شوكىرات زاكىر شينجياڭ كوركەمونەر تەاترىندە تەكسەرۋ - زەرتتەۋ جۇرگىزگەندە مىنانى باسا دارىپتەدى
مادەنيەت پەن ساياحاتتى تەرەڭ توعىستىرۋ سىندى زورءىستى تىڭعىلىقتى ويداعىداي ىستەيىك
2020.07.10 16:14 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 7 - ايدىڭ 8 - كۇنى ۇرىمجىدەن حابارلايدى. 7 - ايدىڭ 8 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر شينجياڭ كوركەمونەر تەاترىنە بارىپ تەكسەرۋ - زەرتتەۋ جۇرگىزدى ءارى اڭگىمە ءماجىلىس اشىپ، مادەنيەت جانە ساياحات كاسىبىن ونان ارى كۇشەيتۋدى، ساپالىلاندىرۋدى اقىلداستى.
شينجياڭ كوركەمونەر تەاترى سەرىك ۇيىرمەسىنىڭ جاتتىعۋ زالىندا سەرىك ارتيستەرى ويىن ءنومىرى «داۋازعا» جانە زىرىلداۋىق ويىن ءنومىرى «جۇپارگۇلگە» جاتتىعىپ جاتىپتى. شوكىرات زاكىر كوپشىلىكپەن ىستىق ىقىلاسپەن اڭگىمەلەسىپ، ارتيستەردى قاجىرلىلىقپەن جاتتىعىپ، ولاردى ەرلىكپەن كوركەمونەردىڭ اسقار شىڭىنا شىعۋعا ىنتالاندىردى. ىلە - شالا شوكىرات زاكىر شينجياڭ اييۋە وركەسترىنىڭ جاتتىعۋ زالىنا، شينجياڭ كوركەمونەر تەاترى ءان - ءبي ۇيىرمەسىنىڭ جاتتىعۋ زالىنا كەلىپ، ۇلتتىق سيمفونيا تۋىندىسى «مول ءونىم شاتتىعى» جانە «داپ ۇرىپ، ءان شىرقايىقتى» تاماشالادى. شوكىرات زاكىر تەاتر ۇيىرمەلەرىنىڭ قوسىن قۇرىلىسى، شىعارماشىلىق، ويىن قويۋ سياقتى جاعدايلارىن زەر سالا سۇراپ ۇعىسىپ، حالىقتى وزەك ەتكەن شىعارماشىلىق بەتالىسىنا تاباندى بولىپ، تۇرمىسقا ىشكەرىلەي ارالاسىپ، بۇقاراعا تامىر تارتىپ، شينجياڭداعى ءار ۇلت حالقىنىڭ قارىشتاپ العا ۇمتىلعان، ىنتىماقتاسا كۇرەس جۇرگىزگەن رۋحىن ايگىلەيتىن اناعۇرلىم كوپ تاڭداۋلى تۋىندىلار جاراتۋ كەرەكتىگىن باسا دارىپتەدى.
اڭگىمە ماجىلىستە شوكىرات زاكىر اۆتونوميالى رايوننىڭ مادەنيەت جانە ساياحات كاسىبىنىڭ دامۋ جاعدايىنان جاسالعان مالىمەتتى تىڭدادى ءارى شينجياڭ كوركەمونەر تەاترى تەاتر - ۇيىرمە جاۋاپتىلارىمەن، كوركەمونەر قايراتكەرلەرىمەن ىشكەرىلەي اڭگىمەلەسىپ، كوركەمونەر تەاتر - ۇيىرمەلەرىنىڭ رەفورما، دامۋ جاعدايىن ەگجەي - تەگجەيلى ۇعىستى. اۆتونوميالى رايوننىڭ قاتىستى تاراۋلارىنىڭ جاۋاپتىلارى پىكىر اۋىستىرىپ، ءسوز سويلەدى.
شوكىرات زاكىر مىنالاردى باسا دارىپتەدى: مادەنيەت - ساياحات تاراۋلارى ساياسي دەڭگەيدى اناعۇرلىم جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالاپتارىنا ساي، ءبىر جاعىنان ىندەتتەن ساقتانۋ - تىزگىندەۋدىڭ ءتۇرلى شارالارىن مۇقيات ويداعىداي تياناقتاندىرىپ، مادەنيەت ىستەرىنىڭ اقاۋسىز دامۋىنا، ساياحات كاسىبى ءوندىرىسىنىڭ، تيجاراتىنىڭ حاۋىپسىز، ءتارتىپتى بولۋىنا شىنايى كەپىلدىك ەتىپ، ەندى ءبىر جاعىنان، ورايدى مىقتى يگەرىپ، بەرىلە زەرتتەپ، مۇقيات جوسپارلاپ، مادەنيەت جانە ساياحات كاسىبىن دامىتۋدىڭ ءتۇرلى قىزمەتتەرىن تىڭعىلىقتى ويداعىداي ىستەۋ كەرەك.
شوكىرات زاكىر مىنالاردى باسا دارىپتەدى: جۇڭگوشا سوتسياليزم مادەنيەت سەنىمىن بەكەمدەپ، جۇڭگوشا سوتسياليستىك شينجياڭ قۇرۋعا قۋاتتى وڭ ەنەرگيا ۇيىستىرۋ كەرەك. ادەبيەت - كوركەمونەر ىستەرى دامۋىنىڭ دۇرىس ساياسي بەتالىسىنا تاباندى بولىپ، جۇڭحۋا ۇلتى ورتاق تۇلعا تانىمىن بەرىك شىڭاپ، ءار ۇلت بۇقاراسىن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتۋگە جەتەكتەۋ قاجەت. حالىقتى وزەك ەتكەن شىعارماشىلىق بەتالىسىنا باستان - اياق تاباندى بولىپ، ءداۋىر تاقىرىبىمەن، شينجياڭنىڭ ءىس جۇزىندىگىمەن تىعىز جاناسىپ، ادەبيەت - كوركەمونەر تاڭداۋلى تۋىندىلارى ستراتەگياسىن اتقارىپ، يدەياسى تەرەڭ، كوركەمدىگى كەمەلدى، جاسالۋى بىرەگەي ساحنالىق كوركەمونەر تاڭداۋلى تۋىندىلارىن جاراتىپ، شىعارىپ، حالىقتىڭ تاماشا رۋحاني مادەنيەت تۇرمىسقا دەگەن قاجەتىن قاناعاتتاندىرۋ كەرەك.
شوكىرات زاكىر مىنالاردى اتاپ كورسەتتى: ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، مادەنيەت پەن ساياحاتتى تەرەڭ توعىستىرۋ سىندى ماڭىزدى قىزمەتتى تىڭعىلىقتى ىستەۋ كەرەك. شينجياڭنىڭ وزگەشە مادەنيەت، ساياحات بايلىعى باسىمدىعىن كۇش سالا اشىپ، مادەنيەت ارقىلى ساياحاتتى جەبەۋگە، ساياحات ارقىلى مادەنيەتتى ايگىلەۋگە باسا ءمان بەرىپ، مادەنيەتتى ساياحاتپەن توعىستىرۋدىڭ ەسەلەپ ارتۋ ونىمدىلىگىن ساۋلەلەندىرىپ، 5G، ينفورماتسيا سيفرلى تەحنيكاسى سياقتىلاردى قولدانىپ، تۇرلىشە ساياحاتشىلاردىڭ قاجەتىن قاناعاتتاندىراتىن اناعۇرلىم كوپ جاڭا مادەنيەت، ساياحات ونىمدەرىن شىعارىپ، بۇكىل رايونىمىزدىڭ مادەنيەتپەن، ساياحاتپەن قامداۋ قۋاتىن ءۇرتىس جوعارىلاتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز تەكسەرۋ - زەرتتەۋدە بىرگە بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
