تيانيۇي بەيدوۋدىڭ ”بەيدوۋعا“ سۇيىسپەنشىلىگى
شينجياڭ گازەتىنىڭ جالپىلىق اقپارات قۇرالدارى ءتىلشىسى شيە حۇيبيان
2020.06.28 15:30 كەلۋ قاينارى : شينجياڭ گازەتى
6 - ايدىڭ 23 - كۇنى تۇستەن بۇرىن بەيدوۋ - 3تىڭ تور قۇراۋشى ەڭ سوڭعى جاساندى سەرىگى ءساتتى ۇشىرىلدى، بۇل بەيدوۋ الەمدىك جاساندى سەرىك باعدار نۇسقاۋ جۇيەسىنىڭ جاساندى سەرىكتەردى ورنالاستىرۋ جۇمىسىنىڭ جالپى بەتتىك ورىندالعاندىعىن مەڭزەيدى. بەيدوۋ اۋىزعا الىنسا، كوپتەگەن ادام ونى بىزدەن ايرىقشا الىس دەپ سەزىنەدى، انىعىندا، بەيدوۋ ءبىزدىڭ جانىمىزدا، ول ءبىزدىڭ تۇرمىسىمىزدىڭ الۋان - الۋان جاقتارىنا قىزمەت وتەۋدە... 6 - ايدىڭ 24 - كۇنى شينجياڭ تيانيۇي بەيدوۋ جاساندى سەرىك عىلىم - تەحنيكا شەكتى سەرىكتەستىگىنىڭ باس ديرەكتورى شىن جى تىلشىگە اتالعان سەرىكتەستىكتىڭ زەرتتەپ - اشقان بەيدوۋ دالمە - ءدال ورنىن تۇراقتاندىرۋ جۇيەسىنە نەگىزدەلگەن ءبىرقانشا تەرمينالدىق ونىمدەرىنىڭ شينجياڭداعى قولدانىلۋىن تانىستىردى.
كەڭ ورىستە قورا - قورا قوي، تابىن - تابىن سيىر جايىلىپ ءجۇر، اينالادا نەشە كيلومەتر اۋماقتان مالشىنىڭ قاراسى كورىنبەيدى، ءسىرا، مالشى بۇل ساتتە نە ىستەپ جاتىر؟ ويىڭىزعا دا كىرمەيتىنى ءشۇباسىز، بۇل كەزدە ولار كوكونىس باقشالارىندا تىڭايتقىش بەرۋمەن قاربالاس بولۋدا نەمەسە اۋلالارىنداعى ءجۇزىم سورەسىنىڭ استىندا اق شايىن ءىشىپ اڭگىمە دۇكەنىن قۇرۋدا...
ورىستەگى مالدار جوعالىپ كەتسە قايتپەك؟ بۇرىنعى كەز بولسا، مالشىلار اتىن بوربايلاپ قاشاندا قويدىڭ سوڭىندا جۇرەتىن؛ ال قازىر تيانيۇي بەيدوۋ زەرتتەپ - اشقان زەردەلى مال جايۋ تەرمينالىنىڭ ارقاسىندا، مالدىڭ مويىنىنا زەردەلى مال جايۋ جۇيەسى − بەيدوۋ مال جايۋ تەرمينالىن ءىلىپ قويىپ، سايكەستى قول تەلەفون APPىنا سۇيەنىپ، مالشىلار مالدارىنىڭ جايىلىپ جۇرگەن ورىندارىن وپ - وڭاي ءبىلىپ قالماستان، ەڭ جاقىن جولمەن مالدارىن تاۋىپ الا الادى.
شينجياڭ تيانيۇي بەيدوۋ جاساندى سەرىك عىلىم - تەحنيكا شەكتى سەرىكتەستىگى 2017 - جىلى قۇرىلعان، سەرىكتەستىك جاساندى سەرىك حابارلاسۋى، جاساندى سەرىك ارقىلى باعدار نۇسقاۋ، جاساندى سەرىكپەن قاشىقتان بارلاۋ سياقتى عارىش عىلىم - تەحنيكالارىن قولدانىلۋعا جانە زەرتتەپ اشۋعا دەن قويادى. جاساندى سەرىكپەن باعدار نۇسقاۋ ورنىن تۇراقتاندىرۋ قىزمەت وتەۋ تۇعىرىن جانە جەر بەتىندەگى كۇشەيتۋ تورىن نەگىز ەتىپ، بەيدوۋمەن ورىن تۇراقتاندىرۋ قىزمەت وتەۋىمەن، سونداي - اق تىنىش كۇيدە ميلليمەترلىك، قوزعالىستىق كۇيدە سانتيمەترلىك، مەتردەن تومەن دەڭگەيدەگى جوعارى دالدىكتەگى قولدانبالار ۇسىنادى.
زەردەلى مال جايۋ تەرمينالى بەيدوۋمەن ورىن تۇراقتاندىرۋعا نەگىزدەلىپ مالعا قاتىستى ينفورماتسيالارعا يە بولادى. شىن جىنىڭ تانىستىرۋىنشا، اتالعان جۇيە تاعى قوي، سيىر ەتى، ءسۇت سياقتى ونىمدەردىڭ ساپاسى جونىندە قۋزاستىرۋ جۇرگىزە الادى، قاريدارلار زەردەلى مال جايۋ جۇيەسى تۇعىرى ارقىلى ساتىپ العان سيىر، قوي ەتىنە سايكەس كەلەتىن سيىردىڭ، قويدىڭ ءوسۋ ورتاسى جانە جايىلعان اۋماعى سياقتىلاردى تەكسەرىپ، اناعۇرلىم الاڭسىز ساتىپ الۋىنا بولادى ەكەن.
قازىر ءۇرىمجى اۋدانى، التاي سياقتى جەرلەردەگى ءبىر ءبولىم مالشىلار سيىر، قوي، تۇيە سياقتىلاردى قاشىقتان جايۋدى جۇزەگە اسىرعان. ”سەرىكتەستىگىمىز ءونىمنىڭ قاسيەتىن ونان ارى جاقسارتىپ، بولاشاقتا بۇل ءونىمدى جابايى اڭداردى قورعاۋعا قولدانۋدى جوسپارلاپ وتىر“، - دەدى شىن جى.
تەك بۇل عانا ەمەس، سەرىكتەستىك تاعى زەردەلى ساياحات ورىن تۇراقتاندىرۋ تەرمينالىن زەرتتەپ - اشقان، ورىن ينفورماتسياسىنا نەگىزدەلە وتىرىپ تۇسىندىرمەنى ىسكە قوسىپ، ساياحاتشى ءبىر تىڭداۋىرمەن - اق كورىنىس تۇيىنىنە قاتىستى بارلىق تۇسىندىرمەلەرگە يە بولا الادى. ارتقى تۇعىردا ساياحاتشىنىڭ ورنى تۋرالى ساندى مالىمەتتەرگە تالداۋ جاساپ، ساياحاتشىنىڭ قايسى كورىنىس تۇيىنىنە كوڭىلى اۋاتىندىعىن بىلۋگە، سونداي - اق ساياحاتشىنىڭ ءىس - ارەكەتى، اۋەسى سياقتىلارعا تالداۋ جاساپ، ساياحاتشىلارعا باعىتتامالى تۇردە شينجياڭنىڭ ەرەكشە ونىمدەرىن تانىستىرۋعا ءارى كورىنىس اۋماعىن ساياحاتتاۋ جوسپارىنا جەتەكشىلىك ەتۋگە بولادى. قازىر اتالعان تەرمينال بايىنبۇلاق، جانبۇلاق سياقتى كورىنىس وڭىرلەرىندە جالپىلاستىرىلىپ، قولدانىلۋدا.
مال شارۋاشىلىعى مەن ساياحات كاسىبىنەن سىرت، اتالعان سەرىكتەستىك زەرتتەپ اشقان دالمە - ءدال ورىن تۇراقتاندىرۋ تەرمينالى اۋىل شارۋاشىلىعىندا ۇشقىشسىز ۇشاقپەن وسىمدىكتەردى قورعاۋدا كەڭىنەن قولدانىسقا تۇسكەن.
بۇنىڭ بارلىعى جوعارى دالدىكتەگى بەيدوۋ ورىن تۇراقتاندىرۋ جۇيەسىنىڭ ارقاسى، ورىندى اناعۇرلىم ءدال تۇراقتاندىرۋ ءۇشىن، 2018 - جىلى سەرىكتەستىگىمىز بۇكىل شينجياڭدا بەيدوۋ جەر بەتىندەگى كۇشەيتۋ جۇيەسىنىڭ 129 بازالىق پۋنكتىن قۇردى، قازىرگە دەيىن بارلىعى پايدالانۋعا بەرىلدى، - دەدى شىن جى.
جۇمىس ۇجىمىن 2017 - جىلى قۇرعانىمەن، شىن جىنىڭ ”بەيدوۋمەن“ تابىسقانىنا ون نەشە جىل بولىپتى، ”’زات ينتەرنەتى + 5Gگە‘ سۇيەنىپ، بەيدوۋ دالمە - ءدال ورىن تۇراقتاندىرۋ جۇيەسىنىڭ بولاشاقتاعى قولدانىسى اناعۇرلىم كەڭەيە تۇسەدى“، - دەيدى ول. ءدال وسىنداي مىعىم سەنىمنىڭ ارقاسىندا، اتالعان جۇمىس ۇجىمىنا ەل ىشىندەگى كوپتەگەن تەحنيكالىق مىقتىلار جينالىپتى. ”كوپشىلىك ايرىقشا ىقىلاسپەن جۇمىس ىستەۋدە، بولاشاقتا سەرىكتەستىگىمىز قالايدا اناعۇرلىم كوپ وزەكتى تەحنيكالارعا قول جەتكىزەدى“، - دەدى شىن جى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
