شينجياڭ مەديتسينا داشۋەسىنە قاراستى وسپە اۋرۋلار شيپاحاناسى جۇڭگوشا - باتىسشا ەمدەۋدى بىرلەستىرۋ ءبولىمىنىڭ جاۋاپتى شيپاگەرى شيە دان:
ىنتىماقتىڭ كۇشى
2020.08.24 15:46 كەلۋ قاينارى : حالىق تورابى
ۋاقىتى: 8 - ايدىڭ 18 - كۇنى
ورنى: اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانا 4 - عيمارات 14 - ناۋقاستار اۋماعى
7 - ايدىڭ 16 - كۇنى، ءبىز اسىعىس - ۇسىگىس كەرەك - جاراعىمىزدى كوتەرىپ شيپاحاناعا اتتاندىق؛ 7 - ايدىڭ 25 - كۇنى تاڭعى ساعات 2دە ۇقتىرۋدى تاپسىرىپ الىپ، ساعات 6دا جولعا شىعىپ اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحاناعا كەلدىك.
بۇل ارادا، ەشكىم قاشقالاقتامادى، ەشكىم دە اۋىردىڭ استىمەن، جەڭىلدىڭ ۇستىمەن جۇرمەدى. ماسەلە بايقالسا، دەر كەزىندە شەشتى، قيىنشىلىققا جولىققاندا، بىرگە جەڭدى. مۇنداي تاماشا قىزمەت ورتاسى ءبىر ءتۇرلى كۇش - قۋات قالىپتاستىرىپ، بۇرىن جۇزدەسپەگەن ەمدەۋ قىزمەتكەرلەرىن ءبىر اراعا تىعىز ۇيىستردى، مەن ىنتىماقتىڭ كۇشىن شىنايى سەزىندىم.
كەي كەزدەرى ءبىر كۇن بويى شەشپەگەن قورعانۋ كيىمدەرىمىز اققان تەرگە مالشىنىپ كەتەدى؛ كەيبىر كەزدە كەزەكشىلىك اقىرلاسا سالا جاتا قالىپ ۇيىقتاپ كەتەمىز. ءبىر جولى كوپشىلىك ازىلدەپ: ”چۋان رۇڭشي مەڭگەرۋشىنىڭ كوزقالتاسى يەگىنە دەيىن سالبىراپ ءتۇسىپتى“، - دەستى. راس - اۋ، جەر ورتاسى جاسقا كەلدى، ناۋقاستاردان الاڭداعاندىقتان، ءار كۇنى ناۋقاستار اۋماعىندا كەزەكشىلىككە تۇردى، شارشاسا اسكەريلەردىڭ كەرەۋەتىندە جاتىپ مىزعاپ الادى... مىنە بۇل ءبىزدىڭ اعا بۋىن ەمدەۋ قىزمەتكەرلەرىمىز، ولار سابىرلى، قايسار، اۋىر جۇك ارقالاي الاتىن جاندار، ءبىزدىڭ رۋحاني ۇلگىمىز!
83 جاستاعى ءبىر ناۋقاس ەسىمدە قالىپتى، نەگىزدىك سىرقاتتارى كوپ ەكەن. سالماقتى ناۋقاستاردى باقىلاۋ، كۇتىمدەۋ بولىمىنەن ءبىزدىڭ ناۋقاستار اۋماعىمىزعا كوشىپ كىرگەن كۇننەن باستاپ، كوپشىلىكتىڭ ءتۇيىندى نازار اۋداراتىن وبيەكتىسىنە اينالدى. ونىڭ تاماقتانۋ ماسەلەسى بىزگە مۇڭ بولدى، ءار جولى تاماقتاردى اۋزىنا تامان اپارا بەرگەندە، كاريا اۋزىن اشپاي قويادى، ءناسيحات ايتقانعا، الداپ - سۋلاعانعا كونبەيدى. قۋىرماشتارىمىز اۋزىنا تاتىماي قالدى ما؟ مەڭگەرۋشى ونىڭ وتباسىنداعىلارمەن حابارلاسىپ، كاريانىڭ داعدىسىن بىلگەننەن كەيىن، اسحانامەن سويلەسىپ وعان جەكە قازان استىردى. ىپ - ىستىق قۋىرماشتار الدىنا اكەلىنىپ، ول تاماقتان اۋىز تيگەن كەزدە، بۇكىل ناۋقاستار اۋماعى ءبىر جولعى شايقاستا جەڭىسكە جەتكەندەي - اق الاقايلاپ كەتتى.
قازىر شيپاحانادان ساۋىعىپ شىققان ناۋقاستار بارعان سايىن كوبەيۋدە، ءبىز جەڭىستىڭ شۇعىلاسىن كورگەندەي بولدىق.(گازەتىمىزدىڭ جالپىلىق اقپارات قۇرالدارى ءتىلشىسى كاڭ حاۋيان رەتتەگەن)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
