”ناۋقاستاردىڭ ساۋىعۋى شيپاگەرلەرگە كورسەتىلگەن ەڭ باقىتتى سي“
□ گازەتىمىزدىڭ جالپىلىق اقپارات قۇرالدارى ءتىلشىسى چاۋ جين
2020.09.03 14:48 كەلۋ قاينارى : شينجياڭ گازەتى
”تۇرەگەلىڭىز، الدىعا ءجۇرىڭىز... ءسىز جۇرە الاسىز! “. 8 - ايدىڭ 31 - كۇنى ءتۇس الەتىندە، اۆتونوميالى رايون جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ 4 - عيماراتىنىڭ ەسىك الدىندا ICU3 ناۋقاستار اۋماعىنىڭ مەڭگەرۋشىسى جاڭ داچۋان ءبىر 82 جاستاعى ناۋقاستى ارباسىمەن يتەرىپ كۇن شۋاقتاتۋعا الىپ شىعىپ، ارا - تۇرا ونى سۇيەپ بىرەر قادام جۇرگىزىپ كوردى.
بۇل كاريا جاڭا تيپتى ايدارشا ۆيرۋس وكپە قابىنۋ ىندەتىنە شالدىققان بولاتىن، قۇتقارۋ - ەمدەۋ بارىسىندا اياق استىنان مي قان تامىرى توسىلىپ، شۇعىل قۇتقارۋ ارقىلى حاۋىپتەن اراشالانىپ قالعان بولاتىن. قازىر ونىڭ نۋكلەين قىشقىلىن تەكسەرۋ ناتيجەسى بولىمسىز بولدى، ءبىراق بۇرىن پارگەنسين اۋرۋى سياقتى ءبىرسىپىرا نەگىزدىك ناۋقاستارعا شالدىققاندىقتان، ءالى دە ICU ناۋقاستار اۋماعىندا ساۋىقتىرۋ جاتتىعۋىن جاساپ جاتقان ەدى، كاريا ءار كۇنى عيماراتتان ءتۇسىپ اينالىپ كەلۋگە سونشالىق قۇمار ەكەن. ءار كۇنگى ناۋقاس تۇجىرىمداۋ جيىنى، اۋرۋلار بولمەسىن ارالاپ تەكسەرۋ اياقتاعاننان كەيىن، جاڭ داچۋان كاريانى ارباسىمەن يتەرىپ عيماراتتان تۇسىرەدى. ”ناۋقاستاردىڭ ساۋىعۋى شيپاگەرلەرگە كورسەتىلگەن ەڭ باقىتتى سي“، - دەيدى ول.
7 - ايدىڭ 20 - كۇنى اۆتونوميالى رايوندىق حالىق شيپاحاناسىنان بەلگىلەگەن شيپاحاناعا كىرگەننەن كەيىن، جاڭ داچۋان ءبىر كۇن دە دەمالعان جوق. ICU3 ناۋقاستار اۋماعى 12 ەمدەۋ ورنىنان كەلگەن 184 ەمدەۋ ىستەرى قىزمەتكەرلەرىنەن ۇيىمداسقان توپ، بۇل بۇكىل شينجياڭنىڭ جەر - جەرىنەن كەلگەن ەمدەۋ اترەتىن قايتكەندە ويداعىداي باستاپ، ناۋقاستاردى جوعارى ونىمدىلىكپەن قۇتقارۋعا، ەمدەۋگە بولادى؟ جاڭ داچۋان ءوز باسىنان ونەگە كورسەتتى.
ەمدەۋگە قاتىناسقان العاشقى ءبىر اپتا ۋاقىت ىشىندە، جاڭ داچۋان كۇن - ءتۇن دەمەي ناۋقاستار اۋماعىنان تابان اۋدارمادى. ءبىر كاريا ناۋقاستانىپ شيپاحاناعا كىرگەندە كەۋدەسى قىسىپ، تىنىس الۋى قيىنداپ، ەكپەتىنەن جاتقىزىپ تىنىستاندىرۋ ەمدەۋى ىستەلدى. ول ونىڭ قاسىندا وتىرىپ ءبىر ءتۇن قارادى، ناۋقاستىڭ اۋرۋى بىرتىندەپ اسقىنىپ، قانداعى وتتەگى تۇيىرشىگى مەن مولشەرى ％90 ىشىنە ءتۇسىپ كەتكەندە، جاڭ داچۋان ”اۋا تۇتىكشەسىن سالۋعا دايىندالىڭدار!“ دەپ داۋىستاپ بۇيرىق بەرەدى، ليۋ يان، چىن دۇڭ سياقتى شيپاگەرلەر دەرەۋ قاجەتتى ماتەريالداردى ازىرلەيدى.
”مەن ىستەيىن، سەندەر سەلبەسىپ جىبەرىڭدەر“، - دەپ جاڭ داچۋان ناۋقاستىڭ تىنىس جولىن اشادى. ”جاڭا تيپتى ايدارشا ۆيرۋس وكپە قابىنۋ ىندەتىنە شالدىققان ناۋقاستارعا ەمدەۋ جۇرگىزگەندە جۇعىمدالىپ قالۋدىڭ قاتەرى بار، مەن مەڭگەرۋشى بولعاندىقتان، ءسوزسىز، ءوزىم باستاپ ىستەۋىم كەرەك“، - دەيدى جاڭ داچۋان، - ”مەن وسى توپتاعى ءاربىر ادامنىڭ ەشقانداي تايسالمايتىندىعىن بايقادىم، كوپشىلىك قوس قاباتتى قولعاپ كيىپ، ءبىر - بىرلەگەن تەرەڭ ۆەنا تامىرلارعا دالمە - ءدال تەسۋ سىناعىن جاساپ، قالىڭ قورعانۋ كيىمىن كيىپ، بار پەيىلدەرىمەن ناۋقاستىڭ اۋناپ ەكپەتىنەن جاتۋىنا كومەكتەسىپ، قات - قابات قيىنشىلىقتارعا توتەپ بەرىپ، ءبىرسىپىرا جوعارى دالدىكتەگى ەمدەۋ تەحنيكالارىن ورىستەتتى“.
”ەمدەۋ - كۇتىمدەۋ قىزمەتكەرلەرى تۇرلىشە شيپاحانالاردان، تۇرلىشە كاسىپتەردەن كەلگەنىمەن، ءبىراق ءبىز، ءسوزسىز، ناۋقاستاردىڭ ءبىر دەڭگەيلى ساپالى ەمدەۋ جوباسىنا قول جەتكىزۋىنە كەپىلدىك ەتۋىمىز كەرەك“. 30 جىلدان استام سالماقتى ناۋقاستاردى قۇتقارۋ - ەمدەۋ تاجىريبەسىنە يە جاڭ داچۋان ەمدەۋ - كۇتىمدەۋ قىزمەتكەرلەرىنەن ءاربىر ناۋقاستى ەمدەۋ جوباسىن ويداعىداي تياناقتاندىرۋدى قاتاڭ تالاپ ەتتى. سوندىقتان ول ICU كاسىپتىك قابىلەتى ءبىرشاما كۇشتى شيپاگەرلەردى گرۋپپا باستىعى بولۋعا ورنالاستىرىپ، ءار گرۋپپاعا وزگە كاسىپتىك شيپاگەرلەردى سەپتەپ، كوپشىلىك ءوزارا كومەكتەسىپ، جاردەمدەسىپ، ءبىر جاعىنان ۇيرەنىپ، ءبىر جاعىنان ىستەدى؛ مەملەكەتتىك ماماندار گرۋپپاسىنىڭ ماماندارى سالماقتى ناۋقاستارعا قاراتا ءار رەتكى ەمدەۋ جوباسىن رەتتەگەندە، ول الدىمەن دەرەۋ جەتكىزدى، اتقاردى؛ ناۋقاستار بولمەسىن ارالاپ تەكسەرۋ كەزىندە، ول ناۋقاستاردىڭ ناۋقاس جاعدايىنىڭ بولماشى وزگەرىستەرىن ەگجەي - تەگجەيلى سۇراپ ۇعىستى... قۇتقارۋ - ەمدەۋ قىزمەتىن تەز ارادا ارناعا ءتۇسىردى، ەمدەۋ - كۇتىمدەۋ قىزمەتكەرلەرى دە ۇلكەن شايقاس بارىسىندا شىنىعىپ شىڭدالا ءتۇستى.
”ناۋقاستىڭ بىرتىندەپ ەسىن جيعانىن، اياق - قولىنا جان كىرە باستاعانىن بايقاپ، ءبىز ءبىر ساۋىقتىرىپ ەمدەۋ شيپاگەرىن ارناۋلى ورنالاستىرىپ، ولاردى كاسىپتىك ساۋىقتىرۋ جاتتىعۋىمەن قامدادىق“. جاڭ داچۋان: سالماقتى ناۋقاستاردىڭ اۋرۋ جاعدايىنىڭ جاقسارىپ قاتەردەن قۇتىلىپ، بىرتىندەپ ساۋىعۋى كەۋدەمىزدى باقىت پەن ماقتانىشقا تولتىردى، - دەدى.
جاڭ داچۋان جۇڭگو ۇكىمەتىنىڭ قازاقستانعا كومەكتەسىپ ىندەتكە قارسى تۇرۋ ەمدەۋ ماماندار گرۋپپاسىنىڭ مۇشەسى بولىپ شەتەلگە كومەكتەسىپ جەتەكشىلىك ەتكەن، بۇگىن ول ءوز ءۇيىنىڭ ەسىك الدىندا تاباندىلىقپەن ىندەتكە قارسى اتتانۋدا. ”مەنىڭ دە 80 جاستاعى شەشەم بار، مەن ناۋقاسقا ءوز تۋىسىمداي قامقورلىق ىستەۋىم كەرەك“. جاڭ داچۋان شەشەشىنە ءوزىنىڭ ىندەتكە قارسى اتتانۋدىڭ ءبىرىنشى شەبىنە كەلگەنىن ايتقان جوق، ”ءبىز جەڭىسپەن قايتقان كۇنگى ءبىرىنشى شارۋام كارياعا امانداسا بارۋ“، - دەيدى ول.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
