شي جينپيڭ مەن پۋتين جەكە - جەكە جۇڭگو - رەسەي عىلىم - تەحنيكالىق جاڭالىق اشۋ جىلىنىڭ باستالۋ سالتىنا قۇتتىقتاۋ حات جولدادى
2020.08.28 14:53 كەلۋ قاينارى : شينجياڭ گازەتى
شينحۋا اگەنتتىگىنىڭ 8 - ايدىڭ 26 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ مەن رەسەي زۇڭتۇڭى پۋتين 8 - ايدىڭ 26 - كۇنى جەكە - جەكە جۇڭگو - رەسەي عىلىم - تەحنيكالىق جاڭالىق اشۋ جىلىنىڭ باستالۋ سالتىنا قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: جۇڭگو مەن رەسەي ەڭ ۇلكەن كورشى ەلدەر. الەمدە جاڭا تيپتى ايدارشا ۆيرۋس وكپە قابىنۋ ىندەتى ءورشىپ تۇرعان ساتتە، جۇڭگو مەن رەسەي ەكى مەملەكەتتىڭ تىزە قوسا سەلبەسىپ، ءبىر - بىرىنە قارايلاسىپ، جۇڭگو - رەسەي عىلىم - تەحنيكالىق جاڭالىق اشۋ جىلىن ۋاعىندا وتكىزۋى جۇڭگو - رەسەي جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ جوعارى دەڭگەيى مەن وزگەشەلىگىن تولىق ايگىلەدى. جۇڭگو مەن رەسەيدىڭ قول ۇستاسا وتىرىپ ىندەتكە قارسى اتتانعان، ۋاقىتتىق قيىندىقتى بىرگە ەڭسەرگەن تابىستى امالياتىنىڭ، ءسوز جوق، ەكى ەلدىڭ اۋىس - كۇيىسى مەن سەلبەستىگىن كۇشەيتۋدىڭ قۋاتتى قوزعاۋشى كۇشىنە اينالاتىندىعىنا سەنەمىن.
شي جينپيڭ بىلاي دەپ باسا دارىپتەدى: جۇڭگو مەن رەسەي جاۋاپكەرشىلىك ارقالاي بىلەتىن دۇنيە جۇزىلىك ءىرى ەل جانە ماڭىزدى ىقپالعا يە عىلىم - تەحنيكاداعى ءىرى ەل رەتىندە، ءداۋىر تولقىنىنا ۇيلەسىپ، دامۋ اۋقىمىن يگەرىپ، ەكى ەل عىلمي زەرتتەۋ قىزمەتكەرلەرى مەن عىلىم - تەحنيكا سالاسىنىڭ جان - جاقتى، كوپ دەڭگەيلى، كەڭ ءورىستى اۋىس - كۇيىس، سەلبەستىك ورىستەتۋىن ىلگەرىلەتىپ، الەمدىك جونگە سالۋ جۇيەسى وزگەرىسىن ىلگەرىلەتۋ، ادامزاتتىڭ تاعدىرلاس ورتاق تۇلعاسىن ورناتۋ ءۇشىن تىڭ، اناعۇرلىم زور ۇلەس قوسۋ كەرەك.
پۋتين قۇتتىقتاۋ حاتىندا مىنالاردى ءبىلدىردى: عىلىم - تەحنيكالىق جاڭالىق اشۋ − كەزەكتەگى رەسەي، جۇڭگو ەكى ەلدىڭ بولاشاعى ەڭ زور سەلبەستىك سالالارىنىڭ ءبىرى، ول ەكى ەل دامۋىنىڭ بولاشاعىن بەلگىلەپ، ەكى ەل حالقىنىڭ تۇرمىس دەڭگەيىنىڭ جوعارىلاۋىنا يگى ىقپال جاسايدى. بۇل رەتكى عىلىم - تەحنيكالىق جاڭالىق اشۋ جىلى اياسىنداعى قيمىلداردىڭ مازمۇنى باي، عىلمي زەرتتەۋلەر، كورمەلەر، ءىلمي اۋىس - كۇيىستەر سياقتى ءبىرسىپىرا سەلبەستىك نىساندارىن قامتىپ وتىر، اسىرەسە، ەكى ەل ۇكىمەتى، مەديتسينا جانە عىلمي زەرتتەۋ تاراۋلارى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندە تىعىز سەلبەستىك ورىستەتىپ، ءبىرسىپىرا ماڭىزدى جەتىستىكتەرگە قول جەتكىزدى، بۇل كەڭ كولەمدە ىقپال تۋدىردى. عىلىم - تەحنيكالىق جاڭالىق اشۋ جىلىنىڭ تابىستى وتكىزىلۋىن، رەسەي - جۇڭگو جاڭا داۋىردەگى جان - جاقتى ستراتەگيالىق ىستەستىك قارىم - قاتىناسىنىڭ دامۋىنا ۇزدىكسىز تۇردە جاڭا ءمان ۇستەۋىن شىن جۇرەكتەن تىلەيمىن.
2019 - جىلى 6 - ايدا ءتوراعا شي جينپيڭ رەسەيدە ساپاردا بولعان كەزدە پۋتين زۇڭتۇڭمەن بىرگە 2020 - جىلى، 2021 - جىلى جۇڭگو - رەسەي عىلىم - تەحنيكالىق جاڭالىق اشۋ جىلى وتكىزىلەتىندىگىن جاريالاعان بولاتىن، بۇل جۇڭگو مەن رەسەي ەكى ەلدىڭ تۇڭعىش رەت ”عىلىم - تەحنيكالىق جاڭالىق اشۋ“ تاقىرىبىندا مەملەكەت جىلىن وتكىزۋى بولىپ تابىلادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
