قاسىمجان كومپيۋتەر جوبالاۋ شەبەرىنە اينالدى
شينجياڭ گازەتىنىڭ جالپىلىق اقپارات قۇرالدارى تىلشىلەرى لي شيڭ، جىڭ جو
2020.07.06 14:33 كەلۋ قاينارى : شينجياڭ گازەتى
6 - ايدىڭ 16 - كۇنى ءتىلشى مەن قاسىمجان حيلەل حوتان قالاسىنداعى وزدەرىنە تانىس دۋماندى كوشەدە كەزدەسۋگە ۋادەلەستى، ونىڭ سەرىكتەستىگى دە وسى كوشەدە بولاتىن.
قاسىمجاننىڭ كەڭسەسىنە كىرگەن كەزدە، ءتىلشى ونىڭ كومپيۋتەرىنىڭ ەكرانىنان ورنەك جوبالاۋ پاراقشاسىن كوردى. ”جاڭا عانا كورمە جوبالاۋ جۇمىسىن قابىلدادىم، وسى بىرنەشە كۇندە تاپسىرامىن، سوندىقتان سۋرەتتى دەرەۋ جاساپ بولۋىم كەرەك“، - دەدى قاسىمجان.
ۇنەمى ۇستەمە جۇمىس ىستەيدى، قىزمەتكە شوگەل
بىلتىر 3 - ايدا قاسىمجان حوتان قالاسىنداعى كاسىپتىك شەبەرلىككە تاربيەلەۋ، باۋلۋ ورتالىعىنان وقۋ تاۋىسادى. ءبىر جولى دوسى ءمۇزاپپار مۇحتارمەن اڭگىمەلەسكەندە، ءمۇزاپپار باسپاعا، كورمەگە قاتىستى ءبىر سەرىكتەستىك اشقىسى كەلەتىنىن، الايدا قارجىسىنىڭ تاپشى بولىپ وتىرعانىن، ونىڭ ۇستىنە ماماندانعان جوبالاۋشىنىڭ كەرەك ەكەنىن ايتادى. ونىڭ وسى ويى قاسىمجانمەن ۋادەلەسىپ قويعانداي ءبىر جەردەن شىعادى، ول كومپيۋتەردە جوبالاۋعا قاتتى قىزىعاتىن، وزدىگىنەن ۇيرەنگەنىنە كوپ ۋاقىت بولعان. سونىمەن ەكەۋى سايكەسە كەتىپ، ورتاق قارجى شىعارىپ قازىرگى سەرىكتەستىكتى قۇرادى، ءمۇزاپپار سىرتتاعى جۇمىسقا جۇرۋگە جاۋاپتى بولادى، قاسىمجان كومپيۋتەردە جوبالاۋ مەن كەڭسە ىستەرىنە جاۋاپتى بولادى. بىلتىر 4 - ايدا ولار 90 شارشى مەترلىك كەڭسەنى جالعا الىپ، تەز ارادا سەرىكتەستىك جۇمىسىن باستاپ كەتەدى.
”بارلىق ءىستىڭ باستاماسى قيىن بولادى، العاش جۇمىس باستاعان كەزدە جۇمىس ونشا كوپ بولمادى. الايدا ءبىز تەك دەن قويا ىستەسەك، ءسوزسىز، جاقسارىپ كەتەتىنىنە كامىل سەندىك“. قاسىمجان تىلشىگە ايتقانداي - اق سوڭعى جارتى جىلعا كەلگەندە، سەرىكتەستىك جۇمىسىنىڭ بىرتىندەپ كوبەيە باستاعانىن ايتتى.
نەگىزگى كاسىپ جوبالاۋ بولعاندىقتان قاسىمجان ۇنەمى جوبالاۋ تور بەتتەرىن شولىپ، كەيبىر جوبالاۋ جاقتارىنداعى كىتاپتى كورەدى. وسى زامانعى جوبالاۋ ۇلگىسى، جوبالاۋ اعىمى جانە جوبالاۋ تانىمى جايلى اڭگىمە بولسا، قاسىمجان وتە جەلپىنىپ كەتەدى. ”كومپيۋتەردە جوبالاۋدىڭ ماماندىعى وتە كۇشتى، جوبالاۋ تانىمىنىڭ جاڭالانۋى وتە تەز، ەگەر ۇيرەنۋگە ءمان بەرمەسەڭ، ءداۋىردىڭ دامۋىنا ىلەسە الماي قالاسىڭ“. قاسىمجان: تەك جوبالاۋ اعىمىنا ىلەسە ۇيرەنىپ، قاريدارلاردىڭ قاجەتىن بىلگەندە عانا، قاريدارلار رازى بولاتىن تۋىندى جاساي الاسىڭ، - دەدى.
جاڭا قابىلداعان كورمە جوبا نۇسقاسىن تەز ارادا جاساپ شىعۋ ءۇشىن، قاسىمجان ءۇرتىس ءبىر اپتا ۇستەمە جۇمىس ىستەپ، ءار كۇنى ۇيىنە جاي قايتىپ ءجۇردى. ”ۋاقىت ءالى جەتكىلىكتى، قاسىمجاننىڭ مۇنداي جاپالى ۇستەمە قىزمەت ىستەمەۋىنە ابدەن بولار ەدى، الايدا ول وسىنداي شوگەل ادام“، - دەدى ءمۇزاپپار.
قۇلشىنا ۇيرەنىپ، قىراعىلىقتى ارتتىردى
قاسىمجان كەزىندە ۇرىمجىدە جوعارى تەحنيكۋم وقىعان، مەكتەپ بىتىرگەن سوڭ كومپيۋتەرگە وتە قىزىققاندىقتان جۇمساق بولشەك تەحنيكا سەرىكتەستىگىن اشادى، ساۋداسى دا جاقسى بولاتىن. قاسىمجان دا وزگە جاستار سياقتى ينتەرنەتكە شىعۋدى ۇناتاتىن. ءبىر جولى قول تەلەفون ويناپ وتىرعان كەزدە اياق استىنان ءبىر توراپ جالعانىمى شىعا كەلىپ، ول لىپ ەتكىزىپ اشىپ قالادى. ”ول كەزدە مۇنىڭ ءدىني ۇشقارى يدەيا تاراتاتىن سايت ەكەنىن اڭعارماي قالىپپىن، ونىڭ مازمۇنى ارباپ الدى، زيانىن دا تانىپ جەتپەدىم“، - دەدى قاسىمجان ەسىنە الىپ.
سونان باستاپ قاسىمجان قول تەلەفونىن اشسا بولدى، وسى تەكتەس سايتتاردى شولاتىن بولدى. ۋاقىت ۇزارا كەلە، ول سايتتاردا تاراتىلعان ۇشقارى يدەيالاردى مويىنداي باستايدى، ارەكەتى دە اقىرىن - اقىرىن وزگەرە باستايدى.
دوستارى ونى باس قوسۋعا شاقىرىپ ازىراق اراق ىشەيىك دەسە، ول اي - شايعا قاراتپاي ورىنسىز كىنالاي بەرگەن سوڭ، كوپشىلىك كوڭىلسىز تاراساتىن بولادى، دوستارىنىڭ بارلىعى ونىڭ اقىلعا كونبەي بارا جاتقانىن بايقاپ، ونىمەن بىرگە ويناۋدى قالاماي قالدى، الايدا قاسىمجان مۇنى كاپەرىنە دە المايدى، كەرىسىنشە سايتتاعى ۇشقارى يدەياسى بار دىبىس - كەسكىنگە بارعان سايىن قۇمارتادى، سەرىكتەستىكتىڭ ساۋداسى دا كۇرت قۇلدىرايدى.
ۇلىنىڭ ءىس - ارەكەتىنىڭ بارعان سايىن جولدان تايىپ بارا جاتقانىن كورىپ، قاسىمجاننىڭ اكە - شەشەسى قاتتى ابىرجيدى، شەشەسى كوز جاسىن كولدەتىپ وتىرىپ اقىل ايتسا دا، قاسىمجان مۇلدە تىڭدامايدى. لاجىسىزدان اكە - شەشەسى الەۋمەتتىك اۋماقتىڭ كادرلارىنان كومەك سۇرايدى. الەۋمەتتىك اۋماق كادرلارىنىڭ كوپ رەت اقىل ايتۋىنىڭ ارقاسىندا، قاسىمجان حوتان قالاسىنداعى كاسىپتىك شەبەرلىككە تاربيەلەۋ، باۋلۋ ورتالىعىنا تىزىمدەلىپ ۇيرەنۋگە قاتىناسادى.
باۋلۋ ورتالىعىندا قاسىمجان ۇيقىدان ويانعانداي بولادى. ۇيرەنۋ ارقىلى قاسىمجان كوپتەگەن ادامنىڭ ءدىني ۇشقارى يدەيانىڭ ازدىرۋىنا قاتتى ۇشىراپ، وتباسى ويرانعا ۇشىراعاندىعىن بىلەدى. ول سول كەزدە بارىپ ءوزىنىڭ جالاما جاردىڭ شەتىندە تۇرعانىن، ەگەر جالعاستى كەتە بەرسە، ارتىنىڭ ناسىرعا شاباتىنىن اڭعارادى. ”’ءۇش ءتۇرلى كۇش‘ سايتتارداعى بەينە - كەسكىندەردەن، دىبىس - كەسكىندەردەن پايدالانىپ قاراپايىم بۇقارانى الداپ، وزدەرىنىڭ جاسىرىن ماقساتىنا جەتپەكشى بولدى“. قاسىمجان: بۇرىن مەن قاتتى شاتاسىپپىن، باقىتقا جاراي، جالاما جاردان ات باسىن دەرەۋ تارتىپ الدىم، - دەدى.
قىراعى بولىپ، ۇشقارى يدەيانىڭ كەيىپ - كەسپىرىن ايقىن تانىعان قاسىمجان باۋلۋ ورتالىعىندا بەلسەنە العا ۇمتىلاتىن، قۇلشىنا ۇيرەنەتىن جاقسى وقۋشىعا اينالدى. ونىڭ مەملەكەتتە ءبىر تۇتاس قولدانىلاتىن ءتىل - جازۋ دەڭگەيى بۇرىننان جاقسى بولاتىن، ۇيرەنۋ ارقىلى قابىلەتى ونان ارى ءوستى. ول ”كىشى تاربيەشى“ بولىپ، ءار كۇنى باسقا دا تاربيەلەنۋشىلەردى مەملەكەتتە ءبىر تۇتاس قولدانىلاتىن تىلمەن كىتاپ وقۋعا جەتەكتەدى. قاسىمجان ۇگىت - لەكسيا جاساۋعا دا بەلسەنە ات سالىسىپ، ۇنەمى ءارقايسى الەۋمەتتىك اۋماقتارعا، اۋىل - قىستاقتارعا بارىپ، ءوزىنىڭ ۇيرەنۋ، تۇرمىس جاعدايىن، اسەرىن، تابىستارىن بايانداپ، ۇلتتار ىنتىماعىنا قاتىستى حيكايالاردى ايتادى. ”العاشىندا ەرەكشە ساسقالاقتاعان بولاتىنمىن، كەيىن كەلە كوپشىلىكتىڭ ءبىزدىڭ جاساعان ۇگىت - لەكسيامىزدى قاتتى ۇناتاتىندىعىن بايقادىم. ىستەگەن ءىسىم توتەنشە قۇندى دەپ سانايمىن“، - دەدى قاسىمجان.
اقشا تاپقاننان كەيىن ۇيلەنسەم دەيمىن
”بيىل جاقسى ىستەۋىمىز كەرەك“. قاسىمجان: 3 - ايدىڭ سوڭىندا جۇمىستى قالپىنا كەلتىرگەننەن كەيىن، سەرىكتەستىك 300 نەشە مىڭ يۋاندىق مەردىگەرلىك الدى، - دەدى.
سەرىكتەستىك ورتا، شاعىن كاسىپورىنداردىڭ جۇمىستى، ءوندىرىستى قالپىنا كەلتىرۋىنە قولداۋ كورسەتەتىن كوپتەگەن تيىمدىلىك ساياساتتاردان يگىلىكتەندى. ”ەندى عانا مەردىگەرلىك العان كەزدە قارجى جەتىسپەي، ۋايىمداپ تۇرعانىمىزدا، ءوسىمى قازىنادان تولەنەتىن قارىز اقشانى ءوتىنىش ەتۋگە بولاتىن ورايعا كەز بولدىق. سونىمەن ءبىز دەرەۋ ءوتىنىش ەتىپ، 350 مىڭ يۋان قارىز اقشا تەز ارادا ەسەپكە كىرىپ، سەرىكتەستىكتى مۇشكىل كۇيدەن ارىلتتى“. قاسىمجان بىلاي دەدى: مۇنان سىرت، سەرىكتەستىكتىڭ كوپتەگەن سالىعى دا ازايتىلدى نەمەسە كەشىرىم ەتىلدى. ءوزىم جانە دوستارىمنىڭ دەمەۋىندە، مەملەكەتتىڭ ابزال ساياساتىنىڭ قولداۋىندا، بيىل سەرىكتەستىك تيجارات سوماسىن ءبىر ميلليون يۋانعا جەتكىزۋگە قۇلشىنباقشى.
”سەرىكتەستىكتە قازىر رەڭسىز باسپا ماشيناسى عانا بار، كاسىپتىك جۇمىستار ورنىعىپ، كىرىس ارتقاننان كەيىن، جابدىقتى جاڭالاپ، رەڭدى باسپا ماشيناسىن اكەلمەكشىمىز“، - دەدى قاسىمجان تولىق سەنىممەن.
قازىرگى قاسىمجاننىڭ اكە - شەشەسىنىڭ قام جەپ وتىرعانى − ونى ۇيلەندىرۋ عانا. ”بيىل اقشا تاپقاننان كەيىن، بۇل ءىستى ويلاستىرماقشىمىن“. قالىڭدىق ىزدەۋ اۋىزعا الىنعاندا، قاسىمجان كۇلىمسىرەپ: بۇرىن شاتاسىپ، اكە - شەشەمدى از ۋايىمداتپادىم، ولاردى ەندىگارى الاڭداتپايمىن. قىزمەتتى جاقسى ىستەپ، قۇلشىنا اقشا تاۋىپ، اكە - شەشەمە وپالى بولىپ، كاسىپكە دە، جانۇياعا دا كەسىر تيگىزبەۋگە قۇلشىنامىن، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
