ازيا - ەۆروپا قاتىناس تورابى ورتالىعى قۇرىلادى
− رايونىمىزدىڭ قاتىناستا قۋاتتى ەل قۇرىلىسى سىناق ءتۇيىنى قىزمەتىن ورىستەتكەندىگىنە نازار
شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ
2020.07.08 15:13 كەلۋ قاينارى : شينجياڭ گازەتى
تاياۋدا قاتىناس - تاسىمال مينيسترلىگى شينجياڭنىڭ قاتىناستا قۋاتتى ەل قۇرىلىسى سىناق ءتۇيىنى قىزمەتىن ورىستەتۋىنە قوسىلدى. «شينجياڭ ۇيعۇر اۆتونوميالى رايونىنىڭ قاتىناستا قۋاتتى ەل قۇرىلىسى سىناق ءتۇيىنى قىزمەتىنىڭ اتقارۋ جوباسى» بويىنشا، رايونىمىز قاتىناس - تاسىمالدا جوعارى دەڭگەيدە سىرتقا ەسىك اشۋ، ءوڭىر اتتاپ كەشەندى تاسىمالداۋ سارا جول قۇرىلىسى، كەشەندى قاتىناس تورابىن ءبىر تۇلعالاندىرىپ دامىتۋدى جۇزەگە اسىرۋ، قاتىناس جانە ساياحات سياقتى كاسىپتەردى توعىستىرا دامىتۋ سىندى 4 ۇلكەن جاقتا قاتىناستا قۋاتتى ەل سىناق ءتۇيىنى قىزمەتىن ورىستەتەدى.
”بۇل شينجياڭنىڭ قاتىناس - تاسىمالىندا تىڭ تاراۋ اشىلعاندىعىن كورسەتەدى“. 7 - ايدىڭ 6 - كۇنى تۇستەن كەيىن اۆتونوميالى رايوندىق قاتىناس - تاسىمال مەڭگەرمەسىنىڭ قاتىستى جاۋاپتىسى بىلاي دەدى: رايونىمىز ورايدى مىقتاپ يگەرىپ، ەكى جاقتى جانە كوپ جاقتى قاتىناس - تاسىمالدى سايكەستىرۋ مەحانيزمى، جىبەك جولى ەكونوميكالىق بەلدەۋى ارناسى، توراپ ەكونوميكاسى، ”قاتىناس + ساياحاتتى“ ءبىر تۇلعالاندىرىپ اشۋ مەحانيزمى سياقتى جاقتاردا دامۋدى جەدەلدەتىپ، شينجياڭنىڭ قاتىناس تورىنىڭ ”سوڭعى ۇشىنان“ ”ازيا - ەۆروپا قاتىناس تورابىنىڭ ورتالىعىنا“ اينالۋىن ىلگەرىلەتىپ، قاتىناستا قۋاتتى ەل بولۋدىڭ شينجياڭ تاراۋىن قۇلشىنا جازادى.
سىرتقا ەسىك اشۋدىڭ قاقپا تورابىن قۇردى
7 - ايدىڭ 5 - كۇنى تۇستەن بۇرىن جۇڭگو - ەۆروپا كەزەكشى پويەزدارىنىڭ ءۇرىمجى شوعىرلاندىرۋ ورتالىعىندا، ءبىر جۇڭگو - ەۆروپا كەزەكشى پويەزىنا جۇك تيەلىپ، كرانمەن ءبىر جۇك قورابى ورنىنا قويىلىپ جاتتى.
2016 - جىلى 5 - ايدا ءۇرىمجى شوعىرلاندىرۋ ورتالىعى قۇرىلىپ ىسكە قوسىلعاننان بەرى، شينجياڭنان جولعا شىعاتىن جۇڭگو - ەۆروپا كەزەكشى پويەزدارىنىڭ سانى جىل سايىن ارتىپ، قازىرگى تاڭدا 3000نان استى، ىشكى وڭىرلەردى شارپىعان، ەۆروپا مەن ازيانى تۇتاستىرعان حالىقارالىق قاقپا تورابىنىڭ رولى بارعان سايىن كورنەكتىلەنە ءتۇستى.
شينجياڭدا ەلىمىزدىڭ باتىسقا اشىلعان قۇرلىقتىق جول ۇلكەن ارناسى بار، قاتىناس - تاسىمالى جاعىندا جوعارى دەڭگەيدە سىرتقا ەسىك اشۋ ”ءبىر بەلدەۋ، ءبىر جول“ قۇرىلىسى مەن شينجياڭنىڭ ەكونوميكالىق، قوعامدىق دامۋى جونىنەن ماڭىزدى رول اتقارادى.
قاتىناستا قۋاتتى ەل سىناق ءتۇيىنى قىزمەتى باستالعاننان كەيىن، رايونىمىز ”ءبىر پورت، ەكى رايون“ قۇرۋدى وزەك ەتىپ، بۇكىل شينجياڭداعى ماڭىزدى قالالار مەن شەكارا وتكەلدەرىن قامتىعان حالىقارالىق قۇرلىقتىق پورت جۇيەسىن قۇرىپ، ىشتە ەل ىشىندەگى ءتۇيىندى قالالارمەن جانە پورتتارمەن بىرلەسكەن، سىرتتا ورتا، باتىس، وڭتۇستىك ازيامەن جانە ەۆروپامەن جالعاسقان حالىقارالىق قۇرلىق پورت قوس باعىتتى تور ءتۇيىنى جۇيەسىن قالىپتاستىرىپ، قاتىناس - تاسىمالدى كوپىر - دانەكەر ەتىپ، حالىقارالىق تاسىمالدىڭ قولايلاسۋىن ىلگەرىلەتەدى، ەكى جاقتى، كوپ جاقتى سەلبەستىكتەردى اناعۇرلىم زور كولەمدە، اناعۇرلىم كەڭ سالادا ىلگەرىلەتەدى، ءىش پەن سىرت بىرلەسىپ قيمىلدايتىن، شىعىس پەن باتىس ءوزارا سەلبەسەتىن ەسىك اشۋ جاعدايىنىڭ قالىپتاسۋىن جەبەپ، شينجياڭنىڭ اناعۇرلىم جوعارى دەڭگەيلى، اناعۇرلىم جوعارى ساپالى اشىق ەكونوميكانى دامىتۋىنا باستاماشىلدىق ەتىپ، شينجياڭدى سىرتقا ەسىك اشۋداعى قاقپا تورابى ەتىپ قۇرىپ شىعادى.
اۆتونوميالى رايوندىق قاتىناس - تاسىمال مەڭگەرمەسىنىڭ قاتىستى جاۋاپتىسى بىلاي دەدى: رايونىمىز 1 − 2 جىل ۋاقىتتا، حالىقارالىق زات تاسىمالدىڭ قولايلاسۋ دەڭگەيىن ۇزدىكسىز جوعارىلاتادى، جۇڭگو - قازاقستان، جۇڭگو - قىرعىزستان، جۇڭگو - وزبەكستان، جۇڭگو - تاجىكستان، جۇڭگو - قىرعىزستان - وزبەكستان، جۇڭگو - قازاقستان - قىرعىزستان - پاكيستان سياقتى كوپ جاقتى، ەكى جاقتى شەكارا تاسىمالى قولايلاسادى، جۇڭگو - موڭعۇليا - رەسەي حالىقارالىق جول تاسىمالى ۇدايىلانادى، ت. ب؛ 3 − 5 جىل ۋاقىتتا جۇڭگو - ەۆروپا كەزەكشى پويەزىن (جۇڭگو - ازيا كەزەكشى پويەزى) تىرەك ەتكەن، حالىقارالىق اۆياتسيا تاسىمالى، جول تاسىمالى سياقتى تاسىمال تاسىلدەرى ءونىمدى تۇردە تۇتاسقان جالپى بارىستىق، ءبىر تۇلعالانعان، حالىقارالانعان زات اينالىمى قىزمەت وتەۋ تىزبەگىن قالىپتاستىرىپ، كەدەننەن وتكىزۋدى قولايلاستىرۋ دەڭگەيى مەن زات تاسىمال ونىمدىلىگى زور دارەجەدە ارتتىرىلادى.
جىبەك جولى ەكونوميكالىق بەلدەۋىنىڭ ۇلكەن ارناسىن ىركىلىسسىزدەندىردى
گۇرىلدەگەن ماشينا جابدىقتار، ارى - بەرى قايشالىسقان اۆتوموبيلدەر، دابىرلاعان ادامدار... تاياۋدا حوتان - چارقىلىق تەمىر جولىنىڭ S1 بەلگى بولىگى نىسانىنىڭ قۇرىلىس ورنىندا، جۇڭگو تەمىر جول بەيجيڭ ينجەنەريا مەكەمەسى توبى 1 - سەرىكتەستىگىنىڭ قۇرىلىسشىلارى نىسان قۇرىلىسىن قاۋىرت ءارى ءتارتىپتى تۇردە جۇرگىزىپ جاتتى. S1 بەلگى بولىگى نىسان ءبولىمىنىڭ جاۋاپتىسى جاڭ تيەفىڭ: ”ينجەنەريا قارقىنىن تەز ىلگەرىلەتۋ ءۇشىن، ءبىز ارنايى ەڭبەك باسەكەسىن باستادىق، قازىر S1 بەلگى بولىگىنىڭ جەلىدەن تىسقارى تۇلعالىق ينجەنەرياسى تولىعىمەن سالىنىپ ءارى رەليس توسەيتىن ورىنعا تاپسىرىلىپ، قوسالقى ينجەنەريا قۇرىلىسى جاپپاي باستالدى“ دەدى.
حوتان - چارقىلىق تەمىر جولى − جىبەك جولى ەكونوميكالىق بەلدەۋى وزەكتى رايونىنىڭ تەمىر جول ۇلكەن ارناسى − وڭتۇستىك ارنانىڭ ماڭىزدى قۇرامداس بولىگى. «جوبادا» مىنالار العا قويىلدى: رايونىمىز شيامىننان قاشقارعا دەيىنگى ارنانى ءتۇيىندى تۇردە ىلگەرىلەتىپ، شينيڭنەن حوتانعا دەيىنگى جوعارى قارقىندى تاس جولدى (شينجياڭ بولىگى)، كورلادان گولمۋدكە دەيىنگى تەمىر جولدى، چارقىلىقتان حوتانعا دەيىنگى تەمىر جولدى جەدەل سالىپ، وڭتۇستىك - سولتۇستىك شينجياڭنىڭ قۇلجا - اقسۋ تەمىر جولى، G0711 ءۇرىمجى - لوپنۇر - چارقىلىق جوعارى قارقىندى تاس جول ۇلكەن ارناسى قۇرىلىسىن بەلسەنە ىلگەرىلەتەدى؛ شەكارا وتكەلى تەمىر جول، تاس جول قۇرىلىسىن كۇشەيتىپ، حونچيراپ، ەركەشتام، تورعات، جەمەنەي، قىزىلتاۋ، تەمىرتام، تايكەشكەن سياقتى شەكارا وتكەلدەرىن جالعاستىراتىن نىسان قۇرىلىستارىن ءتۇيىندى تۇردە ىلگەرىلەتەدى؛ جۇڭگو - قىرعىزستان - وزبەكستان ارناسىنىڭ، جۇڭگو - قازاقستان - رەسەي ارناسىنىڭ، جۇڭگو - موڭعۇليا - رەسەي ارناسىنىڭ تاسىمال كومەسكى كۇشىن اناعۇرلىم ساۋلەلەندىرىپ، جۇڭگو - پاكيستان تاس جولىنىڭ، جۇڭگو - تاجىكستان تاس جولىنىڭ 2 - مەرزىمى، جۇڭگو - قىرعىزستان - وزبەكستان تەمىر جولى سياقتى شەكارا اتتاعان تەمىر جول، تاس جول قۇرىلىستارىن ىلگەرىلەتەدى.
اۆتونوميالى رايوندىق قاتىناس - تاسىمال مەڭگەرمەسىنىڭ قاتىستى جاۋاپتىسى بىلاي دەدى: ”شينجياڭنان ورتا ازياعا، باتىس ازياعا، وڭتۇستىك ازياعا جانە ەۆروپاعا باراتىن حالىقارالىق تاسىمال ۇلكەن ارناسىن تۇتاستىرۋ، شينجياڭ مەن ىشكى وڭىرلەردى جالعاستىراتىن كەشەندى تاسىمال ۇلكەن ارناسىن ىركىلىسسىزدەندىرۋ، وڭتۇستىك - سولتۇستىك شينجياڭ ۇلكەن ارناسىن ىركىلىسسىزدەندىرۋ ارقىلى جىبەك جولى ەكونوميكالىق بەلدەۋى وزەكتى رايونىنىڭ قاتىناس تورابى ورتالىعى قۇرىلىسىن كۇش سالا ىلگەرىلەتىپ، كەشەندى قاتىناستىڭ تۇتاسۋى، ۇلاسۋى ارقىلى سىرتقا ەسىك اشۋعا جەتەكشىلىك ەتىپ، ساۋدانى، تاسىمالدى قولايلاستىرۋ ارقىلى ەكونوميكانىڭ گۇلدەنۋىن جەبەيمىز“.
”قاتىناس + ساياحات“ تەرەڭ توعىسا دامىدى
بىلتىر G217 جەلىسى مايتاۋ - كۇشار بولىگىندەگى تاس جولداعى اقاۋلى بولىكتەردى جونگە سالۋ، قىزمەت وتەۋ ساپاسىن ءوسىرۋ ينجەنەريا نىسانى ورىندالىپ بولعان سوڭ، اناعۇرلىم كوپ جەكە كولىگىمەن ساياحاتتاۋ اۋەسكەرلەرىن مايتاۋ - كۇشار تاس جولىمەن ءجۇرىپ ساياحاتتاۋعا باۋرادى. بيىل رايونىمىز مايتاۋ - كۇشار تاس جولىنىڭ دەڭگەيىن ءوسىرۋدىڭ 2 - مەرزىمدىك ينجەنەرياسىن باستايدى، قازىر نىساننىڭ الدىڭعى مەرزىمدەگى جۇمىستارى بەلسەنە جۇرگىزىلۋدە.
«جوبادا» رايونىمىزدىڭ ساياحات قاتىناس تورىن كەمەلدەندىرىپ، جوعارى قارقىندى تەمىر جول، حالىقتىق اۆياتسيا، جوعارى دارەجەلى تاس جول سياقتىلارعا سۇيەنە وتىرىپ ”جىلدام“ قاتىناس تورىن قۇرىپ، ساياحات قاجەتىن قاناعاتتاندىراتىن ”سەيىل - سەرۋەن“ قاتىناس تورىن كەمەلدەندىرەتىندىگى؛ جاسىل تاس جول قۇرىلىسىن تەرەڭدەتىپ، ساياحات كورىنىس جولىنىڭ دامۋىن ىلگەرىلەتەتىندىگى كورسەتىلدى.
اۆتونوميالى رايوندىق قاتىناس - تاسىمال مەڭگەرمەسىنىڭ قاتىستى جاۋاپتىسى بىلاي دەدى: ”مايتاۋ - كۇشار تاس جول كورىنىس جولى، پامير كورىنىس جولى، G219 شينجياڭ - شيزاڭ جەلىسى كورىنىس جولى سياقتىلاردى قامتىعان ساياحات جەلىلەرى جەدەل دامىتىلادى“.
مۇنان سىرت، رايونىمىز تاعى قىزمەت وتەۋ قۇرىلعىلارىن جاڭالاۋدى كۇشەيتىپ، ساياحاتشىلاردى توپتاۋ - جونەلتۋ ورتالىعى، ساياحات ۇگىت ورتالىعى، جولداعى كورىنىستەردى تاماشالاۋ تەكشەسى، كولىك توقتاتۋ الاڭى، جەكە كولىك، ءۇي كولىك ەرۋجايلارى سياقتى قىزمەت وتەۋ قۇرىلعىلارىنىڭ ورنالاسۋىن كەمەلدەندىرەدى؛ ساياحاتشىلاردىڭ بىرلەسىپ ساپارعا شىعۋىن، بىرلەسىپ تاسىمالداۋدى ىلگەرىلەتىپ، تاس جول مەن تەمىر جولدىڭ بىرلەسكەن تاسىمالىن، قۇرلىق، اۋە بىرلەسكەن تاسىمالىن كۇشەيتىپ، ساياحات قاتىناس ينفورماتسياسى قىزمەت وتەۋىن كەمەلدەندىرىپ، ”پويەزبەن شينجياڭدى ساياحاتتاۋ“، ”جىبەك جولى بەكەتى“ سياقتى سارا ساياحات ماركالارىن جارىققا شىعارادى، ت. ب. 3 − 5 جىل ۋاقىتتا رايونىمىزدىڭ ساياحات كورىنىس جولدارى مەن جەكە كولىكپەن ساياحاتتاۋ سارا جەلىسىنىڭ جاپپاي سالىنىپ، ”تەز ساياحاتتاۋ“ تورى مەن شينجياڭ ىشىندەگى ساياحات اينالما جەلىسى تورىنىڭ نەگىزىنەن قالىپتاسۋىنا، كورىنىس وڭىرلەرىنە جالعاساتىن تاس جولدار جاعدايىنىڭ كورنەكتى جاقسارىپ، ”قاتىناس + ساياحات“ جاڭا كاسىپ كۇيىنىڭ قارىشتاپ دامۋىنا مۇمكىندىك جاسالادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
