بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

رايونىمىزدا ءبيداي جيىپ الىنعان جەر اۋدانى 90 پايىزدان استى

  ساتىپ الۋ قارقىنى بىلتىرعىدان تەز بولدى

2020.08.26 11:16     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى ليۋ ي 8 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، رايونىمىزدا جەر - جەر ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋ العى شارتىندا، اۋىل شارۋاشىلىعى ءوندىرىسى ءتۇرلى قىزمەتتەرىن بار كۇشپەن مىقتى ۇستاعان. قازىر تۇتاس رايوندا ءبيداي جيىپ الىنعان جەر اۋدانى 14 ميلليون مۋدان اسىپ، بىلتىرعى ۇقساس مەزگىلدەگىمەن سالىستىرعاندا ءبىر ميلليون 100 مىڭ مۋ ارتىپ، تۇتاس رايونداعى ءبيداي ەگىلگەن جەر اۋدانىنىڭ %90تەن استامىن ۇستاعان.

  بيىل رايونىمىز 15 ميلليون 410 مىڭ مۋ جەرگە ءبيداي ەكتى، بۇل وتكەن جىلداعىمەن سالىستىرعاندا ءبىر ميلليون 110 مىڭ مۋ ارتقان. قازىر وڭتۇستىك شينجياڭداعى 5 ايماق، وبلىستا، سانجى حۇيزۋ اۆتونوميالى وبلىسىندا ءبيداي جيۋ قىزمەتى اياقتادى. تارباعاتاي ايماعىندا، بۇراتالا موڭعۇل اۆتونوميالى وبلىسىندا ءبيدايدىڭ جيىپ الىنۋ مولشەرى %90تەن استى، ىلە قازاق اۆتونوميالى وبلىسىندا موڭعۇلكۇرە اۋدانى سياقتى تەڭىز دەڭگەيىنەن بيىكتىگى جوعارى، سۋىق ءبيداي القاپتارىنان سىرت، باسقا وڭىرلەردىڭ ءبيداي جيىپ الۋى نەگىزىنەن اياقتاپ، جالپىلىق جيىپ الۋ مولشەرى %70تەن استى، التاي ايماعىنىڭ جازدىق ءبيدايى دا ىلگەرىندى - كەيىندى جيۋ مەرزىمىنە ءوتىپ، جيىپ الۋ مولشەرى %20.1كە جەتتى.

  8 - ايدىڭ 23 - كۇنىنە دەيىن تۇتاس رايون جيىنى 2 ميلليون 258 مىڭ 400 توننا ءبيداي ساتىپ الىپ، بىلتىرعى سايكەس مەزگىلدەگىدەن 95 مىڭ 800 توننا ارتتى. بازاردا ساپاسى جاقسى بولسا، باعاسى دا جاقسى بولۋ بەتالىسى كورنەكتىلەنىپ، ءبيدايدىڭ ورتاشا ساتىپ الۋ باعاسى ءبىر كيلوگرامى 2.48 يۋان بولىپ، وتكەن جىلعى سايكەس مەزگىلدەگىدەن ءار كيلوگرامى 0.05 يۋان جوعارىلادى.

  بيىل تۇتاس رايون ءبيداي ءوندىرىسىنىڭ نەگىزىن اناعۇرلىم بەكەمدەپ، استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋدى قولداۋ شارالارىن اتقارىپ، اپاتتىڭ الدىن الۋدى، اپات شىعىنىن ازايتۋدى مىقتى ۇستاپ، ءونىمنىڭ تومەندەۋ قاتەرىن ازايتتى. تۇتاس رايوندا ءبيدايدىڭ جالپى ءونىمى 5 ميلليون 880 مىڭ تونناعا جەتەتىنى مەجەلەنىپ، جازعى استىقتان مول ءونىم الىناتىندىعى تۇراقتانىپ، ”شينجياڭ ىشىندە تەڭگەرۋ، ازىراق ىركىپ قالۋ“ سىندى استىق ءوندىرىسى نىساناسى جۇزەگە اسىرىلىپ، ىشەر استىقتىڭ مۇلدە حاۋىپسىزدىگىنە شىنايى كەپىلدىك ەتىلدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار