لي پىڭشين ءىشىنارا جوعارى مەكتەپتەردە تەكسەرۋ - زەرتتەۋ جۇرگىزدى
ىندەتتەن ساقتانۋ - تىزگىندەۋدى ۇدايىلاندىرۋ مەن وقۋ - اعارتۋ، وقىتۋ قىزمەتتەرىن ءبىر تۇتاس جوسپارلاپ ويداعىداي يگەرەيىك
2020.07.09 14:40 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لي شيڭ 7 - ايدىڭ 7 - كۇنى ۇرىمجىدەن حابارلايدى. 7 - ايدىڭ 5 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين شينجياڭ داشۋەسىندە، شينجياڭ سىفان داشۋەسىندە، شينجياڭ مەديتسينا داشۋەسىندە تەكسەرۋ - زەرتتەۋ جۇرگىزگەندە مىنانى باسا دارىپتەدى: باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋىن مۇقيات ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت تالابى بويىنشا، ىندەتتەن ساقتانۋ - تىزگىندەۋدى ۇدايىلاندىرۋ مەن وقۋ - اعارتۋ، وقىتۋ قىزمەتتەرىن ءبىر تۇتاس جوسپارلاپ مىقتى يگەرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، حالىق رازى بولاتىن وقۋ - اعارتۋدى جۇرگىزۋ كەرەك.
تەكسەرۋ - زەرتتەۋ بارىسىندا، لي پىڭشين شينجياڭ داشۋەسىندە، شينجياڭ سىفان داشۋەسىندە، شينجياڭ مەديتسينا داشۋەسىندە ساباقحانا، كىتاپحانا، اسحانا، جاتاق سياقتىلاردى ارالاپ، مەكتەپتىڭ باسشىلىق القاسىنداعىلارمەن جانە ءار ۇلت وقىتۋشى - وقۋشىلارىمەن اڭگىمەلەسىپ، اۋىس - كۇيىس جاساپ، مەكتەپتىڭ ىندەتتەن ساقتانۋ - تىزگىندەۋگە، وقۋ - اعارتۋ، وقىتۋ ىستەرىنە قاتىستى جاعدايلاردى ەگجەي - تەگجەيلى ۇعىستى. ول مىنانى اتاپ كورسەتتى: كەزەكتە ىندەتتەن ساقتانۋ - تىزگىندەۋ جاعدايى ءالى دە قاتاڭ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باسىمى ءالى ءبىرشاما زور، جوعارى مەكتەپتەر ىندەتتەن ساقتانۋ - تىزگىندەۋ وسى ارقاۋىن مىقتاپ شيراتىپ، سالعىرتتىق يدەيانى، شايقاسۋدان جالىعۋ كوڭىل كۇيىن، باق سىناۋ ويىن، بوساڭسۋ پيعىلىن باتىل جەڭىپ، وقىتۋشى - وقۋشىلاردىڭ باس اماندىعىن، دەنساۋلىعىن ماڭداي الدى ورىنعا قويىپ، تۇلعالىق جاۋاپكەرشىلىكتى تياناقتاندىرىپ، قىزمەت مەحانيزمىن كەمەلدەندىرىپ، سايكەسە بىرگە قيمىلداۋدى كۇشەيتىپ، ساڭلاۋلاردى بىتەپ، ولقىلىقتاردى تولىقتاپ، ءالسىز تۇستاردى كۇشەيتىپ، ىندەتتەن ساقتانۋ - تىزگىندەۋدى ۇدايىلاندىرۋ شارالارىنىڭ شىنايى، ەگجەي - تەگجەيلى، ناقتى تياناقتانۋىن كۇش سالا ىلگەرىلەتىپ، ەش قاتەسىز بولۋىنا شىنايى كەپىلدىك ەتۋ كەرەك.
لي پىڭشين مىنانى باسا دارىپتەدى: ىندەتتەن ساقتانۋ - تىزگىندەۋدى ۇدايىلاندىرۋدان پايدا بولعان جاڭا جاعدايعا، جاڭا ماسەلەلەرگە بەلسەنە توتەپ بەرىپ، وقىتۋ جوسپارىن عىلمي رەتتەپ، ساپالىلاندىرىپ، وقىتۋ مازمۇنى مەن وقىتۋ ۇلگىسىنە رەفورما جاساۋدى، جاڭالىق اشۋدى جەبەپ، مەكتەپتەردىڭ باسقارۋ ءتۇزىلىس مەحانيزمىن جاقسارتىپ، كەمەلدەندىرىپ، ىندەتتەن ساقتانۋ - تىزگىندەۋدى ۇدايىلاندىرۋعا ساي كەلەتىن وقۋ - اعارتۋ، وقىتۋ ءتارتىبىن قۇلشىنا ورناتىپ، وقىتۋ ساپاسىنا كەپىلدىك ەتىپ، مەكتەپ باسقارۋ ولشەمىنىڭ جوعارى ءونىمدى، تياناقتى بولۋىنا شىنايى كەپىلدىك ەتۋ كەرەك. جوعارى مەكتەپ تاۋىسقان وقۋشىلاردىڭ مەكتەپ تاۋىسىپ جۇمىسقا ورنالاسۋ قىزمەتىن اناعۇرلىم جاقسى ىستەپ، شامانىڭ جەتىسىنشە ساپالى قىزمەت وتەۋ، بار كۇشپەن كومەكتەسۋ كەرەك. جازعى دەمالىس كەزىندە مەكتەپتە قالعان وقىتۋشى - وقۋشىلاردىڭ تۇرمىسىن قامتاماسىز ەتۋ جانە ولارعا كوڭىل ءبولۋ، قامقورلىق جاساۋ سياقتى قىزمەتتەردى مۇقيات ويداعىداي ىستەپ، قىزمەتتىڭ، ۇيرەنۋدىڭ الاڭسىز، جايلى بولۋىنا شىنايى كەپىلدىك ەتۋ قاجەت. قالىڭ وقىتۋشى - وقۋشىلاردى جازعى دەمالىس كەزىندە باي مازمۇندى، ءار الۋان قوعامدىق اماليات قيمىلدارىن ورىستەتۋگە بەلسەنە ۇيىمداستىرىپ، نەگىزگى ساتى الدىڭعى شەبىنە بارىپ، ءار ۇلت بۇقاراسىمەن ىشكەرىلەي ارالاسىپ، تيانشاننىڭ وڭتۇستىگى مەن سولتۇستىگىندە تۋىلعان وراسان زور وزگەرىستەردى جان - جاقتى ءتۇسىندىرۋ، تۇتاس رايونىمىزدا جوعارىدان تومەنگە دەيىن جاپپاي دوڭگەلەك داۋلەتتى قوعام قۇرۋدىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ جالىندى امالياتى مەن سەنىمىن، بەكىمىن ءتۇسىندىرۋ، سەزىندىرۋ، ولاردى پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەۋ، جەتەكشىلىك ەتۋ كەرەك. الدىن الا زەرتتەپ، جوبالاپ، جازعى دەمالىسقا جىبەرۋ، كۇزگى وقۋ ماۋسىمىندا وقۋ باستاۋ، جاڭادان قابىلدانعان وقۋشىلاردىڭ مەكتەپكە ءتۇسۋى سياقتى قىزمەتتەردى ءبىر تۇتاس ويداعىداي جوسپارلاپ، ءاربىر بۋىننىڭ بايلانىستى، قابىسقان، ىركىلىسسىز بولۋىن ورىنداۋ كەرەك. وقۋ - اعارتۋ، اكىمشىلىك سياقتى تاراۋلارمەن سەلبەسىپ، جوعارى مەكتەپكە قابىلداۋ ەمتيحانى، وقۋشى قابىلداۋ قىزمەتىن مۇقيات ويداعىداي ىستەپ، قىزمەت ءتارتىبىن قاتايتىپ، ينفورماتسيانىڭ اشىق بولۋىن كۇشەيتىپ، ءادىل دە ادىلەتتى بولۋعا شىنايى كەپىلدىك ەتىپ، وقۋ - اعارتۋدا ءادىل بولۋدىڭ تومەنگى شەگىن باتىل قورعاۋ كەرەك. مەكتەپ اۋلاسى حاۋىپسىزدىگىن باسقارۋدى كۇشەيتىپ، ءتۇرلى حاۋىپسىزدىك كومەسكى كىناراتتارىن جاپپاي تەكسەرىپ انىقتاۋ جانە الاستاۋ كەرەك.
لي پىڭشين مىنانى باسا دارىپتەدى: پارتيا ۇيىمى باسشىلىعىنداعى مەكتەپ باستىعى جاۋاپتى بولۋ ءتۇزىمىن اۋىتقىماي تياناقتاندىرىپ، مەكتەپ نەگىزگى ساتى پارتيا ۇيىمىنىڭ ساياسي رولىن ۇزدىكسىز نىعايتىپ، مەكتەپتەردىڭ يدەيا، ساياسي قىزمەتىن ۇزدىكسىز كۇشەيتىپ جانە جاقسارتىپ، توراڭعى رۋحىمەن ادام تاربيەلەپ، شينجياڭدى گۇلدەندىرىپ، شەكارانى بەكەمدەۋگە قىزمەت ەتىپ، احىلاق، اقىل - وي، دەنە تاربيە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن قۇلشىنا باۋلۋ كەرەك.
اۆتونوميالى رايوننىڭ ورىنباسار ءتوراعاسى جاۋ چيڭ تەكسەرۋ - زەرتتەۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
