ولار تاپجىلماي قورعاۋ بارىسىندا شۇعىلالى ساتتەردى باستان وتكىزدى
□ گازەتىمىزدىڭ جالپىلىق اقپارات قۇرالدارى ءتىلشىسى چاۋ جين
2020.08.21 15:30 كەلۋ قاينارى : شينجياڭ گازەتى
8 - ايدىڭ 19 - كۇنى 12 - كەزەكتى ”جۇڭگو شيپاگەر سيلىعى“ سيلىق بەرۋ سالتى بەيجيڭدە وتكىزىلدى، وسى ەرەكشە مەرەكەدە اسىلىندە زالدا ماداق پەن شاپالاق ءۇنىن قابىلداۋعا ءتيىستى 3 سيلىق يەگەرى دۋ بين، جاۋ جيانپيڭ، ياڭ ينيڭ اۆتونوميالى رايوندا جاڭا تيپتى ايدارشا ۆيرۋس وكپە قابىنۋىن ەمدەۋگە بەلگىلەنگەن شيپاحانالاردا ناۋقاستاردى قۇتقارۋ - ەمدەۋمەن بولىپ بارا المادى.
تاڭعى ساعات 9دان 30 مينۋتتا اۋرۋ جاعدايىن اقىلداسۋ - تۇجىرىم جاساۋ جيىنى ادەتتەگىسىندەي وتكىزىلدى. جاڭا تيپتى ايدارشا ۆيرۋس وكپە قابىنۋى بويىنشا ەمدەۋ - قۇتقارۋ مەملەكەتتىك ماماندار گرۋپپاسىنىڭ 2 مۇشەسى، بەيجيڭ شيەحى شيپاحاناسى ICU ءبولىمىنىڭ مەڭگەرۋشىسى دۋ بين، حۋاجۇڭ عىلىم - تەحنيكا داشۋەسى تۇڭجي شيپاحاناسى تىنىس جانە قاتەرلى، سالماقتى اۋرۋلار مەديتسيناسى ءبولىمىنىڭ مەڭگەرۋشىسى جاۋ جيانپيڭ اۋرۋ ارحيۆىن اشىپ، شينجياڭ مەديتسينا داشۋەسىنە قاراستى 1 - شيپاحانا پارتكومىنىڭ ورىنباسار شۋجيى، ورىنباسار شيپاحانا باستىعى ياڭ ينيڭ قاتارلى اۆتونوميالى رايوننىڭ ماماندارىمەن بىرگە ICUداعى سالماقتى ناۋقاستاردىڭ، قاتەرلى ناۋقاستاردىڭ اۋرۋ جاعدايىن اقىلداسىپ، تۇجىرىم جاسادى.
وسى شاعىن قىزمەت پۋنكتىندەگى ۇزىن ۇستەلدىڭ الدىنا بۇكىل ەلدەگى ەڭ وزىق دەڭگەيلى مەديتسينا ماماندارى جينالدى، ءارقايسى بولىمدەردىڭ مەڭگەرۋشىلەرى وڭاي - وسپاق قولعا كەلە بەرمەيتىن ۇيرەنۋ ورايىن مىقتاپ يگەرىپ، مۇقيات ەستەلىك الىپ، وي جۇگىرتىپ تۇر.
اقىلداسۋ - تۇجىرىمداۋ جيىنىندا ماماندار اۋرۋ جونىندە تالقى جۇرگىزىپ، اركىم ءوز كوزقاراسىن باياندادى. قىزمەت پۋنكتىندەگى ۇلكەن ەكراندا 2 سالماقتى ناۋقاستىڭ توسەكتەن ءتۇسىپ، شينجياڭ ءبيىن بيلەگەن كورىنىسى شىققان كەزدە، قاتاڭ راي بىردەمدە جادىراپ، ماماندار جابال قول شاپالاق سوعىپ بارەكەلدى ايتتى. ”شينجياڭ ءبيى دە ەمدەۋدىڭ تاماشا ءدارىسى“، - دەدى جاۋ جيانپيڭ كۇلە تۇرىپ.
سالماقتى اۋرۋلاردىڭ جاعدايىن ءبىر - بىرلەپ تالقىلاپ بولعاننان كەيىن، ءارقايسى ناۋقاستار اۋماقتارىنىڭ مەڭگەرۋشىلەرى ناۋقاستار اۋماعىنىڭ جاعدايىنان مالىمەت بەردى، ”مەنىڭ ناۋقاستار اۋماعىمدا قازىر 13 ادامنىڭ اۋرۋ جاعدايى ورنىقتى، ەرتەڭ 9 ادام شيپاحانادان شىعادى“. بۇل جاقسى حاباردى ەستىگەندە، ياڭ ينيڭ قۋانىشپەن باسىن يزەدى.
ناۋقاستار سانىنىڭ ازايۋىنا ىلەسە، ناۋقاستار اۋماقتارى بىرىكتىرىلدى. مەملەكەتتىك دەنساۋلىق ساقتاۋ جانە سالاماتتىق كوميتەتى شيپاگەرلەر ىستەرى، شيپاگەرلەردى باسقارۋ مەكەمەسىنىڭ باستىعى جاڭ زۇڭجيۋ بىلاي دەپ باسا دارىپتەدى: ”باستان - اياق ساق بولىپ، زەر سالا قۇتقارىپ - ەمدەپ، ’نولدىك جۇعىمدالۋدى‘ جالعاستىرىپ، جەڭىستى شايقاس جۇرگىزۋ كەرەك“.
دۋ بين مىنالاردى ءبىلدىردى: ”وسى ەرەكشە شيپاگەرلەر مەرەكەسىن شينجياڭدا وتكىزىپ، شينجياڭداعى ەمدەۋ قىزمەتكەرلەرىمەن تىعىز سايكەسىپ، سەلبەسە شايقاس جۇرگىزدىك. ءبىز كەلەلى مىندەتتىڭ ۇددەسىنەن شىعىپ، ناۋقاستارعا ەڭ جاقسى ناتيجە سيلايمىز“.
”شيپاگەردىڭ مىندەت جاۋاپكەرشىلىگى ناۋقاستىڭ جانىنان تاپجىلماۋ“. دۋ بين بۇرىلىپ ساقتانۋ - قورعانۋ كيىمىن كيىپ، ICU ناۋقاستار اۋماعىنا بالنيتسالاردى ارالاۋعا كەتتى.
جاۋ جيانپيڭ مەن ياڭ ينيڭ بۇگىن 5 - عيماراتتاعى ادەتتەگى ناۋقاستار اۋماعىندا بالنيتسالاردى ارالاۋدى تاڭدادى. ”ادەتتەگى ناۋقاستار اۋماعىندا كەيبىر ناۋقاستاردا قوسىمشا اۋرۋلار بار، ءبىر ناۋقاستىڭ جۇرەك بۇلشىق ەتى توسىلۋى 3 رەت شۇعىل قوزعالدى، مۇنىڭ ءبارىن ياڭ ينيڭ پروفەسسور كومەكتەسىپ ءبىر جاقتى ەتتى، ناۋقاستىڭ جاعدايى قازىر ورنىقتى“، - دەدى 4 - ناۋقاستار اۋماعىنىڭ مەڭگەرۋشىسى شيا يۇي.
”جار جاعالاپ جۇرگەندەيسىڭ، ءسال ابايلاماساڭ تايىپ كەتۋىڭ مۇمكىن. ءبىز، ءسوز جوق، ءار بۋىندى رەتتەپ، جوبانىڭ اناعۇرلىم جاقسى، اناعۇرلىم دالمە - ءدال بولۋىنا شىنايى كەپىلدىك ەتۋىمىز كەرەك“، - دەدى ياڭ ينيڭ.
33 - توسەكتەگى ناۋقاس ەسىكتەن كىرگەن مامانداردى كورىپ، ورنىنان قۋانا تۇرەگەپ وتىرىپ: ”بۇگىن مەڭگەرۋشى ماعان شيپاحانادان شىعاتىنىمدى ايتتى، قاتتى قۋانىشتامىن. بۇگىن شيپاگەرلەر مەرەكەسى، قالاي العىس ايتارىمدى بىلمەيمىن، سىزدەرگە تاعزم ەتەيىن، شيپاگەرلەر مەرەكەسى قۇتتى بولسىن! امان - ەسەن بولعايسىزدار!“، - دەدى.
باسىن ءيىپ قۇرمەت ءبىلدىرۋ − ناۋقاستىڭ ەڭ شىنايى العىسى.
”جاڭادان ارتقان دياگنوزى تۇراقتاندىرىلعان ناۋقاستار مەن اۋرۋ بەلگىسى جوق جۇعىمدالۋشىلاردىڭ تۇگەلدەي نولگە تۇسكەندىگى مالىمدەلدى، بۇل شينجياڭعا كەلگەننەن بەرگى جەڭىلدەگەن كۇن بولدى“. قاتاڭ الپەتپەن جۇرگەن جاۋ جيانپيڭنىڭ جۇزىنەن ۇزاق كەزدەسپەگەن كۇلكى لەبى ءبىلىندى.
”سىزدەردىڭ سالاماتتىقتارىڭىز ەڭ قىمباتتى مەرەكەلىك تارتۋ“، - دەدى ياڭ ينيڭ ناۋقاستارعا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
