ءادىلدىڭ دۇكەن اشقان كۇندەرى كوڭىلدى بولدى
شينجياڭ گازەتىنىڭ جالپىلىق اقپارات قۇرالدارى تىلشىلەرى جىڭ جو، لي شيڭ
2020.06.24 13:45 كەلۋ قاينارى : شينجياڭ گازەتى
6 - ايدىڭ 16 - كۇنى تۇستەن كەيىن ءادىل احاتتىڭ ونە - بويى جايسىزدانىپ تۇرسا دا ءوزىنىڭ سيىر ەتى كەسپەحاناسىنا كەلدى. حوتان قالاسىنان اشىلعان وسى اسحاناعا ءادىلدىڭ ىقىلاسى وزگەشە، سوندىقتان ول بار ىنتا - پەيىلىمەن تيجارات جۇرگىزىپ، ەشقاشان جالقاۋلىققا سالىنىپ كورمەدى.
اسحاناعا قوناق كەلسە، ءادىل ىستىق ىقىلاسپەن امانداسادى. ”بۇل ارا مەنىڭ ارمانىمدى جۇزەگە اسىرعان جەر“، - دەدى ءادىل، - اسحاناعا كەلسەم بولدى، ويىما تيجارات جونىندە تىڭ ويلار ورالادى.
ساۋدا جاساۋ ءۇشىن ەپتى دە قاعىلەز بولۋ كەرەك
”قوجايىن، ەكى كەسە سيىر ەتى كەسپە كوجەسىن، تاعى بىرنەشە ىستىك مايعا پىسىرعان كاۋاپ بەرىڭىز“. قاريدارلاردىڭ تاپسىرىسىن تىڭداپ، داياشى شەبەرلىكپەن تاپسىرىستى جازىپ، تاماق تاسۋدا. تۇسكى استىڭ قاۋىرت مەزگىلى ءوتىپ كەتسەدە، ءادىلدىڭ اسحاناسىنا كەلۋشىلەردىڭ اياعى ۇزىلمەدى، سىرتقا تاماق جەتكىزەتىن جىگىت ورىندىقتا تاماقتىڭ شىعۋىن توسۋدا. 130 شارشى مەترلىك اسحانادا 7 قىزمەتشى ءادىلدىڭ باسقارۋىندا جۇمىستارىن ءتارتىپتى جۇرگىزۋدە.
ءبىر ايدان استام ۋاقىتتىڭ الدىندا، ءادىل بانكەدەن ءوسىمى ۇكىمەت قازىناسىنان تولەنەتىن 50 مىڭ يۋان قارىز اقشا الدى، ول وسى اقشامەن كونەرگەن جابدىقتاردى جاڭالاپ، جاڭا تيجارات تۇرلەرىن قوسپاقشى.
وسى قارىز اقشانى اۋىزعا السا، ءادىل وتە جەلپىنىپ كەتەدى. ”ىندەت ىقپالىنا ۇشىراپ، ساۋدا وتكەن جىلعا قاراعاندا سايابىر بولدى. 4 - ايدا الەۋمەتتىك اۋماق قىزمەتكەرى ماعان تەلەفون شالىپ، ءوسىمى ۇكىمەت قازىناسىنان تولەنەتىن قارىز اقشا قاجەت پە دەپ سۇرادى“. ءادىل دەرەۋ ايەلىن ەرتىپ بانكەگە بارىپ، قاتىستى ماتەريالدارىن تاپسىرىپ، 2 كۇندە - اق قارىز اقشانى الدى. ”جابدىق جاڭالاۋعا قاجەتتى قارجى، دۇكەننىڭ اينالىمىنا قاجەتتى قارجىنىڭ بارلىعى شەشىلدى، وتە قاجەتتى كەزدە بەردى“، - دەدى ول.
ءادىلدىڭ ايەلى رايلا تۇرسىنتوحتى كۇيەۋىن اس - سۋ ساۋداسىن ىستەۋگە باپ كەلەدى دەپ ويلايدى. ”امالى كوپ، ول تاعى وقۋشىلارعا تيىمدىلىك جاسايدى، وقۋشىلارعا ارنالعان تاماق باعاسىن جولعا قويدى، سوندىقتان قاريدارلارىمىز كوبەيىپ كەلەدى“، - دەدى رايلا، كۇيەۋى تيجارات جۇرگىزۋگە جاۋاپتى بولسا، ول قازىنانى جايعاستىرىپ، ەكەۋى ىشتەي سايكەستى.
ءادىل اسحانانىڭ باعا كەستەسىن كورسەتىپ تۇرىپ بىلاي دەدى: ادەتتەگى سيىر ەتى كەسپە كوجەسىنىڭ قالىپتى باعاسى 8 يۋان، وقۋشىلار باعاسى 6 يۋان؛ قىزارتىپ قۋىرعان سيىر ەتى كەسپە كوجەسىنىڭ قالىپتى باعاسى 12 يۋان، وقۋشىلار باعاسى 10 يۋان. تۇسكى اس كەزىندە دۇكەندە قاريدارلار تولىپ وتىرادى.
سيىر ەتى كەسپە كوجەسى عانا بولسا تاعام ءتۇرىنىڭ وتە جالاڭ بولىپ قالاتىنىن ەسكەرگەن ءادىل دۇكەندە مايعا پىسىرعان كاۋاپ ساتا باستادى. بودەنە جۇمىرتقاسى، بالىق دوۋفۋى، تاۋىق قاقتاماسى، شايان شەلپەگى... ون نەشە ءتۇرلى كاۋاپ مۇزداتقىشتا تولىپ تۇر، ءار ىستىگى 2 يۋاندىق مايعا پىسىرىلعان كاۋاپ سيىر ەتى كەسپەسىنىڭ ولشەمدى قوسىمشاسىنا اينالدى. ”قاريدارلار دۇكەنگە كەلگەن سوڭ ءبىر كەسە سيىر ەتى كەسپە كوجەسىنە بىرنەشە ىستىك مايعا پىسىرىلعان كاۋاپ جانە بىردە - ەكى شاعىن قۋىرماش قوساتىندىقتان ساتىلۋ سومام ءبىر جولاتا جوعارىلادى“، - دەدى ءادىل، - ساۋدا جۇرگىزۋ ءۇشىن ەپتى دە قاعىلەز بولۋ كەرەك، كوپ وي جۇگىرتسەڭ بارىپ ساۋدا جاقسى بولادى.
ۇيرەنۋ قىزعىندىلىعى قايتادان قاۋلادى
ءادىل وتباسىنىڭ ماقتانىشى بولاتىن، 1999 - جىلى ىشكى وڭىردەگى داشۋەگە قابىلدانىپ، ءبىلىم العان كەزىندە ول وتاننىڭ كوركەم جەر - سۋىن ارالاپ، كوز اياسىن كەڭەيتكەن.
2004 - جىلى ءادىل مەكتەپ ءبىتىرىپ حوتان قالاسىنا ورالىپ، وتكەرمەلى اۆتوكولىك سەرىكتەستىگىن اشادى، ۇنەمى ىشكى وڭىرلەرگە بارىپ زات ەنگىزىپ، ساۋداسى بىرتىندەپ قالىپتى جولعا تۇسەدى، تاعى بالا عاشىعىمەن توي جاساپ، سۇيكىمدى سابيلەرى دۇنيەگە كەلەدى.
ءاسىلى جاقسى قىزمەت ىستەپ، تاماشا تۇرمىس كەشىرۋگە ءتيىستى ەدى، الايدا ءادىل ۇشقارى يدەيامەن جۇعىمدالادى. ساۋدا ىستەگەن كەزىندە ءادىل كوپتەگەن ادامدارمەن تانىسىپ، ابايسىزدا كەيبىر ۇشقارى يدەيا ونىڭ تۇرمىسىنا ارالاسىپ كەتەدى. ”تويدا كۇلۋگە بولمايدى، ولىمدە جىلاۋعا بولمايدى“، ”ايەلدەر ۇيدەن شىعىپ قىزمەت ىستەسە بولمايدى، تاپقان اقشاسىن جۇمساسا بولمايدى“ سياقتى ايتىلمىس ”قاعيدا“ ءادىلدىڭ ويىن تورلاي باستايدى. ول كەزدەردە اينالاسىنداعى ادامداردىڭ اراق ءىشىپ، تەمەكى شەككەنىن كورسە ولارمەن قاقتىعىسىپ قالادى. ايەلىنىڭ دۇكەنگە كومەكتەسىپ جۇرگەنىن كورسە، ءادىل ونى ۇيگە قايتارىپ جىبەرەتىن، ول ايەل ادام ءجۇزىن كورسەتىپ جۇرسە بولمايدى دەپ قارايدى. وسىنىڭ كەسىرىنەن ءاسىلى كوڭىلدەرى جاراسقان ەكەۋى ۇنەمى ۇرسىسىپ قالادى، اۋەلى، بىرنەشە رەت قول جۇمساۋعا دا شاق قالدى، ساۋداسىن دا جالعاستى ىستەي المادى.
ءادىلدىڭ اكە - شەشەسى ۇلىنىڭ وزگەرىسىن كورىپ ىشتەي قاتتى ابىرجيدى، ولار الەۋمەتتىك اۋماق كادرلارىن كومەككە شاقىرادى. كوپشىلىك كۇش قوسىپ اقىل ايتۋىنىڭ ارقاسىندا، ءادىل حوتان قالاسىنداعى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋگە بەكيدى.
اراعا كوپ جىل سالىپ مەكتەپ تابالدىرىعىن قايتا اتتاعان ءادىل ىشتەي ابىرجىپ قالادى، الايدا باۋلۋ ورتالىعىنىڭ تازا دا رەتتى ورتاسىن كورگەندە، سونىمەن قوسا وقىتۋشىلاردىڭ سابىرلىلىقپەن دەن قويا جەتەكشىلىك ەتۋىندە، ءادىلدىڭ ۇيرەنۋگە دەگەن قىزعىندىلىعى قايتادان قاۋلايدى. باۋلۋ ورتالىعىندا ول وزگە ۇيرەنۋشىلەردىڭ مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋىنە ىرىقتىلىقپەن كومەكتەسىپ، زاڭ بىلىمدەرىن مۇقياتتىلىقپەن بىرگە ۇيرەنەدى. ۇيرەنۋ ارقىلى، ول ادامدى الجاستىراتىن داقپىرتتاردىڭ تۇگەلدەي ساندىراق ەكەنىن انىق ۇعىنادى، ايەلىنە كوپ نارسەگە قارىزدار ەكەنىن سەزىنىپ، ورنىن تولتىرۋعا قۇلشىنۋعا بەكىپ، تاعى دا وتباسىنىڭ ماقتانىشىنا اينالادى.
جۇرەگىمدە ايتىپ جەتكىزە المايتىن باقىت سەزىمى بار
2018 - جىلى باۋلۋ ورتالىعىنان وقۋ تاۋىسقان سوڭ، الەۋمەتتىك اۋماق قىزمەتكەلەرىنىڭ كومەكتەسۋىندە ءادىل 100 مىڭ يۋان جۇمساپ حوتان قالاسىنداعى وسى سيىر ەتى كەسپە كوجەحاناسىن وتكىزىپ الادى.
”اسحانانىڭ كولەمى ۇلكەن، الدىڭعى زالى مەن ارتقى اسحانانىڭ ورنالاسۋى ۇيلەسىمدى، تاعى ورتالىق اۋا رەتتەگىش بار. اسحانا جولعا جاقىن، ماڭايىندا مەكتەپ بار، ۇيگە دە جاقىن“. ءادىل وسى اسحاناعا وتە رازى. كوپ جىلدىق ساۋدا ىستەگەن تاجىريبەسىنە سۇيەنىپ، ءادىل تەز ارادا تيجارات جۇرگىزۋ امالدارىن تابادى.
دۇكەننىڭ اس - سۋ قۇرىلىمى وتە جالاڭ، سيىر ەتى كەسپە كوجەسى مەن سۋىق قۋىرماشتىڭ ءتۇرى از. ماڭايداعى وسىنشاما كوپ تۇرعىندار بيناسىن كورىپ، ءادىل تاڭعى اس قوسۋعا بەكيدى. اس جۋا جۇمىرتقا ءمانتىسى، سيىر ەتى ءمانتىسى، شايعا پىسىرىلعان جۇمىرتقا... ءادىل تاڭعى اس تۇرلەرىن ءبىر - بىرلەپ ساناپ قويادى. كەيىن تاعى مايعا پىسىرىلعان كاۋاپ، سالقىن كەسپە، قۇرعاق قۋىرىلعان سيىر ەتى كەسپەسى سياقتى اس تۇرلەرىن قوسىپ، لاعىمان سوزاتىن 3 اسپاز، 4 كۇتۋشى قابىلدايدى.
ساتىلۋ مولشەرىن ارتتىرۋ ءۇشىن، ءادىل تاماق جەتكىزەتىن 6 − 7 سەرىكتەستىكپەن سەلبەستىك جاساپ، دۇكەنگە ءتۇرلى تاماق جەتكىزۋ تەكشەلەرىنىڭ ەكى ولشەمدى كودىن قويادى.
سيىر ەتى كەسپە كوجەسىن سىرتقا جەتكىزۋ قولايسىز بولعاندىقتان، ءادىل سورپاسى مەن كەسپەسىن بولەك سالاتىن ارناۋلى قوراپ تابادى، ۇستىڭگى جاعىنا كەسپەسىن سالىپ، استىنا سورپاسىن قۇيادى، تۇتىنۋشىلار تاماق جەگەن كەزدە جايلى سەزىنەدى. ءادىل 80 تيىندىق اس قورابىن ءوزىنىڭ تيجارات نارقىنا قوسىپ، ارتىق اقشا المايدى، سىرتقا تاماق جەتكىزۋ تاپسىرىسى ۇزدىكسىز ارتادى. قازىر ايىنا سىرتقا تاماق جەتكىزۋ مولشەرى جالپى تيجارات سوماسىنىڭ ۇشتەن ءبىرىن ۇستايدى.
وتكەرمەلى اۆتوكولىك ديرەكتورىنان اسحانا قوجايىنى بولۋعا دەيىن، ءادىل وزگەرىستىڭ زور ەكەنىن سەزىندى. ”بۇرىن وتكەرمەلى اۆتوكولىك تيجاراتىن ىستەگەن كەزدە جۇمىسقا ۋاعىندا كەلىپ - كەتۋشى ەدىم، ال اسحانا وعان كەلمەيدى، وتە پسىقتىقتى قاجەت ەتەدى“. ءبىر كۇن بۇرىن كەشتە ول الدىن الا تولايىم ساتۋ بازارىنداعى ساۋداگەر لاۋفاڭعا تەلەفون بەرىپ، قارسى جاققا قانداي كوكونىس دايىنداۋ كەرەك ەكەنىن ايتىپ، كەلەسى كۇنى تاڭەرتەڭ ساعات 7، 8دە بارىپ زات اكەلەدى.
”ءار كۇنى اسحانادا تاماق ءىشۋدىڭ 4 رەت قاۋىرت كەزى بولادى، تاڭەرتەڭ، تۇس، كەش، جانە تۇنگى اس، ءتۇن جارىمى ساعات 12دەن كەيىن اسحانانى جاۋىپ ۇيگە قايتامىز“. شەشەسى جۇلدىز راحىم ادىلگە قاتتى جانى اشيدى، ۇنەمى كەلىپ كومەكتەسىپ تۇرادى. ءادىل بىلاي دەدى: بۇكىل وتباسىمداعىلاردىڭ اسحانادا قاربالاس جۇرگەنىن كورگەندە، جۇرەگىمدە ايتىپ جەتكىزە المايتىن باقىت سەزىمى تۋىندايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
