جۇڭگو كوممۋنيستىك پارتياسى ورتالىق كوميتەتى كەڭسەسى «ورتالىق كوميتەت ۇگىت ءبولىمىنىڭ، ورتالىق كوميتەت ۇيىمداستىرۋ ءبولىمىنىڭ <شي جينپيڭ ەل باسقارۋ جونىندە > 3 - تومىن ۇيرەنۋگە مۇقيات ۇيىمداستىرۋ جونىندەگى حابارلاندىرۋىن» وتكەرمەلەپ تاراتتى
2020.07.10 16:09 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 8 - كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «ورتالىق كوميتەت ۇگىت ءبولىمىنىڭ، ورتالىق كوميتەت ۇيىمداستىرۋ ءبولىمىنىڭ <شي جينپيڭ ەل باسقارۋ جونىندە> 3 - تومىن ۇيرەنۋگە مۇقيات ۇيىمداستىرۋ جونىندەگى حابارلاندىرۋىن» وتكەرمەلەپ تاراتتى، سونداي - اق حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىكپەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«ورتالىق كوميتەت ۇگىت ءبولىمىنىڭ، ورتالىق كوميتەت ۇيىمداستىرۋ ءبولىمىنىڭ <شي جينپيڭ ەل باسقارۋ جونىندە> 3 - تومىن ۇيرەنۋگە مۇقيات ۇيىمداستىرۋ جونىندەگى حابارلاندىرۋىنىڭ» تولىق مازمۇنى تومەندەگىدەي:
شي جينپيڭنىڭ جاڭا ءداۋىر جۇڭگوشا سوتسياليزم يدەياسى − جاڭا داۋىردەگى جۇڭگو كوممۋنيستىك پارتياسىنىڭ يدەيالىق تۋى، مەملەكەتتىڭ ساياسي ءومىرىنىڭ جانە قوعامدىق ءومىرىنىڭ ءتۇبىرلى باعدار كورسەتكىشى، زامانىمىزداعى جۇڭگونىڭ ماركسيزمى، 21 - عاسىر ماركسيزمى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ارەكەت باعدارناما ازىرلەدى. پارتيا 19 - قۇرىلتايى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن پارتيا، ءسوز جوق، ۇزاق ۋاقىت تاباندى بولاتىن جەتەكشى يدەيا ەتىپ تۇراقتاندىردى ءارى پارتيا ۋستاۆىنا جازدى، 13 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بۇل ماڭىزدى يدەيانى نەگىزگى زاڭعا ەنگىزىپ، پارتيا مەن مەملەكەتتىڭ جەتەكشى يدەياسىنىڭ داۋىرمەن بىرگە العا باسۋىن جۇزەگە اسىردى.
«شي جينپيڭ ەل باسقارۋ جونىندە» 1 - تومى، 2 - تومى باسپادان شىققان سوڭ، ەل ءىشى - سىرتىندا كۇشتى اڭىس قوزعادى. پارتيا 19 - قۇرىلتايىنان بەرى، باس شۋجي شي جينپيڭ جاڭا داۋىردەگى ەل باسقارۋدى ىلگەرىلەتۋگە باسشىلىق ەتۋ امالياتى بارىسىندا تاعى ءبىرسىپىرا ماڭىزدى بايىمداۋلار جاريالاپ، كوپتەگەن جاسامپازدىق، داۋىرلىك، جەتەكشىلىك سيپاتقا يە ماڭىزدى يدەيالار مەن كوزقاراستاردى ورتاعا قويىپ، پارتيانىڭ نازاريالىق جاسامپازدىق جەتىستىكتەرىن ونان ارى بايىتتى جانە دامىتتى.
پارتيا ورتالىق كوميتەتتىڭ بەكىتۋىمەن ورتالىق كوميتەت ۇگىت ءبولىمى (مەملەكەتتىك كەڭەس اقپارات كەڭسەسى) ورتالىق پارتيا تاريحى جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرلەسىپ، «شي جينپيڭ ەل باسقارۋ جونىندە» 3 - تومىن قۇراستىرىپ باسپادان شىعاردى. بۇل كىتاپقا باس شۋجي شي جينپيڭنىڭ 2017 - جىلى 10 - ايدىڭ 18 - كۇنىنەن 2020 - جىلى 1 - ايدىڭ 13 - كۇنىنە دەيىنگى باياندامالارى، سوزدەرى، اڭگىمەلەرى، لەكسيالارى، بەكىتۋلەرى، نۇسقاۋلارى، قۇتتىقتاۋ حاتتارى قاتارلى 92 ماقالا ەنگىزىلدى، كىتاپ 19 ارناۋلى تاقىرىپقا ءبولىندى.
«شي جينپيڭ ەل باسقارۋ جونىندە» 3 - تومى پارتيا 19 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى جانە دۇنيە جۇزىندە 100 جىلدا بولماعان ۇلكەن وزگەرىستى كوزدەي وتىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، پارتيا مەن مەملەكەت ىستەرىندە تىڭ، ەلەۋلى ىلگەرىلەۋشىلىككە قول جەتكىزۋدىڭ ۇلى امالياتىن ىلگەرىلەتىپ، ماركسيزمدى جۇڭگوشالاندىرۋدىڭ ەڭ جاڭا جەتىستىكتەرىن شوعىرلى بەينەلەپ، پارتيامىزدىڭ ادامزات تاعدىرلاس ورتاق تۇلعاسىن قۇرۋدى ىلگەرىلەتۋگە قوسقان پاراساتتى جوباسىن تولىق ايگىلەدى، ول شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جان - جاقتى، جۇيەلى بەينەلەيتىن قۇزىرەتتى شىعارما.
«شي جينپيڭ ەل باسقارۋ جونىندە» 3 - تومىنىڭ باسپادان شىعىپ تاراتىلۋى قالىڭ پارتيا مۇشەلەرىن، كادرلاردى جانە بۇقارانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋىن، جەتە يگەرۋىن، شىنايى تياناقتاندىرۋىن ىلگەرىلەتۋدە، وعان سىڭىرىلگەن ماركيستىك تۇرعىنى، كوزقاراستى، ءادىستى جۇيەلى يگەرۋدە، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋدا؛ حالىقارالىق قوعامنىڭ وسى ءبىر ماڭىزدى يدەيانىڭ باستى مازمۇندارىن اناعۇرلىم ويداعىداي تۇسىنۋىنە كومەكتەسۋدە، جۇڭگو كوممۋنيستىك پارتياسىنىڭ نەلىكتەن ”يقۋاتتى ەكەندىگى“، ماركسيزمنىڭ نە ءۇشىن ”ىسكە اساتىندىعى“، جۇڭگوشا سوتسياليزمنىڭ نە ءۇشىن ”جاقسى“ ەكەندىگى جونىندەگى تانىمى مەن تۇسىنىگىن تەرەڭدەتۋدە كەلەلى ماڭىز الادى.
«شي جينپيڭ ەل باسقارۋ جونىندە» 3 - تومىن مۇقيات ۇيرەنۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋداعى، حالىقتى تاربيەلەۋدەگى ماڭىزدى ساياسي مىندەت. ءار دارەجەلى پارتيا ۇيىمدارى دەن قويا ۇيىمداستىرىپ، ەگجەي - تەگجەيلى ورنالاستىرىپ، «شي جينپيڭ ەل باسقارۋ جونىندە» 3 - تومىن 1 - تومىمەن، 2 - تومىمەن ءبىر تۇتاس تۇلعا رەتىندە قاراپ، قالىڭ پارتيا مۇشەلەرىن، كادرلاردى ءتۇپ نۇسقانى وقۋعا، اۋەلگى ءماتىندى ۇيرەنۋگە، قاعيداسىن ۇعىنۋعا جەتەكتەۋ كەرەك. ءار دارەجەلى پارتكومنىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى «شي جينپيڭ ەل باسقارۋ جونىندە» 3 - تومىن ۇيرەنۋ جوسپارىنا ەنگىزىپ، جان - جاقتى، جۇيەلى ۇيرەنىپ، تەرەڭدەي ويلانا ۇيرەنىپ، ءىس جۇزىندىكپەن بىرلەستىرە ۇيرەنىپ، ساياسي قابىلەتتى ۇزدىكسىز جوعارىلاتىپ، ۇيرەنۋ ناتيجەسىن حاۋىپ - قاتەر، سىن - سايىسقا توتەپ بەرەتىن، ىستەردىڭ دامۋىن ىلگەرىلەتەتىن جونگە سالۋ قابىلەتىنە جانە قىزمەت ورەسىنە شىن مانىندە اينالدىرۋ كەرەك. ءار دارەجەلى پارتيا مەكتەپتەرى (اكىمشىلىك شۋەيۋان)، كادرلار شۋەيۋاندارى «شي جينپيڭ ەل باسقارۋ جونىندە» 3 - تومىن تاربيەلەۋدىڭ، وقىتۋدىڭ ماڭىزدى مازمۇنىنا ەنگىزۋ كەرەك، ءارقايسى جوعارى مەكتەپتەر ونى وقىتۋشى - وقۋشىلاردىڭ يدەيا - ساياسي تاربيەسىنىڭ ماڭىزدى وقۋلىعى ەتۋى ءتيىس، ءار دارەجەلى پارتكومداردىڭ لەكسياشىلار ۇيىرمەسى نەگىزگى ساتى پارتيا مۇشەلەرى مەن بۇقاراعا ۇگىتتەۋ قيمىلىن ويداعىداي ۇيىمداستىرۋ كەرەك، جاڭا ءداۋىر وركەنيەت امالياتى ورتالىقتارى، اۋدان دارەجەلى توعىسپالى مەديا ورتالىقتارى جانە ”ۇيرەنۋگە قۋاتتى ەل“ ۇيرەنۋ تۇعىرى پارتيانىڭ عىلمي نازاريالارىنىڭ ”جاي بۇقارا وتباسىلارىنا جەدەل جەتۋىن“ جاسامپازدىقپەن ىلگەرىلەتۋ كەرەك. نازاريانى امالياتپەن ۇشتاستىراتىن ماركسيزمدىك ۇيرەنۋ ستيلىنە تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋمەن تىعىز ۇشتاستىرىپ، رەفورما، دامۋ، ورنىقتىلىق سياقتى جاقتارداعى قىزمەتتەرمەن تىعىز ۇشتاستىرىپ، حالىق بۇقاراسىنىڭ تاماشا تۇرمىسقا بولعان تىڭ ۇمىتىمەن تىعىز ۇشتاستىرىپ، تانىم مەن ارەكەتتىڭ بىرلىگىنە، ۇيرەنگەندى قولدانا بىلۋگە كۇش سالىپ، پارتيانىڭ جاسامپاز نازارياسىمەن شىن مانىندە وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، قالىڭ پارتيا مۇشەلەرىن، كادرلاردى جاڭا تيپتى ايدارشا ۆيرۋس وكپە قابىنۋ ىندەتى اكەلگەن ءتيىمسىز ىقپالدى قۇلشىنا جەڭۋگە جەتەكتەپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ، ۇتىمدى جاعدايدان پايدالانىپ ورگە ۇمتىلىپ سوتسياليستىك وسىزاماندانعان مەملەكەتتى جالپى بەتتىك قۇرىپ شىعۋدىڭ جاڭا ساپارىن باستاۋدىڭ تاسقىنداعان كۇشىن ۇيىستىرۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
