حالىق ساقشىلارىنىڭ داڭقتى تاريحىنىڭ جاڭا تاراۋىن جازايىق
حالىق گازەتىنىڭ شولۋشىسى
2020.08.28 14:59 كەلۋ قاينارى : شينجياڭ گازەتى
جۇڭگو حالىق ساقشىلارىنا ساقشى تۋىن تاپسىرۋ سالتى 8 - ايدىڭ 26 - كۇنى حالىق سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو حالىق ساقشىلارى قوسىنىنا تۋ تاپسىردى ءارى ءتالىم بەردى، پارتيا ورتالىق كوميتەتى اتىنان بارلىق حالىق ساقشىلارىن قىزۋ قۇتتىقتادى، حالىق ساقشىلارىنىڭ مەملەكەتتىڭ حاۋىپسىزدىگىن، قوعامنىڭ ورنىقتىلىعىن، حالىقتىڭ مۇددەسىن قورعاۋ جولىندا قوسقان ماڭىزدى ۇلەستەرىن تولىق تۇراقتاندىرىپ، حالىق ساقشىلارى قوسىنىنا ”پارتياعا ادال بولۋ، حالىققا قىزمەت ەتۋ، زاڭدى ءادىل اتقارۋ، ءتارتىپتى قاتايتۋ“ ايقىن تالابىن العا قويدى، حالىق ساقشىلارى ىستەرىنىڭ دامۋىنا جانە قوسىن قۇرىلىسىنا العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى.
ساقشى تۋى − حالىق ساقشىلارى قوسىنىنىڭ ماڭىزدى بەلگىسى، حالىق ساقشىلارىنىڭ داڭقىنىڭ، جاۋاپكەرشىلىگىنىڭ جانە بورىشىنىڭ سيمۆولى. ساقشى تۋىن تاپسىرۋ سالتىن سالتاناتپەن وتكىزۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتىڭ حاۋىپسىزدىگى مەن قوعام ورنىقتىلىعىن قورعاۋ قىزمەتىنە بارىنشا ءمان بەرەتىندىگىن، حالىق ساقشىلارى قوسىنىنا دەگەن شىنايى قامقورلىعىن جانە شابىتتاندىرىپ دەم بەرۋىن تولىق ايگىلەدى، حالىق ساقشىلارى قوسىنىنىڭ توڭكەرىستەنۋ، جۇيەلىلەنۋ، ماماندانۋ، كاسىبيلەنۋ قۇرىلىسىن ىلگەرىلەتۋدە ماڭىزدى بەلەستىك مانگە يە. حالىق ساقشىلارى قوسىنى باس شۋجي شي جينپيڭنىڭ ءتالىمىنىڭ رۋحىن ىشكەرىلەي ۇيرەنىپ، دايەكتىلەندىرىپ، باتىل تۇردە پارتياعا ادال بولىپ، حالىققا قىزمەت ەتىپ، زاڭدى ءادىل اتقارىپ، ءتارتىپتى قاتايتىپ، پارتيا ورتالىق كوميتەتىنىڭ قامقورلىعى مەن تالابىن مەملەكەت حاۋىپسىزدىگىن، قوعام ورنىقتىلىعىن، حالىق مۇددەسىن قورعاۋ قىزمەتتەرىن جاقسى ىستەۋدىڭ قۇدىرەتتى قوزعاۋشى كۇشىنە اينالدىرىپ، حالىق ساقشىلارىنىڭ داڭقتى تاريحىنىڭ جاڭا تاراۋىن ۇزدىكسىز جازۋ كەرەك.
پارتياعا ادال بولۋ، پارتيانىڭ قولباسشىلىعىنا قۇلاق اسۋ − حالىق ساقشىلارى قوسىنىنىڭ ۇرپاقتان - ۇرپاققا جالعاسقان ساياسي گەنى. حالىق ساقشىلارى قوسىنى باستان - اياق شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق پارتيا تۋىن تۋ، پارتيانىڭ بەتالىسىن بەتالىس، پارتيانىڭ ەركىن ەرىك ەتىپ، پارتيا ورتالىق كوميتەتى مەن باس شۋجي شي جينپيڭنىڭ قولباسشىلىعىنا باتىل قۇلاق اسىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، شارتسىز ادال، شارتسىز كىرشىكسىز، شارتسىز سەنىمدى بولاتىن ساياسي قاسيەتتى ماڭگى ساقتاۋى كەرەك.
حالىق ساقشىلارى حالىقتان كەلگەن، حالىققا تامىر تارتقان. ۇزاق ۋاقىتتان بەرى، پارتيانىڭ باسشىلىعىندا حالىق ساقشىلارى باستان - اياق بورىشتى ەستە بەرىك ساقتاپ، قىزمەت جاۋاپكەرشىلىگىن ادالدىقپەن وتەپ، قۇربان بەرۋدەن قورىقپاي، قالتقىسىز ۇلەس قوسىپ، ماڭداي تەرلەرىمەن، ىستىق قاندارىمەن، ءتىپتى، ومىرلەرىمەن حالىقتىڭ تىنىش، باقىتتى تۇرمىسى ءۇشىن مىزعىماس قۇرىش قورعان سوقتى. حالىق ساقشىلارى قوسىنى باستان - اياق حالىقتى وزەك ەتۋگە تاباندى بولىپ، بۇقارانى تولىق اتتانىسقا كەلتىرىپ، بۇقارانى ۇيىمداستىرىپ، بۇقاراعا سۇيەنىپ، جالپىلىق مەملەكەت حاۋىپسىزدىگى كوزقاراسىنا تاباندى بولىپ، بىرگە قۇرۋ، بىرگە جونگە سالۋ، بىرگە يگىلىكتەنۋ بارىسىندا اناعۇرلىم جوعارى دەڭگەيدەگى تىنىش جۇڭگو قۇرىلىسىن ۇزدىكسىز ىلگەرىلەتىپ، حالىق بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ اناعۇرلىم تولىق بولۋىنا، اناعۇرلىم قامتاماسىز ەتىلۋىنە، اناعۇرلىم باياندى بولۋىنا مۇمكىندىك جاساۋعا قۇلشىنۋ كەرەك. زاڭدى قاتاڭ، جۇيەلى، ءادىل، مادەنيەتتى اتقارۋعا تاباندى بولىپ، زاڭ اتقارۋدىڭ، ءادىليانىڭ الەۋمەتتىك سەنىمدىلىگىن ۇزدىكسىز جوعارىلاتىپ، حالىق بۇقاراسىنىڭ ءاربىر دەلونىڭ ىستەلۋىنەن، ءاربىر ءىستىڭ ءبىر جاقتى ەتىلۋىنەن ادىلدىك پەن تۋراشىلدىقتى سەزىنۋىنە قۇلشىنا مۇمكىندىك جاساۋ كەرەك. باستان - اياق ساقشىنى ساياسي جاقتان قۇرۋعا، ساقشىنى جاپپاي قاتاڭ جونگە سالۋعا تاباندى بولىپ، باتىل تۇردە ءتارتىپتى قاتايتىپ، ستيلدى شىڭاپ، ءوزىن تەجەپ كوپ قامىن ويلاپ، قالتقىسىز ۇلەس قوسىپ، پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن جوعارى ساپالى ىسىلعان حالىق ساقشىلارى قوسىنىن كۇش سالا شىڭداۋ كەرەك.
دابىل قاعىلىپ ساپارعا شاقىرۋدا، ەسكەكتى قۇلاشتاپ ەسىپ، جەلكەن جايايىق. جاڭا تاريحي شارت - جاعدايدا، حالىق ساقشىلارى قوسىنى باس شۋجي شي جينپيڭنىڭ ءتالىمىنىڭ رۋحىن ادالدىقپەن امالياتتا ايگىلەپ، ساياسي حاۋىپسىزدىكتى قورعاۋ، قوعام اماندىعىن قورعاۋ، حالىقتىڭ اماندىعىن قامتاماسىز ەتۋ سىندى جاڭا داۋىردەگى بورىش پەن مىندەتتى شىن مانىندە ويداعىداي وتەپ، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جاڭا اناعۇرلىم زور ۇلەس قوسۋعا قۇلشىنۋ كەرەك.
(شينحۋا اگەنتتىگىنىڭ 8 - ايدىڭ 26 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
