بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

رايونىمىزداعى شارۋالار كاسىپتىك سەلبەستىك كووپەراتيۆتەرى جىلىنا ورتا ەسەپپەن 2000نان استام كوبەيدى

2020.06.30 10:52     كەلۋ قاينارى : شينجياڭ گازەتى

گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفەي 6 - ايدىڭ 28 - كۇنى ۇرىمجىدەن حابارلايدى. 6 - ايدىڭ 25 - كۇنى ورتالىق قازىنا اۆتونوميالى رايونعا اۋىل شارۋاشىلىعى ءوندىرىسىن دامىتۋ نىسانى قارجىسىن ءتۇسىردى، مۇنىڭ ىشىندە 50 ميلليون 850 مىڭ يۋان اقشا شارۋالار كاسىپتىك سەلبەستىك كووپەراتيۆى سياقتى جاڭاشا اۋىل شارۋاشىلىعى تيجارات تۇلعالارىن دامىتۋدى سۇيەمەلدەۋگە پايدالانىلادى.

  اۋىل شارۋاشىلىعى تاراۋلارىنىڭ ساناعىنا قاراعاندا، بىلتىر جىل سوڭىنا دەيىن، تۇتاس شينجياڭدا شارۋالار كاسىپتىك سەلبەستىك كووپەراتيۆى جالپى 26 مىڭ 424كە جەتكەن. ”ال 2010 - جىلى تۇتاس شينجياڭدا نەبارى 3652 سەلبەستىك كووپەراتيۆى بار بولاتىن. 10 جىلعا تاياۋ ۋاقىتتان بەرى، سەلبەستىك كووپەراتيۆتەرى جىلىنا ورتا ەسەپپەن 2000نان استام كوبەيىپ وتىرعان. ورتا ەسەپپەن ءار قىستاق سايىن 2 − 3 سەلبەستىك كووپەراتيۆ بار“، - دەدى اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى اۋىل - قىستاق سەلبەستىك ەكونوميكاسىن دامىتۋ جانە وعان جەتەكشىلىك ەتۋ ورتالىعىنىڭ مەڭگەرۋشىسى شيان ۋىنشين.

  جۋىق جىلداردان بەرى، رايونىمىز شارۋالار كاسىپتىك سەلبەستىك كووپەراتيۆتەرى ءداستۇرلى ەگىنشىلىك، باعىمشىلىق سالاسىنان ۇزدىكسىز كەڭەيىپ، استىق، ماقتا، ماي ءوندىرىسى، اۋىل شارۋاشىلىعى ماشينالارى، وسىمدىك باپتاۋ، حالىقتىق تەحنولوگيا، ساياحات - سەيىل - سەرۋەن اۋىل شارۋاشىلىعى، ەلەكتروندى ساۋدا ىستەرى سياقتى كوپ نەگىزدى كاسىپ كۇيىنىڭ دامۋ جاعدايىن بىرتىندەپ قالىپتاستىرىپ، ”كووپەراتيۆ +“ تارالۋ جاعدايىن جارىققا شىعاردى.

  شايار اۋدانى دىمين ەگىنشىلىك شارۋالار كاسىپتىك سەلبەستىك كووپەراتيۆىنىڭ تيجاراتتىق 15 مىڭ مۋ ەگىستىك جەرى بار. ”سەلبەستىك كووپەراتيۆى قۇرىلۋدان بۇرىن، شارۋا وتباسىلارىنىڭ 3 − 5 مۋ جەرى بار بولاتىن، ەگىن ەككەندە كەتپەن، تەسە، شاعىن 4 دوڭگەلەكتى تراكتورعا سۇيەنەتىن. ال قازىر تۇقىم سەپكىش ماشيناسى، ماقتا تەرۋ ماشيناسى سياقتى ءىرى تۇرپاتتى اۋىل شارۋاشىلىعى ماشينالارىن پايدالاناتىن بولدىق. اۋىل شارۋاشىلىعى ءوندىرىسىنىڭ ونىمدىلىگى، از دەگەندە، %70 جوعارىلادى، شارۋالاردىڭ ءبىر مۋ جەردەن كىرگىزەتىن كىرىسى دە 200 − 300 يۋاننان 600 − 700 يۋانعا جوعارىلادى“، - دەدى وسى سەلبەستىك كووپەراتيۆىنىڭ جورا باستىعى وۋياڭ دىميڭ.

  شيان ۋىنشين مىنالاردى ءبىلدىردى: بۇل كۇندەرى شارۋالار كاسىپتىك سەلبەستىك كووپەراتيۆى شارۋالاردى كەدەيلىكتەن ارىلىپ بايۋ جولىنا باستاۋدىڭ ورنىقتى ارناسىنا اينالدى. بىلتىر رايونىمىزداعى شارۋالار كاسىپتىك سەلبەستىك كووپەراتيۆتەرىنىڭ مۇشەلەرىنىڭ ورتاشا قولداعى تابىس پايداسى 1168 يۋان بولعان، بۇل ۇقساس ءونىم وندىرەتىن شارۋالاردىڭ كىرىسىمەن سالىستىرعاندا %20تەن اسادى.

  شيان ۋىنشين شارۋالار كاسىپتىك سەلبەستىك كووپەراتيۆتەرىنىڭ دامۋىن ولشەمگە ءتۇسىرۋ ءۇشىن، رايونىمىز سەلبەستىك كووپەراتيۆتەرىنىڭ ساپاسىن ولشەمدەندىرۋ قيمىلىن جاپپاي ورىستەتكەندىگىن ايتتى. ”جۋىقتا اۆتونوميالى رايونداعى 11 تاراۋ سەلبەستىك كووپەراتيۆتەرىن ولشەمدەندىرۋ، ساپاسىن جوعارىلاتۋ قيمىلىن اتقارۋ جوباسىن جاسادى، مۇنان كەيىن سەلبەستىك كووپەراتيۆتەرىنىڭ دامۋ ءتۇيىنى ’ساننىڭ ارتۋىنان‘ ’ساپانىڭ جوعارىلاۋىنا‘ قاراي ويىسادى“، - دەدى شيان ۋىنشين.

  ۇعىسۋعا قاراعاندا، رايونىمىز ورتالىقتىڭ اۋىل شارۋاشىلىعىن دامىتۋ ارناۋلى قارجىسىنان پايدالانىپ، شارۋالار كاسىپتىك سەلبەستىك كووپەراتيۆتەرىنىڭ كولەمدەنگەن بازا قۇرىلىسىن، ءوندىرۋ - ساتۋ جۇيەسى قۇرىلىسىن، اۋىل شارۋاشىلىعى ونىمدەرىنىڭ مۇزداتۋ تىزبەگى زات اينالىمى قۇرىلىسىن، مانەرلەۋ، ساقتاۋ، تاسىمالداۋ قۇرىلعى جابدىقتارى قۇرىلىسىن، سونداي - اق سەلبەستىك كووپەراتيۆى يقۋاتىنىڭ جوعارىلاۋى مەن ناقتى تۇلعا تيجاراتىن ورىستەتۋىن ءتۇيىندى قولداپ، سەلبەستىك كووپەراتيۆتەرىنىڭ جالپىلىق ناقتى قۋاتىن جاپپاي جوعارىلاتادى ەكەن. شارۋالار كاسىپتىك سەلبەستىك كووپەراتيۆىنىڭ باستاۋشىلارىن باۋلۋدىڭ باياندى مەحانيزمىن ورناتىپ، اۆتونوميالى رايون دارەجەلىدەن جوعارى ۇلگى كورسەتۋ كووپەراتيۆتەرى باستاۋشىلارىن ءار 3 جىلدا ءبىر رەت كەزەكپەن تاربيەلەمەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار