بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

چاۋ جين:

 ءبىرىنشى شەپكە، ەڭ قاتەرلى جەرگە باردى

 گازەتىمىزدىڭ جالپىلىق اقپارات قۇرالدارى ءتىلشىسى سۋ لۋپيڭ

2020.09.08 15:15     كەلۋ قاينارى : شينجياڭ گازەتى

  9 - ايدىڭ 3 - كۇنى اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋىن ەمدەۋ، قۇتقارۋ بەلگىلەنگەن شيپاحاناسى ICU2 ناۋقاستار اۋماعىندا، شيپاحاناعا كەلگەلى ەس - ءتۇسسىز جاتقان 74 جاستاعى قاريانىڭ كوزىن اشىپ، جانىنداعى شيپاگەرلەرگە قاراپ كىرپىگىن قيمىلداتقانىن كورىپ، شينجياڭ گازەتى مەكەمەسى (شينجياڭ گازەتشىلىك، مەديا تاراتۋ <توبى> شەكتى سەرىكتەستىگى) حالىق تۇرمىسى حابارلارى ءبولىمىنىڭ ءتىلشىسى چاۋ جين كوزىنە جاس الدى، قۋانۋ، اسەرلەنۋ، جەلپىنۋ... بارلىق سەزىم سول ساتتە ءبىراق بۇرق ەتتى.

  وسى جولى ىندەت تۋىلعاننان كەيىن، چاۋ جين قۇيمىشاق ومىرتقا سۇيەگىنە سىزات ءتۇسۋ قاتارلى اۋرۋلارىنا قاراماي تاعى دا شايقاسقا قاتىناسۋ جونىندە ءوتىنىپ، ”شايقاس ءتىلشىسى“ بولىپ، بەلگىلەنگەن شيپاحانادا تاپجىلماي تىلشىلىك ىستەدى.

  ICU2 ناۋقاستار اۋماعى چاۋ جين بەلگىلەنگەن شيپاحاناعا بارعاننان كەيىن تۇڭعىش كىرگەن ناۋقاستار اۋماعى بولاتىن، مۇندا شيپاگەرلەر ناۋقاستاردىڭ تىرشىلىك بەلگىسىن ۇستىندە باقىلاپ، كەز كەلگەن ۋاقىتتا شۇعىل قۇتقارۋدىڭ دايىندىعىن جاساپ وتىرادى؛ سەسترالار ارەدىك ۋاقىت سايىن ناۋقاستاردىڭ دەنەسىن اۋدارىپ، ەكپەتتەي جاتقىزىپ تىنىستاتادى. ”بۇل اۋىر، قاتەرلى كەزەڭدەگى ناۋقاستاردىڭ كوپ ساندىسىنىڭ نەگىزدىك اۋرۋلارى بار، جاڭا تيپتى ايدارشا ۆيرۋس وكپە قابىنۋىن ەمدەۋمەن بىرگە، مەملەكەت ولاردىڭ باسقادا اۋرۋلارىن بار كۇشپەن ەمدەپ، بىردە - ءبىر ادامدى قاعىس قالدىرمادى“. ءوز كوزىمەن كورىپ سەزىنگەن وسىلاردىڭ بارلىعى قۋاتتى كۇشكە اينالىپ چاۋ جيندى ۇزدىكسىز العا ىلگەرىلەۋگە شابىتتاندىرىپ وتىردى.

  ول ەستەلىككە الۋشى، مۇمكىندىكتىڭ بارىنشا ءدال دە شىنايى حابارلاۋعا تالپىندى. جىل باسىندا شينجياڭنىڭ حۋبەيعا كومەككە بارعان ەمدەۋ اترەتىنىڭ مۇشەلەرىنەن ECMO دەگەندى كوپ ەستىگەن، چاۋ جين، وسى رەت بۇل جابدىقتى ناۋقاستار اۋماعىنان ءوز كوزىمەن كورىپ، شيپاگەردەن ECMO جونىندەگى بىلىمدەردى ەگجەي - تەگجەيلى سۇراپ ۇعىستى. بۇل مازمۇنداردى حاباردا جازباعانىمەن، ول وزىنە بەيتانىس شيپاگەرلىك بىلىمدەرىن بارىنشا ءتۇسىنىپ العاندا عانا، بۇقاراعا باياندايتىن مازمۇنىم ءتىپتى دە ءدال، تەرەڭدىككە يە بولادى دەپ قارادى. ءار كۇنى ساعات 10دا، چاۋ جين قىزمەت پۋنكتىنە بارىپ، ماماندار گرۋپپاسىنىڭ تۇجىرىم جاساۋ ءماجىلىسىن سىرتتاي تىڭداپ، ەمدەۋ قىزمەتكەرلەرىنىڭ ناۋقاستاردى ەمدەپ - قۇتقارۋىنىڭ ءمان - جايىن ەگجەي - تەگجەيلى باقىلادى.

  جازۋمەن بايانداپ، سۋرەتپەن بەينەلەدى. 8 - ايدىڭ باس شەنىندە، اۋرۋ ۇيلەرىن تەكسەرگەن ەمدەۋ قىزمەتكەرلەرىنە ىلەسىپ جۇرگەندە، چاۋ جين ناۋقاس ليۋ اپايدى كوردى. ”60 جاستاعى ليۋ اپايدىڭ 40 جىلدىق رەۆماتيۆتىك بۋىن قابىنۋ اۋرۋى، مۇنىمەن قوسا جوعارى قان قىسىمى جانە ديابەت اۋرۋى دا بار بولاتىن. ادەتتەگى ناۋقاستار اۋماعىنان اۋرۋ جاعدايىنىڭ وزگەرۋىمەن ICU2 ناۋقاستار اۋماعىنا اۋىستىرىلىپ، مەملەكەت پەن اۆتونوميالى رايون ماماندارىنىڭ بىرلەسىپ دياگنوز قويىپ - ەمدەۋىنەن كەيىن، ادەتتەگى ناۋقاستار اۋماعىنا قايتا اكەلىنىپ، اقىرىندا ساۋىعىپ شيپاحانادان شىقتى“. جىل باسىندا «شينجياڭ ءبيى ”فاڭساڭ ەمحانالارىندا بيلەندى“» قاتارلى جاڭا مەديالىق ونىمدەر زور مولشەردە جالعاپ تاراتىلعاننان كەيىن، چاۋ جين تاعى دا «ليۋ اپايدىڭ شيپاحانادان شىعۋ ەستەلىگى» قاتارلى جاڭا مەديالىق ونىمدەردى جوبالاپ كەسكىنگە الىپ، ”حالىقتى بارىنەن جوعارى قويۋ، ءومىردى بارىنەن جوعارى قويۋ“ ۇستانىمىن، سونداي - اق ەمدەۋ قىزمەتكەرلەرىنىڭ جاۋاپكەرشىلىگى مەن ۇلەسىن كەيىپكەرلەر ارقىلى تىكەلەي كورسەتتى.

  ءبىر كانديدات پارتيا مۇشەسى رەتىندە، چاۋ جين باستان - اياق ىندەتتەن ساقتانۋ - تىزگىندەۋ ۇگىتىنىڭ ءبىرىنشى شەبىندە اتويلاپ، بۇقارانىڭ جانىنا جاقىن، سۇيىسپەنشىلىككە يە، جىلۋعا تولى اقپاراتتىق حابارلار ارقىلى ۋاقىتتىق قيىنشىلىقتى بىرگە وتكەرۋ، ىندەتتى جەڭۋ سەنىمىن ءار ۇلت بۇقاراسىنا تاراتىپ، ىندەتكە قارسى اتتانۋدىڭ قۋاتتى وڭ ەنەرگياسىن ۇيىستىردى. چاۋ جين مەن تۇيىندە تۇرعان باسقا تىلشىلەردىڭ بىرگە قۇلشىنۋىندا، حابارلار، جاڭا مەديالىق ونىمدەر ناۋقاستار مەن ولاردىڭ وتباسىنداعىلارعا، ساقتانۋ - تىزگىندەۋدىڭ ءبىرىنشى شەبىندەگى قىزمەتكەرلەرگە جانە تۇرعىندارعا ءبىرىنشى شەپتەن ينفورماتسيا جەتكىزىپ، ادامداردىڭ ىندەتتى جەڭۋ سەنىمىن بەكەمدەي ءتۇستى.

  ءار كۇنى تاڭ سارىدە، چاۋ جين ۋيچاتتان كوز الماي، گازەت مەكەمەسىندەگى تۇنگى كەزەكشى رەداكتور اڭىس ەتكەن حاباردى وڭدەۋ پىكىرىن كۇتەدى ءارى بەتكە ورنالاستىرىلعان حابارمەن سالىستىرادى، ءبىر كۇنگى قاربالاس قىزمەتتى اياقتاتقاندا تۇنگى ساعات 3 − 4 بولىپ كەتەدى. ”سىزدەر ۇنەمى ءتۇن ورتاسىنا دەيىن ىستەيدى ەكەنسىزدەر، شىنىمەن جاپالى - اق ەكەن“. ەمدەۋ قىزمەتكەرلەرىنىڭ بۇل ءسوزىن ەستىگەن سايىن، چاۋ جين قاتتى اسەرلەنەتىن، بۇل ەمدەۋ قىزمەتكەرلەرىنىڭ اقپارات تىلشىلەرىنىڭ ەڭبەگىن تۇراقتاندىرۋى ەدى.

  جاز ماۋسىمىنان كۇز ماۋسىمىنا دەيىن تاباندىلىقپەن قىزمەت ىستەگەن چاۋ جين ءار كۇنى بارىن سالدى. ءار رەت شارشاعانداي سەزىنگەندە، تەرەزەنىڭ ىشىنەن جۇرەكتىڭ بەينەسىن سالعان ناۋقاستاردى كورگەندە ونىڭ شارشاۋى باسىلا قالاتىن؛ ءار رەت ۇيىندەگىلەردى ساعىنعاندا، 6 جاستاعى قىزى سىزعان ”ەڭ سۇيىكتى انا“ اتتى سۋرەت ونىڭ جىگەرىن جالىنداتاتىن. ”مەن گازەت مەكەمەسىنىڭ سەنىم ارتىپ مەنىڭ ءبىرىنشى شەپكە كەلۋىمە مۇمكىندىك جاساعانىنا العىس ايتامىن؛ اكە - شەشەمنىڭ بالاما قارايلاسىپ، مەنىڭ بۇكىل ىنتا - پەيىلىممەن شايقاسقا كىرىسۋىمە مۇمكىندىك جاساعانىنا العىس ايتامىن“، - دەدى چاۋ جين.

  8 - ايدا چاۋ جين جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكە بولىپ باعالانىپ، شينجياڭنان ماداقتالىپ - سيلانعان بىردەن - ءبىر اقپارات ءتىلشىسى بولدى. اسىلىندە بەيجيڭگە بارىپ ماداقتاۋ - سيلاۋ جينالىسىنا قاتىناسۋعا ءتيىستى ول ءباز - باياعىسىنداي بەلگىلەنگەن شيپاحاناداعى قىزمەتىن تاباندىلىقپەن جالعاستىرا بەردى، ”اتتەگەناي بولعانىمەن، وكىنگەم جوق، ۇزدىكسىز قۇلشىنىپ، كوپشىلىككە اناعۇرلىم كوپ مەيىرگە تولى اقپارات تۋىندىلارىن سيلايمىن“، - دەدى چاۋ جين.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار