ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، جۇدىرىقتاي جۇمىلىپ، بوران − شاشىندى ەلەڭ قۇرلى كورمەي العا ىلگەرىلەۋ كەرەك
− باس شۋجي شي جينپيڭنىڭ جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
2020.09.07 13:54 كەلۋ قاينارى : شينجياڭ گازەتى
”ءارقانداي ادامنىڭ، ءارقانداي كۇشتىڭ جۇڭگو كوممۋنيستىك پارتياسىنىڭ تاريحىن بۇرمالاۋعا، جۇڭگو كوممۋنيستىك پارتياسىنىڭ سيپاتى مەن باس ماقساتىن جيرەنىشتى ەتىپ كورسەتۋگە ۇرىنۋىنا جۇڭگو حالقى استە جول بەرمەيدى!“ جۋىردا وتكىزىلگەن جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندە، باس شۋجي شي جينپيڭ پارتيانىڭ جالپى بەتتىك باسشىلىعىنا تاباندى بولۋ − مەملەكەت پەن ۇلتتىڭ گۇلدەنىپ - كوركەيۋىنىڭ ءتۇبىرلى تياناعى، بۇكىل ەلدەگى ءار ۇلت حالقىنىڭ باقىتىنىڭ، اماندىعىنىڭ تياناعى ەكەندىگىن ەرەكشە اتاپ كورسەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ كەرەك دەپ باسا دارىپتەدى.
تاياۋ زاماننان كەيىن جۇڭگو حالقىنىڭ تالاي رەتكى شاپقىنشىلىققا قارسى سوعىسىنىڭ ساتسىزدىككە ۇشىراۋىنىڭ ءبىر ماڭىزدى سەبەبى، ساياسي ۇستەم توپتاردىڭ شىرىكتەسىپ، دارمەنسىزدەنۋى مەن ۇلتتىڭ ىشكى جاقتا ءالسىز، بىتىراندى بولۋى بولدى. ىشكى بىلىقپالىق جانە سىرتقى شاپقىنشىلىق بارىسىندا تۋىلعان جانە ەسەيگەن جۇڭگو كوممۋنيستىك پارتياسى قۇرىلعان كۇننەن باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوزىنىڭ تاريحي بورىشى ەتىپ، ۇلتتىڭ تاۋەلسىزدىگىن قورعاۋدا ەڭ تاباندى، ۇلت مۇددەسىن قورعاۋدا ەڭ باتىل، سىرتتىڭ شاپقىنشىلىعىنا قارسى تۇرۋدا ەڭ ەرجۇرەك بولدى. جاپون شاپقىنشىلارىنا قارسى سوعىس مەزگىلىندە، ۇلت جويىلۋ حاۋپىنە ۇشىراعان تاريحي ساتتە، جۇڭگو كوممۋنيستىك پارتياسى كورنەكتى ساياسي باسشىلىق قابىلەتى جانە دۇرىس ستراتەگيا، تاكتيكا ارقىلى جۇڭگونىڭ جاپون شاپقىنشىلارىنا قارسى سوعىسىنىڭ العا باسۋ بەتالىسىن كورسەتىپ، بۇكىل ۇلتتىڭ تاباندىلىقپەن جاپون شاپقىنشىلارىنا قارسى سوعىسۋىن، ىنتىماقتاسۋىن، العا باسۋىن بۇلجىماستان ىلگەرىلەتىپ، ىمىرالاسۋعا، بولشەكتەۋگە، شەگىنۋگە قارسى تۇردى. جۇڭگو كوممۋنيستىك پارتياسى جاپون شاپقىنشىلارىنا قارسى ۇلتتىق بىرلىكساپ تۋىن بيىك ۇستاپ، بىرلىكساپتى باتىل قورعادى، بەكەمدەدى، دامىتتى، جاپون شاپقىنشىلارىنا دەربەس، ءوز - وزىنە قوجا بولا، ىنتىماقتاسا قارسى تۇرۋعا تاباندى بولىپ، ىنتىماقتاسا جاپون شاپقىنشىلارىنا قارسى سوعىس جۇرگىزۋدىڭ كەلەلى جاعدايىن قورعادى. مەيلى شارت - جاعداي قانداي جاپالى، جاعداي قانداي ناشار، سوعىس قانداي قاتىگەز بولسىن، جۇڭگو كوممۋنيستەرى جاپون شاپقىنشىلارىنا قارسى سوعىستىڭ ەڭ الدىڭعى شەبىندە ەرلىكپەن شايقاس جاساپ، جۇڭحۋا ۇلتىن جويىلۋدان قۇتقارىپ قالۋدىڭ ءۇمىتىن ارقالاپ، سوعىستىڭ جەڭىسىن قولعا كەلتىرۋدىڭ ۇلت اتويشىلارىنا اينالدى. جۇڭگو كوممۋنيستىك پارتياسىنىڭ اعىنداعى تىرەكتىك رولى جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسىنە قول جەتكىزۋىنىڭ شەشۋشى تەتىگى.
100 جىلعا جۋىق ايبىندى كۇرەس بارىسىنا قايرىلا قاراساق، جۇڭگو كوممۋنيستىك پارتياسى حالىققا تىعىز ارقا سۇيەپ، تالاي - تالاي قيىنشىلىقتار مەن كەدەرگىلەردى جەڭىپ، تالاي - تالاي تاريحقا قالارلىق ءومىر كەرەمەتىن جاراتىپ، جۇڭحۋا ۇلتى ءۇشىن ۇلى تاريحي ۇلەستەر قوستى، جۇڭحۋا ۇلتى ەڭسە كوتەرۋدەن، بايۋعا، ونان قۋاتتانۋعا دەيىنگى ۇلى شارىقتاۋدى قارسى الدى. جاپون شاپقىنشىلارىنا قارسى سوعىستىڭ جەڭىسى نەگىزىندە، پارتيامىز بۇكىل ەل حالقىن ىنتىماقتاستىرا باستاپ ۇزدىكسىز كۇرەس جۇرگىزىپ، جۇڭحۋا حالىق رەسپۋبليكاسىن قۇرىپ، سوتسياليزم ءتۇزىمىن تۇراقتاندىرىپ، جۇڭحۋا ۇلتىنىڭ تاريحتان بەرگى ەڭ كەڭ دە تەرەڭ قوعامدىق وزگەرىسىن ورىندادى. تاريحي جاڭا داۋىرگە وتكەندە، پارتيامىز بۇكىل ەل حالقىن باستاپ رەفورما جاساۋ، ەسىك اشۋ جاڭا دا ۇلى توڭكەرىسىن جۇرگىزىپ، جۇڭگوشا سوتسياليزم جولىن اشىپ، جۇڭگونىڭ ءداۋىردى ارشىندى قاداممەن قۋىپ جەتۋىنە مۇمكىندىك جاسادى. پارتيا 18 - قۇرىلتايىنان بەرى، جۇڭگوشا سوتسياليزم جاڭا داۋىرگە ءوتىپ، كەدەيلىكتەن ارىلتۋدان قامال الۋ شايقاسىنىڭ، جاپپاي دوڭگەلەك داۋلەتتى قوعام ورناتۋدىڭ جەڭىسى جاقىنداپ، جۇڭحۋا ۇلتىنىڭ ۇلى گۇلدەنۋى جارقىن كەلەشەكتى قارسى الدى. جۇڭگو كوممۋنيستىك پارتياسى جۇڭگو حالقىنا باسشىلىق ەتىپ جۇرگىزگەن ۇلى كۇرەسى − ادامزاتتىڭ وسىزاماندانۋ تاريحي اياق الىسىنداعى ەڭ ايبىندى تاراۋى. ”جۇڭگونىڭ ءىسىن جاقسى ىستەۋدىڭ تەتىگى پارتيادا“، بۇل − تاريحي قورىتىندى.
تاريح ەڭ جاقسى ۇستاز. ءبىز جۇڭگونىڭ تاياۋ زاماننان بەرگى تاريحىن ىشكەرىلەي تۇسىنسەك بولعانى، مىنالاردى وڭاي بايقايمىز: اپيىن سوعىسىنان كەيىنگى ۇزاق ۋاقىتتا، ىرگەلى ەلدە اركىم باس - باسىنا بيلىك جۇرگىزدى، تورعايداي توزعان بىلىققان جاعداي جارىققا شىقتى، بۇل جاپون ميليتاريزمىنىڭ جۇڭگوعا جالپى بەتتىك شاپقىنشىلىق سوعىس قوزعاۋعا باتىلدىق ەتە الۋىنىڭ ماڭىزدى سەبەبى. ەگەر جۇڭگو كوممۋنيستىك پارتياسىنىڭ باسشىلىعى بولماسا، ۇلتتىڭ تاۋەلسىزدىگى مەن ازاتتىعىن جۇزەگە اسىرۋ مىندەتى ءتىپتى دە ۇزاققا سوزىلعان، ءتىپتى دە زور بوداۋ بەرىلگەن بولار ەدى، ءبىزدىڭ ەلىمىزدىڭ بۇگىنگىدەي دامۋ جەتىستىگىنە قول جەتكىزۋى ءتىپتى دە مۇمكىن ەمەس ەدى، بۇگىنگىدەي حالىقارالىق مارتەبەگە يە بولۋى ءتىپتى دە مۇمكىن ەمەس ەدى. تاريح ەش تالاسسىز مىنانى دالدەلدەدى: تەك جۇڭگو كوممۋنيستىك پارتياسى عانا جۇڭگوعا باسشىلىق ەتە الادى، جۇڭگو كوممۋنيستىك پارتياسىنىڭ باسشىلىعى بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق ەركى مەن ءتۇبىرلى مۇددەسىنىڭ بەينەسى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. تاريح پەن حالىقتىڭ جۇڭگو كوممۋنيستىك پارتياسىن جۇڭحۋا ۇلتىنىڭ ۇلى گۇلدەنۋ ىستەرىنە باسشىلىق ەتۋگە تاڭداۋى دۇرىس، ءسوز جوق، ۇزاق ۋاقىت تاباندى بولۋ، ماڭگى مىزعىماۋ كەرەك. جۇڭگو كوممۋنيستىك پارتياسىنىڭ تاريحىن بۇرمالاۋعا جول بەرىلمەيدى! جۇڭگو كوممۋنيستىك پارتياسىنىڭ سيپاتى مەن باس ماقساتىن جيرەنىشتى ەتىپ كورسەتۋگە جول بەرىلمەيدى!
قازىرگى دۇنيە ءجۇزى 100 جىلدا بولماعان زور وزگەرىستەردى باستان كەشىرۋدە، ەلىمىزدىڭ دامۋىنداعى ىشكى شارت - جاعدايى مەن سىرتقى ورتادا تەرەڭ دە كۇردەلى وزگەرىستەر تۋىلۋدا. وسى سياقتى كەز بولعان سايىن، پارتيانىڭ جالپى بەتتىك باسشىلىعىنا سولعۇرلىم تاباندى بولۋىمىز، زەيىن - زەردەنى شوعىرلاندىرىپ پارتيا قۇرىلىسىن ويداعىداي يگەرۋىمىز، پارتيامىزدى بارعان سايىن تولىسىپ - جەتىلگەن، بارعان سايىن كىرشىكسىز، بارعان سايىن قۋاتتى، بارعان سايىن جاۋىنگەرلىك قۋاتقا يە ەتۋىمىز كەرەك. بۇكىل ەلدەگى ءارقايسى پارتيا - توپتار، ءارقايسى بۇقارالىق ۇيىمدار، ءار ۇلت، ءار جىك، ءار سالا قايراتكەرلەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، جالپى جۇرت ءبىر نيەتپەن، ەشقاشاندا بوگەلمەي، جۇڭحۋا ۇلتىنىڭ ۇلى گۇلدەنۋىنىڭ شۇعىلالى كەلەشەگىن بەتكە الىپ ەرلىكپەن العا ىلگەرىلەۋ كەرەك.(شينحۋا اگەنتتىگىنىڭ 9 - ايدىڭ 5 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
