بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

جوعارى دەڭگەيدە سىرتقا ەسىك اشۋ ارقىلى حالىقارالىق سەلبەستىك پەن باسەكەنىڭ جاڭا باسىمدىعىن تۇلعالايىق

− باس شۋجي شي جينپيڭنىڭ ەكونوميكا، قوعام سالاسىنداعى ماماندار اڭگىمە ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

2020.08.31 14:29     كەلۋ قاينارى : شينجياڭ گازەتى

  ەسىك اشۋ − مەملەكەتتىڭ كوركەيىپ دامۋىندا، ءسوزسىز، باسىپ وتەتىن جول. ەسىك اشۋ ارقىلى رەفورمانى جەبەۋ، دامۋدى جەبەۋ − ەلىمىزدىڭ وسىزاماندانۋ قۇرىلىسىندا ۇزدىكسىز جاڭا تابىستارعا جەتۋىندەگى ماڭىزدى اسىلى. جاقىندا اشىلعان ەكونوميكا، قوعام سالاسىنداعى ماماندار اڭگىمە ماجىلىسىندە، باس شۋجي شي جينپيڭ حالىقارالىق ەكونوميكانىڭ تۇتاسۋى مەن قارىم - قاتىناسى ءالى دە دۇنيە ءجۇزى ەكونوميكاسىنىڭ دامۋىنىڭ وبيەكتيۆ تالابى ەكەنىن ىشكەرىلەي اتاپ كورسەتىپ، حالىقارالىق سەلبەستىك پەن باسەكەنىڭ جاڭا باسىمدىعىن تۇلعالاۋ كەرەكتىگىن باسا دارىپتەدى.

  ەسىك اشۋ العا باستىرادى، توماعا تۇيىقتىق كەنجە قالدىرادى. ەلىمىز ەكونوميكاسىنىڭ ۇزدىكسىز جەدەل دامۋىنداعى ماڭىزدى ءبىر قوزعاۋشى كۇش − سىرتقا ەسىك اشۋ. رەفورما جاساپ، ەسىك اشقاننان بەرى، ءدال سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ەل ەسىگىن ايقارا اشىپ قۇرىلىس جۇرگىزگەندىكتەن، ءبىز جابىق، جارتىلاي جابىق بولۋدان جان - جاقتىلى ەسىك اشۋعا دەيىنگى ۇلى تاريحي بۇرىلىستى جۇزەگە اسىرىپ، دۇنيە جۇزىندەگى ەكىنشى ۇلكەن ەكونوميكالىق تۇلعاعا، جاساۋ سالاسىنداعى ءبىرىنشى ۇلكەن ءىرى ەلگە، زات ساۋداسىنداعى ءبىرىنشى ءىرى ەلگە، تاۋار تۇتىنۋداعى ەكىنشى ءىرى ەلگە، شەتەل قارجىسىن باۋراعان ەكىنشى ءىرى ەلگە، شەتەل اقشاسى قورى جاعىندا ءبىرىنشى ءىرى ەلگە اينالدىق. باس شۋجي شي جينپيڭ تالاي رەت مىنانى باسا دارىپتەدى: ”جۇڭگونىڭ اشقان قاقپاسى جابىلمايدى، قايتا ونان ارى ايقارا اشىلادى“. وتكەن 40 نەشە جىلدا جۇڭگو ەكونوميكاسىنىڭ دامۋىنا ەسىك اشۋ شارت - جاعدايىندا قول جەتكەن، بولاشاقتا جۇڭگو ەكونوميكاسىنىڭ جوعارى ساپالى دامۋى دا، ءسوز جوق، ونان ارى اشىق بولعان شارت جاعدايدا جۇرىلەدى. جۇڭگو ونان ارى دامىپ زورايامىن دەسە، ءسوز جوق، ەكونوميكانىڭ جاھاندانۋى اۋقىمىنا ىرىقتىلىقپەن ۇيلەسىپ، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولۋى كەرەك.

  كەزەكتە حالىقارالىق قوعام ەكونوميكانىڭ جاھاندانۋىنىڭ بولاشاعىنان نەداۋىر الاڭداپ وتىر. سوڭعى جىلدارى، ەكونوميكانىڭ جاھاندانۋى كەرەعار اعىسقا، كەرەعار داۋىلدارعا تاپ بولىپ، ەكونوميكا - ساۋدا قاجالىسى ۋشىعىپ، كەيبىر ەلدەردىڭ قورعامپازدىعى مەن سىڭار جاقتىلىعى باس كوتەردى. الايدا، ۇزاق بولاشاقتان قاراعاندا، ءارقايسى ەلدەردىڭ مۇددەسى بارىنشا توعىستى، ادامزات بەينەت پەن زەينەتتى بىرگە وتكەرەتىن تاعدىرلاس ورتاق تۇلعا، ەكونوميكانىڭ جاھاندانۋى ءالى دە تاريحي اعىم، ءار ەلدىڭ جۇمىستى ءبولىسىپ الىپ سەلبەستىك جاساۋى، ءوزارا تيىمدىلىك جەتكىزىپ، ورتاق يگىلىككە كەنەلۋى ۇزاق مەرزىمدىك بەتالىس. ءبىز تاريحتىڭ دۇرىس جاعىندا تۇرۋىمىز، ەكونوميكانىڭ جاھاندانۋىنىڭ قارسى اعىسىنا ءدوپ كەلگەن سايىن، ادامزاتتىڭ تاعدىرلاس ورتاق تۇلعاسىن قۇرۋ تۋىن اناعۇرلىم بيىك ۇستاپ، ەكونوميكانىڭ جاھاندانۋىن بۇلجىماستان قورعاپ جانە وعان جەتەكشىلىك ەتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋىمىز كەرەك.

  بۇگىنگى تاڭدا، ەلىمىز دامۋىنىڭ ىشكى شارت - جاعدايى مەن سىرتقى ورتاسىندا تەرەڭ دە كۇردەلى وزگەرىستەر تۋىلۋدا. ىشكە قاراساق، ەلىمىز قوعامىنىڭ نەگىزگى قايشىلىعىندا تاريحي وزگەرىس تۋىلىپ، دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى بولىپ، قۇرىلىمدىق، تۇزىلىستىك، پەريودتىق ماسەلەلەردىڭ ءوزارا كىرىگۋى الا كەلگەن قيىندىقتار مەن سىن - سايىستارعا ءدوپ كەلىپ وتىر. سىرتقا قاراساق، دۇنيە ءجۇزى اۋمالى - توكپەلى وزگەرىس مەزگىلىنە كىردى، حالىقارالىق ورتا كۇن سايىن كۇردەلىلەسىپ، ورنىقسىزدىق، تۇراقسىزدىق كورنەكتى كۇشەيدى. قاتاڭ دا كۇردەلى اۋقىمعا ءدوپ كەلگەن سايىن، ستراتەگيالىق تاباندىلىقتى ساقتاپ، وراي تانىمى مەن حاۋىپ - قاتەر تانىمىن كۇشەيتىپ، جەلگە قارسى جەلكەن كوتەرۋگە باتىل بولىپ، داعدارىستى ورايعا اينالدىرۋعا شەبەر بولىپ، جوعارى دەڭگەيدە سىرتقا ەسىك اشىپ، حالىقارالىق سەلبەستىك پەن باسەكەنىڭ جاڭا باسىمدىعىن تۇلعالاۋ كەرەك. سىرتقا ەسىك اشۋدى تاباندىلىقپەن كەڭەيتىپ، سىرتقا ەسىك اشۋ دەڭگەيىن جاپپاي جوعارىلاتىپ، اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرىپ، حالىقارالىق سەلبەستىك پەن باسەكەنىڭ جاڭا باسىمدىعىن تۇلعالاۋىمىز كەرەك. كوپ جاقتىلىق پەن حالىقارالىق قاتىناستاردى دەموكراتيالاندىرۋعا تاباندى بولىپ، الەمدىك ەكونوميكالىق جونگە سالۋ جۇيەسى رەفورماسىنا بەلسەنە ات سالىسىپ، اناعۇرلىم ءادىل دە ۇيلەسىمدى حالىقارالىق ەكونوميكالىق جونگە سالۋ جۇيەسىن ىلگەرىلەتۋ، كەمەلدەندىرۋ كەرەك.

  باس شۋجي شي جينپيڭ سوزىندە مىنانى اتاپ كورسەتتى: كەزەكتە سىرتقا ەسىك اشۋدى ىلگەرىلەتۋدە مىنا 2 تۇيىنگە كوڭىل ءبولۋ كەرەك: ءبىرىنشى، بىزبەن سەلبەسۋدى قالايتىن مەملەكەتتەرمەن، رايوندارمەن جانە كاسىپورىندارمەن، جۇيەدەن، امەريكانىڭ شتاتتارىمەن، جەرگىلىكتى ورىندارىمەن جانە كاسپورىندارىمەن بەلسەنە سەلبەستىك ورىستەتىپ، جان - جاقتى، كوپ ساتىلى، كوپ نەگىزدى ەسىك اشۋ سەلبەستىگى ارناسىن قالىپتاستىرۋىمىز كەرەك. ەكىنشى، ەسىكتى سىرتقا نەعۇرلىم اشقان سايىن حاۋىپسىزدىككە سولعۇرلىم ءمان بەرىپ، دامۋ مەن حاۋىپسىزدىكتى سولعۇرلىم ءبىر تۇتاس ويداعىداي جوسپارلاپ، وزىندىك باسەكەلىك قابىلەتتى، ەسىك اشۋدى باقىلاۋ - باسقارۋ قابىلەتىن، حاۋىپ - قاتەردەن ساقتانۋ - تىزگىندەۋ قابىلەتىن كۇش سالا ارتتىرىپ، مۇقالماس قۇرىش تۇلعا سومداۋ كەرەك. بۇل بىزدەن، ءارى ەسىك اشۋ، سەلبەستىك جاساسۋ، بىرگە يگىلىككە كەنەلۋ پەيىلىمەن دامۋدى كوزدەپ، ەل ءىشى بازارى مەن حالىقارالىق بازاردىڭ اناعۇرلىم ويداعىداي تۇتاسۋىنا مۇمكىندىك جاساپ، حالىقارا، ەل ءىشى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، اناعۇرلىم قۋاتتى باياندى دامۋدى جۇزەگە اسىرۋدى، ءارى حاۋىپسىز دامۋ ۇستانىمىن بەرىك ورناتىپ، حاۋىپسىز دامۋ ءتۇزىلىسىن، مەحانيزمىن جەدەل كەمەلدەندىرىپ، قاتىستى ولقىلىقتاردى تولىقتاۋ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن قورعاۋ، ەلەۋلى حاۋىپ - قاتەرلەردەن ساقتانۋ جانە جويۋ قىزمەتىن بەلسەندى تۇردە ويداعىداي ىستەۋدى تالاپ ەتەدى.

  سانسىز تارماق اعىندار قوسىلعاندا عانا، شالقار تەڭىزگە، الىپ دارياعا اينالادى. جۇڭگونىڭ دامۋى دۇنيە جۇزىنەن ايرىلا المايدى، دۇنيە ءجۇزىنىڭ گۇلدەنۋى دە جۇڭگونى قاجەت ەتەدى. ەل ءىشى - سىرتىنداعى ۇلكەن اۋقىمدى مەڭگەرىپ، ەكى كەلەلى جاعدايدى ءبىر تۇتاس جوسپارلاپ، ءوزارا پايدا جەتكىزىپ، بىرگە يگىلىككە كەنەلۋ سىندى ەسىك اشۋ ستراتەگياسىن اتقارىپ، اناعۇرلىم بەلسەندى دە ءىس تىندىرار ارەكەتپەن جوعارى دەڭگەيدە سىرتقا ەسىك اشۋدى ىلگەرىلەتىپ، اناعۇرلىم جوعارى ساتىداعى اشىق ەكونوميكانى دامىتساق، ءبىز، ءسوز جوق، سىرتقا ەسىك اشاتىن ىرىقتىلىق ارقىلى ەكونوميكا دامۋىنىڭ ىرىقتىلىعىنا، حالىقارالىق باسەكەنىڭ ىرىقتىلىعىنا قول جەتكىزىپ، دامۋدىڭ جاڭا باسىمدىعىن تۇلعالاپ، دامۋدىڭ جاڭا جاعدايىن اشا الامىز.

  (شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار