بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

رايونىمىزدىڭ قالا، اۋىلدارىندا ەلەكترمەن قامداۋدىڭ سەنىمدىلىگى زور دارەجەدە ارتتى

2020.08.24 15:45     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 8 - ايدىڭ 22 - كۇنى ۇرىمجىدەن حابارلايدى. ”2020 - جىلى شينجياڭنىڭ قالا ەلەكتر تورى مەن اۋدان دارەجەلى ەلەكترمەن قامداۋ وڭىرلەرىندە ەلەكترمەن قامداۋدىڭ سەنىمدىلىگى جەكە - جەكە %99.94كە جانە %99.8كە جەتىپ، ’12 - بەسجىلدىق‘ مەزگىلىنىڭ اياعىنداعى وتباسىلىق ورتاشا توك توقتاۋ ۋاقىتى جەكە - جەكە 3.7 ساعات جانە 21.8 ساعات ازايىپ، قالا، اۋىلداردا ەلەكترمەن قامداۋدىڭ سەنىمدىلىگى زور دارەجەدە ارتتى“، - دەدى 8 - ايدىڭ 13 - كۇنى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ەكونوميكالىق - تەحنيكالىق زەرتتەۋ ورنى جوبالاۋ كەڭسەسىنىڭ سايكەستى تور جوبالاۋ ينجەنەرى گاۋ ميڭ.

  ”13 - بەسجىلدىقتان“ بەرى، رايونىمىز ”ءبىر تۇتاس جوبالاۋ، وزىق قۇرىلىس جۇرگىزۋ“ جالپى تالابىنا ساي، ”شينجياڭنىڭ ەلەكترىن سىرتقا جونەلتۋ“، سونداي - اق شينجياڭ ىشىندەگى ەلەكتردەن پايدالانۋ قاجەتىمەن ۇشتاستىرىپ، بۇكىل شينجياڭنىڭ 750 كيلوۆولتتىق نەگىزگى تور جۇلگەسىن كەمەلدەندىرىپ، ەلەكتر تورىنىڭ بايلىقتى جايعاستىرۋ قابىلەتىن كۇشەيتىپ، ەلەكتر تورىنىڭ حاۋىپسىز ءارى ۇنەمدى جۇمىس جۇرگىزۋىن قامتاماسىز ەتتى. اۋىل - قىستاق ەلەكتر تورى قۇرىلىسىن جانە جاڭالاۋ ينجەنەرياسىن ونان ارى تەرەڭدەتىپ، اۋىل - قىستاقتى ەلەكترمەن قامتاماسىز ەتۋ قابىلەتىن جوعارىلاتتى، 220 كيلوۆولتتىق، سونداي - اق ودان تومەنگى سايكەستى تور قۇرىلىسىن كۇشەيتۋ ارقىلى 220 كيلوۆلتتىق، سونداي - اق ودان تومەنگى سايكەستى تور مەن 750 كيلوۆلتتىق ەلەكتر تورىنىڭ ءونىمدى جالعاسۋىن جۇزەگە اسىردى. ەلەكتر تورىنا قارجى قوسۋ قۇرىلىسىنىڭ سەرپىنى ۇزدىكسىز ارتىپ، رايونىمىزداعى قالا، اۋىل تۇرعىندارىنىڭ ەلەكتردەن پايدالانۋ ساپاسىنىڭ كورنەكتى ارتۋىن جەبەدى.

  قاراقاش اۋدانى ماڭلاي اۋىلى باشماڭلاي قىستاعىنىڭ تۇرعىنى باكىر احاتتىڭ سوڭعى 2 جىلداعى ەلەكتردەن پايدالانۋ جاعىندا بولعان وزگەرىستەر جونىندەگى اسەرى ەرەكشە. ول كەزىندە ۇرىمجىدە ساۋدا ىستەپتى، 2018 - جىلى قىستاققا قايتىپ كەدەيلەردى سۇيەمەلدەۋ زاۆودىن اشىپتى. سول كەزدە قىستاقتاعى ەلەكتر سىمدارى جاڭالانباي، تاياۋ ماڭداعى قىستاقپەن ءبىر ترانسفورماتوردى ىستەتىپ وتىرعاندىقتان، كاسىپورىننىڭ وندىرىسىنە قاجەتتى ەلەكتر قاجەتىن قاناعاتتاندىرا الماپتى.

  2019 - جىلى اۋىل - قىستاق ەلەكتر تورىنىڭ دارەجەسىنىڭ جوعارىلاپ جاڭالانۋىنىڭ ارقاسىندا، باشماڭلاي قىستاعىندا 220 كيلوۆولتتىق ەلەكترمەن قامداۋ جەلىسى تارتىلدى ءارى سيىمدىلىعى جوعارىلاتىلعان ترانسفورماتور سەپتەلدى.

  باكىر قىستاقتا ءوتىنىش بەرۋ ارقىلى ازىق - تۇلىك مانەرلەۋ زاۆودىن اشىپ، ءپىسىرۋ، مانەرلەۋ، قوراپتاۋ سياقتى ءبىر تۇتاس ەلەكترلى جابدىقتى دايىندادى. ”جەتكىلىكتى ەلەكتر قۋاتى بولسا، ءوندىرىستى دامىتۋدا الاڭدامايسىڭ، قازىر ازىق - تۇلىك مانەرلەۋ زاۆودىمىز تۇراقتى ءوندىرىس قۋاتىن ساقتاي الادى ءارى تاپسىرىستاردى الاڭسىز، باتىل تۇردە قابىلداي الادى“، - دەدى باكىر.

  گاۋ ميڭ: ”قۇلشىنۋ ارقىلى سەرىكتەستىكتىڭ تيجارات كولەمىندە ەلەكتر جەتپەي قالعان وتباسىلار جوق بولدى. «مەملەكەتتىك ەنەرگيا مەكەمەسىنىڭ سايكەستى ەلەكتر تورىن قۇرۋ، جاڭالاۋ ارەكەت جوسپارىن (2015 − 2020 - جىل) باسىپ تاراتۋ جونىندەگى حابارلاندىرۋىنىڭ» تالابىنا سايكەس، 2020 - جىلى قالاعا قاراستى جانە اۋدان دارەجەلى ەلەكترمەن قامداۋ وڭىرلەرىنىڭ ەلەكترمەن قامداۋ سەنىمدىلىگى جەكە - جەكە %99.88تەن جانە %99.72تەن تومەن بولعان جوق، نىساناداعى تالاپتاردى الدىن الا ءارى نورمادان اسىرىپ ورىندادى“، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار