الىمجان قايناعان بازاردان ساۋدا ورايىن قاراستىردى
شينجياڭ گازەتىنىڭ جالپىلىق اقپارات قۇرالدارى تىلشىلەرى جىڭ جو، لي شيڭ
2020.06.23 14:17 كەلۋ قاينارى : شينجياڭ گازەتى
6 - ايدىڭ 16 - كۇنى جازعى جاڭبىردان كەيىن حوتان قالاسى جاسىل جەلەك جامىلىپ، جايقالعان جاسىل ءشوپتىڭ، گۇلدەردىڭ ءيىسى اڭقىدى. 22 جاستاعى الىمجان تۇرسۇن ەلەكتروسيكلگە ءمىنىپ، ءان سالا ءجۇرىپ حوتان قالاسىنداعى ءبىر كوكونىس تولايىم ساتۋ بازارىنا كەلدى.
الىمجان كوكونىس تولايىم ساتۋ بازارىنىڭ اماندىق قورعاۋشىسى. كيىمىن اۋىستىرىپ، ماسكى تاققان سوڭ، قولىنا ”بازارعا كىرىپ - شىعاتىن اۆتوكولىكتەر مەن ادامداردى تىزىمگە الۋ كەستەسىن“ الىپ، بازاردىڭ كىرە بەرىسىنە قاراي شيراقى قاداممەن بەتتەدى.
ۇلكەن - كىشى ىستەردىڭ بارلىعىنا كومەكتەسۋگە پەيىل
”رەنجىمەي دەنە تەمپەراتۋراڭىزدى ولشەتىڭىز. 36.5 گرادۋس، جارايدى، كىرىڭىز“. سول كۇنى ساعات 17دە بازار قاربالاس كۇيدە ەدى، الىمجان تىزىمگە الۋ كەستەسىنە ۋاقىت، دەنە تەمپەراتۋراسى سياقتى ينفورماتسيالاردى جىلدام ەستەلىككە الىپ جاتىر. ”تولايىم ساتۋ بازارىندا ادام كوپ، ءبىرشاما شوعىرلانعان، سوندىقتان ىندەتتەن ساقتانۋ قىزمەتى ايرىقشا ماڭىزدى“، - دەدى الىمجان.
قىزمەت ىستەگەنىنە 2 ايدان استى، الىمجان وسى قىزمەتتى قاتتى ۇناتادى. ”ءبىز كەزەكپەن جۇمىس ىستەيمىز، تاڭعى كەزەك ساعات 6دا باستالادى، كەشكى كەزەككە ساعات 16دا شىعامىز“. الىمجان وسىنداي ورنالاستىرۋ وعان ءتىپتى دە كوپ ۇيرەنۋ ۋاقىتىن بەرەدى دەپ بىلەدى، ”مەن ءالى جاسپىن، كوپ نارسەلەردى ۇيرەنسەم دەپ ويلايمىن، بولاشاعىم ءۇشىن جوسپارىم دا بار“.
”بۇل جىگىت ەرەكشە پىسىق، ەلگەزەك، حابارلاندىرۋ جاپسىرۋ، ۇگىت تاقتاسىن ورنالاستىرۋ سياقتىلاردىڭ بارلىعىن ول تالاسا ءجۇرىپ ىستەيدى“. الىمجاننىڭ بانجاڭى مۇيبوللا وسمان ۇلكەن - كىشى ىستەردىڭ بارلىعىنا كومەكتەسەتىن وسى جىگىتتى وتە جوعارى باعالادى.
قىزمەتتەگى جۇمىستارىنا الىمجاننىڭ وزىندىك ويى بار.
بۇرىن ول تاياۋ ماڭداعى ءبىر ازىق - تۇلىك مانەرلەۋ زاۆودىندا قىزمەت ىستەيتىن، ايلىق كىرىسى ايتارلىقتاي بولسا دا الىمجان ۇنەمى ءبىر دۇنيەسىنىڭ كەم بولىپ تۇراتىنىن سەزىنەتىن.
وتباسىنداعىلارمەن اقىلداسقان سوڭ، الىمجان قىزمەتتەن باس تارتىپ، ۇيىنە تاياۋ ماڭداعى كوكونىس تولايىم ساتۋ بازارىنا كەلىپ اماندىق قورعاۋشى بولادى.
كوپتەگەن ادامدار ونى تۇسىنبەدى، الىمجان كۇلىپ تۇرىپ مىنالاردى ايتاتىن: بۇل ارا حوتان قالاسىنداعى ماڭىزدى تولايىم ساتۋ بازارى، قاي مەزگىلدە قانداي كوكونىس ساتسا كوپ پايدا تابادى، سيىر - قوي ەتىنىڭ بازارداعى جاعدايى قالاي، ءبىر دارەجە جوعارى تولايىم ساتۋ ارناسى قايدان كەلگەن... وسى ينفورماتسيالار كۇندەردىڭ بىرىندە كادەگە جارايدى، بالكىم ونىڭ بولاشاقتاعى ورايى وسى قاربالاس بازاردىڭ ىشىندە جاسىرىنىپ جاتپاسىنا كىم كەپىل.
”كەزىندە زايا كەتكەن ۋاقىتىمدى قايتارىپ الامىن“، - دەدى الىمجان.
ۇشقارى يدەيانىڭ جەتەگىندە كەتۋگە بولمايدى
الىمجان بىرەۋدىڭ جالعىزى، اكە - شەشەسى ونى جانىنداي جاقسى كورەتىن، اينالاسىنداعى ۇلكەندەر وعان ايرىقشا نازار اۋداراتىن.
7 جاستاعى كەزىندە كوپ نارسەنى بىلە بەرمەيتىن الىمجاندى ءبىر ۇلكەن كىسى شاكەنە ۇيگە ەرتىپ بارادى. ونىڭ ەسكە الۋىنشا، سول كەزدە ءۇيدىڭ ىشىندە قابا ساقالدى ءبىر كىسى وتىر ەكەن، كوپشىلىك ونىڭ ايتقان ”ۋاعىزىن“ تىڭداپ جاتىپتى. ونىڭ ايتقان سوزدەرىنەن ءسابي الىمجان ەشنارسەنى تۇسىنبەيدى، تەك امالسىزدان تىڭداپ قانا وتىرادى. سودان كەيىن ۋاقىت شىقسا بولدى، الگى ۇلكەن كىسى ونى جەتەكتەپ كەلىپ تىڭداتاتىن، بىرتە - بىرتە الىمجاننىڭ ءسابي وي - ساناسىن ۇشقارى يدەيانىڭ كولەڭكەسى تورلاي باستايدى. جاسىنىڭ وسۋىنە بايلانىستى ۇشقارى يدەيا اجىرعى ىسپەتتى ونىڭ جادىن قۇرساۋلايدى.
تولىق ورتانى بىتىرگەن سوڭ، الىمجان حوتان قالاسىنداعى ءبىر اۆتوكولىك رەمونتتاۋ دۇكەنىنە كەلىپ شاكىرت بولادى، دۇكەندە جاستار كوپ ەكەن، كوپشىلىك دەمالعان كەزدەرىندە ءان ايتىپ، ءبي بيلەيدى، الىمجان بۇعان باتىنا المايدى، ول بۇلاي ىستەۋ ”دۇرىس ەمەس“ دەپ ويلايدى، كەيدە وسى ءىس جونىندە وزگەلەرمەن سوزگە كەلىسىپ توبەلەسىپ قالادى، ءوزىنىڭ دوستىق شەڭبەرى بارعان سايىن تارايادى.
ۇلىنىڭ تۇرمىس بارىسىندا جابىرقاڭقى جۇرگەنىن كورىپ، اكەسى تۇرسۇن داۋىت ىشتەي قىنجىلادى، شەشەسى قاسيەت ءالي دە نە ىستەرىن بىلمەي داعدارادى. اقىرىندا، الەۋمەتتىك اۋماق كادرلارىنىڭ كومەگىندە جانە اكە - شەشەسىنىڭ اقىل ايتۋىمەن الىمجان حوتان قالاسى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋگە بەكيدى.
باۋلۋ ورتالىعىندا مەملەكەتتە ءبىر تۇتاس قولدانىلاتىن ءتىل - جازۋدى جانە زاڭ بىلىمدەرىن ۇيرەنۋ ارقىلى الىمجان الگى ادامنىڭ ايتقان ”قاعيداسىنىڭ” تۇگەلدەي ساندىراق ەكەنىن، تۇگەلدەي سارالاۋعا كەلمەيتىنىن بايقايدى. وقىتۋشىلارمەن سىرلاسىپ، پىكىر الماستىرۋ بارىسىندا الىمجان بىرتىندەپ ءوزىن تابادى. ”ءوز تۇرمىسىما ءوزىم بايلام جاسايمىن، ەندى قايتىپ ۇشقارى يدەيانىڭ جەتەگىندە كەتپەيمىن“.
الىمجان وڭاي - وسپاق قولعا كەلمەگەن وسى جولعى ۇيرەنۋ ورايىن بارىنشا قاستەرلەپ، جاڭا بىلىمدەردى قۇنىعا ۇيرەنىپ، جاڭا نارسەلەردى تۇسىنەدى.
باعىت ايقىن بولعان سوڭ، تۇلا بويىمدى كۇش - قۋات كەرنەدى
وقۋ تاۋىسقان سوڭ، الەۋمەتتىك اۋماق كادرلارىنىڭ تانىستىرۋىمەن الىمجان ءبىر ازىق - تۇلىك زاۆودىنا كەلىپ قىزمەت ىستەيدى. ”شەشەمنىڭ دەنساۋلىعى جاقسى ەمەس، ۇيدە كۇتىنىپ جاتىر، اكەم ەكەۋىمىز سىرتقا شىعىپ جۇمىس ىستەيمىز“، - دەدى ول. وتباسىنىڭ تۇرمىس جاعدايىن جاقسارتۋ ءۇشىن، الىمجان ايرىقشا قۇلشىنىس جاسادى، لاس جۇمىس، اۋىر جۇمىس بولسا دا تالاسا - تارماسا ىستەدى. 3 جان سانى بار وتباسىنان 2 ەڭبەككۇش شىققان سوڭ، ايىنا 7000 دا 8000 يۋان كىرىس كىرگىزىپ، وتباسى جاعدايى تەز ارادا جاقساردى.
ۇيىنە كەلگەن سوڭ، الىمجان دا بەكەر قاراپ وتىرمادى. ”اكەمنىڭ قىزمەت ۋاقىتى تۇراقتى ەمەس، شەشەمنىڭ دەنساۋلىعى جاقسى ەمەس، مەن كوبىرەك قارايلاسۋىم كەرەك“.
بالاسىنىڭ وزگەرىسى جايلى ءسوز بولسا، شەشەسىنىڭ ءجۇزى جايراڭ قاعىپ، وتە رازى بولاتىن. ”بالام ەسەيدى، ءىستىڭ ءجونىن ءبىلدى، وتباسىمىزدىڭ تىرەگىنە اينالايىن دەپ قالدى. قاشان بىزگە قالىڭدىعىن ەرتىپ كەلەر ەكەن؟ ول كەزدە ءبىز ءتىپتى قۋانىپ كەتەمىز دەشى!“. قالىڭدىق جايلى ءسوز باستالعاندا، الىمجاننىڭ ءجۇزى قىزارىپ تەرىس اينالىپ، ەزۋ تارتىپ كۇلىپ جىبەردى.
بالاسىنىڭ ”ءوز بەتىمەن ۇيعارىم جاساپ“، ازىق - تۇلىك زاۆودىنداعى قىزمەتىنەن باس تارتۋى جايلى ءسوز بولعاندا، اكەسى تۇرسۇن تۇسىنەتىندىگىن ءبىلدىردى: ”بالامنىڭ ءوز ويلاعانى بار، تەك يدەيا جاعىندا العا باسسا بولدى، ءبىز قولدايمىز“.
”مەنىڭ قازىرگى ەڭبەكاقىم بۇرىنعىعا قاراعاندا از بولعانىمەن، ءبىراق ۇيرەنۋ ۋاقىتىم كوپ“. الىمجان بىلاي دەدى: قولىم بوساي قالسا بولدى، بازار ارالاپ، تولايىم ساتۋ ساۋداگەرلەرىنىڭ ساتىپ اكەلگەن كوكونىس تۇرىندە قانداي وزگەرىستىڭ بار ەكەنىن، كوكونىس باعاسىنىڭ قىمباتتاعانىن، الدە ارزانداعانىن ۇعىسامىن، ”مەن بازاردىڭ ىشىنەن لايىقتى كوشە دۇكەن الىپ، جاعدايعا قانىققان سوڭ، اكەممەن بىرگە جايما ورنىن جالعا الىپ، تولايىم جانە بولشەك ساتۋمەن اينالسپاقشىمىن. بەلگىلى مولشەردە قارجى جينالعان سوڭ، مەن تاعى ءبىر اۆتوكولىك رەمونتتاۋ دۇكەنىن اشامىن. قازىر حوتاننىڭ دامۋى وتە تەز، ماڭايداعى اۋىل - قالاشىقتا اۆتوكولىك ساتىپ الاتىن شارۋالار بارعان سايىن كوبەيۋدە، اۆتوكولىك رەمونتتاۋ، ءسوزسىز، كۇسەت ساۋداعا اينالادى“.
ءومىرىنىڭ باعىتى ايقىندالعان سوڭ، 22 جاستاعى الىمجاننىڭ تۇلا بويىن كۇش - قۋات كەرنەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
