قامبادا تەگىن ساقتاۋدىڭ پايداسىن كورىپ، ەلەكتروندى ساۋدا قوسىمشا قاراجاتىنان يگىلىكتەندى
شينجياڭ شييۇي چۋانچي سەرىكتەستىگى الدىڭعى جارتى جىلدا اۋىل شارۋاشىلىعى قوسىمشا ونىمدەرىنىڭ ساتىلۋ سوماسىنىڭ 50 ميلليون يۋاننان اسۋىن جەبەدى
2020.08.19 15:44 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي
”تۇرلىشە تىكە تاراتۋ قاجەتىنە، تۇرلىشە قولدانۋ جاعدايىنا مەڭزەس، تىكە تاراتۋعا قاجەتتى جابدىقتار دا ۇقسامايدى...“، 8 - ايدىڭ 6 - كۇنى شينجياڭ شييۇي چۋانچي ينتەرنەت عىلىم - تەحنيكا شەكتى سەرىكتەستىگى تاربيەلەۋ ءبولىمىنىڭ لەكتورى جاڭ چياڭ الىس ارالىقتان تاربيەلەۋ ارقىلى، تىكە تاراتۋ جابدىقتارىن تانۋ جانە قولدانۋ ءادىسى جونىندە ەگجەي - تەگجەيلى تۇسىنىك جاسادى.
تالاي رەتكى كۋرسقا قاتىناسقان اقتاۋ اۋدانى جامانتەرەك اۋىلى سەگىز ارىق قىستاعىنىڭ كۋرسانتى پاتيگۇل مامەتتىڭ قازىر 2000نان ارتىق جان كۇيەرى بار. ”العاش تىكە تاراتقاندا سەنىمىم بولمادى، كۋرس ەلەكتروندى ساۋدا جونىندەگى تۇسىنىگىمدى تەرەڭدەتتى، سەنىمىمدى دە ارتتىرا ءتۇستى“، - دەدى پاتيگۇل.
ىندەتتەن ساقتانۋ - تىزگىندەۋ مەزگىلىندە، شينجياڭ شييۇي چۋانچي سەرىكتەستىگى جەلىدە تاربيەلەۋ ارناسىن اشىپ، جەر - جەردەگى كۋرسانتتار ۇيىندە ينتەرنەتتەن پايدالانىپ، ەلەكتروندى ساۋدا بىلىمدەرىن ۋاعىندا ۇيرەنە الاتىن بولدى.
وسى سەرىكتەستىكتىڭ جاۋاپتىسى لي لۋيۇي تانىستىرىپ بىلاي دەدى: الدىڭعى جارتى جىلدا سەرىكتەستىگىمىزدىڭ قامداۋ تىزبەگى توبى تۇرپان، قاشقار، حوتان، اقسۋ سياقتى جەرلەرگە بارىپ، قۇمىل قاۋىنى، كىشى اق ورىك سياقتى اۋىل شارۋاشىلىعى ونىمدەرىن تىكە تاراتۋ قيمىلدارىن ورىستەتىپ، بۇكىل شينجياڭداعى 16 اۋدان - قالاداعى 60 نەشە كاسىپورىندى ۇيىمداستىرىپ، ەلەكتروندى ساۋدا تىكە تاراتۋىنا 21 رەت قاتىناستىرىپ، 13 ەلەكتروندى ساۋدا قىزمەت وتەۋ ورتالىعىنان پايدالانىپ، ينتەرنەت جەلىسىندە، جەلىدەن تىس ەلەكتروندى ساۋدا كۋرسىن اشىپ، 11 مىڭ ادام - رەتتەن ارتىق تاربيەلەپ، اۋىل شارۋاشىلىعى قوسىمشا ونىمدەرىنىڭ ساتىلۋ سوماسىنىڭ 50 ميلليون يۋاننان اسۋىن جەبەدى.
ناتيجە، ارينە، كوپ جاقتىڭ قولداۋىنان ايىرىلا المايدى. بيىل ىندەت تۋىلعاننان كەيىن، اۆتونوميالى رايون كوپ ءتۇرلى شارانى العا قويىپ، ەلەكتروندى ساۋدا كاسىپورىندارىنىڭ دامۋىن قولدادى. كاسىپورىندار ءدوپ كەلگەن قامبانىڭ جەتىسپەۋى، قارجى قىسىمىنىڭ اۋىر بولۋى سياقتى قيىنشىلىقتارعا مەڭزەس، اۆتونوميالى رايوندىق ساۋدا ىستەرى تاراۋلارى ءارقايسى اۋدان - قالاداعى اۋىل - قىستاق ەلەكتروندى ساۋدا كاسىپ باقشالارىن سايكەستىرىپ، تەگىن ساقتايتىن قامبا ازىرلەپ، بولىمشە قامبا قۇردى، شييۇي چۋانچي سەرىكتەستىگى شينجياڭ جيۋديڭ اۋىل شاۋاشىلىعى ونىمدەرىن تولايىم ساتۋ بازارىنىڭ ماڭىنان ورتالىق قامبا قۇرىپ، قامبادا ساقتاۋ قيىنشىلىعىن شەشتى. قارجى قيىنشىلىعىنا مەڭزەس، اۆتونوميالى رايونداعى ءارقايسى فينانس قۇرىلىمدارى امانات - قارىز كاسىبىنىڭ ”جاسىل وتكەلىن“ اشىپ، امانات - قارىز بەرۋ ءتارتىبىن ساپالىلاندىرىپ، ينتەرنەت جەلىسندەگى فينانستىق قىزمەت وتەۋدى قولداۋ سياقتى شارالاردى كۇشەيتىپ، كاسىپورىنداردىڭ قيىن وتكەلدەن وتۋىنە كومەكتەستى.
لي لۋيۇي: ”ىندەتتىڭ ىقپالىنان، تىكە تاراتۋ ارقىلى زات ساتاتىن تىڭ كۇشتەر قوسىلىپ، نەگىزگى ساتىداعى تىكە تاراتۋ ەلەكتروندى ساۋداسىنىڭ دامۋى ۇدەي ءتۇستى. بيىل ءبىز اۋدان كولەمىندەگى اۋىل - قىستاق ەلەكتروندى ساۋدا دارىندىلار قوسىنىن تاربيەلەپ، تاۋباۋدا تىكە تاراتۋ، دوۋيىن، كۋايشوۋ سياقتى تۇعىرلاردان پايدالانىپ اۋدان كولەمىندە ەلەكتروندى ساۋدا تىكە تاراتۋ قيمىلىن 100 رەت وتكىزىپ، اۋىل شارۋاشىلىعى ونىمدەرىن ءوندىرۋدى، ساتۋدى ەلەكتروندى تىكە تاراتۋ ساۋداسىمەن تىعىز توعىستىرۋدى ىلگەرىلەتپەكپىز“، - دەدى.
【ساياسات】 بيىل رايونىمىز اۋىل - قىستاقتاردىڭ ەلەكتروندى ساۋداسىن زور كۇشپەن دامىتتى، اۆتونوميالى رايوندىق ساۋدا ىستەرى مەڭگەرمەسى ەلەوكتروندى ساۋدا ارقىلى تۇتىنۋدى جەبەۋ قيمىلىن 8 جاقتان بەلسەنە ورىستەتىپ، تىكە تاراتۋ ەلەكتروندى ساۋداسىمەن اۋىل شارۋاشىلىعى ونىمدەرىن ساتۋ سەرپىنىن كۇشەيتىپ، ساتۋ ارناسىن كەڭەيتتى؛ ينتەرنەتتە تانىمال تىكە تاراتۋ سياقتى ەلەكتروندى ساۋدانىڭ جاڭا كاسىپ كۇيىنەن پايدالانىپ، ”شاعىن دا تارتىمدى“ وڭىرلىك ينتەرنەت جاڭا ماركاسىن جاراتىپ، اۋىل شارۋاشىلىعى ونىمدەرىنىڭ ينتەرنەتتەگى تۇتىنىلۋىن كەڭەيتتى؛ ”ءبىر، ون، ءجۇز، مىڭ“ قۇرىلىسىن (ءبىر تىكە تاراتۋ بازاسىن قۇرۋ، 10 ءتۇيىندى تىكە تاراتۋ نەگىزگى تۇلعاسىن سۇيەمەلدەۋ، 100 ءتۇيىندى تاۋاردى شوعىرلى ۇگىتتەۋ، تىكە تاراتۋدا تەبىندى 1000 جەكەنى تاربيەلەۋ) ىلگەرىلەتتى؛ تىكە تاراتۋ ەلەكتروندى ساۋدا اۋىس - كۇيىسىن، جارىس قيمىلدارىن ۇيىمداستىرىپ ورىستەتىپ، بۇكىل رايونىمىزداعى تىكە تاراتۋ ەلەكتروندى ساۋداسىنىڭ جالپى تۇلعالىق كاسىپتىك دەڭگەيىن ءوسىردى.
【تياناقتاندىرۋ】 لي لۋيۇي تانىستىرىپ بىلاي دەدى: سەرىكتەستىگىمىز ەلەكتروندى ساۋدا قوسىمشا قاراجاتى سياقتى قارجىلاي كومەكتەن يگىلىكتەنىپ، قازىر يوپۇرعا اۋدانى، اقچي اۋدانى سياقتى جەرلەردەن الەۋمەتتىك ەلەكتروندى ساۋدا تىكە تاراتۋ بولمەسىن قۇردى ءارى لەكتورلاردى جەر - جەرگە بارىپ، ەلەكتروندى ساۋدا تىكە تاراتۋىمەن زات ساتۋ كۋرسىن اشۋعا ۇيىمداستىردى، سونىمەن بىرگە شينجياڭ كاسىپتىك داشۋەسى سياقتى قۇرىلىمدارمەن سەلبەستىك جاساسىپ، كەدەي وتباسىلارىنا، اۋىلعا قايتقان جوعارى مەكتەپ وقۋشىلارىنا، سونداي - اق اۋىل، قالاشىقتاعى قىزمەت كۇتكەن جاستارعا شارۋاشىلىق قۇرۋعا دايىندالۋ قىزمەتىن جۇرگىزىپ، كاسىپورىنداردىڭ دامۋىنا تىڭ ومىرشەڭدىك كۇش سيلادى.
بيىل اۆتونوميالى رايوندىق ساۋدا ىستەرى مەڭگەرمەسى تاۋارلاردى جەتكىزۋ جۇيەسى قۇرىلىسىن قولداۋ سەرپىنىن كۇشەيتىپ، ەلەكتروندى ساۋدانىڭ ناقتى تۇلعالىق ەكونوميكامەن توعىسا دامۋىن زور كۇشپەن قولداپ، ەلەكتروندى ساۋدانىڭ كوكونىس تولايىم ساتۋ بازارى، ساۋدا سارايى، ساۋداگەر، كەشكى بازار سياقتى جەلىدەن تىس ناقتى تۇلعالىق ەكونوميكامەن سەلبەستىكتى بەلسەنە ورىستەتتى، ”كەزدەسپەي تۇتىنۋدىڭ“ الەۋمەتتىك اۋماقتارعا كىرۋ جولىن اشتى. شينجياڭ شييۇي چۋانچي سەرىكتەستىگى الەۋمەتتىك اۋماقتارداعى بولشەك ساتۋ ەلەكتروندى ساۋدا بولىكتەرىنە نازار سالىپ، بيىل ”جىۋيتۋان“ الەۋمەتتىك اۋماق بولشەك ساتۋ ارناسىن اشتى. ”ءبىز الەۋمەتتىك اۋماقتاعى ساۋدا ەرەن بازارى، اۋىل - قىستاقتاعى دۇكەنشە بايلىقتارىن جيناقتاپ، الەۋمەتتىك اۋماقتاردىڭ بولشەك ساتۋ ەلەكتروندى ساۋدا كاسىبىن اشتىق، قازىر كۇندىك ساتۋ سوماسى 180 مىڭ يۋان“، - دەدى لي لۋيۇي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
