جاسىل تيپكە ويىسۋدى تەزدەتىپ، قارا كومىردى ”اق التىنعا“ اينالدىردى
2020.08.21 15:32 كەلۋ قاينارى : شينجياڭ گازەتى
□ شينجياڭ گازەتىنىڭ جالپىلىق اقپارات قۇرالدارى تىلشىلەرى ليۋ شياڭ، شى شين، جىن شىشين، جاڭ اۋ، لۇي يحان، ەرىكتى ءتىلشى چاڭ ي - ي
كومىر قيىرشىقتارىن ساتى - ساتى جىنتىكتەي مانەرلەۋدەن وتكىزۋ ارقىلى تابيعي گاز، بەنزين، ۋەرا، پولي ولەفين سياقتى سالا اتتاعان نەشە ون ءتۇرلى ونىمدەر شىعارۋعا بولادى.
سوڭعى جىلدارى شينجياڭ كومىر حيميا ونەركاسىپ سالاسى قامداۋ جاعىنداعى قۇرىلىمدىق رەفورما ارقىلى كاسىپ سالاسىنىڭ دارەجەسىن ءوسىرۋدى ىلگەرىلەتىپ، كاسىپ سالاسى تىزبەگىن، قۇن تىزبەگىن بۇرىن بولماعان دەڭگەيدە ۇزارتىپ، جاسىل تيپكە ويىسۋدى تەزدەتىپ، قارا كومىردى ”اق التىنعا“ اينالدىردى.
ءوندىرىس تاسىلىنە بۇرىلىس جاساپ، جاسىل تيپكە ويىسۋ بەتالىسىنا جەتەكشىلىك ەتتى.
7 - ايدىڭ 14 - كۇنى شىنحۋا شينجياڭ حيميا ونەركاسىپ شەكتى سەرىكتەستىگىنىڭ اۆتوماتتى ءوندىرىس جەلىسى سانسىز تۇيىرشىك پولي ولەفيندى دوربالاپ، تومەنگى جەلىدەگى كاسىپورىندارعا تاسىپ، ءتۇرلى سۋلياۋ ونىمدەرىن وندىرۋىنە پايدالانۋعا جەتكىزىپ بەردى.
پولي ولەفيننىڭ شيكىزاتى − كومىر. الايدا، زاۆود رايونىنان كومىردىڭ شاڭ - توزاڭى دا كورىنبەدى.
”كومىردى بۇكىلدەي جابىق كۇيدە ءتۇسىرۋ، ساقتاۋ، ۇلەستىرۋ جۇيەسى جەر - كوكتى كومىر شاڭ - توزاڭى قاپتاۋىنىڭ الدىن الدى“، - دەدى شىنحۋا شينجياڭ حيميا ونەركاسىپ شەكتى سەرىكتەستىگى ساپا تەحنيكاسى ءبولىمىنىڭ جاۋاپتىسى ۋ گوشياڭ مۇنداعى سىردى ءتۇسىندىرىپ، - ”سەرىكتەستىكتىڭ جالپى تۇلعالىق تەحنولوگيا جەلىسىنىڭ جوبالانۋ باستاماسى جوعارى، ولشەمى قاتاڭ، ءتۇرلى ورتانى قورعاۋ قۇرىلعىلارىنا ءبىر جولدا 3 ميلليارد يۋان قارجى قوستى، مۇندا، نەگىزىنەن، قالدىق گازدى ءبىر جايلى ەتۋ، لاس سۋدى ءبىر جايلى ەتۋ، قاتتى جاراقسىز زاتتاردى ءبىر جايلى ەتۋ، كومىر توزاڭدارىن جونگە سالۋ قامتىلدى“.
ۇزدىكسىز جاقسارعان ءوندىرىس تەحنولوگياسى كومىر توزاڭدارىن كوزدەن عايىپ ەتتى. ادامدار بايقامايتىن جەردە شىنحۋا شينجياڭ حيميا ونەركاسىپ شەكتى سەرىكتەستىگى دە كومىردەن ولەفين الۋدىڭ جاڭا داۋىردەگى تازا جولىن كۇش سالا قاراستىرۋدا جانە امالياتتا ايگىلەۋدە.
بايلىقتان شوعىرلى پايدالانىپ، جاسىل تيپكە ويىسۋدىڭ نەگىزىن بەكەمدەدى.
”ءوندىرىس اينالىمى جاعىندا تەحنيكتەر كومىر قاينارىن كوپ جاقتان قاراستىرىپ، كومىر تەڭگەرۋ تاجىريبەسىن بەلسەنە ورىستەتىپ، گازداندىرۋ پەشىنە ۇيلەسەتىن تەڭگەرىلگەن كومىر ءتۇرىن جانە كومىر تەڭگەرۋ سالىستىرماسىن ءساتتى تاۋىپ شىقتى؛ تەحنولوگيالىق ءتارتىپ جاعىندا ’ەنەرگيا ۇنەمدەۋ‘ 2+4 اينالىم ۇلگىسىن جاسامپازدىقپەن پايدالانىپ، گازداندىرۋ پەشىنە 5 پەشتىڭ ورنىنا 4 پەش قولدانۋ اينالىم ۇلگىسىن پايدالانىپ، سينتەزدىك گازبەن جەتكىلىكتى قامداۋدى قاناعاتتاندىردى، كومىر جاعاتىن 3 قازاننىڭ ورنىنا 2 قازان قولدانۋ اينالىم ۇلگىسىن پايدالانىپ، تۇتاس زاۆودتىڭ بۋ تەڭگەرىمدىلىگى سۇرانىسىن قاناعاتتاندىرىپ، گازداندىرۋ پەشىنىڭ 30 كۇنگە جەتپەيتىن ورتاشا اينالىم پەريودىن 70 كۇننەن اسىردى“، - دەدى ۋ گوشياڭ.
مەملەكەت دارەجەلى جاسىل زاۆود رەتىندە، شىنحۋا شينجياڭ حيميا ونەركاسىپ شەكتى سەرىكتەستىگى جاسىل دامۋ جۇيەسىن ۇزبەي كەمەلدەندىرۋ ارقىلى ەنەرگيانى كادەگە جاراتۋ مولشەرى 2017 - جىلعى ％35تەن قازىرگى ％41كە جوعارىلاپ، ءبىر توننا ەتيلەن جانە پروپيلەن وندىرۋگە جۇمسايتىن جالپى ەنەرگيا جۇمسالىمى 2017 - جىلعى 3178 كيلوگرام ولشەمدى كومىردەن قازىرگى 2657 كيلوگرام ولشەمدى كومىرگە ازايدى.
شينجياڭدا جاڭالىق اشۋدىڭ، ساپالىلاندىرۋدىڭ كوپ ءتۇرلى شاراسىمەن كومىر بايلىعىنان تولىق پايدالانۋعا مۇمكىندىك جاساعان تەك شىنحۋا شينجياڭ حيميا ونەركاسىپ شەكتى سەرىكتەستىگى عانا ەمەس. ودان 100 كيلومەتر شالعايدا وسى زامانعى كومىر حيميا ونەركاسىپ سالاسىنان ۇلگى كورسەتۋ رايونى ەڭسە كوتەرۋدە.
شينجياڭ جۇندۇڭ ەكونوميكالىق، تەحنيكالىق اشۋ رايونىنا بارساڭىز، جەر استى بايلىعىندا قامتىلىپ جاتقان جويقىن كۇشتىڭ وسى زامانعى ونەركاسىپ عىلىم - تەحنيكاسىنىڭ ۇلى كۇشىمەن سوعىلىسقانىن سەزىنە الاسىز. بۇگىندە مۇنداي سوعىلىسۋ جاسىل دامۋدىڭ جاراسىمدى اۋەنىن قۇرادى. 2014 - جىلى شينجياڭ گوتاي شينحۋا حيميا ونەركاسىپ شەكتى سەرىكتەستىگى 11 ميلليارد 300 ميلليون يۋان قارجى قوسىپ، جۇندۇڭدا كومىر نەگىزىندەگى جىنتىكتى حيميا ونەركاسىپ اينالمالى ەكونوميكا ونەركاسىپ باقشاسىن قۇردى، قازىر 1 - مەرزىمدىك نىسانىنىڭ جىلىنا 200 مىڭ توننا مەتيل سپيريتىن ءوندىرۋ قۇرىلعىسى، 400 مىڭ توننا كاربيد ءوندىرۋ قۇرىلعىسى سياقتىلار تۇگەلدەي ىسكە قوسىلعان. ”نىسان قۇرىلعىلارىنا تۇگەلدەي ەل ءىشى - سىرتىنداعى وزىق تەحنولوگيا تەحنيكاسى قولدانىلعان، باستى ونىمدەر كومىردى نەگىز ەتكەن جوعارى ۇستەمە قۇنعا يە جىنتىكتى حيميا ونەركاسىپ ونىمدەرى بولىپ، جۇندۇڭ ءوڭىرىنىڭ مول كومىر بايلىعىنان جان - جاقتىلى پايدالانۋدى جانە ىشكەرىلەي وڭدەپ پايدالانۋدى ىسكە اسىرىپ، جەرگىلىكتى ورىننىڭ بايلىق ابزالدىلىعىن كاسىپ سالاسى ابزالدىلىعى مەن ەكونوميكالىق ابزالدىلىققا اينالدىردى“، - دەدى سەرىكتەستىكتىڭ جۇمىس ءبولىمىنىڭ باس ديرەكتورى حى تاۋفىڭ.
كاسىپ تىزبەگى ساپالىلانىپ جانە ۇزارىپ، جاسىل تيپكە ويىسۋدىڭ ءورىسىن اشتى.
شينجياڭ جۇندۇڭ ەكونوميكالىق، تەحنيكالىق اشۋ رايونىندا ءبىر قىدىرۋ ساياساتتىق شارا كومىر بايلىعىن جان - جاقتى اشۋعا، ءونىمدى ورنالاستىرۋعا، قايتالامالى پايدالانۋعا جەتەكشىلىك ەتىپ، وسى ارانىڭ وسى زامانعى كومىر حيميا ونەركاسىپ كاسىبى تىزبەگىنىڭ ونان ارى ۇزارۋىن ىلگەرىلەتتى، جوعارعى جەلىدەگى كاسىپورىنداردىڭ ءونىمى جانە قوسىمشا ءونىمى، اۋەلى، قوقىر - قوقسىعى، جاراقسىز ماتەريالى تۇگەلدەي تومەنگى جەلىدەگى كاسىپورىنداردىڭ ”الاقانىنداعى اسىلىنا“ اينالدى.
شينجياڭ حۇڭرۇي اليۋمين شارۋاشىلىعى شەكتى سەرىكتەستىگى، نەگىزىنەن، اليۋمين قورىتپاسى تاقتاشاسى، قۇيما پروكات وراما شيكىزاتى سياقتى جوعارى دەڭگەيلى اليۋمين پىشىندىك ماتەريالدارىن وندىرەدى. سەرىكتەستىك ءوندىرىس ءبولىمىنىڭ باستىعى لي شياڭميڭ بىلاي دەپ تانىستىردى: زاۆود رايونى جۇندۇڭ اليۋمين جىنتىكتەي مانەرلەۋ ونەركاسىپ باقشا رايونىنا سالىنعان، جەرگىلىكتى ەلەكتروليز اليۋمين كاسىپورنى وندىرگەن سۇيىق اليۋمين جانە اليۋمين قۇيماسىن جاقىن ماڭنان، سول جەردىڭ وزىنەن ىستەتىپ، ءوندىرىستىڭ وزىندىك قۇنىن زور مولشەردە تومەندەتىپ، كومىر - ەلەكتر - اليۋمين ۇتىمدى اينالىسىنىڭ كاسىپ تىزبەگىن قالىپتاستىردى.
قازىر شينجياڭ جۇندۇڭ ەكونوميكالىق، تەحنيكالىق اشۋ رايونىنا ىرگە تەپكەن كاسىپورىندار 800دەن اسىپ، جالپى 277 ميلليارد 200 ميلليون يۋاننان استام قارجى قوسۋدى ورىنداپ، كومىر، كومىر ەلەكتر، وسى زامانعى كومىر حيميا ونەركاسىبى، كومىر ەلەكتر - قورىتۋ، جاڭا ماتەريال، جاڭا ەنەرگيا سياقتى 6 ۇلكەن كاسىپ سالاسىن قالىپتاستىرىپ، ابزال بايلىقتى قاۋىرت اشۋ، نەگىزدىك قۇرىلعىلاردى قاۋىرت قۇرۋ، ەنەرگيا كاسىپ سالاسىن قاۋىرت دامىتۋ سىندى بىرگە يگىلىكتەنەتىن، سايكەسەتىن كۇيدى جارىققا شىعاردى. ”بىرنەشە جىلدىق قۇلشىنىس ارقىلى ءبىز جوعارى ءونىمدى، تازا، جاسىل، اينالمالى دامۋ جولىن اشتىق، وسى زامانعى كومىر حيميا ونەركاسىبىنەن ۇلگى كورسەتۋ رايونى العاشقى قادامدا قالىپتاستى“، - دەدى شينجياڭ جۇندۇڭ ەكونوميكالىق، تەحنيكالىق اشۋ رايونىن باسقارۋ كوميتەتىنىڭ ورىنباسار مەڭگەرۋشىسى جوۋ يوۋرىن، - ”كەلەسى قادامدا ءبىز جۇندۇڭدى ەل ىشىندەگى وزىق وسى زامانعى كومىر حيميا ونەركاسىبىنەن ۇلگى كورسەتۋ رايونىنا اينالدىرۋعا قۇلشىنامىز“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
