بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ءۇرىمجى: تۇرمىستىق قوقىر - قوقسىقتاردى تۇرگە ايىرىپ باسقارۋ ءادىسىن اتقاردى

2020.07.07 14:32     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى ۋي حۇڭپيڭ 7 - ايدىڭ 5 - كۇنى ۇرىمجىدەن حابارلايدى. 6 - ايدىڭ 30 - كۇنى «ءۇرىمجى قالاسىنىڭ تۇرمىستىق قوقىر - قوقسىقتاردى تۇرگە ايىرىپ باسقارۋ ءادىسى» رەسمي اتقارىلدى، وسى كۇننەن باستاپ، ءۇرىمجى قالاسىنىڭ اكىمشىلىك اۋماقتارىنداعى تۇرمىستىق قوقىر - قوقسىقتاردى تۇرگە ايىرىپ تاستاۋ، جيناۋ، تاسىمالداۋ، ءبىر جايلى ەتۋ، قاينارىنان ازايتۋ، بايلىققا اينالدىرىپ پايدالانۋ جانە باقىلاپ - باسقارۋ سياقتى قيمىلدار زاڭ بويىنشا ىستەلەتىن بولدى.

  بۇكىل ەلدەگى قوقىر - قوقسىقتاردى تۇرگە ايىرۋدى سىناق ەتەتىن 46 قالانىڭ ءبىرى رەتىندە، ءۇرىمجى قالاسى سىناق تۇيىندەرىندە الدىمەن اتقارۋ، ءتۇيىن ارقىلى كولەمدى جەتەكتەۋ، ەرەجە - ءتۇزىم ورناتۋ سياقتى تاسىلدەردەن پايدالانۋعا تاباندى بولىپ، قوقىر - قوقسىقتى تۇرگە ايىرىپ، مولشەرىن ازايتىپ ءبىر جايلى ەتۋ قىزمەتىن بىرتىندەپ تارتىپپەن ىلگەرىلەتتى. قوقىر - قوقسىقتى تۇرگە ايىرۋدىڭ كوپ دارەجەلى قىزمەت سايكەستىرۋ مەحانيزمىن ورناتىپ، قالالىق، رايوندىق مەكەمەلەر ءارقايسىسى ءوز جاۋاپكەرشىلىگىن ارقالاپ، جۇمىلا يگەرىپ، بىرگە باسقارىپ، ءۇرىمجى قالاسىنىڭ تۇرمىستىق قوقىر - قوقسىقتارىنىڭ ”مولشەرىن ازايتۋ، بايلىققا اينالدىرۋ، زالالسىزداندىرۋ“ قىزمەت مىندەتىن بىرتىندەپ جۇزەگە اسىردى. 2019 - جىلدىڭ سوڭىندا، ءۇرىمجى قالاسىنداعى الەۋمەتتىك قۇرىلىمدار، قاتىستى كاسىپورىندار تۇرمىستىق قوقىر - قوقسىقتاردى ءماجبۇري تۇردە تۇرگە ايىرۋدى جاپپاي قامتۋدى جۇزەگە اسىردى.

  2019 - جىلى ءۇرىمجى قالاسى تۇرمىستىق قوقىر - قوقسىقتاردى تۇرگە ايىرۋ سىناق ءتۇيىنى ەتىلگەن 34 شاعىن اۋماق نەگىزىندە، قوقىر - قوقسىقتى تۇرگە ايىرۋ سىناق ءتۇيىنى ەتىلگەن 220 شاعىن اۋماق قۇرۋ قىزمەتىن ىستەدى. 2020 - جىلى 4 - ايدىڭ سوڭىنان بۇرىن، زەردەلى تۇرگە ايىراتىن 850 قوقىر - قوقسىق ءۇيىن، تۇرگە ايىراتىن 30 نەشە مىڭ قوقىر - قوقسىق ساندىعىن، اس ۇيدەن شىققان قوقىر - قوقسىقتى تاسىمالدايتىن 131 اۆتوكولىكتى مەردىگەر شاقىرىپ ساتىپ الۋدى اياقتاتتى.

  تانىستىرۋعا قاراعاندا، ءۇرىمجى قالاسىنىڭ قوقىر - قوقسىقتى تۇرگە ايىرۋىنىڭ 2 - مەرزىمدىك نىسانى قالالىق دامۋ جانە رەفورما كوميتەتىنىڭ نىسان تۇرعىزۋ جانە اتقارۋ جارامدىلىعىن زەرتتەۋ بەكىتۋىن اياقتاتقان، تۇرگە ايىراتىن 98 مىڭ 400 قوقىر - قوقسىق ساندىعىن، تۇرگە ايىراتىن 694 قوقىر - قوقسىق ءۇيىن، اس ۇيدەن شىققان قوقىر - قوقسىقتى تاسىمالدايتىن 222 اۆتوكولىكتى، باسقا تۇرپاتتى 162 قوقىر - قوقسىق اۆتوكولىگىن ساتىپ الىپ، جيىنى 30 ورىننان اس ۇيدەن شىققان قوقىر - قوقسىقتى تاسىمالداۋ پۋنكتىن (قۇرىلعىسىن) جانە ۇلكەن قوقىر - قوقسىقتاردى الدىن الا ءبىر جايلى ەتۋ پۋنكتىن جاڭادان سالادى، وزگەرتىپ، كەڭەيتىپ سالادى ەكەن. 2 - مەرزىمدىك نىسان ورىندالعاننان كەيىن، ءۇرىمجى قالاسىنداعى تۇرعىندار شاعىن اۋماعىنداعى قوقىر - قوقسىقتى تۇرگە ايىرۋ قۇرىلعىلارى نەگىزىنەن جاپپاي قامتۋ دەڭگەيىنە جەتىپ، بۇكىل قالانىڭ جيناۋى، تاسىمالداۋى كۇننەن - كۇنگە كەمەلدەنەدى ەكەن.

  قازىر ءۇرىمجى قالاسىنداعى ءارقايسى رايون، اۋدان جەرگىلىكتى جاعدايعا قاراي ىستەپ، قوقىر - قوقسىقتى تۇرگە ايىرۋ ۇگىت - تاربيەسىن الەۋمەتتىك اۋماقتارعا جەتكىزۋ، وتباسىلارعا جەتكىزۋ، ساباقحاناعا جەتكىزۋ، قىستاققا، قالاشىققا جەتكىزۋ سياقتى كوپ ءتۇرلى فورماداعى ۇگىتتەۋ، جەتەكتەۋ، ۇلگى كورسەتىپ جەتەكشىلىك ەتۋ ارقىلى تۇرمىستىق قوقىر - قوقسىقتاردى تۇرگە ايىرۋ بىلىمدەرىنىڭ قالا تۇرعىندارىنىڭ اراسىندا جالپىلاسۋىن بارعان سايىن كەڭەيتىپ، تۇرعىنداردىڭ قوقىر - قوقسىقتاردى تۇرگە ايىرۋدى ءبىلۋ مولشەرىن جانە بۇعان قاتىسۋ مولشەرىن جاپپاي جوعارىلاتۋدا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار