بۇكىل رايونىمىزداعى 259 شەكارا بويىنداعى قىستاقتا اۋىل - قىستاق ەلەكتر تورىن جاڭالاۋ ينجەنەرياسى تۇگەلدەي ىسكە قوسىلدى
2020.07.02 14:40 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 6 - ايدىڭ 29 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، 6 - ايدىڭ 26 - كۇنى قۇلجا قالاسى ىلە وزەنى وڭتۇستىك جاعالاۋى جاڭا رايونىنداعى 110 كيلوۆولتتىق كەرنەۋ وزگەرتۋ پۋنكتى رەسمي ىسكە قوسىلعان. بۇل رايونىمىز 2018 - جىلدان باستاعان 259 شەكارا بويىنداعى قىستاقتا اۋىل - قىستاق ەلەكتر تورىن جاڭالاۋ، دارەجەسىن جوعارىلاتۋ ينجەنەرياسىنىڭ تۇگەلدەي اياقتاپ ىسكە قوسىلىپ، جيىنى 22 مىڭ وتباسىنداعى 87 مىڭ 400 ەگىنشى - مالشىنى يگىلىككە كەنەلدىرگەندىگىن كورسەتەدى.
شەكارا بويىنداعى قىستاقتار تيانشاننىڭ وڭتۇستىگى مەن سولتۇستىگىندە اندىزداي ورنالاسقان، قاتىناسى قولايسىز، قورشاعان ورتاسى ناشار، ەلەكترمەن قامداۋ راديۋسى ۇزىن بولعاندىقتان ەلەكتردەن پايدالانۋداعى ”قىسىلتاياڭدىق“، ”تومەن كەرنەۋ“ سياقتى ماسەلەلەر جەرگىلىكتى ورىنداردىڭ دامۋىنا تۇساۋ بولىپ كەلگەن. 2018 - جىلدان باستاپ، رايونىمىز شەكارا بويىنداعى قىستاقتاردا اۋىل - قىستاق ەلەكتر تورىن جاڭالاپ، دارەجەسىن جوعارىلاتۋ ينجەنەرياسىن ىلگەرىلەتتى، ينجەنەرياعا جيىنى 753 ميلليون يۋان قارجى سالىنىپ، 27 اۋدانداعى 259 شەكارا بويىنداعى قىستاقتى قامتىدى. مۇنىڭ ىشىندە 2020 - جىلى 105 ميلليون يۋان قارجى سالىنىپ، 17 اۋدانداعى 106 شەكارا بويىنداعى قىستاقتى قامتىدى.
”ەلەكتر تورىنىڭ دارەجەسى جوعارىلاتىلعاننان كەيىن، ىلە وزەنى وڭتۇستىك جاعالاۋى جاڭا رايونىن اشۋ قۇرىلىسىنىڭ جانە ساۋداگەر شاقىرىپ، قارجى ەنگىزۋ نىساندارىنىڭ ەلەكتردەن پايدالانۋ قاجەتىن قاناعاتتاندىرىپ، وسى رايوننىڭ ساياحات، گۋمانيتار، قونىستانۋ، اس - سۋ سياقتىلار ءبىر تۇلعالاندىرىلعان الەۋمەتتىك اۋماق قۇرىلىسىنىڭ ەلەكتردەن پايدالانۋ ساپاسىن جوعارىلاتادى“، - دەدى ىلە وزەنى وڭتۇستىك جاعالاۋى جاڭا رايونىن باسقارۋ كوميتەتىنىڭ ورىنباسار مەڭگەرۋشىسى جۋ يادۇڭ.
”بۇل ينجەنەريا شەكارا، شالعاي وڭىرلەردەگى ەلەكتر جەتىسپەۋ ماسەلەسىن ءونىمدى شەشىپ، شالعاي وڭىرلەردەگى ەگىنشى - مالشىلاردىڭ ’ەلەكتردەن پايدالانا الۋدان‘’ەلەكتردەن ويداعىداي پايدالانۋعا‘ بۇرىلىس جاساۋىنا مۇمكىندىك جاساپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە دەم بەرەدى“، - دەدى مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى قۇرىلىس ءبولىمى قۇرىلىس باسقارۋ باسقارماسىنىڭ باستىعى جوۋ چىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
