بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

حالىق شارۋاشىلىعى اينالىمىن ىركىلىسسىزدەندىرۋدى نەگىز ەتىپ جاڭا دامۋ ارناسىن قالىپتاستىرايىق

− باس شۋجي شي جينپيڭنىڭ ەكونوميكا، قوعام سالاسىنداعى ماماندار اڭگىمە ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

2020.08.28 15:00     كەلۋ قاينارى : شينجياڭ گازەتى

  ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ءىشى - سىرتىنداعى ۇلكەن اۋقىمدى عىلمي مەڭگەرىپ، ەلىمىزدىڭ دامۋ كەزەڭىنىڭ، ورتاسىنىڭ، شارت - جاعدايىنىڭ وزگەرىسىنە نەگىزدەلە ەلىمىز ەكونوميكاسىنىڭ ورتا، ۇزاق مەرزىمدىك دامۋىن كوزدەي وتىرىپ جاسالعان ماڭىزدى ستراتەگيالىق ورنالاستىرۋ. 8 - ايدىڭ 24 - كۇنى باس شۋجي شي جينپيڭ باسقارىپ اشقان ەكونوميكا، قوعام سالاسىنداعى ماماندار اڭگىمە ماجىلىسىندە ورتا، ۇزاق مەرزىمدىك ەكونوميكالىق، قوعامدىق دامۋعا ساياتىن ەلەۋلى ماسەلەلەردى دۇرىس تانۋ جانە يگەرۋ كەرەكتىگىن جان - جاقتى، تەرەڭ بايانداپ، ”14 - بەسجىلدىق“ مەزگىلىندە ەلىمىزدىڭ جاڭا دامۋ كەزەڭىنە وتەتىندىگىن اتاپ كورسەتىپ، ەل ءىشى - سىرتىنداعى ورتانىڭ تەرەڭ وزگەرىسى ءبىرسىپىرا جاڭا ورايلار اكەلىپ قانا قويماي، ءبىرتالاي جاڭا سىن - سايىستار دا الا كەلەتىندىگىن باسا دارىپتەپ، حالىق شارۋاشىلىعى اينالىمىن ىركىلىسسىزدەندىرۋدى نەگىز ەتىپ جاڭا دامۋ ارناسىن قالىپتاستىرۋدى تالاپ ەتتى.

  قازىر دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، جاڭا كەزەكتى عىلىم - تەحنيكالىق توڭكەرىس پەن كاسىپ سالاسىنىڭ وزگەرىسى ارشىندى قاداممەن وركەندەۋدە. بۇرىن ەكونوميكانىڭ جاھاندانۋى تەرەڭدەي دامىعان سىرتقى ورتادا بازار مەن بايلىقتىڭ ەكەۋى دە سىرتتا بولۋ باسىمدىعىنان تولىق پايدالانۋ ەلىمىز ەكونوميكاسىنىڭ ۇزدىكسىز، جەدەل دامۋىندا ماڭىزدى رول اتقاردى. سوڭعى جىلدارى سىرتقى ورتانىڭ جانە ەلىمىز دامۋىنىڭ فاكتورلىق قاسيەتتەرىنىڭ وزگەرىسىنە مەڭزەس، بازار مەن بايلىقتىڭ ەكەۋى دە سىرتتا بولاتىن حالىقارالىق ۇلكەن اينالىمنىڭ قوزعاۋشى قۋاتى ايتارلىقتاي السىرەپ، ەلىمىز ىشكى سۇرانىسىنىڭ كومەسكى كۇشى ۇزدىكسىز ىسكە قوسىلىپ، ەل ىشىندەگى ۇلكەن اينالىمنىڭ ومىرشەڭدىك قۋاتى كۇن سايىن كۇشەيىپ، وبيەكتيۆ جاقتا ادام ەركىنە باعىنبايتىن ءبىرى ازايسا، ەندى ءبىرى كوبەيگەن اۋقىم جارىققا شىقتى. 2008 - جىلعى حالىقارالىق فينانس داعدارىسىنان بەرى، ەلىمىز ەكونوميكاسى ەل ىشىندەگى ۇلكەن اينالىمدى نەگىزگى تۇلعا ەتۋگە قاراي ويىستى، ۇنەمىلىك نىسانداردىڭ وڭ بالانىستىڭ ىشكى ءوندىرىستىڭ جالپى قۇنىمەن سالىستىرماسى 2007 - جىلداعى %9.9تەن قازىر %1كە جەتپەيتىن دەڭگەيگە دەيىن تومەندەپ، ىشكى سۇرانىستىڭ ەكونوميكالىق ارتۋعا قوسقان ۇلەس مولشەرى 7 جىل بويى %100تەن استى. الداعى ءبىر مەزگىلدە ەل ءىشى بازارىنىڭ حالىق شارۋاشىلىعى اينالىمىنا جەتەكشى بولۋ ەرەكشەلىگى اناعۇرلىم كورنەكتى بولىپ، ەكونوميكالىق ارتۋداعى ىشكى سۇرانىستىڭ كومەسكى قۋاتى ۇزدىكسىز جارىققا شىعادى.

  جاڭا دامۋ ارناسىن قالىپتاستىرۋدا ستراتەگيالىق ويلاۋدى، تومەنگى شەكتە ويلاۋدى، ديالەكتيكالىق ويلاۋدى كۇشەيتىپ، جاڭا دامۋ ارناسىن جەدەل قالىپتاستىرۋدىڭ كەلەلى ءمانىن، داۋىرلىك كورىنىسىن جانە باي ىشكى مازمۇنىن جان - جاقتى يگەرۋ كەرەك. باس شۋجي شي جينپيڭنىڭ بيىكتەن الىستى بولجاعان، جالپى جاعدايدى ءبىر تۇتاس مەڭگەرگەن ستراتەگيالىق كوز اياسىن تەرەڭ ءتۇسىنىپ، جاڭا دامۋ ارناسىن ەل ءىشى - سىرتىنداعى دامۋدىڭ ۇلكەن اۋقىمىمەن بايلانىستىرا وتىرىپ يگەرۋ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايىمەن جانە دۇنيە جۇزىندە 100 جىلدا بولماعان ۇلكەن وزگەرىسپەن بايلانىستىرا وتىرىپ ويلاستىرۋ كەرەك. قاتاڭ، كۇردەلى جاعداي الدىندا، ءسوز جوق، تومەنگى شەكتە ويلاۋعا تاباندى بولۋ كەرەكتىگىن، سىرتقى ورتانىڭ وزگەرىسىنە ۇزاق ۋاقىت توتەپ بەرۋدىڭ يدەيالىق دايىندىعى مەن قىزمەت دايىندىعىن ويداعىداي ىستەۋ كەرەكتىگىن تاني ءبىلۋىمىز كەرەك. سونىمەن بىرگە، ءبىز جولىققان كوپتەگەن ماسەلەلەر دە ورتا، ۇزاق مەرزىمدىك ماسەلەلەر، بۇل ماسەلەلەردى، ءسوز جوق، ۇزاققا سوزىلاتىن سوعىس جۇرگىزۋ تۇرعىسىنان تانۋ كەرەك. جاڭا دامۋ ارناسىن قالىپتاستىرۋ ءبىزدىڭ ورتا، ۇزاق مەرزىمدىك ماسەلەلەردى شەشۋدى كوزدەپ، ۇزاققا سوزىلاتىن سوعىس جۇرگىزۋ دايىندىعىن ويداعىداي ىستەۋ ءۇشىن جاساعان كەلەلى شەشىمىمىز، ارتۋدى ورنىقتىرۋ مەن حاۋىپ - قاتەردەن ساقتانۋدىڭ ۇزاق مەرزىمدىك تەپە - تەڭدىگىن جۇزەگە اسىرۋدىڭ ماڭىزدى جولى، ەلىمىزدىڭ حالىقارالىق سەلبەستىك پەن باسەكەدەگى جاڭا باسىمدىقتارىن قايتا تۇلعالاۋدىڭ ستراتەگيالىق تاڭداۋى بولىپ تابىلادى. تاعى مىنانى تاني بىلگەن ءجون: جاڭا دامۋ ارناسىنداعى ەل ءىشى مەن حالىقارا سىندى قوس اينالىم − ءبىر - بىرىمەن بايلانىستى، بىرىنە اۋىپ ءبىرىن تاستاۋعا بولمايتىن تۇتاس تۇلعا، مۇنى، ءسوز جوق، ديالەكتيكالىق ويلاۋمەن ءتۇسىنۋ جانە يگەرۋ كەرەك. كەزەكتەگى الەمدىك بازار تارايعان سىرتقى ورتادا ءبىز، ءسوز جوق، ەل ىشىندەگى ايرىقشا كەڭ كولەمدى بازار باسىمدىعىن تولىق ساۋلەلەندىرىپ، ەل ءىشى ەكونوميكاسىن گۇلدەندىرۋ، ەل ىشىندەگى ۇلكەن اينالىمدى ىركىلىسسىزدەندىرۋ ارقىلى ەلىمىزدىڭ ەكونوميكالىق دامۋىنا قوزعاۋشى كۇش ۇستەپ، سول ارقىلى دۇنيە ءجۇزى ەكونوميكاسىن جاندانۋعا جەتەكتەۋ كەرەك. سونىمەن بىرگە، مىنانى كورە بىلگەن دۇرىس: جاڭا دامۋ ارناسى استە توماعا - تۇيىق ەل ءىشى اينالىمى ەمەس، قايتا سىرتقا ەسىك اشقان ەل ىشىندىك، حالىقارالىق قوس اينالىم. ءدال باس شۋجي شي جينپيڭ اتاپ كورسەتكەندەي: ”ەلىمىزدىڭ دۇنيە ءجۇزى ەكونوميكاسىنداعى ورنى ۇزدىكسىز جوعارىلاپ، دۇنيە ءجۇزى ەكونوميكاسىمەن بايلانىسى اناعۇرلىم تىعىز بولىپ، باسقا مەملەكەتتەرگە ازىرلەيتىن بازار ورايى دا اناعۇرلىم كەڭەيىپ، حالىقارالىق تاۋاردى جانە فاكتوردى، بايلىقتى وزىنە تارتاتىن وراسان زور باۋراۋ ورىسىنە اينالادى“. ەل ىشىندەگى ۇلكەن اينالىمدى نەگىزگى تۇلعا ەتۋدە ىشكى سۇرانىستىڭ كومەسكى كۇشىن ساۋلەلەندىرۋ ارقىلى ەل ءىشى بازارى مەن حالىقارالىق بازاردى اناعۇرلىم ويداعىداي ۇلاستىرىپ، تۇتاستىرىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، اناعۇرلىم سەرپىندى، باياندى دامۋدى جۇزەگە اسىرۋ كەرەك.

  حالىق شارۋاشىلىعى اينالىمىن ىركىلىسسىزدەندىرۋدى نەگىز ەتىپ جاڭا دامۋ ارناسىن قالىپتاستىرۋدا ىشكى سۇرانىستى كەڭەيتۋدى ستراتەگيالىق تياناق ەتكەن شەشىمدەرىن، ورنالاستىرۋلارىن بۇلجىتپاي، ويداعىداي دايەكتىلەندىرۋ كەرەك. ىشكى سۇرانىس − ەلىمىزدىڭ ەكونوميكالىق دامۋىنىڭ نەگىزگى قوزعاۋشى كۇشى، ىشكى سۇرانىستى كەڭەيتۋ − حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدىڭ قاجەتتى تالابى. ىشكى سۇرانىستى كەڭەيتۋ ستراتەگياسىن تاباندىلىقپەن اتقارىپ، كەمەلدى ىشكى سۇرانىس جۇيەسىن جەدەل ورناتىپ، ىشكى سۇرانىستىڭ كومەسكى كۇشىن كۇش سالا ىسكە قوسۋ كەرەك. حالىق شارۋاشىلىعى اينالىمىن ىركىلىسسىزدەندىرۋدى نەگىز ەتۋدە رەفورمانىڭ قامال الۋ جانە جەتەكتەۋ رولىن ويداعىداي ساۋلەلەندىرىپ، رەفورماعا سۇيەنىپ دامۋداعى بوگەتتەردى تالقانداپ، دامۋدىڭ باسىمدىقتارىن شوعىرلاندىرىپ، دامۋدىڭ قوزعاۋشى كۇشىن نىعايتۋ كەرەك. قامداۋ جاعىنداعى قۇرىلىمدىق رەفورما سىندى ستراتەگيالىق باعدارعا تاباندى بولىپ، ىشكى سۇرانىستى كەڭەيتۋ سىندى ستراتەگيالىق تياناقتى مىقتاپ ۇستاپ، ءوندىرىستىڭ، ءبولىستىڭ، اينالىمنىڭ، تۇتىنۋدىڭ ەل ءىشى بازارىنا كوبىرەك سۇيەنۋىنە مۇمكىندىك جاساپ، قامداۋ جۇيەسىنىڭ ەل ءىشى سۇرانىسىنا ۇيلەسۋىن جوعارىلاتىپ، سۇرانىس قامداۋدى جەتەكتەيتىن، قامداۋ سۇرانىس تۋدىراتىن اناعۇرلىم جوعارى دەڭگەيدەگى اۋقىمدىق تەپە - تەڭدىك قالىپتاستىرۋ كەرەك.

  تاۋلار اسقار بولسا دا، ارمانى بار اسادى. حاۋىپ - قاتەر، سىن - سايىستار الدىندا، ءبىز ستراتەگيالىق تاباندىلىقتى ساقتاپ، وراي تانىمىن جانە حاۋىپ - قاتەر تانىمىن كۇشەيتىپ، نەعۇرلىم ماشاقاتتى، قيىن بولعان سايىن سولعۇرلىم العا ۇمتىلاتىن بەكىمدى جانە ەرىك - جىگەردى نىعايتىپ، داعدارىس ىشىنەن وراي ىزدەپ، داعدارىستى ورايعا اينالدىرىپ، جاڭا دامۋ ارناسىن جەدەل قالىپتاستىرساق بولعانى، جۇڭگو ەكونوميكاسىنىڭ دامۋ بولاشاعى اناعۇرلىم نۇرلى بولادى، ءسوز جوق، اناعۇرلىم نۇرلى بولادى دا.

  (شينحۋا اگەنتتىگىنىڭ 8 - ايدىڭ 26 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار