مىڭ شاقىرىمعا تۇتاسقان رەليستەن دۇرسىلدەگەن دىبىس شىقپايتىن بولدى
گولمۋد - كورلا تەمىر جولىنىڭ تۇتاس جەلىسى ۇزىن رەليسپەن جىمداستىرىپ تۇتاستىرىلدى
2020.09.01 16:01 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لۋ فىڭباۋ، ەرىكتى ءتىلشى لەي حاۋ 8 - ايدىڭ 30 - كۇنى ۇرىمجىدەن حابارلايدى. جۇڭگو تەمىر جولى 1 - مەكەمەسى توبىنىڭ گولمۋد - كورلا تەمىر جولى رەليس توسەۋ - سالۋ نىسانى بولىمىنەن ۇعىسۋعا قاراعاندا، 8 - ايدىڭ 25 - كۇنى گولمۋدتان كورلاعا دەيىنگى تەمىر جولدىڭ شينجياڭ بولىگىندە ۇزىن رەليستى اۋىستىرىپ جىمداستىرىپ توسەۋ قىزمەتى اياقتالىپ، گولمۋد - كورلا تەمىر جولىنىڭ تۇتاس جەلىسىندە ”مىڭ شاقىرىمدىق رەليستى جىمداستىرىپ توسەۋ“ جۇزەگە اسىرىلدى، ىسكە قوسىلعاننان كەيىن پويەز دوڭعالاعى مەن رەليستىڭ جاناسۋىنان شىعاتىن ”دۇرسىلدەگەن“ دىبىس ەستىلمەيتىن بولادى.
جۇڭگو تەمىر جولى 1 - مەكەمەسى توبى گولمۋد - كورلا تەمىر جولى رەليس توسەۋ نىسانى ءبولىمىنىڭ ديرەكتورى حۋاڭ كىجۇن بىلاي دەدى: سوڭعى جىلدارى ەلىمىزدىڭ ادەتتەگى جىلدامدىقتاعى تەمىر جولىنىڭ ۇزدىكسىز جىلدامدىعىن كوتەرىپ، دارەجەسىن جوعارىلاتۋىنا بايلانىستى 500 مەترلىك ۇزىن رەليس بىرتىندەپ ءداستۇرلى قىسقا رەليستىڭ ورنىن باسا باستادى. جوبا بويىنشا گولمۋد - كورلا تەمىر جولىنىڭ تۇتاس جەلىسىنە توسەلگەن بولات رەليس 500 مەترلىك ۇزىن رەليس، ءاربىر ۇزىن رەليس جىمداستىرىلىپ دانەكەرلەۋ ارقىلى تۇتاستىرىلىپ، تۇتاس جەلىسىندە جالپى ۇزىندىعى 7. 1213 كيلومەتر كەلەتىن جىمداستىرىلىپ توسەلگەن رەليس قالىپتاسادى. شينجياڭ بولىگىندە جول بويى كوپتەگەن تۋنەلدەر مەن كوپىرلەر بار، شارت - جاعداي شەكتەمەسىمەن تىكەلەي 500 مەترلىك ۇزىن رەليس توسەۋگە كەلمەيدى، وسى سەبەپتى، الدىمەن قىسقا رەليس توسەلىپ، ارتىنان ۇزىن رەليس اۋىستىرىپ توسەۋ ءادىسى قولدانىلىپ ىلگەرىلەتىلدى. 500 مەترلىك ۇزىن رەليس ىشكى ولكەدەن الىس ارالىقتا كورلاعا جەتكىزىلدى، ءبىر جولعا 7 كۇن اينالاسىندا ۋاقىت كەتتى.
گولمۋد - كورلا تەمىر جولىنىڭ شينجياڭ بولىگىندە 2017 - جىلى 6 - ايدىڭ 3 - كۇنى كورلادان باستاپ رەليس توسەلىپ، اۋىستىرىپ توسەۋ ءادىسى قولدانىلىپ قۇرىلىس جۇرگىزىلگەن، الدىمەن 25 مەترلىك قىسقا رەليس توسەلىپ، ارتىنان 500 مەترلىك ۇزىن رەليس اۋىستىرىپ توسەلگەن. 7 - ايدىڭ 21 - كۇنى گولمۋد - كورلا تەمىر جولىنىڭ شينجياڭ بولىگىندە قىسقا رەليس توسەۋ قۇرىلىسى اياقتالىپ، چيڭحاي بولىگىندەگى تەمىر جولمەن تۇتاستىرۋ جۇزەگە اسىرىلعان. وسىدان كەيىن قۇرىلىسشىلار ۇزىن رەليستى اۋىستىرىپ توسەۋ قىزمەتىن جەدەل ورىستەتتى، 8 - ايدىڭ 25 - كۇنى ۇزىن رەليس توسەۋ اياقتالىپ، شينجياڭ بولىگى مەن چيڭحاي بولىگىندەگى ۇزىن رەليستى تۇتاستىرۋ جۇزەگە اسىرىلدى.
25 مەتر ۇزىندىقتاعى قىسقا رەليس توسەلگەن تەمىر جولدا بولات رەليس پەن بولات رەليستىڭ اراسىندا بەلگىلى جاپسار قالادى، ورناتۋ قولايلى بولعانىمەن، پويەز جۇرگەن كەزدە ”دۇرسىلدەگەن“ دىبىس شىعادى، پويەز سالىستىرمالى تۇردە ورنىقسىز بولادى. وسى رەت گولمۋد - كورلا تەمىر جولىنىڭ تۇتاس جەلىسى ۇزىن رەليسپەن تۇتاستىرىلۋى پويەزدىڭ جىلدامدىعىن جوعارىلاتۋعا مۇمكىندىك جاساپ قانا قالماي، پويەزدىڭ ءجۇرىسىن اناعۇرلىم ورنىقتى دا تىنىش ەتەدى، پويەز بارىنشا جايلى بولادى“، - دەدى حۋاڭ كىجۇن.
گولمۋد - كورلا تەمىر جولى − مەملەكەتتىك ءتۇيىندى تەمىر جول قۇرىلىسى نىسانى، چيڭحاي ولكەسىنىڭ گولمۋدىنان باتىسقا قاراي ۇتۇ - ءمورىندى، گانسىندى، حۋاتۋگوۋدى باسىپ، التىنتاۋدان اسقاننان كەيىن شينجياڭعا كىرەدى. قازىر تۇتاس جەلىسىن ۇزىن رەليسپەن تۇتاستىرۋ جۇزەگە اسىرىلدى، شينجياڭ بولىگى وسى جىل ىشىندە اشىلىپ، ىسكە قوسىلادى، سول كەزدە شينجياڭدا لانجوۋ - شينجياڭ تەمىر جولى مەن لانجوۋ - شينجياڭ جولاۋشى ارناۋلى جەلىسىن نەگىزگى ارنا، ەزەنە - قۇمىل تەمىر جولىن سولتۇستىك ارنا، گولمۋد - كورلا تەمىر جولىن وڭتۇستىك ارنا ەتكەن ”ءبىر نەگىزگى، ەكى قوسىمشا“ قاتىناس ارناسى قالىپتاسادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
