اۆتونوميالى رايون ”ەكىدەن تارىقتىرماۋ، ءۇشتى قامتاماسىز ەتۋ“ كورنەكتى ماسەلەسىن جالپى تۇلعالىق جاقتان شەشتى
2020.07.03 10:52 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى جاڭ جىلي 7 - ايدىڭ 1 - كۇنى ۇرىمجىدەن حابارلايدى. ”پارتيا مەن ۇكىمەتكە العىس ايتامىن، ءتاتتى سۋ ىشۋىمە مۇمكىندىك جاسادى، بۇل − ’باقىت سۋى‘“. ”1 - شىلدە“ قارساڭىندا ءپايزاۋات اۋدانى جامباز اۋىلى جىبەكشى قىستاعىنداعى 80 جاستاعى اقساقال يميت اسەن مەن قىستاقتاعى بىرنەشە كاريا پارتيانىڭ قامقورلىعى تۋرالى اڭگىمەلەسكەندە، جاقىندا ۇيلەرىنە قۇبىر سۋ جەتكەندىگىن ارنايى اۋىزعا الدى.
تاياۋدا ءبىر ميلليارد 749 ميلليون يۋان قارجى قوسىلعان ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسى سالىنىپ ءبىتىپ جاپپاي سۋ جىبەرىلگەننەن كەيىن، وسى اۋدانداعى 15 مىڭ 300 كەدەيدىڭ اۋىز سۋ حاۋىپسىزدىگى ماسەلەسى شەشىلدى. وسىعان دەيىن شينجياڭداعى بارلىق كەدەي حالىق سورتاڭ سۋعا تۇبەگەيلى قوش ايتىپ، اۋىز سۋ حاۋىپسىزدىگى جاپپاي جۇزەگە استى.
6 - ايدىڭ 30 - كۇنى اۆتونوميالى رايوندىق كەدەيلەردى سۇيەمەلدەۋ، وركەندەتۋ كەڭسەسىنىڭ 1 - دارەجەلى شارلاۋشىسى، اقپارات مالىمدەمەشىسى چىن لەي تىلشىگە بىلاي دەدى: كەدەيلىكتەن ارىلتۋدان قامال الۋ اياقتالاتىن جىلدىڭ جارتىسى وتكەن ءتۇيىندى ساتتە، شينجياڭدا كەدەي حالىقتىڭ اۋىز سۋ حاۋىپسىزدىگى، اۋىل - قىستاقتىڭ تۇرعىن ءۇي حاۋىپسىزدىگى مەن قونىس جاڭالاپ كەدەيلەردى سۇيەمەلدەۋ سايكەستى قۇرىلعى قۇرىلىسى مىندەتىنىڭ سوڭعى جۇمىستارىنىڭ جاپپاي ورىندالۋى رايونىمىزدا ”ەكىدەن تارىقتىرماۋ، ءۇشتى قامتاماسىز ەتۋ“ كورنەكتى ماسەلەسىنىڭ تۇلعالىق جاقتان شەشىلگەندىگىنىڭ بەلگىسى بولىپ تابىلادى.
اۋىل - قىستاق اۋىز سۋ حاۋىپسىزدىگى ماسەلەسىن شەشۋدە، ”13 - بەسجىلدىقتان“ بەرى تۇتاس شينجياڭ اۋىل - قىستاق اۋىز سۋ حاۋىپسىزدىگى ينجەنەرياسىنان 400 نەشەسىن اتقارىپ، 12 ميلليارد 200 ميلليون يۋن قارجى قوسىپ، جيىنى ءبىر ميلليون 520 مىڭ كەدەي حالىقتىڭ اۋىز سۋ حاۋىپسىزدىگى ماسەلەسىن شەشىپ، تۇتاس شينجياڭداعى كەدەي حالىقتىڭ اۋىز سۋ حاۋىپسىزدىگى ماسەلەسى جاپپاي شەشىلدى.
اۋىل - قىستاق بەيقۇت ءۇي ينجەنەرياسى ماسەلەسىن شەشۋ جاعىندا، سوڭعى جىلداردان بەرى، رايونىمىز جوعارى ساپالى، ءار ۇلت بۇقاراسىنىڭ قالاۋىنان شىعاتىن بەيقۇت ءۇي نىساندارىن ارت - ارتىنان سالىپ، ءار ۇلت بۇقاراسىنىڭ تۇراتىن ءۇي بولۋ، جاقسى ۇيدە تۇرۋ ارمانىن بىرتىندەپ رەالعا اينالدىردى.
ساندى مالىمەتتە كورسەتىلۋىنشە، رايونىمىز ”ەكىدەن تارىقتىرماۋ، ءۇشتى قامتاماسىز ەتۋدى“ ءجىتى قاداعالاپ، اۋىل - قىستاق بەيقۇت ءۇي ينجەنەرياسىن بار كۇشپەن اتقارۋ ارقىلى ارحيۆ تۇرعىزىلىپ، كارتچكالاندىرىلعان 675 مىڭ 600 كەدەي وتباسىنىڭ تۇرعىن ءۇي حاۋىپسىزدىگى ماسەلەسىن شەشكەن، مۇنىڭ ىشىندە وڭتۇستىك شينجياڭداعى 4 ايماق - وبلىستان 584 مىڭ 900 وتباسى بار. 2019 - جىلدىڭ سوڭىندا رايونىمىز اۋىل - قىستاقتارداعى كەدەي حالىقتىڭ قاتەرلى ۇيدە تۇرۋ تاريحىن تۇبەگەيلى اياقتاتىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە بەرىك نەگىز قالاعان.
قونىس جاڭالاپ كەدەيلەردى سۇيەمەلدەۋ ينجەنەرياسى ماسەلەسىن شەشۋ جاعىندا، ”13 - بەسجىلدىقتان“ بەرى رايونىمىز قونىس جاڭالاپ كەدەيلەردى سۇيەمەلدەۋ قۇرىلىسى مىندەتىن جاپپاي ورىنداپ، 169 مىڭ 200 ادام جاڭا قونىسقا كوشىپ كىردى. قىستاققا، وتباسىلارىنا، ادامعا قاراي شارا اتقارۋ ارقىلى رايونىمىز قونىس جاڭالاپ كەدەيلەردى سۇيەمەلدەۋ قىزمەتىنىڭ ءتۇيىنىن كوشىرۋدى نەگىز ەتۋدەن كەيىنگى سۇيەمەلدەۋگە قاراي وزگەرتىپ، ”كوشىرۋدەن“ ”ورنىقتىرۋعا، اۋقاتتاندىرۋعا“ قاراي ويىستىردى، جەر - جەر جۇمىستاندىرۋ ورىندارىن دەن قويا جوبالاپ، شەبەرلىككە باۋلىپ، كەدەيلەردى سۇيەمەلدەۋ كاسىپورىندارىن ەنگىزىپ، قونىس جاڭالاپ كەدەيلەردى سۇيەمەلدەۋدىڭ سوڭعى جۇمىستارىن تولىق ويداعىداي ىستەپ، قونىس جاڭالاعان ەگىنشى - مالشىلاردىڭ بارىندە ىستەيتىن جۇمىس، اي سايىن كىرىس بولۋىنا مۇمكىندىك جاسادى.
چىن لەي مىنانى ءبىلدىردى: بيىل اۆتونوميالى رايون اۋىر كەدەيلىكتى جويۋ شايقاسىندا جەڭىسكە جەتۋگە كۇشتى شوعىرلاندىرىپ، تۇتاس رايونىمىزداعى قالعان 10 كەدەي اۋداننىڭ كەدەيلىك قالپاعىن تۇگەلدەي الىپ تاستاۋىنا، 559 كەدەي قىستاقتىڭ كەدەيلىك تىزىمىنەن تۇگەل شەگىنۋىنە، 42 مىڭ 100 وتباسىنداعى 165 مىڭ 800 كەدەيدىڭ تۇگەلدەي كەدەيلىكتەن ارىلۋىنا شىنايى كەپىلدىك ەتەدى، قازىر اتقارىلىپ وتىرعان ولشەمنەن تومەنگى اۋىل - قىستاقتارداعى كەدەي حالىقتى كەدەيلىكتەن تۇگەلدەي ارىلتۋعا، مۇلدەم كەدەيلىكتى جويۋعا شىنايى كەپىلدىك ەتىپ، وڭىرلىك سيپاتتى جالپى بەتتىك كەدەيلىكتى شەشىپ، كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە باتىل قول جەتكىزىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
