”ءبىر نەگىزگى سورت، ەكى قوسالقى سورت“ ۇلگىسى شينجياڭ ماقتاسىن ونان ارى ساپالىلاندىرا ءتۇستى
2020.07.09 14:40 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ شيڭرۇي 7 - ايدىڭ 7 - كۇنى ۇرىمجىدەن حابارلايدى. 7 - ايدىڭ 7 - كۇنى ماقتا شىرپىپ جۇرگەن توقسۋ اۋدانى ءىشارىق قالاشىعى قىزىلتام قىستاعىنىڭ تۇرعىنى سەيىت قۇربان: ”بيىل 15 مۋ جەرىمىزگە ەككەن ماقتانىڭ ءبارىنىڭ سورتىن جاڭالادىق، ءوسۋى دە بۇرىنعى جىلدارداعىدان الدەقايدا جاقسى“ دەدى. سەيىتتىڭ ”سورتىن جاڭالادىق“ دەگەنى رايونىمىز جولعا قويعان ”ءبىر نەگىزگى سورت، ەكى قوسالقى سورت“ سىندى ماقتا ەگۋ ۇلگىسى اكەلگەن وزگەرىس ەدى.
”ءبىر نەگىزگى سورت، ەكى قوسالقى سورت“ − رايونىمىزدىڭ ماقتا سورتىن بىرلىككە كەلتىرۋىنىڭ ناقتى شاراسى ياعني ماقتا ەگەتىن اۋدان، قالالاردىڭ ءبىر نەگىزگى سورت، 2 قوسالقى سورت ارقىلى ماقتا ەگىنشىلىگىن جولعا قويۋىن ىلگەرىلەتەدى، سونىمەن قاتار ماقتا سورتىنىڭ كوپ، ارالاس بولۋ، بىلىعۋ جاعدايىن ءونىمدى تۇردە شەشۋ ءۇشىن، ”ءبىر اۋداندا ءبىر سورتتى“، ”كوپ اۋداندا ءبىر سورتتى“ جەرگىلىكتى جاعدايعا قاراي وتىرىپ دامىتىپ، ماقتانىڭ ساپاسىن تۋ باستان جوعارىلاتۋعا شابىتتاندىردى.
ءتىلشىنىڭ اۆتونوميالى رايوندىق پارتكوم اۋىل - قىستاق قىزمەتى كەڭسەسىنەن ۇعىسۋىنشا، رايونىمىز ماقتا سورتىن باسقارۋدى ماقتانىڭ جالپى تۇلعالىق ساپاسىن ءوسىرۋدىڭ، ماقتا شارۋاشىلىعىنىڭ جوعارى ساپادا دامۋىن ىلگەرىلەتۋدىڭ ماڭىزدى شاراسى ەتىپ، جەر - جەردى ءوز جەرىنە ەگۋگە ۇيلەسەتىن ساپالى ماقتا سورتىن تاڭداپ پايدالانۋ مەن كەڭەيتىپ كوبەيتۋگە جەتەكتەپ، ماقتا سورتىنىڭ بىردەيلىگىن جوعارىلاتقان. سونىمەن قاتار تاۋار تۇقىم ساپاسىنىڭ حاۋىپسىزدىگىن كۋالاندىرۋ ءتۇزىمىن اتقارۋ ارقىلى ءتۇسىمى دە، ساپاسى دا جوعارى ماقتا سورتىنىڭ جالپىلاسىپ پايدالانىلۋىنا شىنايى كەپىلدىك ەتەدى ەكەن. بۇدان سىرت، ماشينامەن تەرىلەتىن ساپالى ماقتا سورتىن بەلسەنە تاڭداپ جەتىلدىرىپ، ماشينامەن تەرىلەتىن ساپالى ماقتا سورتىنىڭ قامتۋ مولشەرىن ۇزدىكسىز جوعارىلاتادى.
بۇكىل ەلدەگى ەڭ ۇلكەن ساپالى تاۋار ماقتا ءوندىرۋ بازاسى رەتىندە، رايونىمىز ”ساپانى ءوسىرۋ، وزىندىك قۇندى تومەندەتۋ، ونىمدىلىكتى ارتتىرۋ“ نىساناسى بويىنشا ماقتا كاسىبىنىڭ ساپالى دامۋىن ۇزدىكسىز ىلگەرىلەتۋدە. ماقتا سورتى سىندى ءتۇبىرلى ءتۇيىندى ويداعىداي يگەرۋدىڭ سىرتىندا، رايونىمىز ماقتا ءوندىرىسىنىڭ ورنالاسۋىن ۇزدىكسىز ساپالىلاندىرىپ، ماقتانىڭ ەگىنشىلىك كولەمى 200 مىڭ مۋدان اساتىن، ساپالى ماقتا وندىرەتىن 28 اۋدان - قالاعا شوعىرلانۋىن ىلگەرىلەتىپ، تاۋار ماقتامەن ءونىمدى تۇردە قامداۋدى ۇزدىكسىز جوعارىلاتادى، سونىمەن قاتار ماقتا ءوندىرىسىنىڭ نەگىزدىك قۇرىلعى قۇرىلىسىن جانە جوعارى ولشەمدى ماقتا اتىزى قۇرىلىسىن جەدەلدەتىپ، ماقتانىڭ جالپى كاسىپ تىزبەگىنىڭ تيبىنىڭ وزگەرىپ دارەجەسىنىڭ جوعارىلاۋىن ىلگەرىلەتەدى، كاسىپ سالاسىنىڭ دامۋىنىڭ جالپى تۇلعالىق دەڭگەيىن ۇزدىكسىز جوعارىلاتادى.
ۇعىسۋعا قاراعاندا، بىلتىر شينجياڭدا ماقتا ەگىلگەن جەر اۋدانى 38 ميلليون 107 مىڭ 500 مۋعا، تازا ماقتانىڭ جالپى ءونىمى 5 ميلليون 2 مىڭ تونناعا جەتىپ، بۇكىل ەل بويىنشا ماقتا ەگىلگەن جەر اۋدانىنىڭ، ماقتا جالپى ءونىمىنىڭ جەكە - جەكە ％76.1ىن جانە ％84.9ىن ۇستاعان، ماقتا ەگىلگەن جەر اۋدانى، بىرلىك ءونىمى، جالپى ءونىمى، تاۋارلىق مولشەرى، شىعارىلۋ مولشەرى ءۇرتىس 25 جىل بۇكىل ەل بويىنشا الدىڭعى ورىندا تۇرعان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
