بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شينجياڭ حوتان ايماقتىق حالىق شيپاحاناسى باۋىر - ءوت سىرتقى اۋرۋلار ءبولىمىنىڭ سەستراسى فان مىڭ:

ناۋقاستاردىڭ سۇيەنىشى

2020.08.24 15:48     كەلۋ قاينارى : شينجياڭ گازەتى

  ۋاقىتى: 8 - ايدىڭ 17 - كۇنى

  ورنى: اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ 3 - ناۋقاستار اۋماعى

  7 - ايدىڭ 24 - كۇنى، حوتان ايماقتىق حالىق شيپاحاناسى پارتكومىنىڭ ۇقتىرۋىن تاپسىرىپ العاننان كەيىن، كانديدات پارتيا مۇشەسى رەتىندە، مەن قىزمەتتەستەرىممەن بىرگە ۇرىمجىگە كومەككە اتتاندىم.

  بۇل بيىل 2 - ايدىڭ 4 - كۇنى شينجياڭنان 2 - توپتا حۋبەيعا كومەككە اتتانعان ەمدەۋ اترەتىنىڭ ءبىر مۇشەسى رەتىندە، ۋحانعا جول تارتقان كەزدەگى جاعدايدى ەسىمە ەرىكىسىز ءتۇسىردى. وسى رەت مەكەنىمىزدى قورعاۋ ءۇشىن تاعى دا جورىققا اتتاندىق، مەن العان بەتىمنەن قايتپايمىن.

  ۇرىمجىگە جەتكەننەن كەيىن، ءبىز تەزارادا قاربالاس قىزمەتكە كىرىسىپ كەتتىك. بۇل جولى ءبىز سالماقتى ناۋقاستاردى باقىلاۋ - كۇتىمدەۋ بولىمىندە ىستەدىك، سالماقتى ناۋقاستاردى كۇتىمدەۋ مىندەتى اۋىر. ءبىراق، ۋحانداعى تاجىريبەمىز بار بولعاندىقتان، ءبىز قىزمەتتە بارىنشا بايسالدى بولدىق.

  جازدىڭ شىجىعان ىستىعىندا قورعانۋ كيىمىن كيگەنىمىزدە، ۇستىمىزدەن تەر شۇمەكتەي اعادى، قورعانۋ ماسكىسى ادامنىڭ تىنىسىن تارىلتادى، قولقاپ كيگەندە شىققان تەردەن قولىمىزعا سۋلى بورتكەن شىعىپ كەتتى... ءبىراق، سالماقتى ناۋقاستاردى باقىلاۋ - كۇتىمدەۋ بولىمىندە ءجۇرىپ - تۇرۋى قولايسىز ناۋقاستارعا قارايلاساتىن وتباسىنداعىلار بولماعاندىقتان، ولاردىڭ سۇيەنىشى تەك ءبىز عانا ەدىك!

  مەنىڭ كۇتىمدەۋىمدەگى ءبىر قارت اجەي شيپاحاناعا كىرگەن كەزدە ناۋقاسى سالماقتى ەدى. ول ماعان وزىنە كومەكتەسىپ بىرنەشە جەرگە تەلەفون شالىپ بەرۋىمدى سۇرادى، مەن وعان كومەكتەسىپ قىزىنا تەلەفون جالعاپ بەرگەنىمدە، ول ءالسىز داۋىسىمەن قىزىنا ارتقى ىستەرىن تاپسىرا باستادى... سول كەزدە كوزىمە جاس ءۇيىرىلدى، راقىمسىز ۆيرۋس ءاربىر باقىتتى وتباسىنا قاتەر ءتوندىردى. ال، ءبىزدىڭ ىستەۋگە ءتيىستى ءىسىمىز − ءوزىمىزدىڭ كاسىپتىك تەحنيكامىزعا سۇيەنىپ، ءاربىر ناۋقاستى ويداعىداي كۇتىمدەۋ، ولاردىڭ وتباسىنداعىلارىنىڭ قاسىنا ورالۋىنا جاعداي جاساۋ. باقىتقا جاراي، جارىم اي بەلسەنە ەمدەۋدەن سوڭ قارت اجەي سالماقتى ناۋستاردى باقىلاۋ، كۇتىمدەۋ بولىمىنەن جەڭىل ناۋستار بولىمىنە اۋىستى.

  قازىر كوپتەگەن ناۋقاستاردىڭ اۋرۋ جاعدايى جاقسارا باستاعانىن كورىپ، ءبىز بارلىق ەڭبەگىمىزدىڭ تەككە كەتپەگەندىگىن اڭعاردىق. 2020 - جىلدىڭ ماعان قالدىرعان ەستەمەلەرى تەرەڭ ءارى قاستەرلى بولدى، مەن بارلىق ادامنىڭ بىرگە قۇلشىنۋىنىڭ ارقاسىندا، ىندەتتى تۇبىندە جەڭىپ شىعا الاتىندىعىمىزعا كامىل سەنەمىن!(گازەتىمىزدىڭ جالپىلىق اقپارات قۇرالدارى ءتىلشىسى كاڭ حاۋيان رەتتەگەن)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار