بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ورتا، شاعىن كاسىپورىندار وندىرىسكە قاۋىرت كىرىستى

2020.09.04 16:39     كەلۋ قاينارى : شينجياڭ گازەتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 9 - ايدىڭ 2 - كۇنى ۇرىمجىدەن حابارلايدى. 9 - ايدىڭ 2 - كۇنى ءۇرىمجى ەكونوميكالىق - تەحنيكالىق اشۋ رايونىندا (توۋتۇنحى رايونى)، شينجياڭ پارلاق كىلەم شارۋاشىلىعىنان ۇلگى كورسەتۋ باقشاسى نىسانى ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن مىقتى يگەرۋ العى شارتىندا، قۇرىلىس جۇرگىزۋدى توقتاتپادى. قازىر 5 عيماراتتىڭ تۇلعاسى مەن زاۆود ءۇيى ەڭسە كوتەرىپ، 2 سەح، قىزمەت عيماراتى سياقتىلاردىڭ تۇلعالىق قۇرىلىسى سالىنىپ بولدى. سونىمەن بىرگە، كىلەم فابريكاسىنىڭ ءوندىرىسى دە شۇعىل جۇرگىزىلۋدە.

  قالىپتى ءوندىرىس، تۇرمىس ءتارتىبىنىڭ جاپپاي قالپىنا كەلۋىنە ىلەسە، رايونىمىزداعى ورتا، شاعىن كاسىپورىندار ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن ويداعىداي ىستەۋ نەگىزىندە، كۇش سالىپ قايراتتانا ىستەپ، جىلدىق نىسانا - مىندەتتەردى قۇلشىنا ورىنداۋعا كىرىستى.

  ”ەكونوميكالىق - تەحنيكالىق اشۋ رايوندىق (توۋتۇنحى رايونى) ونەركاسىپ جانە ينفورماتسيالاندىرۋ مەكەمەسى مەن قۇرىلىس مەكەمەسىنىڭ كومەگىندە كاسىپورىننىڭ شيكىزاتپەن قامدالۋىنا كەپىلدىك ەتىلدى. ءبىز قۇرىلىس قارقىنىن تەزدەتىپ، بيىلعى ءتۇرلى قىزمەت نىسانالارىن قۇلشىنا ورىندايمىز“، - دەدى شينجياڭ پارلاق كىلەم ونەركاسىبى شەكتى سەرىكتەستىگىنىڭ باس ديرەكتورى شا تيڭ. وسى سەرىكتەستىك جاڭا جابدىقتارعا سىناق جۇرگىزۋدى تەزدەتىپ، 10 - ايدا رەسمي وندىرىسكە قوسۋعا دايىندالدى. ”بيىل بىزدە 100 مىڭ شارشى مەترلىك ءوندىرىس مىندەتىن ورىنداۋ سەنىمىمىز بار، ساتىلىمنان مەجەمەن 18 ميلليون يۋان كىرىس كىرگىزەمىز“، - دەدى شا تيڭ.

  وسى ءبىر مەزگىلدە شينجياڭ فۋكى ماي ونىمدەرى جارنا شەكتى سەرىكتەستىگى ماقتا تەرۋ ماشيناسى تەرۋ ۇرشىعىنىڭ جۇمسارتقىش مايىن قارلاباس ءوندىرىپ، ەندى باستالاتىن ماقتا تەرۋ ماۋسىمىنا دايىندىق ىستەدى. بۇل سەرىكتەستىك جۇمسارتقىش ماي، قويۋ ماي جانە ونەركاسىپ ەرەكشە مايى سياقتى 20 تۇرلىدەن استام ءونىم وندىرەدى ءارى مەملەكەت ىشىندەگى جۇمسارتقىش ماي ماتەريالدارىن ءوندىرۋ سالاسىندا ۇزبەي تەحنيكالىق وزىقتىعىن ساقتاپ كەلەدى. قازىر بۇل سەرىكتەستىك سانجى، اقسۋ، قاشقار، شىحىزى سياقتى جەرلەردەگى قاريدارلاردىڭ تاپسىرىسىن قابىلداعان.

  قۇمىل جوعارى جاڭا تەحنيكا كاسىپتەرىن اشۋ رايونىندا، شينجياڭ شىنوۋ قۇرىلىس ينجەنەريا توبى اراتۇرىك اۋدانى ونەركاسىپ باقشا رايونىنداعى كومىر حيميا ونەركاسىبى كاسىپورنى قاجەت ەتەتىن ءتۇستى تاقتا مەن يانميان تاقتاسىن قاربالاس وندىرۋدە. بۇل سەرىكتەستىك كەزەكتە جىلدىق ءونىمى 300 مىڭ شارشى مەترلىك ءتۇستى تاقتا، يانميان تاقتا ءوندىرىس جەلىسىن، تاقتاي ءۇي ءوندىرىس جەلىسىن جانە بولات قۇرىلىمى ءوندىرىس جەلىسىن قۇردى. وسى سەرىكتەستىكتىڭ باسالقاسى چياۋ ليانشىڭ بىلاي دەدى: بيىل ءتۇستى تاقتا مەن يانميان تاقتاسىنان 100 مىڭ شارشى مەتر ءوندىرۋ مىندەتىن ورىنداۋعا سەنىمىمىز بار.

  7 - ايدان بەرى جىڭ اۋدانى كاسىپورىنداردا تۇرۋعا 30 كادر جىبەرىپ، ”ءبىر كاسىپورىنعا، ءبىر شارا“ كومەكتەسۋ - سۇيەمەلدەۋ مەحانيزمىن ىسكە قوسىپ، 30 كاسىپورىننىڭ كۇش سالا ءوندىرىس جۇرگىزۋىنە دەم بەردى. كاسىپورىنداردا تۇرعان كادرلار بەلسەنە سايكەستىرىپ 200دەن استام قامتاماسىزدىق قىزمەتىن وتەۋىمەن قامدادى، ايتالىق، كاسىپورىندارعا زاتتىق ماتەريالدار، ءوندىرىس ماتەريالدارى جانە ماشينا بولشەكتەرىن، ت. ب ساتىپ الۋ جانە تاسىمالداۋ. جەرگىلىكتى ۇكىمەتتىڭ كومەگىندە جىڭ اۋدانى ۋيلاڭ ونەركاسىپ شەكتى سەرىكتەستىگىنىڭ شيكىزات قامداۋ، ونىمدەردى تاسىمالداۋ سياقتى ماسەلەلەر بىرتىندەپ شەشىلدى ءارى ءوسىمى قازىنادان بەرىلەتىن قارىزدان جانە توك اقىسى قوسىمشا قاراجاتىنان يگىلىكتەندى. وسى سەرىكتەستىكتىڭ ىشكى تيجارات ءبولىمىنىڭ ديرەكتورى ۋاڭ حۇڭجۇن تىلشىگە بىلاي دەدى: كاسىپورىن ىشكى وڭىرلەردەن كوپ تاپسىرىس الدى، 6000نان استام مەكتەپ كيىمى جارتىلاي وڭدەلدى، تاعى 30 مىڭنان استام كويلەك تاپىسىرىسى ءوندىرىلۋ ۇستىندە، كاسىپورىننىڭ مۇنان كەيىنگى دامۋعا سەنىمى تولىق.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار