لي پىڭشين ءبىرىنشى شەپتەگى ەمدەۋ قىزمەتكەرلەرىنە امانداسا باردى، حال سۇرادى
ىندەتكە قارسى اتتانۋ رۋحىن زور كۇشپەن اسقاقتاتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزەيىك
2020.08.21 15:29 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 8 - ايدىڭ 19 - كۇنى ۇرىمجىدەن حابارلايدى. 8 - ايدىڭ 19 - كۇنى 3 - رەتكى جۇڭگو شيپاگەرلەر مەرەكەسى ەدى، تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين شينجياڭ مەديتسينا داشۋەسىنە قاراستى 6 - شيپاحاناعا، اۆتونوميالى رايوندىق جۇقپالى اۋرۋلار شيپاحاناسىنا، شينجياڭ مەديتسينا داشۋەسىنە قاراستى 1 - شيپاحانانىڭ سانجى بولىمشە شيپاحاناسىنا بارىپ، ءبىرىنشى شەپتەگى ەمدەۋ قىزمەتكەرلەرىنە امانداسپ، حال سۇرادى، اۆتونوميالى رايوندىق پارتكوم مەن ۇكىمەت اتىنان شينجياڭنىڭ ىندەتتەن ساقتانۋ - تىزگىندەۋدەن قامال الۋ شايقاسىنا كومەككە كەلگەن مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنا جانە ءارقايسى ولكە، قالادان كەلگەن ماماندارعا، ەمدەۋ قىزمەتكەرلەرىنە، بۇكىل رايونىمىزداعى قالىڭ ەمدەۋ قىزمەتكەرلەرىنە مەرەكەلىك سالەم جولدادى، وسكەلەڭ قۇرمەت ءبىلدىردى جانە شىن جۇرەكتەن العىس ايتتى.
لي پىڭشين بىلاي دەپ اتاپ كورسەتتى: توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، قالىڭ ەمدەۋ قىزمەتكەرلەرى اق حالاتتان ساۋىت كيىپ، ىندەتكە قارسى اتتانىپ، ەشتەڭەدەن ايانباي ىندەتتەن ساقتانۋ - تىزگىندەۋ، مەديتسينالىق قۇتقارۋ - ەمدەۋ، ەپيدەميولوگيالىق تەكسەرۋ، تەگىن انىقتاۋ سياقتى قىزمەتتەرگە ات سالىسىپ، ءومىردى قورعاۋدىڭ بەرىك قورعانىس شەبىن ورناتتى. سىزدەر ەرلىكپەن جاۋاپكەرشىلىك ارقالاپ، ۇلەس قوسۋعا پەيىل بولىپ، جاڭا داۋىردەگى ەمدەۋ قىزمەتكەرلەرىنىڭ تاماشا وبرازىن ورناتىپ، شيپاگەرلىك ىزگىلىك ۇلى سۇيىسپەنشىلىگىن ايگىلەپ، ءىس جۇزىندىك ارەكەتتەرىڭىزبەن ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعادىڭىزدار.
لي پىڭشين مىنالاردى باسا دارىپتەدى: كەزەكتە رايونىمىزدىڭ ىندەتتەن ساقتانۋ - تىزگىندەۋىنىڭ بەلسەندى، جاقسارعان جاعدايى كەڭەيۋدە، الايدا ادا - كۇدە الاستاۋ، جەتىستىكتى بەكەمدەۋ، قايتا بەلەڭ بەرۋدەن قاتاڭ ساقتانۋ مىندەتى ءالى دە جاپالى. قالىڭ ەمدەۋ قىزمەتكەرلەرىنىڭ ىندەتكە قارسى اتتانۋ رۋحىن اسقاقتاتىپ، حالىقتىڭ سالاماتتىعىن قورعاپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، باستان - اياق ساق بولىپ، كۇش ۇستىنە كۇش قوسىپ، قايسارلىقپەن سايىسىپ، دەن قويا قۇتقارىپ - ەمدەپ، ىندەتتىڭ زاڭدىلىعىن يگەرىپ، ەمدەۋ قيىن وتكەلدەرىنەن قامال الىپ، كلينيكالىق قۇتقارۋ - ەمدەۋ قابىلەتى مەن دەڭگەيىن ۇزدىكسىز ءوسىرىپ، ۇلكەن شايقاستا، ۇلكەن سىندا تولىمدى جاۋاپ بەرۋىن ءۇمىت ەتەمىن.
لي پىڭشين مىنالاردى اتاپ كورسەتتى: ءار دارەجەلى پارتكوم مەن ۇكىمەت قالىڭ ەمدەۋ قىزمەتكەرلەرىنە ىرىقتىلىقپەن كوڭىل ءبولىپ، قامقورلىق جاساپ، حاۋىپسىزدىكتى، قورعانۋدى، تۇرمىستىق قىزمەت وتەۋدى جانە پسيحيكالىق جەتەكتەۋدى دەن قويا ويداعىداي ىستەپ، پارمەندى شارا قولدانىپ، ولاردىڭ ەڭبەكاقى مامىلەسىن، دامۋ ءورىسىن، قىزمەت ىستەۋ ورتاسىن جانە قوعامدىق ورنىن جوعارىلاتىپ، قامتاماسىز ەتىپ، ەمدەۋ قىزمەتكەرلەرىنىڭ كاسىپتىك داڭق سەزىمىن ۇزدىكسىز كۇشەيتۋ كەرەك. تۇتاس قوعامدا شيپاگەرلەردى قۇرمەتتەيتىن، دەنساۋلىققا ءمان بەرەتىن تاماشا راي قالىپتاستىرىپ، ونان ارى ءبىر نيەتپەن سەلبەسىپ، جۇدىرىقتاي جۇمىلىپ، ىندەتكە قارسى اتتانۋدىڭ مىعىم بىرىككەن كۇشىن اناعۇرلىم ۇيىستىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزۋ كەرەك.
اۆتونوميالى رايون باسشىلارىنان تيان ۋىن، لي يفي حال سۇراۋدا بىرگە بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
