شينجياڭ كوپ ءتۇرلى ارنامەن جوعارى مەكتەپ بىتىرگەن وقۋشىلاردىڭ جۇمىستانۋىن، شارۋاشىلىق قۇرۋىن جەبەدى
2020.07.06 14:32 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 7 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، 7 - ايدىڭ 3 - كۇنى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى الدىڭعى مەرزىمدە قوعامعا جاريالاعان 8589 قىزمەتكەر قابىلداۋ قىزمەت ورنى نەگىزىندە، تاعى دا رەسمي سايتىندا 2020 - جىلى اۆتونوميالى رايونداعى ءىسورىندارىنىڭ قوعامنان اشىق قابىلدايتىن قىزمەتكەرلەردىڭ قىزمەت ورنى ينفورماتسياسىن (2 - توپتا) جاريالاعان، بۇعان اۆتونوميالى رايونعا توتە قاراستى 15 ءىسورىن، 7 ايماق، وبلىستان جيىنى 6338 قىزمەتكەر قابىلداۋ قىزمەت ورنى قامتىلدى.
ءىسورىندارىنىڭ جوعارى مەكتەپتەردەن وقۋ بىتىرگەن وقۋشىلاردى جۇمىستاندىرۋداعى ماڭىزدى رولىن تولىق ساۋلەلەندىرۋ ءۇشىن، جۋىقتا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى «جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا توتەپ بەرىپ، ءىسورىندارىنىڭ جوعارى مەكتەپتەردەن وقۋ بىتىرگەن وقۋشىلاردى قىزمەتكە ۇسىنىسپەن اشىق قابىلداۋ قىزمەتىن كۇش سالا ويداعىداي ىستەۋ جونىندەگى حابارلاندىرۋدى» باسىپ تاراتىپ، بيىل جانە كەلەسى جىلى 2 جىلدا تۇتاس رايونىمىزداعى ءار دارەجەلى، ءار ءتۇرلى ءىسورىندارىنداعى بوس تۇرعان قىزمەت ورىندارىنا ％80تىك سالىستىرمادان تومەن بولماۋ نەگىزىندە جوعارى مەكتەپتەردەن وقۋ بىتىرگەن وقۋشىلاردى ارناۋلى قىزمەتكە قابىلداۋدى ايقىندادى (كاسىپ تاڭداۋ مەرزىمى ىشىندەگى قىزمەت ورنى تياناقتانباعان جوعارى مەكتەپتەردەن وقۋ بىتىرگەن وقۋشىلاردى دا قامتيدى)، سونىمەن ءبىر ۋاقىتتا ءىسورىندارىنىڭ قىزمەتكە قابىلداۋ فورماسىن اناعۇرلىم بايىتىپ، ينتەرنەت جەلىسىندە، ينتەرنەت جەلىسىنەن سىرت، مەكتەپ اۋلاسىندا قىزمەتكە قابىلداۋ سياقتى يكەمدى تاسىلدەردى اتقارىپ، ءارقايسى بۋىنداردىڭ توقتاپ قالماۋىنا، ورتادا ءۇزىلىس بولماۋىنا كەپىلدىك ەتەدى؛ جوعارى مەكتەپ بىتىرگەن وقۋشىلاردى وڭتۇستىك شينجياڭداعى 4 ايماق، وبلىسقا جانە نەگىزگى ساتىداعى ماشاقاتتى شەت، شالعاي وڭىرلەردەگى ءىسورىندارعا بارىپ قىزمەت ىستەۋگە، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە قىزمەت اتقارىپ ەسە قوسۋعا شابىتتاندىرادى جانە جەتەكتەيدى.
ۇعىسۋعا قاراعاندا، بيىل تۇتاس شينجياڭداعى ءىسورىندارى 17 مىڭ قىزمەت ورنىنا قىزمەتكەر قابىلداۋدى جوسپارلاعان (اۆتونوميالى رايونداعى ورتا، باستاۋىش مەكتەپ، بالاباقشا وقىتۋشىلارىن قابىلدايتىن قىزمەت ورىندارى قامتىلمايدى). قازىر جەر - جەر، تاراۋلار قىزمەتكەر قابىلداۋ جوسپارى بويىنشا ءىسورىندارىنىڭ قوعامنان اشىق قىزمەتكەر قابىلداۋ قىزمەتىن حاۋىپسىز، ءتارتىپتى، دەربەس جۇرگىزىپ جانە ورىستەتىپ، جوعارى مەكتەپتەردەن وقۋ بىتىرگەن وقۋشىلاردى جۇمىستانۋعا بەلسەندىلىكپەن قابىلداۋدا.
گازەتىمىزدىڭ جالپىلىق اقپارات قۇرالدارى ءتىلشىسى ۋاڭ نا 7 - ايدىڭ 4 - كۇنى ۇرىمجىدەن حابارلايدى. شينجياڭ ءوندىرىس - قۇرىلىس بيڭتۋانى اشقان جۇمىستاندىرۋ بويىنشا حالىقتى يگىلىككە كەنەلدىرۋ ينجەنەرياسىن جەبەۋ جونىندەگى اقپار جاريالاۋ ماجىلىسىنەن ۇعىسۋعا قاراعاندا، بيڭتۋان قاتىستى تاراۋلارمەن بىرگە ”بەس ءبىر توپ“ ارقىلى جيىنى 26 مىڭنان استام قىزمەت ورنىن دايىنداپ، جوعارى مەكتەپتەردەن وقۋ بىتىرگەن وقۋشىلاردىڭ كوپ ارنامەن جۇمىستانۋىنا، شارۋاشىلىق قۇرۋىنا قولداۋ كورسەتكەن.
تانىستىرۋعا قاراعاندا، بيىل بيڭتۋانعا قاراستى جوعارى مەكتەپتەردەن جيىنى 13 مىڭ 863 ادام وقۋ بىتىرەدى، 6 - ايدىڭ 30 - كۇنىنە دەيىن 8037 ادام جۇمىستانۋ كەلىسىمىنە قول قويىپ، شامامەن بيڭتۋانعا قاراستى جوعارى مەكتەپتەردەن وقۋ بىتىرگەن وقۋشىلاردىڭ ％58 ىن ۇستاعان. كەلەسى قادامدا، ورگان ءىسورىندارى ءبىر توبىن قابىلداۋ (ۇسىنىسپەن قابىلداۋ)، كاسىپورىنداردى ءبىر توبىن قابىلداۋعا شابىتتاندىرۋ، نەگىزگى ساتى قىزمەت وتەۋ نىساندارى ءبىر توبىن قابىلداۋ، شارۋاشىلىق قۇرۋدى سۇيەمەلدەۋ ارقىلى ءبىر توبىن جەتەكتەۋ، كوپ ءتۇرلى فورمامەن يكەمدىلىكپەن ءبىر توبىن جۇمىستاندىرۋدى قولداۋ سىندى ”بەس ءبىر توپ“ ارقىلى جيىنى 26 مىڭنان استام قىزمەت ورنى ارقىلى جوعارى مەكتەپتەردەن وقۋ بىتىرگەن وقۋشىلاردىڭ كوپ ارنامەن جۇمىستانۋىنا، شارۋاشىلىق قۇرۋىنا قولداۋ كورسەتەدى.
قازىر بيڭتۋاننىڭ 2020 - جىلعى ورگان ءىسورىندارىنىڭ قىزمەتكەر قابىلداۋ (ۇسىنىسپەن قابىلداۋ) قىزمەتى باستالدى، شينجياڭنىڭ ءىشى - سىرتىنان جوعارى مەكتەپتەردەن وقۋ تاۋىسقان 7400دەي ادامدى قابىلداۋدى (ۇسىنىسپەن قابىلداۋدى) جوسپارلاۋدا.
بيڭتۋان شارالار قولدانىپ، ورتا، شاعىن، ميكرو كاسىپورىنداردى وقۋشىلاردى جۇمىسقا قابىلداۋعا، جۇمىستاندىرۋعا شابىتتاندىرىپ، ءبىر رەتتىك جۇمىستاندىرۋ قوسىمشا قاراجاتىن تاراتادى. كاسىپورىنداردىڭ وقۋ بىتىرگەن وقۋشىلاردى قابىلداۋدا قىزمەت ىستەي ءجۇرىپ باۋلۋ جۇرگىزگەندەرىنە كاسىپكە باۋلۋ قوسىمشا قاراجاتىن بەرىپ قولداۋ كورسەتەدى، تەڭ قادامدا مەملەكەت يەلىگىندەگى كاسىپورىنداردىڭ قىزمەتكەر قابىلداۋ كولەمىن كەڭەيتىپ، كاسىپورىنداردا ورنىقتى جۇمىستانۋ سياقتى وسى نەگىزگى ارنا ارقىلى جوعارى مەكتەپتەردەن وقۋ بىتىرگەن وقۋشىلاردىڭ جۇمىستانۋىن ورنىقتىرادى.
بيڭتۋان تاعى دا جوعارى مەكتەپتەردەن وقۋ بىتىرگەن وقۋشىلاردى ”ۇشتە قولداۋ، بىردە سۇيەمەلدەۋ“ جوسپارىن، ”ارنايى شتاتتاعى وقىتۋشى“، باتىس ءوڭىر جوسپارى ەرىكتىلەرى سياقتى نەگىزگى ساتىعا قىزمەت وتەۋ نىساندارىن ءبىر تۇتاس اتقارۋ ارقىلى ءتىپتى دە كوپ جوعارى مەكتەپ بىتىرگەن وقۋشىلاردى بيڭتۋانعا، وتە - موتە، وڭتۇستىك شينجياڭداعى شى - تۋاندارعا بارىپ قىزمەت وتەۋگە شابىتتاندىرادى، جەتەكتەيدى. 2020 - جىلى بيڭتۋان، ءىس جۇزىندە، نەگىزگى ساتى قىزمەت وتەۋ نىساندارىنا جوعارى مەكتەپتەردەن وقۋ بىتىرگەن 4401 ادامدى قابىلدايدى، بۇل بىلتىرعىمەن سالىستىرعاندا ％30 ارتىق، قازىر ينتەرنەتتە سىناپ كورۋ، بەتپە - بەت ەمتيحان الۋ سياقتى ءتۇرلى قىزمەتتەر نەگىزىنەن ورىندالىپ بولدى.
بيڭتۋان ادام كۇشى بايلىعى جانە قوعامدىق قامتاماسىزداندىرۋ مەكەمەسى تاعى شارۋاشىلىق قۇرۋ كەپىلدىك قارىز اقشاسىن بەرۋ (ەڭ جوعارى سوماسى 200 مىڭ يۋان)، جاڭا تيپتى ايدارشا ۆيرۋس وكپە قابىنۋ ىندەتى كەزىندە ءبىر رەتتىك شارۋاشىلىق قۇرۋ كومەك قاراجاتىن بەرۋ ساياساتى، جۇمىستانۋعا كومەك بەرۋ قارجىسى جانە ءوز الدىنا شارۋاشىلىق قۇرۋعا قوسىمشا قاراجات بەرۋ سياقتى سۇيەمەلدەۋ ساياساتتارىن تياناقتاندىرىپ، ءتىپتى دە كوپ جوعارى مەكتەپ بىتىرگەن وقۋشىلاردى شارۋاشىلىق قۇرىپ جۇمىستانۋعا شابىتتاندىرادى. تۇعىر ەكونوميكاسى، شاعىن دۇكەن ەكونوميكاسى سياقتى 3 - كاسىپ قىزمەت وتەۋى كاسىبىنىڭ دامۋىنا سۇيەنە وتىرىپ، قوعامدىق قامسىزداندىرۋ قوسىمشا قاراجاتى سياقتى قولداۋ ساياساتتارىن تياناقتاندىرىپ، يكەمدى جۇمىستاندىرۋ ءورىسىن كەڭەيتەدى.
ەرىكتى تىلشىلەر جاۋ شۋاڭ، ۋاڭ شينۋىن 7 - ايدىڭ 4 - كۇنى كورلادان حابارلايدى. جۋىقتا بايىنعولين موڭعۇل اۆتونوميالى وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى قىزمەتكەر ىستەتەتىن قىزمەت ورىندارىنان 6132 سىن جيناقتاپ توپتاپ، جوعارى مەكتەپ بىتىرگەندەردىڭ قىزمەت ورنىن تاڭداپ جۇمىستانۋى ءۇشىن شارت - جاعداي ازىرلەدى.
بيىل بايىنعولين وبلىسىندا ادەتتەگى جوعارى مەكتەپتەردەن وقۋ بىتىرگەندەردىڭ سانى 11 مىڭعا تاياۋ بولىپ، بىلتىرعى سايكەس مەزگىلدەگىدەن ％16.7 ارتقان، بۇعان ورتا تەحنيكۋمنان، تەحنيكالىق مەكتەپتەردەن وقۋ بىتىرگەندەردى قوسقاندا، بيىل مەكتەپ ءبىتىرىپ جۇمىستانۋعا ءتيىستى وقۋشى جالپى 16 مىڭ.
بايىنعولين وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ادام كۇشى بايلىعى قىزمەت وتەۋ ورتالىعىنىڭ مەڭگەرۋشىسى يۇي جيانگو بىلاي دەپ تانىستىردى: 6132 قىزمەت ورنىنىڭ ىشىندە كاسىپتىك تەحنيكالىق دارىندىلار قىزمەت ورنى ％56.8 تى ۇستاپ، 147 جۇمىس تۇرىنە سايادى. قىزمەت ورنى ينفورماتسيالارى ءۇنحات، ينتەرنەت، تەلەفون APPى سياقتى تۇعىرلار ارقىلى تۇيىننەن تۇيىنگە تاراتىلادى، سونداي - اق جەر - جەردەن جۇمىستانۋ تىلەگى بار، جوعارى مەكتەپ ءبىتىرىپ ءالى جۇمىستانباعاندارعا، از دەگەندە، 3 رەت جۇمىس ورنى تانىستىرىلادى.
بۇدان سىرت، بايىنعولين وبلىسى تاعى قوعامدىق قامتاماسىزداندىرۋ قوسىمشا قاراجاتىن تاراتۋ، سالىقتى ازايتىپ، اقىنى تومەندەتۋ سياقتى شارالار ارقىلى كاسىپورىنداردى مەكتەپ بىتىرگەن وقۋشىلاردى جۇمىستانۋعا بارىنشا باۋراۋعا شابىتتاندىرادى، سونداي - اق شارۋاشىلىق قۇرۋعا باۋلۋعا ۇيىمداستىرۋ، شارۋاشىلىق قۇرۋ كەپىلدىك قارىز اقشا سوماسىن جوعارىلاتۋ سياقتى شارالار ارقىلى مەكتەپ بىتىرگەندەردىڭ ءوز الدىنا شارۋاشىلىق قۇرۋىن قولدايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
