دۋان - ۋ دەمالىسىندا مادەنيەت - ساياحات قيمىلدارى ساياحاتشىلارعا شاتتىق سيلادى
گازەتىمىزدىڭ جالپىلىق اقپارات قۇرالدارى تىلشىلەرى ياۋ گاڭ، رىن جياڭ
2020.06.30 10:53 كەلۋ قاينارى : شينجياڭ گازەتى
جاڭا عانا وتكەن دۋان - ۋ مەرەكەسى دەمالىسىندا، بۇكىل شينجياڭنىڭ جەر - جەرىندەگى كورىنىس وڭىرلەرى ىندەتتەن ساقتانۋ - تىزگىندەۋدى ۇدايىلاندىرا وتىرىپ، ”شينجياڭدى ءسۇيۋ. اتا مەكەنگە ساياحات“ نەگىزگى تاقىرىبىن ارقاۋ ەتىپ، نازاردى مادەنيەت پەن ساياحاتتى توعىستىرۋعا شوعىرلاندىرىپ، سان قيلى تاماشا، تارتىمدى مادەنيەت - ساياحات قيمىلدارىن ورتاعا قويىپ، ساياحاتشىلاردىڭ ”ولەڭ جانە شالعاي ءوڭىردىڭ“ كوركەمدىگىن تولىق سەزىنۋىنە مۇمكىندىك جاسادى.
”ءوز كولىگىمىزبەن ساياحاتتاپ كوكتوعاي اۋدانىنا كەلدىك، جول داڭعىل، كورىنىستەر ءتىپتى دە كوز تارتادى ەكەن“، - دەدى 6 - ايدىڭ 27 - كۇنى ءۇرىمجى قالاسىنان ءوز كولىگىمەن كوكتوعاي اۋدانىنداعى كوكتوعاي قوڭىراۋتاس كورىنىس اۋماعىنا ساياحاتتاي كەلگەن شى مين.
سول كۇنى ءوز كولىكتەرىمەن ساياحاتتاپ كەلگەن 40تان استام اۆتوكولىكتەگى 100دەن استام ساياحاتشى دا شى مينمەن بىرگە كورىنىس ءوڭىرىن تاماشالادى، ولار ”التايدىڭ مىڭ كيلومەترلىك سۋرەتتەي سۇلۋ ءدالىزىن ءوز كولىگىمەن ساياحاتتاۋ“ قيمىلى بارىسىندا شىڭگىل اۋدانى، بۋىرشىن اۋدانى، كوكتوعاي اۋدانى سياقتى جەرلەردەن ءوتىپ، نە ءبىر كوركەم كورىنىستەرگە مەيلىنشە كوزايىم بولىپ قايتتى.
”جول بويىنداعى كورىنىستەر وتە ادەمى، اياق باسقان جەردىڭ بارلىعى كوركەم كورىنىس ەكەن“. بەيتۇندىق ساياحاتشى شۇي ي 6 - ايدىڭ 25 - كۇنى ۇيىندەگىلەرىن ەرتىپ ءوز كولىگىمەن مايتاۋ - كۇشار تاس جولىمەن تيانشان قاراۋىلى كورىنىس اۋماعىنا كەلدى.
دۋان - ۋ مەرەكەسى دەمالىسىندا مايتاۋ - كۇشار تاس جولى ءوز كولىگىمەن ساياحاتتايتىن ساياحاتشىلار بارۋعا اسىعاتىن جەر بولدى، شيحۋ قالاسىنان، ساۋان اۋدانىنان ءار كۇنى ءوز كولىگىمەن ساياحاتقا شىعاتىندار ورتاشا ەسەپپەن 10 مىڭنان استام كولىككە جەتتى.
بۇل دەمالىستا تارباعاتاي ايماعىنىڭ بارلىق تاۋى، فوشان مەملەكەتتىك ورمان باقشاسى، ۇلۋجان، تارباعاتاي تاۋى، جابايى الما ورمانى سياقتى كورىنىس وڭىرلەرىندەگى اۆتوتۇراقتارعا ءوز كولىگىمەن ساياحاتتاپ كەلگەندەردىڭ اۆتوكولىكتەرى لىق تولىپ، ورتاشا ەسەپپەن ءار كۇنى قابىلداعان ساياحاتشىلار 1000نان استى.
قياق كۇرىش ءتۇيۋ، ايداعار قايىق ەسۋ − دۋان - ۋ مەرەكەسىنىڭ ءداستۇرلى مازمۇنى، جەر - جەردەگى الۋان ءتۇرلى مادەنيەت - ساياحات قيمىلدارى دا ساياحاتشىلاردى وزىنە تارتتى.
دۋان - ۋ مەرەكەسى دەمالىسىندا حوتان ايماعى لوپ اۋدانى مادەنيەت - ساياحات كەشكى بازارى دۋان - ۋ ادەبيەت - كوركەمونەر ساۋىق كەشىن جانە ينتەرنەتتە تىكە تاراتۋ قيمىلىن وتكىزىپ، ساياحاتشىلاردى سول جەردەگى كورىنىس وڭىرلەرىنە كەلۋگە تارتتى.
جەمەنەي اۋدانى قويتاس كورىنىس اۋماعى قياق كۇرىش ءتۇيۋ شەبەرلىگى بايقاۋىن وتكىزىپ، ساياحاتشىلاردى قياق كۇرىش تۇيۋگە، قياق كۇرىشتەن ءدام تاتۋعا، ۇلتتىق ءان - ءبي قويىلىمدارىن تاماشالاۋعا ۇيىمداستىردى. جالپى التاي ايماعىندا 56 ءتۇرلى ەرەكشە مادەنيەت - ساياحات قيمىلدارى ءوتتى.
بۇل دەمالىستا بۇكىل شينجياڭنىڭ جەر - جەرى جالپى 180نەن استام مادەنيەت - ساياحات قيمىلىن وتكىزىپ، جۇڭحۋانىڭ تاڭداۋلى ءداستۇرلى مادەنيەتىن ۇلىقتايتىن، دۋان - ۋ مەرەكەسىندىك ۇلتتىق ادەت - عۇرىپ قيمىلدارى ساياحاتشىلاردىڭ ايرىقشا قارسى الۋىنا بولەندى.
دۋان - ۋ مەرەكەسى كەزىندە بۇكىل شينجياڭنىڭ جەر - جەرىندە گۇلدەر قاۋلاپ، اعاش - شوپتەر جايقالىپ، جەمىس - جيدەك ءيىسى اڭقىدى. گۇل تاماشالاۋ، جەمىس ءۇزۋ، قىسقا ارالىقتى سەيىلدەۋ ساياحاتشىلاردى قىزىقتىردى.
ءۇرىمجى قالاسى حۇڭشان باقشاسى شامگۇل كورمەسىن وتكىزدى، جايقالا اشىلعان شامگۇلدەر بۋمەن كومكەرىلىپ، اسا تاماشا كورىنىس قالىپتاستىردى. ءۇرىمجى قالاسى شۇيموگوۋ رايونى سىنتاس قىستاعى ينۇڭ باقشاسىنداعى 300 مۋعا جۋىق راۋشانگۇل قۇلپىرا شەشەك اتىپ، گۇل تاماشالاۋ دەمالىس كۇنىندە كوپتەگەن قالا تۇرعىنداردىڭ باستى تاڭداۋىنا اينالدى.
جەر - جەر قىسقا ارالىقتى، قالا ماڭىنا ساياحات جەلىلەرىن ىركەس - تىركەس ىسكە قوسىپ، ساياحاتشىلاردىڭ سۇرانىسىن قاناعاتتاندىردى. قۇلجا قالاسى ليۋشيڭ كوشەسىندە تاريحي - مادەني كوشە - اۋماعىندا سەرۋەندەپ، قازانشى ەتنوگرافيالىق - ساياحات اۋماعىندا ات اربا ”حادىككە“ وتىرىپ ەرەكشە تۇرعىن ۇيلەردى ارالاعان ساياحاتشىلار ۇلتتىق سالت - سانا، ادەت - عۇرىپتى سەزىنە الادى؛ نارات ساحاراسىندا ساياحاتشىلار ”كەڭىستىكتەگى ساحارانىڭ“ سۇلۋلىعىن تاماشالاي الادى.
بۇل دەمالىستا ساياحاتشىلار شاۋەشەك قالاسىنداعى باتىس بولىك ءدامدى تاعامدار كوشەسىنىڭ كەشكى بازارىندا جىلقىنىڭ قازىسىن قيالاپ تۋراپ، حوتان قالاسىنداعى حوتان كەشكى بازارىنان ايران قوسقان قياق كۇرىشتەن ءدام تاتىپ، التاي قالاسىنداعى لانۋان كەشكى بازارىنان قاقتاعان بالىق جەدى... بۇدان سىرت، دۋان - ۋ مەرەكەسى دەمالىسىندا تۋىس - تۋعان، دوس - جاراندارىن ەرتىپ اۋىل - قىستاقتا جەمىس ۇزۋدەن اسەر الۋ دا قىرۋار ادامنىڭ ساياحاتقا شىعۋداعى باستى تاڭداۋىنا اينالدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
