الاتاۋ ساعاسى ارقىلى قايتا تاسىمالدانعان زات مولشەرى بىلتىرعى جالپى مولشەردەن استى
جۇڭگو - ەۆروپا كەزەكشى پويەزدارىنىڭ يمپورت زات تاسىمال مولشەرى تۇڭعىش رەت ميلليون توننادان استى
2020.09.01 16:00 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى ءتىلشىسى چىن چياڭۋي 8 - ايدىڭ 30 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، 8 - ايدىڭ 26 - كۇنىنە دەيىن بيىل الاتاۋ شەكارا وتكەلىنەن وتكەن جۇڭگو - ەۆروپا كەزەكشى پويەزدارىنىڭ يمپورت - ەكسپورت زات تاسىمال مولشەرى 2 ميلليون 116 مىڭ 900 تونناعا جەتكەن، مۇندا يمپورت ءبىر ميلليون 106 مىڭ 100 توننا بولىپ، يمپورت زات تاسىمال مولشەرى تۇڭعىش رەت ميلليون توننادان اسقان.
الەمنىڭ كوپ جەرىندە ىندەت تارالعاننان بەرى تەڭىز تاسىمالى مەن اۋە تاسىمالى ءبىرشاما زور ىقپالعا ۇشىرادى، جۇڭگو - ەۆروپا كەزەكشى پويەزدارى ۋاقىت ونىمدىلىگى تەز بولۋ، كۇن رايىن تالعاماۋ، ءبولىپ تاسىمالداۋداي ەرەكشە ارتىقشىلىعىنا سۇيەنە وتىرىپ، ازيا - ەۆروپا ۇلى قۇرلىعىن تۇتاستىراتىن باستى كوپىرگە جانە ارناعا اينالدى ءارى ”ءبىر بەلدەۋ، ءبىر جول“ بويىنداعى ەلدەردىڭ كاسىپ سالاسى تىزبەگىن، قامداۋ تىزبەگىن ورنىقتىرۋدىڭ، ەل ءىشى جانە حالىقارا سىندى قوس اينالىمعا قىزمەت وتەۋدىڭ، حالىقارالىق ىندەتتەن ساقتانۋ سەلبەستىگىنە كۇش ۇستەۋدىڭ ماڭىزدى دانەكەرىنە اينالدى.
”بيىل جىل باسىنان بەرى، الاتاۋ شەكارا وتكەلى ارقىلى شەكارادان كىرىپ - شىققان جۇڭگو - ەۆروپا كەزەكشى پويەزدارىنىڭ سانى ءۇرتىس جەدەل ارتۋ كۇيىن ساقتادى، مۇندا 4 - ايدان 7 - ايعا دەيىن شەكارا وتكەلىنەن ءبىر ايدا شەكارادان كىرىپ - شىعۋدىڭ ەڭ جوعارى تاريحي ساندى مالىمەتى ءۇرتىس جاڭالانىپ وتىردى. قايتقان كەزەكشى پويەزداردىڭ زات تاسىمال مولشەرى دە وتكەن جىلدارداعىدان وزگەشە بولىپ، قاۋىرت جوعارىلاۋ بەتالىسى جارىققا شىقتى. 8 - ايدىڭ 26 - كۇنىنە دەيىن كەزەكشى پويەزداردىڭ يمپورت - ەكسپورت زات تاسىمال مولشەرى بىلتىرعى تۇتاس جىلداعىنىڭ ％97.5ىنە جەتتى. قايتا تاسىمالداعان زات مولشەرى بىلتىرعى جالپى مولشەردەن استى“، - دەدى الاتاۋ وتكەلى كەدەنى باقىلاۋ - باسقارۋ 2 - ءبولىمىنىڭ ءبىرىنشى دارەجەلى اكىمشىلىك زاڭ اتقارۋشىسى يىنحۋ فيشۋە.
قايتقان كەزەكشى پويەزدارعا تيەلگەن زاتتار، باستىسى، يمپورت اۆتوموبيلدەر، بوبەكتەر ازىقتارى، ونەركاسىپ شيكىزاتتارى جانە جابدىقتارى، ءۇي ەلەكتر جابدىقتارى، اعاش سياقتىلار، نەگىزىنەن شي - ان، چۇڭچيڭ، چىڭدۋ، جىڭجوۋ سياقتى ەل ىشىندەگى 13 قالاعا تاسىمالدانادى.
8 - ايدىڭ 26 - كۇنىنە دەيىن الاتاۋ شەكارا وتكەلى ارقىلى شەكارادان كىرىپ - شىققان جۇڭگو - ەۆروپا كەزەكشى پويەزدارى 3000نان اسىپ، 3018گە جەتىپ، سايكەس مەزگىلدەگىدەن ％41 ارتىپ، بىلتىرعىمەن سالىستىرعاندا 80 كۇن بۇرىن 3000 كەزەكتەن اسىپ، تاسىمالداعان زاتتارىنىڭ قۇنى 105 ميلليارد 740 ميلليون يۋانعا جەتكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
