بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

 ءسوز جوق، حالىقتى وزەك ەتۋگە تاباندى بولىپ، حالىققا تىعىز سۇيەنىپ، ىستەرىمىزدە جاڭا جاعداي اشايىق

 − باس شۋجي شي جينپيڭنىڭ جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى

 حالىق گازەتىنىڭ شولۋشىسى

2020.09.09 13:39     كەلۋ قاينارى : شينجياڭ گازەتى

  ”ءارقانداي ادامنىڭ، ءارقانداي كۇشتىڭ جۇڭگو كوممۋنيستىك پارتياسى مەن جۇڭگو حالقىن ايىرۋعا، قارسىلاستىرۋعا ۇرىنۋىنا جۇڭگو حالقى استە جول بەرمەيدى!“ جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندە باس شۋجي شي جينپيڭ جۇڭگو كوممۋنيستىك پارتياسىنىڭ حالىقتى جۇمىلدىرۋعا، حالىققا سۇيەنۋگە تاباندى بولىپ، بۇكىل ۇلتتىڭ جاپون شاپقىنشىلارىنا قارسى سوعىسىنىڭ تاريحي جويقىن تولقىنىنىڭ قالىپتاسۋىن ىلگەرىلەتكەندىگىن تەرەڭ بايىمدادى؛ جۇڭگو كوممۋنيستىك پارتياسىنىڭ حالىقتان كەلگەندىگىن، حالىققا تامىر تارتقاندىعىن، اۋەلگى ماقساتى مەن بورىشى جۇڭگو حالقىن باقىتقا كەنەلتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ، ءتۇبىرلى ماقساتى بۇكىل ىنتا - پەيىلىمەن حالىق ءۇشىن قىزمەت ەتۋ ەكەندىگىن ايقىن اتاپ كورسەتتى؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، حالىقتى وزەك ەتۋگە تاباندى بولۋ كەرەكتىگىن باسا دارىپتەدى.

  جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى جۇڭگو كوممۋنيستىك پارتياسىنىڭ مىزعىماس تىرەكتىلىك رولىن ساۋلەلەندىرۋىنىڭ ۇلى جەڭىسى، بۇكىل ۇلتتىڭ ەل بىرلىگىنەن بەرىك قامال تۇرعىزىپ جاپون شاپقىنشىلارىنا ەرلىكپەن قارسى سوعىس جۇرگىزۋىنىڭ ۇلى جەڭىسى. جۇڭگو كوممۋنيستىك پارتياسى جاپون شاپقىنشىلارىنا قارسى ۇلتتىق بىرلىكساپ تۋىن بيىك ۇستاپ، جۇڭگونىڭ جاپون شاپقىنشىلارىنا قارسى سوعىسىنىڭ العاباسۋ بەتالىسىنا دۇرىس ءجون سىلتەپ، بۇكىل ۇلتتىڭ جاپون شاپقىنشىلارىنا قارسى سوعىسىنىڭ تاريحي جويقىن تولقىنىن قالىپتاستىرۋدى ىلگەرىلەتىپ، جاپون شاپقىنشىلارىنا قارسى سوعىستىڭ ەڭ الدىڭعى شەبىندە ەرلىكپەن شايقاس جۇرگىزىپ، بۇكىل ۇلتتىڭ جاپون شاپقىنشىلارىنا قارسى سوعىسىنىڭ مىزعىماس تىرەگىنە اينالدى. جۇڭگو كوممۋنيستىك پارتياسى اسكەر مەن حالىقتى جەڭىستىڭ ارقاۋى ەتۋگە تاباندى بولىپ، ۇزاققا سوزىلاتىن سوعىس سىندى ستراتەگيالىق جالپى باعىتتى جانە حالىقتىق سوعىستىڭ جۇيەلى ستراتەگيالارى مەن تاكتيكالارىن العا قويىپ جانە اتقارىپ، جاپون شاپقىنشىلارىن حالىقتىق سوعىستىڭ شۇڭەت تەڭىزىنىڭ شىڭىراۋىنا باتىردى. جۇڭگو كوممۋنيستىك پارتياسى باسشىلىق ەتىپ اشقان جاۋ ارتقى شەبىندەگى شايقاس مايداندارى مەن گومينداڭنىڭ قولباسشىلىق ەتكەن بەتپە - بەت شايقاس مايداندارى سايكەسە سەلبەسىپ، جاپون شاپقىنشىلارىنا بىرگە قارسى سوققى بەرۋدىڭ ستراتەگيالىق جاعدايىن قالىپتاستىردى. جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسى بارلىق جۇڭحۋا ۇلاندارىنىڭ جۇدىرىقتاي جۇمىلىپ، قالىڭ جاۋدى ازعانتاي كۇشپەن جەڭگەن ايبىندى تاريحي داستانى، جۇڭگو حالقى مەن جۇڭحۋا ۇلاندارىنىڭ مىزعىماس ايبىندى كۇشىن تولىق ايگىلەدى، حالىق تاريحتىڭ جاراتۋشىسى، ناعىز قاھارمان، سوعىستا جەڭىسكە جەتۋدەگى ەڭ مىعىم ۇلى كۇش، پارتيا مەن مەملەكەتتىڭ بولاشاق تاعدىرىن بەلگىلەيتىن ءتۇبىرلى كۇش ەكەندىگىن تولىق بەينەلەدى.

  ”جۇڭگو كوممۋنيستىك پارتياسىنىڭ ىرگە تاسى حالىقتا، تامىرى حالىقتا“. ”حالىق ءۇشىن دۇنيەگە كەلۋ، حالىقپەن قۇدىرەتتەنۋ، حالىقتىق تۇرعى − جۇڭگو كوممۋنيستىك پارتياسىنىڭ ءتۇبىرلى ساياسي تۇرعىسى. 100 جىلعا جاقىن ايبىنى كۇشتى جورىققا قايىرىلا قارايتىن بولساق، پارتيامىزدىڭ ساتسىزدىكتەردى باستان كەشىرسە دە ۇزدىكسىز قايراتتانا ءتۇسۋى، ميحىناتتى باستان وتكەرسە دە شىڭدالىپ قۇرىشقا اينالۋى حالىقتى باستان - اياق ”قاينار“ جانە ”ارقاۋ“ ەتىپ، حالىق اراسىنا تەرەڭ تامىر تارتا العاندىعىنىڭ ارقاسى ەكەندىگىن كورۋگە بولادى. پارتيانىڭ حالىقتى ىنتىماقتاستىرىپ، باستاپ توڭكەرىس، قۇرىلىس، رەفورما جۇرگىزۋىنىڭ ءتۇبىرلى ماقساتى حالىقتى تاماشا تۇرمىسقا كەنەلتۋ بولىپ تابىلادى، مەيلى قانشاما زور سىن - سايىس پەن قىسىمعا ءدوپ كەلسە دە، مەيلى قانشاما زور قۇرباندىق پەن بوداۋ بەرسە دە وسى ءبىر تۇيىننەن باستان - اياق جازبادى، تيتتەي دە اۋىتقىمادى. حالىقتى وزەك ەتۋدەي دامۋ يدەياسىنا تاباندى بولۋ پارتيانىڭ مۇرات - سەنىمىن، سيپاتى مەن باس ماقساتىن، اۋەلگى ماقساتى مەن بورىشىن ايگىلەدى، سونداي - اق پارتيانىڭ كۇرەس جۇرگىزۋ تاريحي بارىسى مەن امالياتتىق تاجىريبەسى جونىندەگى تەرەڭ قورىتىندى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، حالىقتى وزەك ەتۋگە تاباندى بولىپ، حالىقتى ۇزدىكسىز باقىتقا كەنەلتىپ، حالىققا تەرەڭ تامىر تارتىپ، حالىققا تىعىز سۇيەنىپ، ىستەردە جاڭا جاعداي اشىپ، بۇكىل حالىقتىڭ ورتاق بايۋىن جەبەۋ كەرەك.

  پارتيا حالىقپەن تار جول، تايعاق كەشۋدى بىرگە وتكەرىپ، اششى - تۇششىنى بىرگە تاتىپ، ەتەنە بايلانىستى باستان - اياق ساقتاۋى پارتيانىڭ بارلىق قيىندىق پەن حاۋىپ - قاتەردى جەڭۋىنىڭ ءتۇبىرلى كەپىلى. 100 جىلعا تاياۋ ۋاقىتتان بەرى، جۇڭگو كوممۋنيستىك پارتياسى باعىندىرۋعا بولمايتىنداي كورىنگەن تالاي - تالاي قيىن وتكەلدەردى نەلىكتەن باعىندىرا الدى، تاريحتان وشپەيتىن تالاي - تالاي ءومىر مۇعجيزاسىن نەلىكتەن جاراتا الدى؟ جاڭا جۇڭگو قۇرىلعان 70 نەشە جىلدان بەرى، جۇڭگو حالقى مۇمكىن ەمەس ىستەردى نەلىكتەن مۇمكىندىككە اينالدىرىپ، وتانىمىزدىڭ ”تاريحي داستانداي العاباسۋعا“ قول جەتكىزۋىنە، جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى قارىشتاۋدى قارسى الۋىنا مۇمكىندىك جاساي الدى؟ ءتۇبىرلى سەبەپ جۇڭگو كوممۋنيستىك پارتياسىنىڭ باستان - اياق اۋەلگى ماقسات پەن بورىشتى ەستە بەرىك ساقتاپ، باستان - اياق حالىقپەن نيەتتەرى توعىسىپ، حالىقپەن جاپادا دا، راقاتتا دا بىرگە بولۋىندا، حالىقپەن ىنتىماقتاسا كۇرەس جۇرگىزۋىندە. 2020 - جىلى جاڭا تيپتى ايدارشا ۆيرۋس وكپە قابىنۋ ىندەتىنىڭ قاتاڭ سىن - سايىسى الدىندا، باس شۋجي شي جينپيڭ ”حالىقتى بارىنەن جوعارى قويىپ، ءومىردى بارىنەن جوعارى قويىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋدا بارلىق بوداۋ بەرۋدەن تايىنباۋعا بولادى“ دەپ باسا دارىپتەدى، ”وسى رەتكى ىندەتتى جەڭۋدە بىزگە كۇش پەن سەنىم بەرگەن جۇڭگو حالقى“دەپ اتاپ كورسەتتى. تاياۋدا امەريكانىڭ ءبىر ايگىلى الەۋمەتتىك قارىم - قاتىناس سەرىكتەستىگى جاريالاعان سەنىمدىلىك دەڭگەيىن تەكسەرۋدە كورسەتىلۋىنشە، جۇڭگو حالىق بۇقاراسىنىڭ ءوز ەلى ۇكىمەتىنە بولعان سەنىمدىلىك دەڭگەيى %95كە جەتىپ، جاعداي ۇعىسۋدى قابىلداعان مەملەكەتتەر اراسىندا ءبىرىنشى بولعان. بۇگىنگى تاڭدا، ءارقانداي ادامنىڭ جۇڭگو كوممۋنيستىك پارتياسىنىڭ جۇڭگو حالقىنىڭ جاقتاۋى مەن قولداۋىنا يە بولعان رەالدىقتى كورسە دە كورمەسكە سالىنۋىنا بولمايدى، ءارقانداي ادامنىڭ، ءارقانداي كۇشتىڭ جۇڭگو كوممۋنيستىك پارتياسى مەن جۇڭگو حالقىن ايىرۋعا، قارسىلاستىرۋعا ۇرىنۋىنىڭ ارامتەر بولۋمەن تىنارى حاق!

  تولعانا ءىس ىستەگەن ادام دانىشپان بولادى، قيىندىقتى جەڭەتىن بەكىم بولعاندا ەلدى گۇلدەندىرۋگە بولادى. جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى مىنانى دالەلدەدى: جۇڭحۋا ۇلتى قايسار ومىرشەڭدىك پەن ەرەك جاسامپازدىققا يە ۇلت، ءبىز تىعىز ىنتىماقتاسساق بولعانى، جەڭە المايتىن قيىندىعىمىز بولمايدى. جاڭا ءداۋىردىڭ ۇزاق جورىق جولىندا، جۇڭگو كوممۋنيستىك پارتياسىنىڭ باسشىلىعىندا، بارلىعىندا حالىقتى ويلاۋعا، بارلىعىندا حالىققا سۇيەنۋگە باستان - اياق تاباندى بولىپ، ءبىر ميلليارد 400 ميلليون حالىق ءبىر تىلەكپەن ىنتىماقتاساتىن، جۇدىرىقتاي جۇمىلاتىن بولساق، ءبىز، ءسوز جوق، ءتۇرلى قيىندىقتى، حاۋىپ - قاتەردى، كەدەرگىلەردى جەڭىپ، ۇزدىكسىز جەڭىستەن جاڭا جەڭىسكە بەت الاتىن بولامىز.

  (شينحۋا اگەنتتىگىنىڭ 9 - ايدىڭ 7 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار