شي جينپيڭ ەكونوميكا، قوعام سالاسىنداعى ماماندار اڭگىمە ءماجىلىسىن باسقارىپ اشقاندا بىلاي دەپ باسا دارىپتەدى
ۇزاق بولاشاقتى كوزدەپ، ۇلكەن اۋقىمدى يگەرىپ، اشىق كەڭەس الىپ، كوپ پاراساتىن ساۋلەلەندىرىپ، جاڭا احۋالداردى زەرتتەپ، جاڭا جوبا جاساۋ كەرەك
ۋاڭ حۋنيڭ، حان جىڭ قاتىناستى
2020.08.26 11:14 كەلۋ قاينارى : شينجياڭ گازەتى
شينحۋا اگەنتتىگىنىڭ 8 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 8 - ايدىڭ 24 - كۇنى تۇستەن كەيىن جۇڭنانحايدا ەكونوميكا، قوعام سالاسىنداعى مامانداردىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: ”14 - بەسجىلدىق“ مەزگىلى − ەلىمىزدىڭ جاپپاي دوڭگەلەك داۋلەتتى قوعام ورناتقان، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، قولايلى ساتتە العا ۇمتىلىپ سوتسياليستىك وسىزاماندانعان مەملەكەتتى جالپى بەتتىك قۇرىپ شىعۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي جورىق جاسايتىن العاشقى 5 جىل، ەلىمىز جاڭا دامۋ كەزەڭىنە ءوتۋ الدىندا تۇر. ويلانىپ ىستەگەن ءىس وڭىنا باسادى، ويلانباي ىستەگەن ءىس ءساتسىز بولادى. ءبىز ۇزاق بولاشاقتى كوزدەپ، ۇلكەن اۋقىمدى يگەرىپ، اشىق كەڭەس الىپ، كوپ پاراساتىن ساۋلەلەندىرىپ، جاڭا احۋالداردى زەرتتەپ، جاڭا جوبا جاساۋىمىز كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسكە قاتىناستى.
اڭگىمە ماجىلىستە بەيجيڭ داشۋەسى مەملەكەتتىك دامۋدى زەرتتەۋ مەكەمەسىنىڭ قۇرمەتتى باستىعى لين يفۋ، جۇڭگو ەكونوميكالىق ءتۇزىلىس رەفورماسىن زەرتتەۋ قوعامىنىڭ ورىنباسار ءتوراعاسى فان گاڭ، چيڭحۋا داشۋەسى الەۋمەتتىك باسقارۋ شۋەيۋانىنىڭ باستىعى جياڭ شياۋجۋان، جۇڭگو قوعامدىق عىلىم اكادەمياسىنىڭ ورىنباسار باستىعى ساي فاڭ، مەملەكەتتىك دامۋ جانە رەفورما كوميتەتى ماكرولىق ەكونوميكانى زەرتتەۋ مەكەمەسىنىڭ باستىعى ۋاڭ چاڭلين، چيڭحۋا داشۋەسى مەملەكەتتىك فينانس زەرتتەۋ مەكەمەسىنىڭ باستىعى جۋ مين، شاڭحاي قاتىناس داشۋەسى انتاي ەكونوميكا جانە باسقارۋ شۋەيۋانىنىڭ ارنايى ۇسىنىس ەتىلگەن پروفەسسورى لۋ ميڭ، جۇڭگو قوعامدىق عىلىم اكادەمياسى دۇنيە جۇزىلىك ەكونوميكا جانە ساياسات زەرتتەۋ ورنىنىڭ باستىعى جاڭ يۇييان، شياڭگاڭ جۇڭۋىن داشۋەسى (شىنجىن) دۇنيە ءجۇزى جانە قازىرگى جۇڭگو جوعارى دارەجەلى زەرتتەۋ مەكەمەسىنىڭ باستىعى جىڭ يۇڭنيان قاتارلى 9 مامان ۋاكىل ىركەس - تىركەس ءسوز كەزەگىن الىپ، ”14 - بەسجىلدىق“ جوبانى جاساۋ، ت.ب جونىندە پىكىر جانە ۇسىنىستارىن ورتاعا قويدى.
كوپشىلىكتىڭ ءسوزىن مۇقيات تىڭداپ شىققان سوڭ، شي جينپيڭ ماڭىزدى ءسوز سويلەدى. ول بىلاي دەدى: ماماندار، وقىمىستىلار وتە جاقسى سويلەپ، ءوز ماماندىق سالالارىن نەگىز ەتىپ، ”14 - بەسجىلدىق“ مەزگىلىندەگى دامۋ ورتاسى، وي جەلىسى، مىندەتتەر، شارالار جونىندە وتە قۇندى پىكىرلەر مەن ۇسىنىستاردى ورتاعا قويدى، ماجىلىسكە قاتىناسقان باسقا ماماندار جازباشا ءسوز تاپسىردى، قاتىستى جاقتاردىڭ زەرتتەۋىن، قابىلداۋىن سۇرايمىن.
شي جينپيڭ بىلاي دەپ اتاپ كورسەتتى: جاڭا دامۋ كەزەڭىندەگى جاڭا ورايلارعا، جاڭا سىن - سايىستارعا ديالەكتيكالىق ويمەن قاراۋ كەرەك. قازىر دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، جاڭا تيپتى ايدارشا ۆيرۋس وكپە قابىنۋ ىندەتىنىڭ دۇنيە جۇزىنە جاپپاي تارالۋى بۇل ۇلكەن وزگەرىستەگى قۇبىلۋدى جەدەلدەتىپ، حالىقارالىق ەكونوميكا، عىلىم - تەحنيكا، مادەنيەت، حاۋىپسىزدىك، ساياسي سياقتى جاعدايلاردىڭ بارلىعىندا تەرەڭ رەتتەۋلەر تۋىلۋدا. ەل ىشىندەگى دامۋ ورتاسى دا تەرەڭ وزگەرىستەردى باستان كەشىرۋدە، ەلىمىز جوعارى ساپالى دامۋ كەزەڭىنە ءوتتى، قوعامنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى بولماۋى، تولىق بولماۋى اراسىنداعى قايشىلىققا وزگەرىپ، حالىقتىڭ تاماشا تۇرمىسقا دەگەن تالابى ۇزدىكسىز جوعارىلادى. جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان ۇلكەن وزگەرىستى ءبىر تۇتاس جوسپارلاپ، ەلىمىز قوعامىنداعى باستى قايشىلىقتىڭ دامۋى، وزگەرۋى اكەلگەن جاڭا ەرەكشەلىكتەردى، جاڭا تالاپتاردى تەرەڭ تانىپ، شىتىرمان، كۇردەلى حالىقارالىق ورتا اكەلگەن جاڭا قايشىلىقتاردى، جاڭا سىن - سايىستاردى تەرەڭ تانىپ، وراي تانىمى مەن حاۋىپ - قاتەر تانىمىن كۇشەيتىپ، وزگەرىستى ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، داۋىلدى تولقىنعا قارسى باتىلدىقپەن جەلكەن كوتەرىپ، داعدارىستى ورايعا اينالدىرۋعا شەبەر بولىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋعا قۇلشىنۋ كەرەك.
شي جينپيڭ بىلاي دەپ باسا دارىپتەدى: حالىق شارۋاشىلىعى اينالىمىن ىركىلىسسىزدەندىرۋدى نەگىز ەتىپ جاڭا دامۋ ارناسىن قالىپتاستىرۋ كەرەك. ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋدى ىلگەرىلەتۋ ەلىمىزدىڭ دامۋ كەزەڭىنىڭ، ورتاسىنىڭ، شارت - جاعدايىنىڭ وزگەرىسىنە نەگىزدەلە وتىرىپ ورتاعا قويىلىپ وتىر، ول ەلىمىزدىڭ حالىقارالىق سەلبەستىك پەن باسەكەدەگى جاڭا باسىمدىقتارىن قايتا تۇلعالاۋدىڭ ستراتەگيالىق تاڭداۋى بولىپ تابىلادى. ءبىز قامداۋ جاعىنداعى قۇرىلىمدىق رەفورما سىندى ستراتەگيالىق باعدارعا تاباندى بولىپ، ىشكى سۇرانىستى كەڭەيتۋ سىندى ستراتەگيالىق تياناقتى مىقتاپ ۇستاپ، ءوندىرىستىڭ، ءبولىستىڭ، اينالىمنىڭ، تۇتىنۋدىڭ ەل ءىشى بازارىنا كوبىرەك سۇيەنۋىنە مۇمكىندىك جاساپ، قامداۋ جۇيەسىنىڭ ەل ءىشى سۇرانىسىنا ۇيلەسۋىن جوعارىلاتىپ، سۇرانىس قامداۋدى جەتەكتەيتىن، قامداۋ سۇرانىس تۋدىراتىن اناعۇرلىم جوعارى دەڭگەيدەگى اۋقىمدىق تەپە - تەڭدىك قالىپتاستىرۋىمىز كەرەك. جاڭا دامۋ ارناسى استە توماعا تۇيىق ەل ءىشى اينالىمى ەمەس، قايتا سىرتقا ەسىك اشقان ەل ىشىندىك، حالىقارالىق قوس اينالىم. ەلىمىزدىڭ دۇنيە ءجۇزى ەكونوميكاسىنداعى ورنى ۇزدىكسىز جوعارىلاپ، دۇنيە ءجۇزى ەكونوميكاسىمەن بايلانىسى اناعۇرلىم تىعىز بولىپ، باسقا مەملەكەتتەرگە ازىرلەيتىن بازار ورايى دا اناعۇرلىم كەڭەيىپ، حالىقارالىق تاۋاردى جانە فاكتوردى، بايلىقتى وزىنە تارتاتىن وراسان زور باۋراۋ ورىسىنە اينالدى.
شي جينپيڭ بىلاي دەپ اتاپ كورسەتتى: عىلىم - تەحنيكادا جاڭالىق اشۋ ارقىلى جاڭا دامۋدىڭ قوزعاۋشى قۋاتىن تۋىنداتۋ كەرەك. جوعارى ساپالى دامۋدى جۇزەگە اسىرۋدا، ءسوز جوق، جاڭالىق اشۋدى قوزعاۋشى ەتۋگە سۇيەنەتىن ىشكى ماندىك ارتۋدى جۇزەگە اسىرىپ، دەربەس جاڭالىق اشۋ قابىلەتىن زور كۇشپەن جوعارىلاتىپ، شەشۋشى، وزەكتى تەحنيكالاردان جەدەل قامال الۋىمىز كەرەك. ەلىمىزدىڭ سوتسياليستىك ءتۇزىمىنىڭ كۇشتى شوعىرلاندىرىپ ءىرى ىستەر تىندىراتىن كورنەكتى ابزالدىلىعىن تولىق ساۋلەلەندىرىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، جاڭا تەحنيكالاردى شاپشاڭ، كەڭ كولەمدە قولدانۋعا جانە بۋىن جاڭالاپ، دارەجەسىن جوعارىلاتۋعا ءتيىمدى دارا باسىمدىق قالىپتاستىرىپ، عىلىم - تەحنيكا جەتىستىكتەرىنىڭ رەال وندىرگىش كۇشكە اينالۋىن جەدەلدەتىپ، كاسىپ سالاسى تىزبەگىنىڭ دەڭگەيىن ءوسىرۋ كەرەك. كاسىپورىنداردىڭ تەحنيكالىق جاڭالىق اشۋداعى نەگىزگى تۇلعالىق رولىن ساۋلەلەندىرىپ، كاسىپورىنداردى جاڭالىق اشۋ فاكتورلارىن جيناقتايتىن، عىلىم - تەحنيكالىق جەتىستىكتەردى كادەگە جاراتاتىن جالىندى قوسىنعا اينالدىرۋ كەرەك. حالىقارالىق بىرەگەي دارىندىلاردى جانە عىلمي زەرتتەۋ ۇجىمدارىن زور كۇشپەن باۋلىپ جانە ەنگىزىپ، عىلمي زەرتتەۋ ورىندارى رەفورماسىنىڭ سەرپىنىن ارتتىرىپ، عىلمي زەرتتەۋ قىزمەتكەرلەرىنىڭ بەلسەندىلىگىن بارىنشا جۇمىلدىرۋ كەرەك، ەسىك اشا وتىرىپ جاڭالىق اشۋعا تاباندى بولىپ، حالىقارالىق عىلىم - تەحنيكالىق اۋىس - كۇيىستى، سەلبەستىكتى كۇشەيتۋ كەرەك.
شي جينپيڭ بىلاي دەپ باسا دارىپتەدى: رەفورمانى تەرەڭدەتۋ ارقىلى جاڭا دامۋ ومىرشەڭدىگىن قاۋلاتۋ كەرەك. ەلىمىزدىڭ جاڭا دامۋ كەزەڭىنە وتۋىنە بايلانىستى، رەفورما دا جاڭا مىندەتتەرگە ءدوپ كەلەدى، ءسوز جوق، اناعۇرلىم باتىلدىق، اناعۇرلىم كوپ شارا ارقىلى تەرەڭ قاباتتاعى تۇزىلىستىك، مەحانيزمدىك كەدەرگىلەردى تالقانداپ، جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ كەرەك. تۋراشىلدىقتى ساقتاپ، جاڭالىق اشىپ، ءورىس اشا جاڭالىق اشىپ، بولاشاقتاعى دامۋ جولىمىزدى جۇرەكتىلىكپەن قاراستىرۋىمىز كەرەك. سوتسياليستىك نەگىزگى شارۋاشىلىق تۇزىمىنە تاباندى بولىپ جانە ونى كەمەلدەندىرىپ، بازاردىڭ بايلىقتى جايعاستىرۋدا شەشۋشى رول اتقارۋىنا مۇمكىندىك جاساپ، ۇكىمەتتىڭ رولىن اناعۇرلىم جاقسى ساۋلەلەندىرىپ، ۇزاق ۋاقىتتىق ورنىقتى، مەجەلەۋگە بولاتىن ءتۇزىم ورتاسىن قالىپتاستىرۋ كەرەك. مال - مۇلىك ۇقىعى مەن ءبىلىم مەنشىگى ۇقىعىن قورعاۋدى كۇشەيتىپ، جوعارى ولشەمدى بازار جۇيەسىن قۇرىپ، ءادىل باسەكە ءتۇزىمىن كەمەلدەندىرىپ، بازار تۇلعالارىنىڭ دامۋ ومىرشەڭدىگىن قاۋلاتىپ، قوعامدىق وندىرگىش كۇشتەردىڭ دامۋىنا ءتيىمدى بارلىق كۇش - قۋات قاينارلارىن تولىق ىسكە قوسۋ كەرەك.
شي جينپيڭ بىلاي دەپ اتاپ كورسەتتى: جوعارى دەڭگەيدە سىرتقا ەسىك اشىپ، حالىقارالىق سەلبەستىك پەن باسەكەنىڭ جاڭا باسىمدىعىن تۇلعالاۋ كەرەك. حالىقارالىق ەكونوميكانىڭ تۇتاسۋى مەن قارىم - قاتىناسى ءالى دە دۇنيە ءجۇزى ەكونوميكاسى دامۋىنىڭ وبيەكتيۆ تالابى. ەلىمىز ەكونوميكاسىنىڭ ۇزدىكسىز شاپشاڭ دامۋىنىڭ ءبىر ماڭىزدى قوزعاۋشى كۇشى − سىرتقا ەسىك اشۋ. سىرتقا ەسىك اشۋ − مەملەكەتتىڭ نەگىزگى ساياساتى، سىرتقا ەسىك اشۋ دەڭگەيىن جاپپاي جوعارىلاتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرىپ، حالىقارالىق سەلبەستىك پەن باسەكەنىڭ جاڭا باسىمدىعىن تۇلعالاۋىمىز كەرەك. الەمدىك ەكونوميكانى جونگە سالۋ جۇيەسى رەفورماسىنا بەلسەنە قاتىناسىپ، اناعۇرلىم ءادىل، ۇيلەسىمدى حالىقارالىق ەكونوميكانى جونگە سالۋ جۇيەسىن كەمەلدەندىرۋ، ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: بىرگە قۇرۋ، بىرگە جونگە سالۋ، بىرگە يگىلىكتەنۋ ارقىلى قوعامدىق دامۋدىڭ جاڭا جاعدايىن كەڭەيتۋ كەرەك. اناعۇرلىم تولىق، اناعۇرلىم جوعارى ساپالى جۇمىستانۋدى جۇزەگە اسىرىپ، جاپپاي قامتىعان، باياندى قوعامدىق قامتاماسىزداندىرۋ جۇيەسىن اقاۋسىزداندىرىپ، الەۋمەتتىك دەنساۋلىق ساقتاۋ جانە اۋرۋدى تىزگىندەۋ جۇيەسىن كۇشەيتىپ، حالىق سانىنىڭ ۇزاق ۋاقىت بىركەلكى دامۋىن جەبەپ، قوعامدىق جونگە سالۋدى كۇشەيتىپ، قوعامدىق قايشىلىقتاردى شەشىپ، قوعام ورنىقتىلىعىن قورعاۋ كەرەك. بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ءتۇزىمىن كەمەلدەندىرىپ، نەگىزگى ساتىنىڭ قوعامدىق جونگە سالۋىن كۇشەيتىپ جانە جاڭالىق اشىپ، قوعامدىق ادىلدىك پەن تۋراشىلدىقتى قورعاۋعا اناعۇرلىم ءمان بەرىپ، ادامنىڭ جان - جاقتى دامۋى مەن قوعامنىڭ جاپپاي العا باسۋىن جەبەۋ كەرەك.
شي جينپيڭ بىلاي دەپ اتاپ كورسەتتى: نازاريا امالياتتان كەلەدى ءارى امالياتقا جەتەكشىلىك ەتەدى. رەفورما جاساپ، ەسىك اشقاننان بەرى، ءبىز جاڭا جاندى امالياتتاردى دەر كەزىندە قورىتىندىلاپ، نازاريادا جاڭالىق اشۋدى ۇزدىكسىز ىلگەرىلەتىپ، دامۋ ۇستانىمى، مەنشىك ءتۇزىمى، ءبولىس ءتۇزىلىسى، ۇكىمەت فۋنكتسياسى، بازار مەحانيزمى، ماكرولىق تىزگىندەۋ - مەڭگەرۋ، كاسىپ سالاسى قۇرىلىمى، كاسىپورىنداردى جونگە سالۋ قۇرىلىمى، حالىق تۇرمىسىن قامتاماسىز ەتۋ، قوعامدىق جونگە سالۋ سياقتى كەلەلى ماسەلەلەردە كوپتەگەن ماڭىزدى تۇجىرىمداردى العا قويدىق. ءداۋىر تاقىرىبى − نازاريادا جاڭالىق اشۋعا دەم بەرۋشى كۇش. جاڭا داۋىردە رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ باي امالياتى − نازاريا مەن ساياساتتى زەرتتەۋدەگى ” كەنىش“، ەلىمىزدىڭ ەكونوميكا، قوعام سالاسىنداعى نازاريا قىزمەتكەرلەرىنەن ۇلكەن ءۇمىت كۇتۋگە بولادى. ماركستىك تۇرعىعا، كوزقاراسقا، ادىسكە تاباندى بولىپ، مەملەكەت جاعدايىن نەگىزگە الۋعا تاباندى بولىپ، ءىس جۇزىندىك جاعدايدى تولىق بەينەلەپ، قۇبىلىستان مانگە ءوتىپ، حالىقارالىق كوز ايا ورناتىپ، نازاريا مەن ساياساتتا جاڭالىق اشۋدىڭ وزىقتىق پەن عىلميلىقتى ايگىلەۋىنە مۇمكىندىك جاساۋ كەرەك.
ديڭ شۋەشياڭ، ليۋ حى، حۋاڭ كۇنميڭ، شياۋ جيە، حى ليفىڭ اڭگىمە ماجىلىسكە قاتىناستى.
ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، مامان - وقىمىستىلاردىڭ ۋاكىلدەرى قاتارلىلار اڭگىمە ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
