شينجياڭ ۇيعۇر اۆتونوميالى رايوندىق حالىق ۇكىمەتى 96 - رەتكى ۇنەمىلىك ىستەر ءماجىلىسىن اشتى
2020.09.01 16:03
شينجياڭ گازەتى جالپىلىق اقپارات قۇرالدارى ءتىلشىسى ۋاڭ يۇڭفي 8 - ايدىڭ 30 - كۇنى ۇرىمجىدەن حابارلايدى. 8 - ايدىڭ 30 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 96 - رەتكى ۇنەمىلىك ىستەر ءماجىلىسىن باسقارىپ اشىپ، اۆتونوميالى رايوننىڭ سىرتقى ساۋدانى ورنىقتىرۋ، سىرتقى قارجىنى ورنىقتىرۋ، جاراتىلىستىق اپاتتىڭ جالپىلىق حاۋىپ - قاتەرىن جاپپاي تەكسەرۋ جانە استىق حاۋىپسىزدىگىنە ولكە باستىعى جاۋاپتى بولۋ ءتۇزىمىن باعالاۋ سياقتى قىزمەتتەردى اقىلداسىپ ورنالاستىردى.
سىرتقى ساۋدا، سىرتقى قارجى رايونىمىزدىڭ ەكونوميكالىق دامۋىندا ماڭىزدى ورىندا تۇرادى، سىرتقى ساۋدانى، سىرتقى قارجىنى ورنىقتىرۋ ”التىنى ورنىقتىرۋ“ قىزمەتىن ويداعىداي ىستەۋدىڭ، ”التىنى قامتاماسىز ەتۋ“ مىندەتىن تياناقتاندىرۋدىڭ ماڭىزدى مازمۇنى. ءماجىلىس مىنالاردى تالاپ ەتتى: ءارقايسى ايماقتاردىڭ، وبلىستاردىڭ، قالالاردىڭ قاتىستى تاراۋلارى مەملەكەت پەن اۆتونوميالى رايوننىڭ سالىقتى ازايتۋ، اقىنى تومەندەتۋ، جۇمىستاندىرۋ، جۇمىس ورنىن ورنىقتىرۋ، فينانستىق قولداۋدى كۇشەيتۋ سياقتى كاسىپورىندارعا تيىمدىلىك جاساۋ، كاسىپورىندارعا كومەك كورسەتۋ ساياساتتىق شارالارىن جالپى بەتتىك تياناقتاندىرىپ، ەل ىشىندەگى قارجى قوسقان كاسىپورىندار مەن شەتەل قارجى قوسقان كاسىپورىنداردىڭ كاسىپورىندارعا كومەكتەسۋ، قيىندىقتان ارىلتۋ ساياساتىنان تەڭ تۇرعىدا يگىلىكتەنۋىنە شىنايى كەپىلدىك ەتۋ كەرەك. سونىمەن بىرگە، سىرتقى ساۋدا، شەتەل قارجى قوسقان كاسىپورىندارمەن بەتپە - بەت كەڭەسۋدى، اۋىس - كۇيىس جاساۋدى كۇشەيتىپ، كاسىپورىنداردىڭ ماسەلەنى اڭىس ەتۋ جانە شەشۋ جولىن اناعۇرلىم ىركىلىسسىزدەندىرىپ، سىرتقى ساۋدا، شەتەل قارجى قوسقان كاسىپورىنداردىڭ دامۋ بارىسىنداعى قيىنشىلىقتارى مەن ماسەلەلەرىن دەر كەزىندە شەشىپ، نىسانا مەن مىندەتتەردىڭ قارقىنى بويىنشا ىلگەرىلەۋىنە، ورىندالۋىنا شىنايى كەپىلدىك ەتىپ، سىرتقى ساۋدانىڭ، سىرتقى قارجىنىڭ نەگىزگى ولشەمىن امالدىڭ بارىنشا ورنىقتىرىپ، جوعارى ساپالى دامۋدى ىلگەرىلەتۋ كەرەك.
بۇكىل ەل بويىنشا جاراتىلىستىق اپاتتىڭ جالپىلىق حاۋىپ - قاتەرىن جاپپاي تەكسەرۋ − مەملەكەت جاعدايى، مەملەكەت قۋاتى، ولكە جاعدايى، ولكە قۋاتى جونىندەگى كەلەلى تەكسەرۋ، جاراتىلىستىق اپاتتىڭ كومەسكى حاۋىپ - قاتەرىن انىقتايتىن ماڭىزدى ءتاسىلى، سونداي - اق تۇتاس قوعامنىڭ جاراتىلىستىق اپاتقا قارسى تۇرۋداعى جالپىلىق ساقتانۋ قۋاتىن جالپى بەتتىك جوعارىلاتاتىن نەگىزدىك، جۇيەلىك قىزمەت. ءماجىلىس مىنالاردى تالاپ ەتتى: تۇتاس رايوننىڭ جاراتىلىستىق اپاتتىڭ جالپىلىق حاۋىپ - قاتەرىن جاپپاي تەكسەرۋشى قىزمەتكەرلەر جانە جاپپاي تەكسەرىلەتىن وبيەكتىلەر «جۇڭحۋا حالىق رەسپۋبليكاسىنىڭ ساناق زاڭىنىڭ» قاتىستى بەلگىلەمەلەرى مەن وسى رەتكى جاپپاي تەكسەرۋدىڭ ناقتى تالابىنا قاتاڭ بويسۇنىپ، جاعدايدى ناقتى اڭىس ەتىپ، قاتىستى ساندى مالىمەتتەرمەن قامداپ، جاپپاي تەكسەرۋ كەستەسىن دەر كەزىندە تولتىرىپ، ساندى مالىمەتتەردىڭ تولىق، ناقتى، سەنىمدى بولۋىنا شىنايى كەپىلدىك ەتىپ، اۆتونوميالى رايون مەن ءار دارەجەلى ۇكىمەتتەردىڭ جاراتىلىستىق اپاتتان ساقتانۋ جانە ونى تىزگىندەۋ قىزمەتىن ءونىمدى ورىستەتۋىنە جاراتىلىستىق اپاتتىڭ حاۋىپ - قاتەرى سەنىمدى ينفورماتسياسىن جانە عىلمي شەشىم جاساۋ نەگىزىن ازىرلەۋ كەرەك.
استىق حاۋىپسىزدىگىنە ولكە باستىعى جاۋاپتى بولۋ ءتۇزىمىن باتىل ويداعىداي تياناقتاندىرۋ مەملەكەتتىڭ استىق حاۋىپسىزدىگىن قورعاۋ، ءتۇرلى حاۋىپ - قاتەرلەرگە، سىن - سايىستارعا توتەپ بەرۋ جانە ەكونوميكانىڭ، قوعامنىڭ ۇزدىكسىز اقاۋسىز دامۋىن جەبەۋ جونىنەن ايرىقشا ماڭىزدى. ءماجىلىس مىنالاردى تالاپ ەتتى: جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىنە، ورنالاستىرۋلارىنا جانە استىق حاۋىپسىزدىگىنە ولكە باستىعى جاۋاپتى بولۋ ءتۇزىمىنىڭ تالابىنا قاتاڭ بويسۇنىپ، جالپىلىق مەملەكەت حاۋىپسىزدىگى كوزقاراسى مەن مەملەكەتتىڭ استىق حاۋىپسىزدىگى ستراتەگياسىن مۇقيات تياناقتاندىرىپ، رايونىمىزدىڭ استىق ءوندىرىس قۋاتىن، ساقتاۋ قۋاتىن، اينالىم قۋاتىن اناعۇرلىم جوعارىلاتىپ، اناعۇرلىم جوعارى دەڭگەيلى، اناعۇرلىم جوعارى ساپالى، اناعۇرلىم ءونىمدى، اناعۇرلىم باياندى استىق حاۋىپسىزدىگىن قامتاماسىز ەتۋ جۇيەسىن جەدەل ورناتۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
