بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

باس شۋجي شي جينپيڭنىڭ شيپاگەرلەر مەرەكەسى جونىندەگى ماڭىزدى نۇسقاۋىنىڭ رۋحى رايونىمىزداعى قالىڭ ەمدەۋ قىزمەتكەرلەرىن جىگەرلەندىردى −

حالىقتىڭ سالاماتتىعىن، ىرىس - قۇتىن ارتتىرۋعا تىڭ ۇلەس قوسامىز

□ گازەتىمىزدىڭ جالپىلىق اقپارات قۇرالدارى تىلشىلەرى

2020.08.21 15:30     كەلۋ قاينارى : شينجياڭ گازەتى

  جۇڭگو شيپاگەرلەر مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ ەمدەۋ قىزمەتكەرلەرىنىڭ مەرەكەسىن قۇتتىقتادى جانە ولاردان ىقىلاستى حال سۇرادى. رايونىمىزدا ىندەتكە قارسى اتتانۋدىڭ ءبىرىنشى شەبىندە ەرلىكپەن شايقاس جاساپ جاتقان ەمدەۋ قىزمەتكەرلەرى زور شابىت الدى، كوپشىلىك باس شۋجيدىڭ تاپسىرماسىن ەستە بەرىك ساقتاپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، شيپاگەرلىك ءمورالدى اسقاقتاتىپ، شيپاگەرلىك ونەردى ۇڭىلە زەرتتەپ، شيپاگەرلىك ستيلدى بەرىك ۇستانىپ، اۋىر مىندەتتى باتىلدىقپەن ارقالاپ، مەديتسينانىڭ العا باسۋىن قۇلشىنا جەبەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە، سالاماتتى جۇڭگو قۇرۋعا، حالىقتىڭ قۇت - ىرىسىن ارتتىرۋعا تىڭ ۇلەس قوساتىندىقتارىن ءبىلدىردى.

  ”ءبىز ەمدەۋ قىزمەتكەرلەرىنىڭ وتەۋگە ءتيىستى بورىشى − حالىقتىڭ ءومىرىنىڭ حاۋىپسىزدىگىن جانە دەنساۋلىعىن قورعاۋ، استە حاۋىپ - قاتەر سەبەبىنەن شەگىنبەيمىز، جاپا - ماشاقات سەبەبىنەن دە بويكۇيەزدىككە سالىنبايمىز“. اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا قۇتقارۋ - ەمدەۋگە بەلگىلەگەن شيپاحانانىڭ سالماقتى اۋرۋلار 2 - ءبولىمىنىڭ مەڭگەرۋشىسى ما لۇڭ بىلاي دەدى: باس شۋجي شي جينپيڭنىڭ حال سۇراۋى مەنى شەكسىز مەيىرگە بولەپ، جان دۇنيەمە ۇدەرە العا تارتاتىن كۇش - قۋات سيلادى، ”شيپاحانادا ءالى دە قۇتقارىلىپ، ەمدەلەتىن ناۋقاستار بار، ءبىز باس شۋجيدىڭ تاپسىرماسىن ەستە بەرىك ساقتاپ، حالىقتى بارىنەن جوعارى قويىپ، ءومىردى بارىنەن جوعارى قويىپ، شارشاپ - شالدىعۋدان قورىقپاي، جاپا - ماشاقاتتان تايسالماي، اۋىر مىندەتتى باتىلدىقپەن ارقالايمىز، ناۋقاستاردىڭ ساۋ - سالامات شيپاحانادان شىعۋى ءبىزدىڭ ەڭ ۇلكەن تىلەگىمىز“.

  ياڭ شۋەۋي ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعى تاجىريبەحاناسىنىڭ قىزمەتكەرى، ول جەل وتپەيتىن قورعانۋ كيىمىن كيىپ، باسىنان اياعىنا دەيىن ”قارۋلانىپ“، ءار كۇنى نۋكلەين قىشقىلىن تەكسەرۋ - ولشەۋ تاجىريبەحاناسىنا كىرىپ، از دەگەندە 4 − 5 ساعات ىستەيدى، ”باس شۋجيدىڭ ىندەتكە قارسى اتتانۋدىڭ ءبىرىنشى شەبىندەگى ەمدەۋ قىزمەتكەرلەرىن تولىق تۇراقتاندىرۋى مەنى قاتتى جىگەرلەندىردى. ىندەت − بۇيرىق! ءبىز تەك تەكسەرۋ - ولشەۋ تاجىريبەسىن اناعۇرلىم تەز، اناعۇرلىم دالمە - ءدال ىستەي الساق عانا، ىندەتتى ويداعىداي تىزگىندەۋگە كومەكتەسە الامىز. ۆيرۋستى جەڭىپ، بۇقارانىڭ ءومىرىن، سالاماتتىعىن قورعاۋ جولىندا ءارقانداي ءىس ىستەسەك تە تاتيدى“.

  ىندەت تۋىلعاننان كەيىن، اۆتونوميالى رايوندىق حالىق شيپاحاناسى نەرۆ ىشكى اۋرۋلارى ءبولىمىنىڭ تەتە اعا شيپاگەرى باۋ گوچيڭ وسى شيپاحانانىڭ قىزۋ امبولاتورياسىنا جىبەرىلەدى، ول نەشە ون ەمدەۋ قىزمەتكەرىمەن بىرگە، ءبىر جاعىنان، جاڭا تيپتى ايدارشا ۆيرۋس وكپە قابىنۋىنا شالدىعۋ كۇمانى بار ناۋقاستاردى اداقتاپ تەكسەرسە، ەندى ءبىر جاعىنان، باسقا قاتەرلى، سالماقتى اۋرۋى بار ناۋقاستاردى قۇتقارىپ - ەمدەدى، ”باس شۋجيدىڭ تاپسىرماسىن ەستە بەرىك ساقتاپ، قىزمەت ورنىمنان تاپجىلماي، شيپاگەرلىك ونەرىن ۇڭىلە زەرتتەپ، ناۋقاستاردىڭ ءومىرىن قورعايمىن“، - دەدى ول.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەديتسينالىق اكىمشىلىك، مەديتسينالىق باسقارۋ باسقارماسىنىڭ باستىعى فىڭ دۇڭ مىنانى ءبىلدىردى: باس شۋجيدىڭ ىقىلاستى تاپسىرماسىن ارەكەتىمىزدە تياناقتاندىرىپ، اۋرۋدىڭ الدىن الۋ جانە ونى ەمدەۋ، مەديتسينا دارىندىلارىن باۋلۋ، مەديتسينالىق عىلىم - تەحنيكانىڭ دامۋى سياقتى جاقتاردا جالعاستىرۋ، كومەكتەسۋ، جەتەكتەۋ رولىمىزدى ۇزدىكسىز ساۋلەلەندىرىپ، حالىققا قىزمەت ەتەتىن اناعۇرلىم كوپ جاقسى شيپاگەردى تاربيەلەيمىز؛ ەمدەۋ قىزمەتكەرلەرىنىڭ دەنساۋلىعىنا دەن قويا قامقورلىق جاساپ، ولاردى الاڭنان ارىلتامىز.

  ”ەمدەۋ - دەنساۋلىق ساقتاۋ ىستەرىنىڭ دامۋى ەمدەۋ قىزمەتكەرلەرىنىڭ قاجىرلى ەڭبەكتەرىنەن ايرىلا المايدى“. اۆتونوميالى رايوندىق عىلىم - تەحنيكا مەڭگەرمەسى قوعام دامۋى جانە نەگىزدىك زەرتتەۋ باسقارماسىنىڭ باستىعى يۇي يىڭرۇڭ بىلاي دەدى: كەلەسى قادامدا عىلمي زەرتتەۋ تۇعىرى قۇرىلىسى، عىلىم - تەحنيكا نىساندارى ۇسىنىلىمى، سونداي - اق دارىندىلاردى قولداۋ سياقتى جاقتاردا ەمدەۋ - دەنساۋلىق ساقتاۋ ىستەرىنە ۇسىنىلىمدى ارتتىرىپ، عىلىم - تەحنيكادا جاڭالىق اشۋدىڭ ەمدەۋ - دەنساۋلىق ىستەرى سالاسىنداعى شەشۋشى رولىن تولىق ساۋلەلەندىرىپ، قالىڭ ەمدەۋ قىزمەتكەرلەرىنىڭ ءورىس اشا جاڭالىق اشۋىن قولداپ، ەمدەۋ تەحنيكا جەتىستىكتەرىنىڭ كادەگە جاراۋىن جەبەپ، اناعۇرلىم كوپ ەمدەۋ عىلىم - تەحنيكالىق جەتىستىكتەرىنىڭ قالىڭ بۇقاراعا پايدا جەتكىزۋىنە مۇمكىندىك جاراتامىز.(ءتىلشى سۋ لۋپيڭ، قاتىناسقان تىلشىلەر لي چۇنشيا، چاۋ جين، يۇي مىڭران، شيە حۇيبيان، پراكتيكانت حۋ شۋەشان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار