بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شينجياڭ ۇيعۇر اۆتونوميالى رايونى ”جۇڭگو شيپاگەرلەر مەرەكەسى“ بايلانىسىمەن اڭگىمە ءماجىلىس اشتى

2020.08.20 14:35     كەلۋ قاينارى : شينجياڭ گازەتى

  چىن چۋانگو ءسوز سويلەدى ءارى شينجياڭنىڭ ىندەتتەن ساقتانۋ - تىزگىندەۋدەن قامال الۋ شايقاسىنا كومەكتەسكەن مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنا جانە ءارقايسى ولكەنىڭ، قالانىڭ ماماندارىنا، ەمدەۋ قىزمەتكەرلەرىنە، بۇكىل رايونداعى قالىڭ ەمدەۋ قىزمەتكەرلەرىنە مەرەكەلىك تىلەك ءبىلدىردى

  شوكىرات زاكىر قاتىناستى، لي پىڭشين باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 8 - ايدىڭ 18 - كۇنى ۇرىمجىدەن حابارلايدى. 8 - ايدىڭ 18 - كۇنى اۆتونوميالى رايون ”جۇڭگو شيپاگەرلەر مەرەكەسى“ بايلانىسىمەن اڭگىمە ءماجىلىس اشتى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ شيپاگەرلەر مەرەكەسى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، شيپاگەرلەردى قۇرمەتتەيتىن، دەنساۋلىققا ءمان بەرەتىن تاماشا راي قالىپتاستىرىپ، قالىڭ ەمدەۋ قىزمەتكەرىن ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزىپ، سالاماتتى جۇڭگو قۇرۋ، حالىقتىڭ سالاماتتىعىن، ىرىس - قۇتىن ارتتىرۋ ءۇشىن جاڭا ۇلەس قوسۋعا ىنتالاندىرۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى، اۆتونوميالى رايوندىق پارتكومنىڭ ورىنباسار شۋجيى لي پىڭشين ءماجىلىستى باسقاردى.

  ماجىلىستە بەيجيڭ داشۋەسى 1 - شيپاحاناسى جۇقپالى اۋرۋلار ءبولىمىنىڭ مەڭگەرۋشىسى ۋاڭ گۇيچياڭ، بەيجيڭ ديتان شيپاحاناسى جۇقپالى اۋرۋلار ورتالىعىنىڭ اعا شيپاگەرى جياڭ رۇڭمىڭ، حاربين مەديتسينا داشۋەسىنە قاراستى 1 - شيپاحانانىڭ باستىعى يۇي كايجياڭ جانە اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ ورىنباسار باستىعى لۋ چىن، شينجياڭ مەديتسينا داشۋەسىنە قاراستى 1 - شيپاحاناسى كوكىرەك سىرتقى اۋرۋلار ءبولىمىنىڭ تەتە اعا شيپاگەرى ءجۇرات ءانۋار قاتارلى ۋاكىلدەر ءسوز سويلەدى. كوپشىلىك قىزمەت امالياتىنا بىرلەستىرىپ، شينجياڭنىڭ ىندەتتەن ساقتانۋ - تىزگىندەۋدەن قامال الۋىنا قاتىناسقانداعى اسەرلەرىن سويلەدى ءارى شينجياڭنىڭ ىندەتتەن ساقتانۋ - تىزگىندەۋدى ۇدايىلاندىرۋ مەن مەديتسينالىق قۇتقارۋ - ەمدەۋدى كۇشەيتۋ جونىندە پىكىرلەرى مەن ۇسىنىستارىن ورتاعا قويدى.

  كوپشىلىكتىڭ ءسوزىن مۇقيات تىڭداعاننان كەيىن، چىن چۋانگو ءسوز سويلەپ، اۆتونوميالى رايوندىق پارتكوم مەن ۇكىمەت اتىنان شينجياڭنىڭ ەمدەۋ - دەنساۋلىق ساقتاۋ، سالاماتتىق قىزمەتىنە ۇزاق ۋاقىتتان بەرى كوڭىل ءبولىپ، قولداۋ كورسەتىپ كەلە جاتقان مەملەكەتتىك دەنساۋلىق ساقتاۋ، سالاماتتىق كوميتەتى سياقتى مينيسترلىكتەر مەن كوميتەتتەرگە جانە تۋىسقان ولكەلەرگە، قالالارعا، شينجياڭنىڭ ىندەتتەن ساقتانۋ - تىزگىندەۋدەن قامال الۋ شايقاسىنا كومەكتەسكەن مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنا جانە ءارقايسى ولكەنىڭ، قالانىڭ ماماندارىنا، ەمدەۋ قىزمەتكەرلەرىنە، بۇكىل رايونداعى قالىڭ ەمدەۋ قىزمەتكەرلەرىنە مەرەكەلىك سالەم جولدادى، وسكەلەڭ قۇرمەت ءبىلدىردى جانە شىن جۇرەكتەن العىس ايتتى.

  چىن چۋانگو بىلاي دەپ اتاپ كورسەتتى: جۇڭگو شيپاگەرلەر مەرەكەسى قارساڭىندا باس شۋجي شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەمدەۋ قىزمەتكەرلەرىنىڭ مەرەكەسىن قۇتتىقتادى جانە ولاردان ىقىلاستى حال سۇرادى سونداي - اق شىنايى ءۇمىت ارتتى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دەنساۋلىق ساقتاۋ، سالاماتتىق قىزمەتىنە وسكەلەڭ ءمان بەرەتىندىگىن، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولۋ رۋحىن، قالىڭ ەمدەۋ قىزمەتكەرلەرىن تولىق تۇراقتاندىرعاندىعىن جانە ولارعا ەرەكشە قامقورلىق جاساعاندىعىن تولىق ايگىلەپ، ءبىزدىڭ ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋىمىزگە، ەمدەۋ - دەنساۋلىق ساقتاۋ، سالاماتتىق قىزمەتىن ويداعىداي ىستەۋىمىزگە العا باسۋ بەتالىسىن ايقىنداپ، قۋاتتى قوزعاۋشى كۇش ۇستەدى.

  چىن چۋانگو بىلاي دەپ اتاپ كورسەتتى: تاياۋ جىلداردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم جاڭا داۋىردەگى پارتيانىڭ دەنساۋلىق ساقتاۋ، سالاماتتىق قىزمەتى باعىتىن جالپى بەتتىك دايەكتىلەندىردى، تۇتاس رايوننىڭ ەمدەۋ - دەنساۋلىق ساقتاۋ قوسىنى ۇزدىكسىز زورايىپ، ەمدەۋ قىزمەت وتەۋ جانە قامتاماسىز ەتۋ دەڭگەيى ءۇرتىس جوعارىلادى. قالىڭ ەمدەۋ قىزمەتكەرلەرى ەرەكشە جۇمىس ورىندارىندا حالىقتىڭ سالاماتتىعىن، ىرىس - قۇتىن ارتتىرۋ ءۇشىن ماڭىزدى ۇلەس قوستى. اسىرەسە، ىندەت تۋىلعاننان بەرى، مەملەكەتتىك دەنساۋلىق ساقتاۋ، سالاماتتىق كوميتەتى مەن تۋىسقان ولكەلەردەن، قالالاردان ۇيىمداسقان ماماندار مەن ەمدەۋ قوسىنى تەز ارادا كومەك كورسەتتى، قالىڭ ەمدەۋ قىزمەتكەرلەرى ىسىلعان ەمدەۋ تەحنيكاسى، تاڭداۋلى ستيل، عىلمي رۋح، كورنەكتى قىزمەت ارقىلى ”ءومىردى قاستەرلەۋ، اجالعا اراشاشى، جارالىعا مەدەت بولۋ، ۇلەس قوسۋعا پەيىل بولۋ، شەكسىز ۇلى سۇيىسپەنشىلىك ارناۋ“ وسكەلەڭ رۋحىن ءتۇسىندىرىپ، ءىس جۇزىندىك ارەكەتتەرى ارقىلى ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعادى.

  چىن چۋانگو بىلاي دەپ باسا دارىپتەدى: كەزەكتە رايونىمىزدىڭ ىندەتتەن ساقتانۋ - تىزگىندەۋىنىڭ بەلسەندى، جاقسارعان جاعدايى كەڭەيۋدە، الايدا ادا - كۇدە الاستاۋ، جەتىستىكتى بەكەمدەۋ، قايتا بەلەڭ بەرۋدەن قاتاڭ ساقتانۋ مىندەتى ءالى دە جاپالى. قالىڭ ەمدەۋ قىزمەتكەرلەرىنەن باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتكە قارسى اتتانۋ رۋحىن بارىنشا اسقاقتاتىپ، حالىقتىڭ سالاماتتىعىن قورعاپ، باستان - اياق بايسالدى بولىپ، كۇش ۇستىنە كۇش قوسىپ، قايسارلىقپەن سايىسىپ، دەن قويا قۇتقارىپ - ەمدەپ، بۇكىل رايوندا جوعارىدان تومەنگە دەيىن ءبىر نيەتپەن سەلبەسىپ، جۇدىرىقتاي جۇمىلىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋدى ءۇمىت ەتەمىن. بورىشتى ەستە بەرىك ساقتاپ، باس ماقساتتى بەرىك ۇستانىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بورىشتى، ماڭىزدى تاپسىرمانى ەستە بەرىك ساقتاپ، حالىق ءۇشىن قىزمەت وتەۋ باس ماقساتىندا بەرىك تۇرىپ، جاۋاپكەرشىلىك ارقالاۋدى كۇشەيتىپ، قىزمەت جاۋاپكەرشىلىگىن ادالدىقپەن اتقارىپ، حالىق سالاماتتىعىنىڭ قورعاۋشىسى، سالاماتتى شينجياڭنىڭ ىلگەرىلەتۋشىسى، ەمدەۋ قىزمەتكەرلەرىنىڭ ىزگىلىگىن امالياتتا ايگىلەۋشى بولۋ كەرەك. شيپاگەرلىك ءمورالدى اسقاقتاتىپ، مەيىرىمدى دە قايىرىمدى بولىپ، سوتسياليستىك وزەكتى قۇن كوزقاراسىن بارىنشا اسقاقتاتىپ جانە امالياتتا ايگىلەپ، اجالعا اراشاشى، جارالىعا مەدەت بولاتىن ادامگەرشىلىك رۋحتى اسقاقتاتىپ، بۇكىل ىنتا - پەيىلمەن حالىق ءۇشىن قىزمەت ىستەپ، شيپاگەرلىك ءمورالدى جەتىلدىرىپ، دارىگەرلىك ونەرىن كورسەتىپ، مەيىرباندىقتى ايگىلەپ، ساۋىقتىرۋ سالىستىرماسىن ۇزدىكسىز جوعارىلاتۋ كەرەك. ەمدەۋ تەحنيكاسىنا جاتىلىپ، قابىلەتىن ءوسىرىپ، ىندەتتىڭ جاڭا جاعدايىنا، جاڭا اۋقىمىنا، جاڭا سىن - سايىسىنا مەڭزەس، ەڭ جاڭا بىلىمدەردى ۇيرەنىپ، قولدانىپ، كلينيكالىق قۇتقارۋ - ەمدەۋ قابىلەتى مەن قىزمەت وتەۋ ساپاسىن ۇزدىكسىز جوعارىلاتۋ؛ جۇڭگوشا، باتىسشا شيپاگەرلىكتى ۇشتاستىرۋعا تاباندى بولىپ، جۇڭگوشا، باتىسشا شيپاگەرلىكتىڭ، دارىگەرلىكتىڭ ءوزارا تولىقتاۋىن، سايكەستى دامۋىن ىلگەرىلەتۋ، قالا، اۋىل نەگىزگى الەۋمەتتىك دەنساۋلىق ساقتاۋ قىزمەت وتەۋى دەڭگەيىن ۇزدىكسىز جوعارىلاتۋ كەرەك. كوڭىل ءبولىپ، قولداۋ كورسەتىپ، تاماشا راي قالىپتاستىرىپ، قالىڭ ەمدەۋ قىزمەتكەرلەرىنە كوڭىل ءبولىپ، ولاردى ايالاپ، قىزمەت ورتاسىن جاقسارتىپ، كاسىپتىك جاقتان قامتاماسىز ەتۋدى كۇشەيتىپ، مامىلە دەڭگەيىن جوعارىلاتىپ، قوعامدىق ورنىن ءوسىرىپ، قيىنشىلىق ماسەلەلەرىن شەشىپ، ەمدەۋ قىزمەتكەرلەرىنىڭ كاسىپتىك داڭق سەزىمىن ۇزدىكسىز كۇشەيتىپ، تۇتاس قوعامدا شيپاگەرلەردى قۇرمەتتەيتىن، دەنساۋلىققا ءمان بەرەتىن تاماشا راي قالىپتاستىرۋ كەرەك. قيىندىقتى بىلەك بىرىكتىرە جەڭىپ، ۋاقىتتىق جاپا - ماشاقاتتى بىرگە جەڭۋ كەرەك. پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ ارەكەتتەنۋگە تاباندى بولىپ، ”ءتورت ەرتە بولۋ“ تالابىن تياناقتاندىرىپ، ”ءتورت جاقتىڭ جاۋاپكەرشىلىگىن“ ناقتىلاندىرىپ، سالعىرتسۋ يدەياسىن، شايقاستان جالىعۋ كوڭىل كۇيىن، باق سىناۋ ويىن، بوساڭسۋ پيعىلىن باتىل جويىپ، قاتاڭ، ەگجەي - تەگجەيلى، تەرەڭ، ناقتى بولۋ ستيلى جانە شىنايى يگەرۋ، ناقتى ىستەۋ ارەكەتى ارقىلى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە ەرتەرەك قول جەتكىزىپ، ۇلكەن شايقاس سىناعىندا تولىمدى جاۋاپ تاپسىرۋ كەرەك.

  اۆتونوميالى رايون باسشىلارىنان تيان ۋىن، ماڭلىك سەيىت قاتارلىلار اڭگىمە ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار