شينجياڭنىڭ ەنەرگيامەن قامداۋى ورنىقتىلىق بارىسىندا جوعارىلادى
2020.09.03 14:43 كەلۋ قاينارى : شينجياڭ گازەتى
شينجياڭ گازەتى جالپىلىق اقپارات قۇرالدارى تىلشىلەرى چىن چياڭۋي، ما ينيڭ 9 - ايدىڭ 1 - كۇنى ۇرىمجىدەن حابارلايدى. رايونىمىزداعى ەنەرگيا كاسىپورىندارى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋمەن بىرگە، ءوندىرىستى، تيجاراتتى حاۋىپسىز، ءتارتىپتى ورىستەتىپ، كومىر، مۇناي، ەلەكتر قۋاتى سياقتى نەگىزگى ەنەرگيامەن قامداۋدىڭ ورنىقتىلىق بارىسىندا جوعارىلاۋىنا كەپىلدىك ەتىپ، ىندەتتەن ساقتانۋ - تىزگىندەۋدى ۇدايىلاندىرۋ مەن قوعامدىق، ەكونوميكالىق دامۋدى ءبىر تۇتاس جوسپارلاپ ىلگەرىلەتۋدى قوزعاۋشى كۇشپەن قامتاماسىز ەتتى.
الدىڭعى 7 ايدا، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى 74 ميلليارد 782 ميلليون كيلوۆات - ساعات توك ساتىپ، سايكەس مەزگىلدەگىدەن ％6.12 ارتتىردى. تۇتاس شينجياڭدى ەلەكتر قۋاتىمەن قامداۋعا كەپىلدىك ەتۋ ءۇشىن، اتالعان سەرىكتەستىك ماڭىزدى جەلى مەن جابدىقتارعا ەرەكشە قاداعالاۋ جۇرگىزۋدى كۇشەيتىپ، 14 مىڭ 400 توك قامداۋشى قىزمەتكەر، 1000نان استام شۇعىل جوندەۋ اۆتوموبيلى 24 ساعات بويى بۇيرىق كۇتىپ تۇرىپ، ەلەكتر تورىنىڭ حاۋىپسىز اينالىسىنا شىنايى كەپىلدىك ەتتى.
حۋانىڭ شينجياڭ ەنەرگيا اشۋ شەكتى سەرىكتەستىگى ىندەتتەن ساقتانۋ - تىزگىندەۋدى ۇدايىلاندىرۋ شارالارىن قاتاڭ تياناقتاندىرىپ، حاۋىپسىز ءوندىرىس، قۇرىلىس جۇرگىزۋگە ۇيىمداستىرۋ، تيجارات جۇرگىزۋدى باسقارۋ سياقتى ءتۇرلى شارالاردى رەتتەدى، بەلگىلەدى، الدىڭعى 7 ايدا، اتالعان سەرىكتەستىك جيىنى 4 ميلليارد 612 ميلليون كيلوۆات - ساعات ەلەكتر شىعارۋ مولشەرىن ورىندادى، مۇنىڭ ىشىندە، 7 - ايداعى ەلەكتر شىعارۋ مولشەرى 842 ميلليون كيلوۆات - ساعات بولىپ، وسى سەرىكتەستىكتىڭ 7 - اي ءبىر ايداعى ەلەكتر شىعارۋ مولشەرىنىڭ تاريحتاعى جاڭا دەڭگەيىن جاراتىپ، كاسىپورىننىڭ تيجارات كورسەتكىشى ورنىقتىلىق بارىسىندا جاقسارۋعا بەت الدى.
داتاڭ شينجياڭ تازا ەنەرگيا شەكتى سەرىكتەستىگى 7 - ايدا ايلىق ەلەكتر مولشەرى جوسپارىنىڭ ％110.45ىن ورىنداپ، ۇدايى 3 اي بويى ايلىق ەلەكتر مولشەرى مىندەتىن ورىنداپ، ەلەكتر شىعارۋ مولشەرى بىلتىرعى سايكەس مەزگىلدەگىدەن ％21.56 ارتتى.
8 - ايدىڭ 10 - كۇنى جۇڭگو مۇنايى شينجياڭ مۇناي الابى سەرىكتەستىگىنىڭ شيكى مۇنايدىڭ كۇندىك ءونىم مولشەرى 38 مىڭ توننادان اسىپ، 6 - ايدىڭ 20 - كۇنگى شيكى مۇنايدىڭ كۇندىك ءونىم مولشەرى 37 مىڭ 4 توننا بولعاننان كەيىنگى شيكى مۇنايدىڭ كۇندىك ءونىم مولشەرىنىڭ ەڭ جوعارى بولۋىنداي تاريحي رەكوردتىن تاعى دا جاڭالادى. 8 - ايدىڭ باس شەنىنە دەيىن، مۇناي الابى سەرىكتەستىگى جيىنى 8 ميلليون 95 مىڭ توننا شيكى مۇناي ءوندىرىپ، بىلتىرعى سايكەس مەزگىلدەگىدەن 374 مىڭ توننا كوبەيىپ، 8 - ايدىڭ باس شەنىندە شيكى مۇنايدىڭ كۇندىك ءونىم مولشەرى دەڭگەيى 7 - ايدىڭ اياعىنداعىمەن سالىستىرعاندا 402 توننا كوبەيدى.
8 - ايدىڭ 5 - كۇنى جۇڭگو مۇناي حيميا باتىس سولتۇستىك مۇناي الابى بولىمشە سەرىكتەستىگىنىڭ تارىم مۇناي الابى TP354H قۇدىعىندا سىناق جاساعاننان كەيىن جوعارى ءونىمدى ونەركاسىپتىك مۇناي - گاز اعىسىنا يە بولىپ، العاشقى مەزگىلدە كۇنىنە 78.4 توننا شيكى مۇناي وندىرگەن. قازىر تارىم مۇناي الابى 53 مۇناي قۇدىعىن ورنالاستىرىپ، ورتا ەسەپپەن ءبىر قۇدىقتىڭ ءوندىرىس قۋاتى 28.5 تونناعا جەتىپ، مۇناي الابى بايىرعى ءوڭىرىنىڭ ءوندىرىستى ورنىقتىرىپ، ونىمدىلىكتى ارتتىرۋىن جۇزەگە اسىرعان.
جۇڭمەي ەنەرگيا توبى شينجياڭ ەنەرگيا سەرىكتەستىگىنىڭ قۇمىل ەنەرگيا دانانحۋ 7 - ءنومىرلى كومىر كەنى ىندەتتەن ساقتانۋ - تىزگىندەۋدى ۇدايىلاندىرۋ جانە ءوندىرىس - تيجارات قىزمەتىن ءبىر تۇتاس جوسپارلاپ مىقتى ۇستاپ، كەن اۋماعىنىڭ ءوندىرىسىن ەلەكترمەن، كومىرمەن قامداۋدىڭ ۇزدىكسىز ورنىقتى بولۋىنا شىنايى كەپىلدىك ەتتى. جۇڭمەي ەنەرگيا توبى شينجياڭ ەنەرگيا سەرىكتەستىگى ءبىر كۇندە ءبىر رەتتەۋگە تاباندى بولىپ، 24 ساعات كەزەكشى بولۋ جانە نولدىك مالىمەت ءتۇزىمىن دارەجە بويىنشا تياناقتاندىردى. بيىل الدىڭعى جارتى جىلدا ءبىر ميلليون 850 مىڭ توننا سۇرىپتاۋسىز كومىر ءوندىرىپ، 2 ميلليون 90 مىڭ توننا تاۋار كومىر ساتىپ، كومىر بازارىنىڭ قامداۋىن ءونىمدى قامتاماسىز ەتتى.
قۇمىل قالاسى ەلىمىزدىڭ باتىستىڭ كومىرىن شىعىسقا تاسىمالداۋ، شينجياڭ ەلەكترىن سىرتقا جەتكىزۋدىڭ ماڭىزدى بازاسى. بيىل الدىڭعى 7 ايدا قۇمىل قالاسى جيىنى 36 ميلليون 340 مىڭ 700 توننا سۇرىپتاۋسىز كومىر ءوندىرىپ، سايكەس مەزگىلدەگىدەن ％35.3 ارتتىردى، سۇرىپتاۋسىز كومىردەن جيىنى 35 ميلليون 814 مىڭ 600 توننا ساتىپ، سايكەس مەزگىلدەگىدەن ％31.7 ارتتىرىپ، ءونىم مولشەرى مەن ساتۋدىڭ ەكەۋىندە دە ارتۋدى جۇزەگە اسىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
