تۇتاس شينجياڭنىڭ جەر - جەرى اۋىل شارۋاشىلىق ونىمدەرىن ساتۋ ارناسىن كەڭەيتتى
□ گازەتىمىزدىڭ جالپىلىق اقپارات قۇرالدارى ءتىلشىسى جاڭ جىلي، ەرىكتى ءتىلشى ليۋ ۋيبين، جوۋ جينحۇي
2020.09.01 16:02 كەلۋ قاينارى : شينجياڭ گازەتى
قازىر جەمىس - جيدەك ىلگەرىندى - كەيىندى پىستى، كوكونىس ىركەس - تىركەس بازارعا شىعارىلدى، مال مەن ءۇي قۇستارى بازارعا سالىندى. رايونىمىزدىڭ جەر - جەرى ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، ءتۇرلى جاقتاردىڭ كۇشىن جۇمىلدىرىپ، ساتۋ ارناسىن جان - جاقتىلى، كوپ ساتىلى كەڭەيتىپ، ساپالى اۋىل شارۋاشىلىق ونىمدەرى ءوندىرىس بۋىندارىنان تۇتىنۋ بۋىندارىنا قاراي توقتاۋسىز جەتكىزىلىپ، بازار قامداۋىنىڭ جەتكىلىكتى بولۋىنا، شارۋالار كىرىسىنىڭ ورنىقتى ارتۋىنا شىنايى كەپىلدىك ەتتى.
التاي ايماعى، قاشقار ايماعى، بايىنعولين موڭعۇل اۆتونوميالى وبلىسى، سانجى حۇيزۋ اۆتونوميالى وبلىسى سياقتى جەرلەر ساتۋ ارناۋلى القاسىن قۇرىپ، شارۋا وتباسىلارىن تۇيىننەن - تۇيىنگە دەيىن اۋىل شارۋاشىلىق ونىمدەرىن جيناۋعا ۇيىمداستىرىپ، ءوندىرىس كاسىپورىندارىن، ساۋدا - ساتتىق اينالىم كاسىپورىندارىن شارۋالار كاسىپتىك سەلبەستىك كووپەراتيۆتەرى سياقتىلارمەن ۇشتاسۋعا سايكەستىرىپ، ورنىقتى ءوندىرۋ - ساتۋ سەلبەستىك قارىم - قاتىناسىن ورناتتى.
”بيىل المۇرتتى جاقسى باعادا ساتتىق، بۇل ۇكىمەتتىڭ اۋىل شارۋاشىلىعى ونىمدەرىن ساتۋ تۇعىرىن قۇرعاندىعىنىڭ ارقاسى“. 8 - ايدىڭ 26 - كۇنى بۋىرشىن اۋدانى قوستىق قالاشىعى اقتەرەك قىستاعىنداعى جەمىس - جيدەك ەگەتىن شارۋا يىن شيانجۇن: ”وتباسىمىز ەككەن 100 مۋدان استام جەردەگى شىعىس تەرىستىك المۇرتىنىڭ بارلىعىنا تاپسىرىس بەرىلىپ بولدى“، - دەدى. وسى اۋداننىڭ اۋىل شارۋاشىلىعى، اۋىل - قىستاق مەكەمەسى اۋىل شارۋاشىلىعى قوسىمشا ونىمدەرى كاسىپورىندارىمەن، سەلبەستىك كووپەراتيۆتەرىمەن، اۋىل شارۋاشىلىق ونىمدەرى ساۋدا بازارلارىمەن، ەرەن بازارلارىمەن بىرلەسىپ ارەكەتتەنىپ، ينتەرنەت جەلىسىندەگى، ينتەرنەت جەلىسىنەن تىس كۇشتەردى توعىستىرىپ ساتۋ ارنالارىن كەڭەيتىپ، جەرگىلىكتى ورىنداعى اۋىل شارۋاشىلىق ونىمدەرىنىڭ ويداعىداي ساتىلۋ جولىن اشتى.
8 - ايدىڭ 25 - كۇنى ياركەن اۋدانى زەرىپشات تاجىك اۋىلى زەرىپشات قىستاعىنداعى شينمەي ساتىپ الۋ ورنىندا شينجياڭ جياڭگوداۋ ساۋدا - ساتتىق شەكتى سەرىكتەستىگىنىڭ جاۋاپتىسى چىڭ زۋشۋان جۇمىسشىلارمەن بىرگە شينمەي ءۇزدى. ”ساتىپ الۋ ورنىنداعى قىزمەتكەرلەردىڭ تاماعى، جاتاعى، شينمەي تاسىمالداۋ سياقتى ماسەلەلەردىڭ بارلىعىن ياركەن اۋداندىق اۋىل شارۋاشىلىعى، اۋىل - قىستاق مەكەمەسى كومەكتەسىپ شەشىپ بەردى. ۇكىمەتتىڭ شارالارى كۇش ۇستەپ، ءبىزدىڭ جانە شارۋالاردىڭ كوڭىلىن ورنىقتىردى“، - دەدى چىڭ زۋشۋان.
ياركەن اۋدانى اۋىل شارۋاشىلىق ونىمدەرىمەن قامداۋعا كەپىلدىك ەتۋ شارالارىن بەلگىلەپ، گرۋپپالارعا، اۋماقتارعا ءبولىپ، تۇيىننەن - تۇيىنگە ۇشتاسۋ ءتاسىلى بويىنشا اۋىل شارۋاشىلىق وندىرىسىنە جانە ساتۋ بۋىندارىنا قىزمەت وتەۋدى ورىستەتىپ، ساتىپ الۋشى ساۋداگەلەردى اۋىل - قىستاقتارعا كەلىپ ساتىپ الۋعا باستاپ، مەملەكەت مەنشىگىندەگى كاسىپورىنداردىڭ كوكونىستەردى ساتىپ الىپ ساقتاۋ، جەتكىزىپ بەرۋ رولىن ساۋلەلەندىرىپ، ءارقايسى اۋىل - قالاشىقتاردىڭ جاستاي ساقتاۋ قامبالارىنان پايدالانىپ، جەمىس - جيدەك، كوكونىستەردى ساتۋ ۋاقىتىن ۇزارتتى، ت.ب. قازىر تۇيىننەن - تۇيىنگە ۇشتاسۋ ءتاسىلى بويىنشا 135 اۆتوكولىك قابىلداپ، 3143 توننا شينمەي ساتتى.
الما باعىنىڭ جەر اۋدانى 100 مىڭ مۋدان اساتىن ونسۋ اۋدانىندا ۇكىمەت الما ونىمدەرىن ساتىپ الۋ جولحاتىن ءبىتىرۋدىڭ ”جاسىل ارناسىن“ اشىپ، جەمىس - جيدەك مانەرلەۋ سەلبەستىك كووپەراتيۆتەرى، جەرگىلىكتى ورىنداعى الما ونىمدەرىن ساتىپ الۋشى دەلدالدار، سىرت جەرلەردەگى ساتىپ الۋشى ساۋداگەرلەر سياقتىلاردىڭ قاتىناۋى قيىن بولۋ ماسەلەسىن شەشىپ، المانىڭ بەيجيڭ، شىنجىن سياقتى قالالارعا ساتىلۋىنا شىنايى كەپىلدىك ەتتى.
”ينتەرنەت +“ ۇلگىسىنىڭ قولدانىلۋ كولەمىنىڭ بارعان سايىن كەڭەيۋىنە ىلەسە، رايونىمىزداعى اۋىل - شارۋاشىلىق ونىمدەرىنىڭ ساتىلۋ فورماسىندا دا ۇزدىكسىز جاڭالىق اشىلدى.
جۇڭگو پوچتا توبى شەكتى سەرىكتەستىگى ىلە قازاق اۆتونوميالى وبلىستىق بولىمشە سەرىكتەسىتىگى ”كەلىسىمەن دەرەۋ جەتكىزىپ بەرۋ“، پوچتا ۋيچات دۇكەنى تاسىلىنەن پايدالانىپ، جاڭا اۋىل شارۋاشىلىق ونىمدەرىن وتباسىلارعا جەتكىزىپ بەرۋگە شىنايى كەپىلدىك ەتتى. 8 - ايدان بەرى، ىلە وبلىسىنا توتە قاراستى ورىندار ەلەكتروندى ساۋدا تۇعىرى ارقىلى جيىنى 9 ميلليون 480 مىڭ يۋاندىق اۋىل شارۋاشىلىق ونىمدەرىن ينتەرنەت جەلىسىندە ساتۋعا جەتەكشىلىك ەتتى.
قۇمىل قالاسىنداعى ساۋدا ەرەن بازارلارى، اۋىل شارۋاشىلىق ونىمدەرىن ساتۋ تۇيىندەرى ينتەرنەت جەلىسىندە جەتكىزىپ بەرۋ تۇعىرىمەن بىرلەسىپ، ”ينتەرنەت جەلىسىندە تاپسىرىس بەرۋ، ينتەرنەت جەلىسىنەن تىس جەتكىزىپ بەرۋ“، ”باسقالارعا كومەكتەسىپ وكىلەتتى ساتىپ الۋ“ كاسىبىن ورىستەتىپ، تۇرعىندار وتباسىنان شىقپاي - اق قولايلى تۇرمىستىق قىزمەت وتەۋدەن يگىلىكتەندى، سونىمەن بىرگە اۋىل شارۋاشىلىق ونىمدەرىنىڭ ساتىلۋىن جەبەدى.
اقسۋ ايماعى اۋىل شارۋاشىلىق ونىمدەرىن ساتۋدىڭ ”ءتۇيىن، جەلى، اۋماق، كولەم“ قىزمەت ماحانيزمىن ورناتىپ، شارۋا وتباسىلارى ءوندىرىس ”ءتۇيىنىن“ ورنىقتىرىپ، تاراۋلاردىڭ تاسىمال ”جەلىسىن“ ۇشتاستىرىپ، اۋىل - قالاشىقتاردىڭ ەكونوميكالىق ”اۋماعىن“ قالىپتاستىرىپ، بازاردا ساتىلۋ ”كولەمىن“ كەڭەيتىپ، ”ءۇش تاپسىرىس ءتۇزىمى“ بويىنشا جەتكىزىپ بەرۋ فورماسىن (تاپسىرىس بەرۋ، تاپسىرىسپەن قامداۋ، تاپسىرىستى جەتكىزۋ) جولعا قويدى. 7 - ايدىڭ 27 - كۇنىنەن قازىرگە دەيىن جەرگىلىكتى ەلەكتروندى ساۋدا كاسىپورىندارى 4131 توننا اۋىل شارۋاشىلىق ونىمدەرىن ساتىپ الدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
