شينجياڭ قاتىناستا قۋاتتى ەل قۇرىلىسى سىناق ءتۇيىنى قىزمەتىن ورىستەتەدى
2020.07.08 15:11 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لۋ فىڭباۋ 7 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىمىزشا، جاقىندا قاتىناس - تاسىمال مينيسترلىگى بەكىتۋ ءتۇسىرىپ، شينجياڭنىڭ قاتىناستا قۋاتتى ەل قۇرىلىسى سىناق ءتۇيىنى قىزمەتىن ورىستەتۋىنە قوسىلعان. سىناق ءتۇيىنى مازمۇنى قاتىناس - تاسىمال جاعىندا جوعارى دەڭگەيدە سىرتقا ەسىك اشۋ، ءوڭىر اتتاپ كەشەندى تاسىمالداۋ سارا جول قۇرىلىسى، كەشەندى قاتىناس تورابىن ءبىر تۇلعالاندىرىپ دامىتۋدى جۇزەگە اسىرۋ، قاتىناس جانە ساياحات سياقتى كاسىپتەردى توعىستىرا دامىتۋ سىندى ءتورت ۇلكەن جاقتى قامتيدى.
وسىدان ىلگەرى، اۆتونوميالى رايوندىق قاتىناس - تاسىمال مەڭگەرمەسى قاتىناس - تاسىمال مينيسترلىگىنە «شينجياڭ ۇيعۇر اۆتونوميالى رايونىنىڭ قاتىناستا قۋاتتى ەل قۇرىلىسى سىناق ءتۇيىنى قىزمەتىن اتقارۋ جوباسىن» جولداپ، سىناق ءتۇيىنىنىڭ مازمۇنىن ايقىنداپ، 1دە 2 جىلدا جانە 3 تە 5 جىلدا جەكە - جەكە جۇزەگە اسىراتىن نىساناسىن ورتاعا قويعان بولاتىن.
قاتىناس - تاسىمالدا جوعارى دەڭگەيدە سىرتقا ەسىك اشۋ جاعىندا، رايونىمىز حالىقارالىق زات تاسىمالى تورابى قۇرىلعى قۇرىلىسىن نىعايتىپ، حالىقارالىق تەمىر جول زات تاسىمالى سەلبەستىگىن كۇشەيتىپ، ەكى جاقتى جانە كوپ جاقتى حالىقارالىق تاس جول تاسىمال كەلىسىمىن تياناقتاندىرىپ، حالىقارالىق زات تاسىمالى اۋە قاتىناس تورابى قۇرىلىسىن ىلگەرىلەتىپ، كەدەندىك زات تاسىمالىنا قىزمەت وتەۋ ونىمدىلىگىن جوعارىلاتتى.
رايون اتتاپ شوعىرلى تاسىمالداۋ سارا جول قۇرىلىسى جاعىندا، رايونىمىز شەكارا اتتاعان قاتىناس نەگىزدىك قۇرىلعىلارىن تۇتاستىرىپ، جىبەك جولى ەكونوميكالىق بەلدەۋى سارا جول قۇرىلىسىن جەدەلدەتەدى، ت.ب.
قاتىناس تورابىن ءبىر تۇلعالاندىرىپ دامىتۋ جاعىندا، رايونىمىز ءۇرىمجى حالىقارالىق قۇرلىقتىق پورت رايونى قۇرىلىسىن ىلگەرىلەتىپ، شينجياڭ حالىقارالىق قۇرلىقتىق پورت جۇيەسىن كەمەلدەندىرىپ، حالىقارالىق قۇرلىقتىق پورت قىزمەت وتەۋ فۋنكتسياسىن ساپالىلاندىرىپ، دارەجەسىن ءوسىرىپ، حالىقارالىق قۇرلىقتىق پورتىنىڭ تيجاراتتى ۇيىمداستىرۋ ونىمدىلىگىن جوعارىلاتادى، وزەكتىك ەكونوميكانى بار كۇشپەن دامىتادى.
قاتىناس جانە ساياحات سياقتى كاسىپتەردى توعىستىرا دامىتۋ جاعىندا، رايونىمىز ساياحات، قاتىناس تورىن كەمەلدەندىرىپ، تۇلعالاندىرىلعان قۇرىلعىلاردىڭ ساياحاتقا قىزمەت وتەۋ فۋنكتسياسىن اقاۋسىزداندىرىپ، قىزمەت وتەۋ ساپاسىن جوعارىلاتىپ، ”قاتىناس + ساياحات“ سىندى ءبىر تۇلعالانعان وركەندەتۋ مەحانيزمىن كەمەلدەندىرەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
