ كەلىپ سىرلاسىپ، شارۋاشىلىق قۇرۋعا شابىتتاندىرادى.
انكار وتباسىنىڭ جاڭعاق ەككەن 7 مۋ جەرى بار، جەمىستەگەننەن كەيىنگى كىرىسى ايتارلىقتاي بولاتىن، ال قازىر ەڭ ماڭىزدىسى كىرىستى ارتتىرۋدىڭ جاڭا ارناسىن كەڭەيتۋ ەدى. شۋە حۇڭۋي بىلاي دەدى: رۋحاني جاقتاعى ىنتالاندىرۋ، قولداۋ كورسەتۋ ءبىرىنشى قادام، ەڭ ماڭىزدىسى وي جەلىسىندە كومەكتەسۋ - سۇيەمەلدەۋ، ءىس جۇزىندىك قيمىلمەن قولداۋ كورسەتۋ. ول انكارعا: ”سەن شەشەڭە كومەكتەسىپ كيىم - كەشەك دۇكەنىن قايتادان اش، قيىنشىلىق بولسا ءبىز كومەكتەسىپ شەشەمىز“، - دەيدى.
”مەن سول كەزدە قىزمەت اترەتىنىڭ تەز ارادا دۇكەن اشاتىن بارلىق راسمياتتارىمدى ءبىتىرىپ بەرەتىندىگىن مۇلدە ويلاماعان ەدىم“. انكار بىلاي دەدى: ماشينا جابدىقتارىن ساتىپ العانىمىزدا اۆتونوميالى رايوندىق ايەلدەر بىرلەستىگىنىڭ 100 مىڭ يۋاندىق نىسان قارجىسىنان يگىلىكتەندىك، اۋىلدىق ۇكىمەت تە كومەكتەسىپ سۇيەمەلدەپ جىبەردى. شۋە حۇڭۋي انكارعا، ءسوزسىز، قىستاق تۇرعىندارىن باستاپ بىرگە شارۋاشىلىق قۇرىپ، كىرىستى ارتتىرۋ، قىزمەتكەر قابىلداعاندا الدىمەن كەدەي وتباسىن ويلاستىرۋ كەرەكتىگىن قاداعالاي تاپسىرادى.
كيىم - كەشەك دۇكەنىن ۇزدىكسىز دامىتۋدا تاپسىرىس ەڭ ماڭىزدى، قىزمەت اترەتى گەولوگيالىق كەن بايلىعىن بارلاۋ - اشۋ مەكەمەسى جۇيەسىندەگى ءىشىنارا دالالىق گەولوگيا ۇلكەن اترەتىنەن جۇمىس كيىمدەرى تاپسىرىسىن تاۋىپ كەلدى، سۇرانىس تا ءبىرشاما تۇراقتى بولدى. ”كيىم - كەشەك دۇكەنىنىڭ جۇمىسى ۇزىلمەدى، تەز ارادا تاعى جاڭا تاپسىرىستار كەلىپ جاتتى“، - دەدى شۋە حۇڭۋي.
قىزمەت اترەتىنىڭ كۇتۋشى ۇلگىسىندەگى قىزمەت وتەۋىندە تاپسىرىس ىزدەۋ جانە قارىز اقشانى قۋزاۋدان سىرت، تاعى اقسۋ قالاسىنداعى زات اينالىمى كاسىپورنىمەن بايلانىس جاساپ تاۋار جونەلتۋگە، انكاردىڭ كيىم - كەشەك دۇكەنىن الاڭسىز باسقارىپ، ساپا وتكەلىن ويداعىداي يگەرۋىنە مۇمكىندىك جاساۋعا جاۋاپتى بولدى.
كوپشىلىكتىڭ قىزمەت بەلسەندىلىگى وتە جوعارى
ءتىلشى انكارعا ىلەسىپ كيىم - كەشەك دۇكەنىنە كەلدى. ”مىنا تۇرعان تىگىن ماشيناسى، انا تۇرعان جورمەۋ ماشيناسى...“ ول جابدىقتاردى ءبىر - بىردەن تانىستىردى. دۇكەندە بىرنەشە ايەل جۇمىسكەر قىزمەت ىستەپ جاتىپتى، قىزمەت ۋاقىتى يكەمدى ورنالاستىرىلعان، كەيبىر ايەل جۇمىسكەرلەردىڭ ۇيلەرىندە قارايلاساتىن قارتتار مەن بالالار بار بولعاندىقتان، ولار بوس ۋاقىتتارىندا كەلىپ جۇمىس ىستەسە بولادى.
”شيكىزات اكەلۋ، وندىرىسكە ۇيىمداستىرۋ، ساپاسىن تەكسەرۋگە ورنالاستىرۋ، وڭدەلگەن بۇيىمداردى قوراپتاۋ، ءاربىر بۋىندا شالاعايلىق ىستەۋگە بولمايدى. كيىم - كەشەك دۇكەنى جاڭادان جۇمىس باستاعان كەزدە جۇمىسكەرلەردىڭ ونىمدىلىگى وتە جوعارى بولمادى، شۋە شۋجي ماعان كومەكتەسىپ باسقارۋ ءتارتىبىن ىڭعايلاپ بەردى، قازىر قالىپتى ارناعا تۇستىك، كوپشىلىكتىڭ بەلسەندىلىگى وتە جوعارى“، - دەدى انكار.
36 جاستاعى شىرىنگۇل تۇرسۇن بۇرىندارى تىگىنشىلىك ۇيرەنگەن، ايەل جۇمىسكەرلەر اراسىندا ەڭ شەبەر ەدى. ”كوپ ىستەسەك، كوپ الامىز. مەن دۇكەندە تاپسىرىستىڭ بارعان سايىن كوپ بولۋىن تىلەيمىن“، - دەدى ول.
گۇلقىز ابدىرەيىم بيىل 26 جاستا، ءار كۇنى وتباسىنداعى جۇمىستاردى ويداعىداي جايعاستىرىپ بولعاننان كەيىن كەلىپ جارتى كۇن جۇمىسقا شىعادى. ”كۇيەۋىم كومەكشى ساقشى، تۇراقتى كىرىسى بار، قازىر مەنىڭ دە ەڭبەكاقىم بار“، - دەدى ول شاتتانا كۇلىپ.
كيىم - كەشەك دۇكەنىندە قىزمەت كيىمىنە قاجەتتى كەزدەمەدەن سىرت، تاعى رەڭدى كەزدەمەلەر ىلىنگەن، اتلاس بار ءارى جۇمساق گۇلدى كەزدەمە دە بار. قىستاقتاعى بويجەتكەندەر دە دۇكەنگە كەلىپ كويلەك، ءساندى كيىم تىككىزەدى، ولار كەزدەمەنىڭ ادەمىسىن، ۇلگىسىنىڭ ءساندىسىن تاڭدايدى.
”ىلگەرى ۇشقارى يدەيانىڭ ۋلاۋىمەن بويجەتكەندەر ادەمى كيىم - كەشەك كيۋگە باتىنا المايتىن. قازىر قىستاق تۇرعىندارىنىڭ رۋحاني بەت - بەينەسى باسقاشا، ادامدار بارعان سايىن سىمباتتانىپ، قورشاعان ورتا دا بارعان سايىن كورىكتى بولا ءتۇستى“، - دەدى انكار.
كوكەيدە العىس ايتۋ سەزىمىن ساقتاپ، جالعاستى قۇلشىندى
انكار كەزىندە ۇشقارى يدەيامەن جۇعىمدالعان. تولىق ورتا مەكتەپتە وقىپ جۇرگەندە، ول ۇنەمى زاڭسىز ءدىني قيمىلعا قاتىناسىپ، اۋەلى، ءدىني ۇشقارى يدەيا تاراتاتىن.
”ول كەزدە مەن سوعان بەرىلىپ، قۇتىلا الماي ءجۇردىم، ماڭايىمداعى كوپتەگەن ’قاعيداعا‘ بويسۇنبايتىن ادامدار تۇگەلدەي ’توزاققا‘ تۇسەدى، ءان ايتىپ، ءبي بيلەۋ قاتە، قىزدار قىسقا جەڭدى كيىم كيسە دە قاتە دەپ قارايتىنمىن“. انكاردىڭ ايتۋىنشا، ول كەزدە وتە سىڭار ەزۋ بولاتىن، اۋەلى، وزگەلەردى ءوزىمنىڭ ”قاعيدام“ بويىنشا تۇرمىس كەشىرۋگە زورلايتىنمىن. الايدا ۋاقىت وتە كەلە ول ءوزىنىڭ كوڭىلدى ەمەس ەكەندىگىن، ىشتەي قاتتى ازاپتانىپ جۇرگەندىگىن بايقايدى.
ونسۋ اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنان وقىعان سوڭ، ونىڭ كوڭىل تۇكپىرىندەگى تۇيىنشەگى بىرتىندەپ شەشىلەدى. ”مەن ءدىني ۇشقارى يدەيانىڭ ادامدى زياندايتىن الباستى ەكەنىن، ەگەر جالعاستى رايىمنان قايتپاسام، وزگەلەردىڭ تاماشا تۇرمىسىن ويرانداپ قانا قالماستان، ءوزىمدى دە قۇرىدىمعا كەتىرەتىنىمدى تانىپ جەتتىم“.
مۇعالىمنىڭ تاربيەلەۋى مەن ىنتالاندىرۋىنىڭ ارقاسىندا، انكار مەملەكەتتە ءبىر تۇتاس قولدانىلاتىن ءتىل - جازۋدى جانە زاڭ بىلىمدەرىن قۇلشىنا ۇيرەنىپ، ءوزى قىزىعاتىن شەبەرلىككە تاربيەلەۋ كۋرسىنا تىزىمدەلدى. ول مادەنيەت، دەنە تاربيە قيمىلدارىنا قىزىعاتىن، ءان ايتىپ، ءبي بيلەپ، باسكەتبول وينادى، ۇيرەنۋ تۇرمىسى وتە ءماندى ءوتتى.
باۋلۋ ورتالىعىندا انكار مۇعالىمنىڭ كوڭىل ءبولۋى، قامقورلىعىنىڭ ارقاسىندا تولىسا ءتۇستى، وقۋ تاۋىسقان سوڭ قىزمەت اترەتىنىڭ كومەكتەسۋىندە، سۇيەمەلدەۋىندە شارۋاشىلىق قۇردى. ”وسىنىڭ ءبارى پارتيا مەن ۇكىمەت جەتكىزگەن قامقورلىق“، - دەدى ول اسەرلەنىپ.
انكار قىزمەت اترەتىنىڭ مۇشەلەرىن دوسىنا، جان اشىر جاقىنىنا بالادى. ”بىلتىر قۇربان ايتتا ول ءبىزدى ۇيىنە قوناققا شاقىردى، شەشەسىمەن بىرگە لاڭمان جاسادى، بىزدە مەرەكەلىك تارتۋ اپاردىق. كوپشىلىك بىرگە تاماق ءىشىپ، ءازىل - قالجىڭ ايتىسىپ، مارە - سارە بولدىق“، - دەدى شۋە حۇڭۋي.
كوكەيىنە العىس ايتۋ سەزىمىن ساقتاعان انكار ۇنەمى ۇگىت - لەكسياعا قاتىناسىپ، وزىندەگى وزگەرىستەرىن بايانداپ، اۋىلداستارىنا ءدىني ۇشقارى يدەيادان اۋلاق بولۋدى ايتادى. ”مەن جالعاستى قۇلشىنا جۇمىس ىستەپ، ءتىپتى دە كوپ قىستاق تۇرعىندارىن جۇمىستانۋعا باستايمىن. مەن تاعى كوممۋنيستىك پارتيانىڭ ءبىر مۇشەسى بولۋدى ارمانداپ كەلەمىن، مەن قۇلشىنامىن“، - دەدى انكار.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
