شينجياڭ تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتىن ورنالاستىردى
2020.07.10 16:22 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى ياڭ شۋحان 7 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسىنەن ۇعىسۋعا قاراعاندا، وسى مەڭگەرمە جۋىقتا حابارلاندىرۋ تاراتىپ، بۇكىل رايوننىڭ جەر - جەرىنەن تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتىن بەلسەندى ويداعىداي ىستەپ، اپاتتان ساقتانۋدىڭ قارجى، زاتتىق قامتاماسىزدىعىن ويداعىداي ىستەپ، قاتەردەن اراشالاۋ بويىنشا شۇعىل جاعدايعا توتەپ بەرۋ جاتتىعۋىن ورىستەتىپ، تاسقىننان ساقتانۋ، اپاتتان قۇتقارۋدىڭ دايىندىق قىزمەتىن مىقتى، ەگجەي - تەگجەيلى، ناقتى يگەرىپ، تاسقىن مەزگىلىنەن امان وتۋگە شىنايى كەپىلدىك ەتۋدى تالاپ ەتكەن.
حابارلاندىرۋدا مىنالار تالاپ ەتىلدى: ءارقايسى ايماقتاردىڭ (وبلىس، قالا) شۇعىل جاعدايعا توتەپ بەرۋدى باسقارۋ مەكەمەسى تاسقىن جاعدايىن باقىلاۋ - ولشەۋ، اقىلداسۋ تاسىلىندە جاڭالىق اشىپ، اقىلداسىپ تۇجىرىمداۋ مەن اپاتتى باقىلاۋدى، ولشەۋدى، الدىن الا ساقتاندىرۋدى عىلمي ورىستەتىپ، سۋ يگىلىگى، جاراتىلىستىق بايلىق، اۋا رايى سياقتى تاراۋلارمەن ەندىك باعىتتا اقىلداسۋدى جانە قاتىستى اۋدانمەن (قالا، رايون) بويلىق باعىتتا اقىلداسۋدى كۇشەيتىپ، ءتۇيىندى وڭىرلەردىڭ جاۋىن - شاشىن جاعدايىن، سۋ جاعدايىن، تاسقىن جاعدايىن ءدال يگەرۋىنە كومەكتەسۋى كەرەك. اپاتتان الدىن الا ساقتانۋ ينفورماتسيالارىن دەر كەزىندە جاريالاپ، قالىڭ قاۋىمعا اپاتتان ساقتانۋ، قاتەردەن قورعانۋ شارالارىن ىرىقتىلىقپەن قولدانۋدى ەسكەرتۋ كەرەك.
جەر - جەر ءتۇيىندى كاسىپتەردەگى، سالالارداعى حاۋىپسىزدىك كومەسكى قاتەرىن ءبىر - بىرلەي تەكسەرىپ جونگە سالۋدى كۇشەيتىپ، زەردەلىلەندىرۋ مەن تورلاندىرۋدى ءوزارا ۇشتاستىرۋدى، وسى زامانعى ءتاسىل مەن ءداستۇرلى ءادىستى ءوزارا ۇشتاستىرۋدى ىلگەرىلەتىپ، ماڭىزدى وڭىرلەرگە جان - جاقتى باقىلاۋ - تىزگىندەۋ مەن كۇندەلىكتى حاۋىپ - قاتەرگە ءبىر - بىرلەي تەكسەرۋدى جۇزەگە اسىرۋى كەرەك. بوساعان كەن قۇدىقتارى اۋماقتارى، وتىرمالى اۋماقتار سياقتى جەرلەرگە شارلاپ تەكسەرۋدى كۇشەيتىپ، تاۋ كوشكىنى، قۇلاپ ءتۇسۋ جانە لاي كوشكىنى حاۋىپىنە ۇشىراعان گەولوگيالىق بارلاۋ، مۇناي - گاز قۇدىق - الاڭدارى سياقتى جەرلەرگە ەرتەرەك ساقتانۋ شارالارىن قولدانۋعا قۋزاۋى كەرەك. حاۋىپتى حيميالىق بۇيىمدارعا جاي تۇسۋدەن ساقتانۋ، جوعارى تەمپەراتۋرادان ساقتانۋ جانە تاسقىننان ساقتانۋ حاۋىپسىزدىگى تەكسەرۋىن كۇشەيتۋ كەرەك. سۋ يگىلىگى، قاتىناس جانە تۇرعىن ءۇي، قالا قۇرىلىسى تاراۋلارىن سايكەستىرىپ، ماڭىزدى سەلدەن ساقتانۋ ينجەنەريالارى، تاس جول، تەمىر جول جانە كوپىر، سونداي - اق ءتۇرلى قۇرىلىس نىساندارىنىڭ جۇمىس ورىندارى سياقتى ءتۇيىندى ورىندارعا ءبىر - بىرلەي تەكسەرۋ ورىستەتۋدى كۇشەيتۋ كەرەك.
ءارقايسى ايماقتىڭ (وبلىس، قالا) شۇعىل جاعدايعا توتەپ بەرۋ باسقارۋ مەكەمەسى اپاتتىڭ الدىن الۋ، قاتەردەن قورعانۋ قىزمەتىن ءونىمدى ۇيىمداستىرىپ ورىستەتىپ، تاسقىن مەزگىلىندەگى سۇركەيلى اۋا رايى تۋدىرۋى مۇمكىن بولعان سەل، جەر كوشكىنى، لاي كوشكىنى سياقتى جاراتىلىستىق اپات حاۋىپىنە مەڭزەس، اپاتتان ساقتانۋ، قاتەردەن قورعانۋ شارالارىن تياناقتاندىرۋعا قۋزاپ، قاتەردەن شۇعىل قورعانۋ، كوشىرۋ جوباسىن الدىن الا جاساپ، اپاتتان قۇتقارۋ زاتتىق ماتەريالدارى قورىن توپتاۋدى ويداعىداي ىستەۋ كەرەك. ءتۇرلى اپاتتان قۇتقارۋ زاتتىق ماتەريالدارى مەن قاراجاتتارىن ءبىر تۇتاس ورنالاستىرىپ قامتاماسىزداندىرۋدى كۇشەيتىپ، اپاتقا ۇشىراۋ دارەجەسىنە نەگىزدەلىپ، اپاتتى وڭىرگە اپاتتان قۇتقارۋ قاراجاتىن، زاتىن تەزىرەك دايىنداپ، جەتكىزىپ، تۇيىندەردى قامتاماسىز ەتۋدى، ارناۋلى قاراجاتتى ارناۋلى پايدالانۋدى، ارناۋلى ماتەريالدى ارناۋلى پايدالانۋدى ورىنداۋ كەرەك.
جەر - جەر ءوندىرىس حاۋىپسىزدىگى بويىنشا ارناۋلى رەتتەۋ - وڭاۋدىڭ 3 جىلدىق ارەكەتىن تىڭعىلىقتى ورىستەتىپ، ءتۇيىندى كاسىپتەردە، سالالاردا ساقتالىپ وتىرعان كورنەكتى ماسەلەلەردى شەشۋدى جۇيەلى ىلگەرىلەتىپ، دالمە - ءدال شارا قولدانىپ، دەر كەزىندە جونگە سالىپ، ءوندىرىس حاۋىپسىزدىگى جاعدايىن باتىل ورنىقتىرۋى كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
