امانات - قارىز قامسىزداندىرۋ ساياساتىن شىعارىپ
ورتا، شاعىن، ۇساق كاسىپورىنداردىڭ قيىنشىلىقتارىن شەشۋىنە كومەكتەستى
2020.08.28 15:04 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 26 - كۇنى ۇرىمجىدەن حابارلايدى. ورتا، شاعىن، ۇساق كاسىپورىنداردىڭ دامۋىن ونان ارى سۇيەمەلدەۋ ءۇشىن، رايونىمىز امانات - قارىز ساياساتى، قامسىزداندىرۋدان قىزمەت وتەۋ ساياساتى سياقتى جاقتاردان ىسكە كىرىسىپ، ناقتى شارالار شىعارىپ، كاسىپورىنداردىڭ قيىنشىلىقتارىن شەشتى.
رايونىمىز جەكە ساۋدا - ونەركاسىپشىلەردىڭ شاعىن سوماداعى امانات - قارىز ساياساتىن تياناقتاندىردى. ىندەتتىڭ ىقپالىنا ۇشىراعان جەكە ساۋدا - ونەركاسىپشىلەر فينانس قۇرىلىمدارىنا كەپىلگە قويۋ، كەپىل ادام بولۋ كەشىرىم ەتىلگەن، 80 مىڭ يۋاننان تومەن، 6 اي ىشىندەگى شاعىن سوماداعى امانات - قارىزعا ءوتىنىش بەرە الادى، قارىزدىڭ ءوسىمى سايكەس مەزگىلدەگى بانكە قارىزىنىڭ بازار باعاسىنداعى ءوسىمى (LPR) بويىنشا اتقارىلادى، ۇكىمەت قازىنادان ءوسىمنىڭ ％50ىن كوتەرەدى. بۇل ساياسات 2021 - جىلى 3 - ايدىڭ 31 - كۇنىنە دەيىن ۇزارتىلدى، قاتىستى قارىزداردا ورتا، شاعىن، ۇساق كاسىپورىندار قارىزىنىڭ نەگىزگى اقشاسى مەن ءوسىمىن تولەۋ مەرزىمىن ۋاقىتتىق ۇزارتۋ جەڭىلدىك ساياساتىنان يگىلىكتەنۋگە بولادى؛ شاعىن، ۇساق كاسىپورىندارعا امانات - قارىز بەرۋدىڭ جالپى مولشەرىن ارتتىرۋ ساياساتىن تياناقتاندىردى. بانكە كاسىبىندەگى فينانس قۇرىلىمدارى شاعىن، ۇساق كاسىپورىنداردىڭ امانات - قارىزى، العاشقى قارىز، نەگىزگى اقشاسى قايتارىلماي تۇرىپ قارىزدى جالعاپ بەرۋ سالىستىرماسىن ارتتىرۋدى تياناقتاندىرىپ، حاۋىپ - قاتەر مەڭگەرىمدى جاعدايدا، العاش قارىز العاندار سانىنىڭ، شاعىن، ۇساق كاسىپورىنداردىڭ قارىزدى جالعاپ الۋ سالىستىرماسىنىڭ بىلتىرعىدان جوعارى بولۋىنا، جاڭادان بەرىلگەن امانات - قارىز ۇلەسىنىڭ ايتارلىقتاي جوعارىلاۋىنا كۇش سالىپ، جالپىعا ءتيىمدى شاعىن، ۇساق كاسىپورىندار قارىزىنىڭ جىلدىڭ باسىنداعى ارتۋ جىلدامدىعىنىڭ ءتۇرلى قارىزداردىڭ ورتاشا ارتۋ جىلدامدىعىنان تومەن بولماۋىنا، قارىزىنىڭ قالدىق سوماسى بارلاردىڭ جىلدىڭ باسىنداعى دەڭگەيدەن تومەن بولماۋىنا شىنايى كەپىلدىك ەتتى، مۇنىڭ ىشىندە، مەملەكەت مەنشىگىندەگى 5 ۇلكەن ساۋدا بانكەسىنىڭ جالپىعا ءتيىمدى ۇساق، شاعىن كاسىپورىندار امانات - قارىزىنىڭ ارتۋ جىلدامدىعى %40تەن جوعارى بولدى.
اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ ساياساتتاردى تياناقتاندىرۋ ارناۋلى گرۋپپاسىنىڭ جاۋاپتىسى جاڭ رۇڭنىڭ تانىستىرۋىنشا، رايونىمىز مەملەكەتتىڭ قاتىستى ساياساتتارىن ونان ارى تياناقتاندىرىپ، بانكە كاسىبىندەگى فينانس قۇرىلىمدارى شارتقا ۇيلەسەتىن، وتىمدىلىكتە ۋاقىتتىق قيىنشىلىققا ۇشىراعان ورتا، شاعىن، ۇساق كاسىپورىندار (جەكە ساۋدا - ونەركاسىپشىلەر قامتىلادى) قارىزىندا، مەرزىمىن ۇزارتۋ، جالعاپ قارىز بەرۋ سياقتى تاسىلدەرمەن كاسىپورىندارعا بەلگىلى مەرزىم ىشىندەگى نەگىزگى اقشانى قايتارۋ، ءوسىمىن تولەۋ ورنالاستىرۋىن بەرگەن.
”ىندەتتىڭ ىقپالىنا ۇشىراپ، تابىس كوزىنەن ۋاقىتتىق ايرىلعان جەكە ادامدارعا نەمەسە كاسىپورىندارعا، فينانس قۇرىلىمدارى رەتتەلگەننەن كەيىنگى قارىز قايتارۋ ورنالاستىرۋى بويىنشا سەنىمدىلىك ەستەلىگىن جولداۋىنا بولادى، مەرزىمى ءوتىپ كەتكەن قاتىستى قارىزدار مەرزىمى ءوتىپ كەتۋ ەستەلىگىنە الىنبايدى“، - دەيدى جاڭ رۇڭ.
قامسىزداندىرۋدان قىزمەت وتەۋ ساياساتتارىن كۇشەيتۋ جاعىندا، رايونىمىز قامسىزداندىرۋ قۇرىلىمدارىن قامسىزداندىرۋ تولەمدەرىن بەرۋ جاسىل ارناسىن اشۋعا ىنتالاندىرىپ، تولەم بەرۋ ءتارتىبىن ىقشامداپ، ىندەتتىڭ ىقپالىمەن زيانعا ۇشىراپ، قامسىزداندىرۋ تولەمىن الۋعا ءوتىنىش بەرگەن جەكە ساۋدا - ونەركاسىپشىلەردى تولەم بەرىلۋگە تيىستىلەرىنە مۇمكىندىگىنشە تولەم بەرۋدى، تەز تولەم بەرۋدى ورىندادى؛ جەكە ساۋدا - ونەركاسىپشىلەر قامسىزداندىرۋعا بەرگەندەردى ءوز ىشىنە العان بارلىق تيجارات سيپاتىنداعى اۆتوموبيلدەردىڭ قامسىزداندىرۋ ىستەرىنە، ىندەت كەزىندەگى قاتىناۋدان توقتاۋ نەمەسە قاتىناۋدى قالپىنا كەلتىرۋ بويىنشا قامسىزداندىرۋ شەگىن سايكەستى ۇزارتۋ ساياساتىن اتقارۋدى جالعاستىردى؛ جەكە ساۋدا - ونەركاسىپشىلەردىڭ ىندەت كەزىندە قامسىزداندىرۋعا بەرگەندەرىنە قامسىزداندىرۋ اقىسى مولشەرىن تومەندەتۋ سىندى جەڭىلدىك ساياساتىن بەردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
