بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شەشۋشى ساتتەگى شەشۋشى تالعام

− باس شۋجي شي جينپيڭنىڭ ۋحاننان شىعاتىن جولداردى بەكىتۋ كەلەلى شەشىمىن جاساعاندىعى جونىندە جالپى شولۋ

 □ شينحۋا اگەنتتىگىنىڭ ءتىلشىسى

2020.09.09 13:38     كەلۋ قاينارى : شينجياڭ گازەتى

  بۇل شەشۋشى ساتتەگى شەشۋشى تالعام − ۇلكەن ىندەتتىڭ توسىن شابۋىلى سالدارىنان 10 ميلليون حالقى بار قالا بۇرىن بولماعان دەڭگەيدە ”ۋاقىتشا توقتاۋ كنوپكاسىن“باستى.

  بۇل شايقاس جاعدايىن بەلگىلەيتىن جەڭىسكە جەتۋ امالى − باتىل ارەكەتكە كەلىپ، ۆيرۋستىڭ كەڭ كولەمدە تارالۋ جولىن ءونىمدى كەسىپ، حالىقتى بارىنەن جوعارى قويدى، ءومىردى بارىنەن جوعارى قويدى!

  ”ىندەتپەن“شايقاستىڭ قيان - كەسكى بارىسىنا كوز جىبەرەتىن بولساق، ۋحاننان شىعاتىن جولداردى بەكىتۋدىڭ قىسىلتاياڭ كەزەڭدەگى ەڭ ماڭىزدى شەشىم ەكەندىگى ءشۇباسىز. باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، جالپى جاعدايدى ءبىر تۇتاس مەڭگەرىپ، باتىل شەشىم جاسادى، بۇكىل ەل دە جوعارىدان تومەنگە دەيىن جۇدىرىقتاي جۇمىلىپ، ەل بىرلىگىنەن بەرىك قامال تۇرعىزدى، 76 كۇن وتكەندە حۋبەيدى قورعاۋ شايقاسىندا، ۋحاندى قورعاۋ شايقاسىندا شەشۋشى سيپاتتى جەتىستىككە قول جەتتى، بۇكىل ەلدىڭ ىندەتتەن ساقتانۋ - تىزگىندەۋ توسقاۋىل شايقاسىندا كەلەلى ستراتەگيالىق جەتىستىككە قول جەتتى.

  قىسىلتاياڭ كەزەڭدە عىلمي تۇجىرىم جاسادى

  جياڭحانگۋان عيماراتىنىڭ قوڭىراۋ داۋىسى مەن ارى - بەرى قاتىناعان كەمەلەردىڭ گۋدوك ءۇنى توعىسىپ، حۋاڭحى عيماراتىنىڭ ماڭى دىر - دۋمانعا شومدى.

  ەلدە تىنىشتىق ورناپ، ۋحان قايتا جانداندى. بۋىرقانعان چاڭجياڭ وزەنى وسى قاھارمان قالانىڭ بۇدان بۇرىن قانداي ءبىر قىسىلتاياڭ ءساتتى وتكەرگەنىنەن سىر شەرتىپ جاتقانداي.

  2019 - جىلى 12 - ايدىڭ سوڭى، ادامدار جاڭا جىلدى قارسى الۋعا قاربالاس دايىندالىپ جاتقاندا تەگى بەلگىسىز ءبىر ءتۇرلى ۆيرۋس كەنەتتەن لاپ قويدى.

  حۋبەي ولكەسى ۋحان قالالىق اۋرۋدان ساقتانۋ جانە ونى تىزگىندەۋ ورتالىعى سەبەبى بەلگىسىز وكپە قابىنۋ ناۋقاسىن بايقادى. مۇنىڭ اۋرۋ سەبەبى بەلگىسىز، تەگى بەلگىسىز، قۇتقارۋ - ەمدەۋ شاراسى بەيمالىم بولدى. ءبىر رەتكى ”كەزدەسۋ شايقاسى“ وسىلايشا اياق استىنان بۇرق ەتە ءتۇستى.

  تۇتقيىل كەلگەن ىندەت الدىندا، باس شۋجي شي جينپيڭ ايرىقشا ءمان بەرىپ، تاباندا ءبىر قىدىرۋ ماڭىزدى نۇسقاۋ بەردى. 2020 - جىلى 1 - ايدىڭ 7 - كۇنى ول ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشقاندا ىندەتتەن ساقتانۋ - تىزگىندەۋ قىزمەتىن ويداعىداي ىستەۋ جونىندە تالاپ قويدى.

  ادامزاتتىڭ بەيمالىم ۆيرۋس جونىندەگى ىزدەنىسىندە ازدى - كوپتى ىلگەرىلەۋشىلىكتەر بولعانىمەن ۆيرۋستىڭ قاينارى مەن پارازيت يەسى، تارالۋ جولى، اۋرۋ تۋدىرۋ مەحانيزمى سياقتىلار ءالى دە انىق ەمەس ەدى.

  1 - ايدىڭ سوڭىندا ۋحان قالاسىنداعى قىزۋ امبولاتوريالارىنداعى ەمدەلۋ مولشەرى كۇرت جوعارىلادى.

  حالىقارالىق سيپاتتى جالپىلىق قاتىناس تورابى ساناتىنداعى ۋحان ورتا بولىكتىڭ اپاي توسىنە ورنالاسقان، شىعىس پەن باتىستى ۇلاستىرىپ، وڭتۇستىك پەن سولتۇستىكتى تۇتاستىرعان بۇل قالانىڭ قاتىناسى شارتاراپقا تارامدالىپ جاتادى. ەگەردە ۆيرۋس ادامنان ادامعا تارالاتىن بولسا، تەز ارادا بۇكىل ەلدى شارپيتىن ەدى، مۇنىڭ زاردابىن مولشەرلەۋ تىم قيىن - تۇعىن!

  قىسىلتاياڭ جاعداي الدىندا پارتيا ورتالىق كوميتەتى، مەملەكەتتىك كەڭەس باتىل شەشىم جاسادى. 1 - ايدىڭ 18 - كۇنى كەشتە جۇڭگوداعى تىنىس جولى اۋرۋلار عىلىمى، ەپيدەميولوگيا، سالماقتى ناۋقاستار مەديتسيناسى، ميكروبيولوگيا، اۋرۋدان ساقتانۋ جانە تىزگىندەۋ سياقتى قاتىستى پاندەردىڭ ”سايلاۋىت كۇشتەرى“ توپتالعان جوعارى دارەجەلى ماماندار گرۋپپاسى ۋحانعا بارىپ ناقتى تەكسەرۋ ورىستەتتى.

  جۇڭ نانشان قاتارلىلار حاۋىپ - قاتەر الدىندا بۇيرىق قابىلداپ، ۋحانعا تۇندەلەتە جەتىپ، تىنباي تەكسەرۋ - زەرتتەۋ جۇرگىزىپ، جاعدايدى ۇعىستى، ەرتەسى ۋحان قالالىق جينيىنتان شيپاحاناسى، ۋحان قالالىق اۋرۋدان ساقتانۋ جانە تىزگىندەۋ ورتالىعى سياقتى جەرلەردە جۇمىس باسىندا قىزمەت تەكسەردى.

  ”ادامنان ادامعا تارالعاندىعى انىقتالدى“. 1 - ايدىڭ 19 - كۇنى جوعارى دارەجەلى ماماندار گرۋپپاسى ىندەتتىڭ ەڭ الدىڭعى شەبى بولعان ۋحاننان شۇعىل بەيجيڭگە ورالىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاۋاپتىسىنا مالىمەت بەردى، جيىن تاڭ سارىگە دەيىن اشىلدى.

  1 - ايدىڭ 20 - كۇنى باس شۋجي شي جينپيڭ جاڭا تيپتى ايدارشا ۆيرۋس وكپە قابىنۋ ىندەتى جونىندە دەرەۋ ماڭىزدى نۇسقاۋ بەردى: ”حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، جان - جاقتى جوبا جاساپ، ءار جاقتىڭ كۇشتەرىن ساقتانۋ - تىزگىندەۋ قىزمەتىن ورىستەتۋگە ۇيىمداستىرىپ، شىنايى، ءونىمدى شارا قولدانىپ، ىندەتتىڭ ءورشۋىن باتىل اۋىزدىقتاۋ كەرەك. ناۋقاستاردى كۇش سالا قۇتقارىپ - ەمدەپ، ۆيرۋسپەن جۇعىمدالۋ جانە تارالۋ سەبەبىن تەز ارادا تەكسەرىپ انىقتاپ، ناۋقاستاردى قاداعالاۋدى كۇشەيتىپ، ءبىر جاقتى ەتۋ ءتارتىبىن ارناعا ءتۇسىرۋ كەرەك. ىندەت ينفورماتسياسىن دەر كەزىندە تاراتىپ، حالىقارالىق سەلبەستىكتى تەرەڭدەتۋ كەرەك“.

  ىندەتكە عىلمي تۇجىرىم جاساۋ نەگىزىندە ءبىر قىدىرۋ شارالار ىركەس - تىركەس العا قويىلدى:

  1 - ايدىڭ 20 - كۇنى مەملەكەتتىك دەنساۋلىق ساقتاۋ، سالاماتتىق كوميتەتى جاڭا تيپتى ايدارشا ۆيرۋس وكپە قابىنۋىن جۇقپالى اۋرۋلاردان ساقتانۋ - تىزگىندەۋ زاڭ ەرەجەسىندەگى B تۇردەگى جۇقپالى اۋرۋلار قاتارىنا ەنگىزۋدى ءارى A تۇردەگى جۇقپالى اۋرۋلاردان ساقتانۋ - تىزگىندەۋ شاراسىن قولدانۋدى جاريالادى، سونداي - اق «جاڭا تيپتى ايدارشا ۆيرۋسپەن جۇعىمدالعان وكپە قابىنۋىنان ساقتانۋ - تىزگىندەۋ جوباسىن (2 - نۇسقا)» جاريالادى.

  سول كۇنى تۇستەن كەيىن جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندەگى تەلەۆيزور - تەلەفون ءماجىلىسىن اشىپ، قاراستى ءوڭىردىڭ ساقتانۋ - تىزگىندەۋ جاۋاپكەرشىلىگىن ناقتىلاندىرۋدى باسا دارىپتەدى. مەملەكەتتىك دەنساۋلىق ساقتاۋ، سالاماتتىق كوميتەتى تىلشىلەر ءماجىلىسىن ۇيىمداستىرىپ اشىپ، جوعارى دارەجەلى ماماندار گرۋپپاسى جاڭا تيپتى ايدارشا ۆيرۋستىڭ ادامنان ادامعا تارالۋ جايتى جارىققا شىققاندىعىن حابارلاندىردى.

  باتىل تالعام جاساپ، باتىل ىسكە كىرىستى

  1 - ايدىڭ 22 - كۇنى تۇستەن كەيىن، باس شۋجي شي جينپيڭ اۋقىمدى باعامداپ، ماڭىزدى نۇسقاۋ بەردى، حۋبەي ولكەسىندە، ۋحان قالاسىندا ادامداردىڭ ءجۇرىس - تۇرىسى مەن سىرتقا شىعاتىن جولداردى دەرەۋ قاتاڭ بەكىتۋ سىندى قاتىناستى باسقارۋ - تىزگىندەۋ شاراسىن قولدانۋدى تالاپ ەتتى.

  ”وسى شارانى شىعارۋعا زور ساياسي باتىلدىق قاجەت، الايدا دەرەۋ ارەكەتتەنۋگە ءتيىس بولعاندا، ءسوز جوق، دەرەۋ ارەكەتتەنۋ كەرەك، ويتپەگەندە ەكى ۇدايىلىق تۋىلادى دا، كەرىسىنشە بىلىعۋعا اپارىپ سوعادى“، ”حالىقتىڭ ءومىرى تايشان تاۋىنان دا قادىرلى! حالىقتىڭ ومىرىنە جاۋاپتى بولۋ ءۇشىن قانداي بوداۋ بولسا دا بەرۋ، قانداي زارداپ تۋىلسا دا ارقالاۋ كەرەك“. باس شۋجي شي جينپيڭنىڭ بۇل ءسوزىنىڭ ايبىنى اسقاق ەدى.

  1 - ايدىڭ 23 - كۇنى تۇستەن بۇرىن ساعات 10دا ۋحاننىڭ كوشەلەرىندە قايشالىسقان اۆتوكولىك ءساپ باسىلىپ، ساپىرىلىسقان جۇرتتىڭ اياعى ءۇزىلدى، قۇلازىعان كوشەدەن ىسقىرا سوققان جەلدىڭ داۋىسى عانا ەستىلەدى.

  10 ميلليون حالقى بار ءىرى قالانىڭ جولدارىن بەكىتۋ بۇدان بۇرىن ويلاۋعا دا كەلمەيتىن ءىس ەدى.

  مۇنداي ءبىر ”قوس ءجۇزدى سەمسەردى“ ىستەتۋ كەرەك پە، جوق پا، قاي ۋاقىتتا ىستەتۋ كەرەك؟ ىندەت تارالۋىنىڭ شەشۋشى كەزەڭىن، ءسوز جوق، يگەرىپ، باسقا دا ءتۇرلى فاكتورلاردىڭ شەكتەمەسىن الاستاپ، دالمە - ءدال شەشىم جاسادى −

  باس شۋجي شي جينپيڭ ماڭىزدى نۇسقاۋىندا وسى مەزگىلدەگى ەڭ كىلتەڭ ماسەلەنى اتاپ كورسەتتى:”قازىر ءدال كوكتەم مەرەكەسى مەزگىلى، ادامدار كەڭ كولەمدە شوعىرلانادى، جىلجيدى، ىندەتتەن ساقتانۋ - تىزگىندەۋ قىزمەتىن جاقسى ىستەۋ توتەنشە ماڭىزدى“.

  الايدا 10 ميلليون جان سانى بار قالاداعى ادامداردىڭ ءجۇرىس - تۇرىسىن باسقارۋ - تىزگىندەۋ وڭاي - وسپاق ەمەس! شەشىم جاساۋداعى قيىندىق، ءدوپ كەلگەن سايىستىڭ سالماقتىلىعى، جولىققان ماسەلەنىڭ كوپتىگى دۇنيەدە كەزدەسپەگەن، تاريحتا بولماعان ەدى.

  دۇنيەدە بولاشاقتى بولجايتىن حريستال شار بولعان ەمەس. شەشۋشى ساتتە، پاراساتتىلىقپەن انىق اڭعارا بىلگەن ءاربىر تۇجىرىم، اۋقىمدى اڭداي جاسالعان ءاربىر شەشىم وراسان زور ساياسي باتىلدىقتى قاجەت ەتۋدەن تىس، اسقان ساياسي پاراساتتىلىقتى ءتىپتى دە قاجەت ەتەدى.

  30 ولكە ”توسىن تۋىلعان اۋىر الەۋمەتتىك دەنساۋلىق ساقتاۋ وقيعاسىنا قارسى ءبىرىنشى دارەجەلى اتتانىسقا كەلۋ دابىلىن“ ىركەس - تىركەس قاعىپ، الەۋمەتتىك اۋماقتىڭ ساقتانۋ - تىزگىندەۋ شارالارىن بەلگىلەپ، تياناقتاندىرىپ، توركوزدەندىرىپ، ءبىرىڭعاي باسقارۋدى اتقاردى؛

  اۆياتسيا، تەمىر جول، تاس جول، سۋ جولى جولاۋشىلارىنىڭ بەلەتىن قايتارۋدى تەگىن ءبىتىرىپ، ساياحات ۇيىرمەلەرىنىڭ ساياحات قيمىلدارىن ۋاقىتشا توقتاتتى؛

  كولەمدى قيمىل وتكىزۋدى تىزگىندەپ، ادامداردىڭ شوعىرلانۋىن ازايتىپ، ىندەتتىڭ قاتىناس قۇرالى ارقىلى تارالۋىنان قاتاڭ ساقتاندى؛

  .......

  ”بۇل سىرتقا شىعىپ كەتۋدەن، ىشتە تارالۋدان ساقتانۋدىڭ ماڭىزدى شاراسى، ءدال وسى شارا بۇكىل ەلدى قورعادى، ۋحاندى قورعادى“، - دەدى ورتالىق جەتەكشىلىك گرۋپپاسىنىڭ مۇشەسى، مەملەكەتتىك كەڭەستىڭ ورىنباسار باس حاتشىسى ديڭ شياڭياڭ.

  ”باس شۋجي شي جينپيڭنىڭ دەر كەزىندە، باتىل جاساعان ماڭىزدى ستراتەگيالىق شەشىمى حالىق كوسەمىنىڭ ساياسي جاۋاپكەرشىلىگى مەن ساياسي باتىلدىعىن تولىق ايگىلەدى“. مەملەكەتتىك دەنساۋلىق ساقتاۋ، سالاماتتىق كوميتەتى جاۋاپتىسىنىڭ قاراۋىنشا، ءدال وسىنداي تاريحتا بولىپ كورمەگەن باتىل شەشىم قامال ورناتىپ، جاڭا تيپتى ايدارشا ۆيرۋس وكپە قابىنۋدىڭ ءوڭىر اتتاپ تارالۋىن توسىپ، جۇعىمدالۋشىلار مەن ناۋقاستان قازا بولعانداردى بارىنشا ازايتتى.

  دۇنيە ءجۇزى بويىنشا ۇزدىك 15 زەرتتەۋ قۇرىلىمىنىڭ مودەلدىك تالداۋ جاساۋىندا بۇل رەتكى ارەكەتتىڭ ادامزات تاريحىنداعى ەڭ زور كولەمدى اۋاشالاۋ شاراسى بولعاندىعى كورسەتىلگەن. ونىڭ ۇستىنە جەر - جەر ساقتىق دابىلىنا شۇعىل ءۇن قوسقاندىقتان، جۇڭگوداعى جۇعىمدالۋشىنى 700 نەشە مىڭنان استام ادام ازايتقان.

  تياناقتى شەشىم، جەڭىسكە جەتكىزگەن شارا

  ءىستى ءوز باسىنان وتكەرمەگەندەر ونىڭ قيىندىعىن اڭعارا المايدى.

  ۋحاننان شىعاتىن جولداردى جابۋ تەك ”بەكىتۋمەن“ عانا بىتە سالاتىن ءىس ەمەس ەدى.

  ۋحان حالقىنىڭ نەگىزگى ءوندىرىس، تۇرمىس قاجەتىن قايتكەندە بارىنشا قامتاماسىز ەتۋگە بولادى؟ قايتكەندە بۇكىل ەلدىڭ كۇشىن جۇمىلدىرىپ ۋحانعا كومەك بەرىپ، الاسۇرعان ىندەتكە توتەپ بەرۋگە بولادى؟ الەۋمەتتىك دەنساۋلىق حاۋىپسىزدىگىن قورعاۋ جانە ەكونوميكالىق، قوعامدىق دامۋدى ساقتاۋ اراسىنان قايتكەندە تەپە - تەڭدىك قاراستىرىپ، ”قايتا باستاۋ“ ورايىن تاڭداۋعا بولادى؟

  ءاربىر ماسەلە شەشىم جاساۋشىنىڭ جونگە سالۋ قابىلەتى مەن اقىل - پاراساتىن سىننان وتكىزدى.

  حالىقتى بارىنەن جوعارى قويۋ، ءومىردى بارىنەن جوعارى قويۋ كەرەك! مەيلى ”ۋاقىتشا توقتاۋ“، الدە ”قايتا باستاۋ“ بولسىن، مەيلى ەمدەۋ - قۇتقارۋ، الدە تۇرمىستى قامتاماسىز ەتۋ بولسىن، پارتيا ورتالىق كوميتەتى حالىقتىڭ ءومىرىن، سالاماتتىعىن قامتاماسىز ەتۋدى باستان - اياق ەڭ ماڭىزدى ءىس رەتىندە قاراپ، بۇقارانىڭ ءومىر، سالاماتتىق باقىتىن باستان - اياق بيلىك جۇرگىزۋدىڭ نەگىزى ەتتى.

  باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق جاعدايدىڭ كەزەڭدىك وزگەرىسىنە ساي، ۋاقىتقا، جاعدايعا نەگىزدەلىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ جونىندە ورنالاستىرۋ جاساپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتتى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ شەشۋشى ساتىندە باس شۋجي ءبىرىنشى شەپكە بارىپ قىزمەت تەكسەرىپ، ىندەتتەن ساقتانۋ - تىزگىندەۋ وتكەلىن يگەرىپ، باعدارىن بەلگىلەپ، پارمەندى جەتەكشىلىك ەتتى.

  جاپالى قۇلشىنىس ارقىلى ۋحاندا ىندەتتىڭ تارالۋ اۋقىمى بىرتىندەپ ءونىمدى تەجەلىپ، جۇعىمدالۋ سانى ءتۇزۋ سىزىقپەن تومەندەپ، ءبىر كۇندە جاڭادان 13مىڭ 436 ناۋقاس قوسىلۋداي سانى ەڭ مول بولعان قيىن - قىستاۋ ساتتەردەن بىرتىندەپ قۇتىلدى:

  − 3 - ايدىڭ 11 - كۇنى ۋحاندا جاڭادان ارتقان دياگنوزى تۇراقتاندىرىلعان ناۋقاستار سانى تۇڭعىش رەت بىرلىك ورىندى سانعا تومەندەدى؛

  − 3 - ايدىڭ 17 - كۇنى كۇماندى ناۋقاستار سانى تۇڭعىش رەت نولگە ءتۇستى؛

  − 4 - ايدىڭ 26 - كۇنى ۋحان قالاسىندا جاڭا تيپتى ايدارشا ۆيرۋس وكپە قابىنۋ ىندەتىنە شالدىعىپ شيپاحانادا جاتقان ناۋقاستار سانى نولگە ءتۇستى؛

  − 6 - ايدىڭ 15 - كۇنى ۋحان قالاسىنداعى اۋرۋ بەلگىسى جوق جۇعىمدالۋشىلار جانە ولارمەن تىعىز جۇعىسقاندار سانى تۇگەلدەي نولگە ءتۇستى.

  ......

  2020 - جىلى 8 - ايدا ءبىر كەسكىن ەلىمىزدىڭ جانە شەتەلدىڭ قوعامدىق قارىم - قاتىناس مەديالارىندا كەڭىنەن تارالدى، كەسكىندە ۋحاندا وتكىزىلگەن سۋ ءۇستى باس قوسۋى ەستەلىككە الىنعان. شەتەلدەگى كوپتەگەن توراپكەرلەر بۇعان توتەنشە تاڭ قالىستى:

  ”راس، ءبىر مەملەكەت ىنتىماقتاسىپ ىندەتكە قارسى اتتانعان كەزدە وسىنداي ءىس جارىققا شىعادى“، ”ولار ۆيرۋستى جەڭىپ، قالىپتى تۇرمىستى قالپىنا كەلتىردى...“

  9 - ايدىڭ 1 - كۇنى ۋحاندا شامامەن ءبىر ميلليون 400 مىڭ ورتا، باستاۋىش مەكتەپ، بالاباقشا وقۋشىلارى وقۋ باستاپ، تالايدان بەرى تىنىشتىققا شومعان مەكتەپ اۋلاسىنان ”ساباق باستالدى“، ”ورىندارىڭنان تۇرىڭدار“، ”مۇعالىم سالەمەتسىز بە“ دەگەن داۋىستار قايتا ەستىلدى. ومىرشەڭدىككە تولى ۋحان اۋەلگى بەينەسىنە قايتا ورالدى.

  وسى رەتكى ۇلكەن سىناقتا جۇڭگو ەل ىشىندە ۆيرۋسپەن جۇعىمدالعان ادام سانى %0.006كە جەتپەي تۇرىپ - اق بۇل ”اساۋدى“ قۇرىقتاپ، ادامزاتتىڭ جۇقپالى اۋرۋلارمەن كۇرەس جاساۋ تاريحىنداعى كەرەمەتتى جاراتتى.

  دۇنيە جۇزىلىك دەنساۋلىق ساقتاۋ ۇيىمىنىڭ جۇڭگوعا تەكسەرۋگە كەلگەن ماماندار ۋاكىلدەر ۇيىرمەسى ءبىر اۋىزدان جۇڭگو دەر كەزىندە، ەرەكشە ءونىمدى شارا قولدانىپ، ىندەتتىڭ جۇڭگودا تارالۋىن تەجەپ قانا قويماي، بۇكىل دۇنيە جۇزىنە دە ۋاقىت ۇتىپ بەردى دەپ قارادى.

  شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتكە جاۋاپتى بولۋ، حالىققا جاۋاپتى بولۋ، تاريحقا جاۋاپتى بولۋ سىندى ساياسي پوزيتسيامەن بۇكىل پارتيانىڭ، بۇكىل ارميانىڭ، بۇكىل ەل حالىقىنىڭ ىندەتتەن ساقتانۋ - تىزگىندەۋدىڭ حالىقتىق شايقاسىندا، جالپى تۇلعالىق شايقاسىندا، توسقاۋىل شايقاسىندا باتىلدىقپەن جەڭىسكە جەتۋىنە دۇرىس بەتالىس كورسەتىپ، ءتۇبىرلى ولشەم ازىرلەپ، قۋاتتى كۇش قوسىپ، ءسوزسىز، جەڭىسكە جەتۋ سەنىمىن بەكەمدەدى.

  (شينحۋا اگەنتتىگىنىڭ 9 - ايدىڭ 7 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار