رايونىمىز فوتوۆولت اكىمشىلىك قىستاقتارىنا ۇلكەن توراپتىق ەلەكتر جەتكىزۋ ينجەنەرياسى قۇرىلىسىن جەدەلدەتتى
قاعىلىقتىڭ شەكارا قىستاعى ۇلكەن ەلەكتر تورابىنان پايدالانا باستادى
2020.06.29 14:08 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 6 - ايدىڭ 27 - كۇنى قاعىلىقتان حابارلايدى. 6 - ايدىڭ 25 - كۇنى تۇستە قاعىلىق اۋدانىنىڭ شيحىشيۋ اۋىلى شيحىشيۋ قىستاعىنداعى 423 ەگىنشى - مالشى دۋان - ۋ مەرەكەسىندە ەرەكشە تارتۋ قابىلدادى. بۇل كۇنى شيحىشيۋ اۋىلىنىڭ فوتوۆولت اكىمشىلىك قىستاعىنا ۇلكەن توراپتىق ەلەكتر جەتكىزۋ ينجەنەرياسىنىڭ قۇرىلىسى ءبىتىپ، ىسكە قوسىلىپ، اۋدان قالاشىعىنان 180 كيلومەتردەي قاشىقتاعى وسىناۋ شەكارا قىستاعى حاۋىپسىز، سەنىمدى ۇلكەن توراپتىق ەلەكتردەن پايدالانا باستادى.
شيحىشيۋ اۋىلى قاراقۇرىم تاۋىنىڭ تەرەڭ قويناۋىنا ورنالاسقان، تەڭىز دەڭگەيىنەن شامامەن 2980 مەتر بيىك، قاعىلىق اۋدانىنداعى ورنى ەڭ شەتكەرى، شالعاي، جاراتىلىستىق ورتاسى ەڭ سۇركەيلى شەكارا اۋىل. 2019 - جىلى اۆتونوميالى رايوننىڭ ءتۇيىندى ينجەنەرياسى − شامامەن 592 ميلليون يۋان قارجى قوسىلعان، 1535 ەگىنشى - مالشى وتباسىن يگىلىككە كەنەلتەتىن 11 فوتوۆولت اكىمشىلىك قىستاعىنا ۇلكەن توراپتىق ەلەكتر جەتكىزۋ ينجەنەرياسى باستالدى، شيحىشيۋ اۋىلىنىڭ فوتوۆولت اكىمشىلىك قىستاقتارىنا ۇلكەن توراپتىق ەلەكتر جەتكىزۋ ينجەنەرياسى سولاردىڭ ءبىرى. اتالعان ينجەنەريا 2019 - جىلى قۇرىلىس باستاعان، جالپى 290 ميلليون يۋان قارجى قوسىلعان، جاڭادان 130 كيلومەترلىك جەلى تارتىلىپ، جاڭادان 110 ۆولتتىق كەرنەۋ اۋىستىرۋ ستانسياسىنان بىرەۋ، 35 كيلوۆولتتىق كەرنەۋ اۋىستىرۋ ستانسياسىنان بىرەۋ سالىنىپ، جاڭادان 8 ەلەكتر ۇلەستىرۋ، كەرنەۋ وزگەرتۋ جابدىعى ورناتىلدى، ينجەنەريا تەڭىز دەڭگەيىنەن 3000 مەتردەن استام بيىك اقاز اسۋىنان اسىپ وتۋىنە تۋرا كەلەدى، قۇرىلىس قيىندىعى جوعارى، سالىنىپ بىتكەن سوڭ اۋىلدىق ۇكىمەت تۇرعان قىستاقتاعى 423 وتباسىن، 1897 ەگىنشى - مالشىنى يگىلىككە كەنەلتەدى.
ەلەكتر تۇتاستىرۋ سالتى وتكەن جەردە سەبەزگىلەگەن جاۋىن ەگىنشى - مالشىلاردىڭ ىستىق ىقىلاسىن توسا المادى، مالشى اققىز پازامەت مۋزيكاعا ىلەسىپ قۋانا بيگە باستى. ”بۇگىن تۇستە ۇيگە كەل، مەن ەلەكتر قازانمەن ساعان تاماق جاساپ بەرەمىن“، - دەدى اققىز تىلشىگە شاتتانا.
ءبىر جىلدىڭ الدىندا اققىز تاڭعى اس دايىنداۋعا ەلەكتر قازان ساتىپ الىپتى. ءبىراق فوتوۆولتتىق ەلەكتردىڭ كەرنەۋى تومەن بولعاندىقتان، ەلەكتر قازاننىڭ ىستەتۋگە كەلمەيتىندىگىن ويلاماعان ەدى، اققىز امالسىز قايتادان كومىر وشاقپەن تاماق جاساۋعا كوشەدى.
”اۋا رايى جاقسى كەزدە، فوتوۆولتتىق ەلەكترمەن تەلەۆيزور كورۋگە، جارىقتاندىرۋعا ابدەن بولادى، ءبىراق قىس بولدى نەمەسە بۇلتتى، جاڭبىرلى كۇندەرى ەلەكتر قۋاتى جەتىسپەيتىن جاعداي وڭاي كەزدەسەدى. ۇلكەن توراپتىق ەلەكتر جەتكىزىلگەن سوڭ، مەن ساتىپ العان ەلەكتر جابدىقتاردى قالىپتى پايدالانا الاتىن بولدىم“، - دەيدى اققىز.
اتالعان ينجەنەريا ىسكە قوسىلعان سوڭ، جەرگىلىكتى ەگىنشى - مالشىلاردىڭ قالىپتى وندىرىستىك، تۇرمىستىق ەلەكتر تۇتىنۋ سۇرانىسىن قاناعاتتاندىرىپ قالماستان، كاسىپ سالاسىنىڭ دامۋىنا، كەدەيلىكتەن ارىلتۋدان قامال الۋعا ەنەرگيا جاعىنان كەپىلدىك ەتە الادى.
”ۇلكەن توراپتىق ەلەكتر جەتكىزىلدى دەگەندى ەستىپ، ءبىر كاسىپورىن ماعان حابارلاسىپ ۇلگىردى، ول قىستاقتان مال سويۋدى، جىنتىكتەي مانەرلەۋدى ءبىر تۇلعالاندىرعان ءبىر ەت ونىمدەرىن مانەرلەۋ كاسىپورنىن اشپاق ەكەن، بۇل اۋىلىمىزدىڭ باعىمشىلىق كاسىبىنىڭ دەڭگەيىن ءوسىرىپ، ەگىنشى - مالشىلاردى كىرىسىن ارتتىرۋعا جەتەكتەيدى“، - دەيدى شيحىشيۋ اۋىلدىق پارتكومنىڭ شۋجيى لي يۇن.
”قازىر ءبىز 10 فوتوۆولت اكىمشىلىك قىستاعىنا ەلەكتر جەتكىزۋ مىندەتىن ورىنداپ بولدىق، بۇل وسى قىستاقتارداعى ەلەكتر تورابىنىڭ ەلەكتر جەتكىزۋ قۋاتىن ءونىمدى جوعارىلاتىپ، ەگىنشى - مالشىلاردىڭ وندىرىستىك، تۇرمىستىق ەلەكتر تۇتىنۋىن جالپى بەتتىك قاناعاتتاندىرادى“، - دەيدى مەملەكەتتىك ەلەكتر تورابى شينجياڭ ەلەكتر قۋاتى شەكتى سەرىكتەستىگى پارتكومنىڭ ورىنباسار شۋجيى، ورىنباسار باس ديرەكتور شۇي جيانجۇڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
